Fréttablaðið - 26.03.2009, Blaðsíða 16
16 26. mars 2009 FIMMTUDAGUR
Hvers vegna viltu verða formaður
Sjálfstæðisflokksins og hvers vegna
ættu flokksmenn að kjósa þig?
„Ég gef kost á mér í þetta starf
vegna þess að ég tel Sjálfstæðis-
flokkinn standa á ákveðnum tíma-
mótum og því nauðsynlegt að end-
urnýja erindi sjálfstæðisstefnunnar
við þjóðina. Ég álít þetta einfald-
lega vegna þess að við höfum tapað
trúnaðartrausti kjósenda. Það held
ég að sé óumdeilt. Okkur mun best
farnast við að endurvinna traustið
og erindið með því að hafa forystu-
sveit flokksins með sem breiðasta
skírskotun til hins almenna manns
í þjóðfélaginu.
Ég tel mig brúa ágætlega hin
ólíku sjónarmið og viðhorf sem í
flokknum eru í ljósi uppruna míns
og þeirrar þekkingar og reynslu
sem ég hef aflað mér í sveitar-
stjórnum og atvinnulífi á síðustu
25 árum. Ég held að það hafi sést
á störfum mínum að ég reyni að
standa undir þeirri ábyrgð sem mér
er falin. Ég vil láta dæma verk mín
og legg þau nú í dóm landsfundar.
Framboð mitt er boð til fundarins
um að nýta það sem í mér býr. Það á
enginn neitt í pólitík og formennska
eða ábyrgðarstarf í stjórnmála-
flokki er þar af leiðandi ekki frá-
tekið fyrir einn né neinn.“
Þú tilkynntir um framboð þitt innan
við viku fyrir landsfund. Hvers
vegna svo seint?
„Þetta er mikil ákvörðun sem
kallar á að maður geri mjög alvar-
lega upp við sig hvort maður vilji
leggja í þá ferð. Þá ákvörðun þurfti
ég fyrst að gera upp við sjálfan
mig og fjölskylduna. Svo þurfti
að kanna stuðning og hvort mögu-
leikarnir væru raunhæfir og enn
fremur að fara í gegnum hvernig
ég vildi vinna þetta.
Allt þetta þurfti ég að leggja
saman áður en ég tók endanlega
ákvörðun og mér er engin launung
á því að eftir því sem ég athugaði
þetta betur fékk ég meiri hljóm-
grunn fyrir þeim sjónarmiðum
mínum að breyta þurfi áherslum
flokksins og að ég sameinaði ágæt-
lega þær væntingar sem menn
bæru til þess starfs. Ég hef svo,
eftir því sem liðið hefur á vikuna,
styrkst í trúnni á að ákvörðun mín
hafi verið rétt. Flokksmenn vilja
eiga þess kost að fá að velja um
hvaða sjónarmið og viðhorf eigi að
setja í öndvegs.“
Villtist Sjálfstæðisflokkurinn af
leið?
„Ég held að Sjálfstæðisflokk-
urinn hafi ekkert fremur en aðrir
flokkar, stofnanir og þjóðfélag-
ið allt villst af leið. Ég held hins
vegar að við höfum gleymt okkur
sem þjóðfélag og byggt upp vænt-
ingar langt umfram það sem 300
þúsund manna þjóð átti raunhæfa
möguleika á að fullnusta. Þetta
smitaði eðlilega út frá sér um allt
þjóðfélagið; inn í stjórnmálaflokk-
ana, inn í fyrirtækin og svo fram-
vegis. Og mér finnst lýsandi dæmi
um þessi viðhorf og háttalag þegar
við Íslendingar vorum búnir að
flytja inn á einu ári fleiri Range
Rovera heldur en voru fluttir inn
samanlagt til hinna Norðurland-
anna. Þetta segir mikið um hugsun-
arhátt okkar, í hvaða gír þjóðfélagið
var komið. Bilið á milli þeirra sem
gátu eða töldu sig geta unnið með
þessum hætti og hinna sem voru í
þessu daglega basli var orðið yfir-
þyrmandi, langt umfram það sem
Íslendingar sætta sig við. Um það
geta allir verið sammála.“
Hver var þáttur stjórnmálanna og
einkanlega Sjálfstæðisflokksins í
hruni fjármálakerfisins?
„Sjálfstæðisflokkurinn ber að
sjálfsögðu mikla ábyrgð á þessari
stöðu, það er óhjákvæmilegt annað
en að viðurkenna það. Við höfum
verið í stjórnarforystu í hátt í átján
ár og berum ábyrgð sem slík á stöðu
mála. En ég er líka stoltur af mörgu
í þessari stjórnarforystu, því hvort
sem mönnum líkar betur eða verr
að heyra það þá ganga árin mis-
jafnlega hjá þjóðinni og hafa gert
í gegnum aldirnar. Við erum vanir
því Íslendingar að stundum þreng-
ir að og stundum gengur gríðarlega
vel. Allir sem vilja taka þátt í stjórn
landsins hljóta því á hverjum tíma
að vilja búa þjóðina sem best undir
það að mæta þeim áföllum sem eiga
eftir að dynja á henni.
Ég er jafn sannfærður um það að
eins og þessi sveifla á afkomunni er
reglubundin þá eigum við eftir að
vinna okkur út úr þessu áfalli sem
við stöndum í efnahagslega. Það er
að segja; við erum mjög vel í stakk
búin sem þjóð að takast á við áfall
af þessu tagi sem var óhjákvæmi-
legt að kæmi einhvern tíma, þó það
sem við stöndum frammi fyrir sé
auðvitað mun erfiðara en við áttum
von á. Ég bendi á það atriði eitt
þessu til stuðnings að þegar flokk-
urinn komst til áhrifa 1991 voru 20
þúsund Íslendingar í framhalds- eða
háskóla. Núna eru þeir 45 þúsund.
Af því leiðir að menntun, þekking,
hæfni og áræðni fólksins í land-
inu til að takast á við þetta er allt
annað heldur en var fyrir örfáum
árum. Ég segi því að á sama tíma og
Sjálfstæðisflokkurinn ber ábyrgð á
því áfalli sem varð, ber hann líka
ábyrgð á að hafa búið þjóðina undir
að taka slíkum skelli og vinna sig út
úr honum. Og það er gott.“
Hvernig ber svo að standa að
endurreisn efnahagslífsins?
„Ég ætla að játa fyrst af öllu að
mér þykir mjög miður þegar ég
heyri á þessum tíma yfirlýsingar
og jafnvel samþykktir frá öðrum
stjórnmálaflokkum um að þeir
vilji ekki samstarf við Sjálfstæð-
isflokkinn. Hvurs lags ábyrgð er
fólgin í því? Ástandið er með þeim
hætti að það kallar á að þjóðin öll
standi saman um að vinna sig út úr
vandanum og við þau verk hafna ég
ekki neinum kosti fyrirfram. Það
þarf samstarf á vettvangi stjórn-
málanna og aðkomu annarra, til
dæmis aðila vinnumarkaðarins og
allra sem vilja leggja þessu gott
lið.
En svo að við getum unnið okkur í
gegnum þetta þurfum við allar þær
upplýsingar sem völ er á. Til dæmis
um áform minnihlutastjórnarinn-
ar um fjárlagagerð næsta árs og
áform hennar og Alþjóðagjaldeyr-
issjóðsins um hvernig samkomu-
laginu við sjóðinn verður fylgt. Við
höfum kallað eftir upplýsingum um
þetta en ekki fengið.“
En hvað með verkefni á borð við
atvinnumál og stöðu bankanna?
„Við eigum að reyna að veita
brautargengi öllu því sem lýtur að
og snertir framleiðslu í þjóðfélag-
inu. Grunnatriði í því er að fjár-
málakerfið fari að virka en það
gerir það ekki enn með þeim hætti
að það geti ýtt undir fjárfestingar
eða tryggt rekstur fyrirtækja. Við
heyrum að allur atvinnurekstur
líður fyrir það. Stóra málið er því
að koma fjármálalífi landsins í það
horf að atvinnulífið geti farið að
ganga og það gerist ekki á meðan
hér er allt í klakaböndum ríkiseign-
ar og óvissu.
Það eru uppi áform hjá ríkis-
stjórninni um eignaumsýslufélag.
Það er út af fyrir sig gott að ríkis-
bankarnir gomsi þetta ekki allt í sig
en um leið verðum við að tryggja
að fyrirtækjum sem þar færu inn
verði komið sem fyrst í rekstur
annarra en ríkisins.
Það er líka grundvallaratriði að
ná samstarfi við erlenda kröfu-
hafa varðandi skuldir bankanna.
Við þurfum á því að halda að fá
aðgengi að erlendu lánsfé og einn-
ig erlenda fjárfestingu í landið, til
dæmis varðandi virkjanir og orku-
freka stóriðju. En ég vil líka segja
að það er ekki eins og hér sé bara
dauði og djöfull. Níutíu prósent
þjóðarinnar hafa enn atvinnu og
hér spretta upp vaxtarsprotar sem
veita von um áframhaldandi upp-
byggingu. Ég nefni aflþynnuverk-
smiðjuna á Akureyri sem tekur til
starfa á þessu ári, ég nefni ýmsa
vaxtarsprota á sviði nýsköpunar
sem eru úti um allt þjóðfélag en
ekki fer mikið fyrir á degi hverjum.
Úr bönkunum hefur komið mikill
fjöldi hámenntaðra einstaklinga.
Við þurfum að veita þeim svigrúm
til uppbyggingar á nýjum vettvangi.
Í þeim býr mikill auður sem ekki
má fara forgörðum. Við megum
ekki gleyma okkur í að tala okkur
niður. Það er hins vegar þannig að
atvinnulífinu verður ekki kippt í
liðinn á forsendum stjórnmálanna.
Við byggjum ekki upp atvinnutæki-
færi eða ný störf með sköttum ann-
arra einstaklinga.“
Talandi um skatta, eru skatta-
hækkanir ekki óumflýjanlegar?
„Það kann vel að vera, jú. En í
stöðunni eins og hún er í dag tel ég
mjög óráðið að hækka skatta. Það
liggur ekkert á því. Fyrst skulum
við átta okkur á hversu stórt áfall-
ið er. Það hafa verið leiddar að því
líkur að skuldsetning þjóðarbúsins
sé ekki með þeim hætti sem menn
óttuðust í mestu svartsýninni. Ég
tel því óráð að gera plön um gríð-
arlega skattlagningu fólks með
millitekjur. Hvað á það að þýða að
vera að ræða um að hækka skatta á
fólkið sem nú stendur í mesta basl-
inu við að halda húsnæðinu sínu,
þegar það hefur orðið fyrir því
að atvinnutekjur þess hafa skerst
með til dæmis minni yfirvinnu eða
skertu starfshlutfalli? Ég geri veru-
legar athugasemdir við þær hug-
myndir sem Steingrímur J. Sigfús-
son hefur kynnt um hátekjuskatt.
Að hann byrji við 500 þúsund krón-
ur er út í hött.“
Það á enginn neitt í pólitík
Kristján Þór Júlíusson alþingismaður sækist eftir formennsku í Sjálfstæðisflokknum. Í samtali við Björn Þór Sigbjörnsson segir
Kristján að flokkurinn þurfi að endurnýja erindi sitt og endurheimta traust kjósenda. Hann segir nýja siði fylgja nýjum herrum.
Gastegundir til málmiðnaðarins
STRANDMÖLLEN býður upp á allar lofttegundir til
málmsuðu og málmskurðar:
• súrefni
• asetýlen
• argon
• argonböndur
• köfnunarefni
• kolsýru
• og margar fl eiri
Enn fremur lofttegundir til matvælaiðnaðarins, lyfjaloft-
tegund-ir til heilbrigðisgeirans, háhreinar lofttegundir og
sérhæfðar loftblöndur til rannsóknarstofnanna og margra
annarra notkun-arsviða.
STRANDMÖLLEN ehf hóf starfsemi sína á síðasta ári
og er í dag stærsti söluaðili lyfjalofttegunda til
heilbrigðisstofnanna á Íslandi.
STRANDMÖLLEN hafnar einokun,
en stuðlar að samkeppni
Hafi ð samband og leitið tilboða
Drangahrauni 1B - 220 Hafnarfi rði - sími 580 3990
info@strandmollen.is - www.strandmollen.is
TILBÚINN TIL FORYSTUSTARFA Kristján Þór Júlíusson telur Sjálfstæðisflokkinn eiga ágæta möguleika í kosningunum í apríl og útilokar ekki samstarf við neinn að þeim loknum.
Kristján Þór fæddist á Dalvík 15. júlí 1957. Hann tók stúdentspróf við MA,
skipstjórnarpróf frá Stýrimannaskólanum í Reykjavík, nam íslensku og bók-
menntir við HÍ og lauk kennsluréttindaprófi þaðan.
Kristján var stýrimaður og skipstjóri á skipum frá Dalvík og kenndi við
Stýrimannaskólann á Dalvík og Dalvíkurskóla. Hann var bæjarstjóri Dalvíkur
1986-94, Ísafjarðar 1994-97 og Akureyrar 1998-2006.
Kristján hefur setið í stjórnum fjölmargra fyrirtækja og stofnana, svo sem
Útgerðarfélags Dalvíkinga, Sæplasts, Togaraútgerðar Ísafjarðar, Samherja,
Lífeyrissjóðs Norðurlands, Eignarhaldsfélagsins Brunabótafélags Íslands og
Landsvirkjunar. Hann situr í bæjarstjórn Akureyrar.
Kristján var kjörinn á Alþingi 2007 og situr í fjárlaganefnd og iðnaðar-
nefnd þingsins.
HEFUR GEGNT MARGVÍSLEGUM STÖRFUM
FR
ÉTTA
B
LA
Ð
IÐ
/STEFÁ
N