Fréttablaðið - 26.03.2009, Blaðsíða 56
40 26. mars 2009 FIMMTUDAGUR
sport@frettabladid.is
Hrafnhildur Lúthersdóttir, 18 ára sundkona úr SH, var ein aðalstjarn-
an á nýafstöðnu Íslandsmeistaramóti í sundi þar sem hún vann
fjórar einstaklingsgreinar og setti tvö glæsileg Íslandsmet.
„Þetta gekk mjög vel og þetta fór alveg eins og ég
vildi. Það er búið að vera takmark hjá mér að ná þess-
um Íslandsmetum. Þessi helgi var því eins og góður
draumur,“ segir Hrafnhildur. „Það var líka algjört æði að
komast inn á HM. Ég náði inn í 100 metra bringusundi
og með því þá fæ ég að keppa líka í 50 metra bringu-
sundi,” segir Hrafnhildur en HM fer fram í Róm á
Ítalíu í sumar.
„Ég sá að ég átti möguleika á að ná Íslands-
metinu og lágmarkinu á HM í 100 metra
bringu þannig að við ákváðum það í sam-
einingu, ég og þjálfarinn minn, að æfa aðal-
lega fyrir það og ná því markmiði.”
Hrafnhildur fékk ekki mikinn tíma til að
jafna sig eftir frábæra helgi. „Við þurftum
sem betur fer ekki að fara á morgunæfingu á
mánudaginn og svo var bara róleg æfing um daginn. Það var mjög
fínt að fá að sleppa við eina morgunæfingu,“ sagði Hrafnhildur sem
leggur mikið á sig til að komast sem hraðast í lauginni.
Hrafnhildur bætti Íslandsmet Erlu Daggar Haraldsdóttur í bæði
50 og 100 metra bringusundi en hún hefur í langan tíma verið að
narta í hælana á henni. Þær náðu sem dæmi báðar B-lágmarki
inn á Ólympíuleikana í Peking en Erla var aðeins á undan og
Hrafnhildur sat eftir heima. „Það er mjög skemmtilegt að koma
nafninu sínu í metabækurnar og það er mjög stórt afrek fyrir
mig. Annars er maður ekki mikið að spá í þessu dags
daglega,“ segir Hrafnhildur en hún er löngu hætt
að svekkja sig á því hvað munaði litlu að hún færi
á Ólympíuleikana. „Það þýðir ekkert að vera hugsa
um það heldur bara að stefna á næsta sund,“ segir
Hrafnhildur.
En hvað er fram undan? „Bikarkeppnin er eftir
mánuð og ég ætla að stefna á að reyna að synda
hratt þar og bæta tímana mína. Stærstu mótin í
sumar eru Smáþjóðaleikarnir og svo HM.“
HRAFNHILDUR LÚTHERSDÓTTIR: FÉKK FRÍ Á EINNI MORGUNÆFINGU AÐ LAUNUM FYRIR 4 GULL OG 2 ÍSLANDSMET
Algjört æði að komast inn á HM í Róm
> Dóru og félögum spáð sigri
Dóru Stefánsdóttur og félögum í LdB Malmö var spáð
sigri í sænsku úrvalsdeildinni í kvennafótbolta af
gestum á kynningarfundi deildarinnar sem hófst með
opnunarleik Umeå og Örebro í gær. LdB Malmö fékk
57 prósent atkvæða mun meira en Umeå (20 prósent)
sem er búið að vinna sænsku deildina fjögur
ár í röð. Umeå er búið að missa nokkra
leikmenn, þar á meðal bestu knatt-
spyrnukonu heims, Mörtu, til Banda-
ríkjanna. Linköping, lið Margrétar Láru
Viðarsdóttur, varð síðan í þriðja sæti
í spánni með 10 prósent atkvæða.
Dóra og félagar leika sinna fyrsta
leik á móti Kopparbergs/Göteborg á
útivelli á laugardaginn.
FÓTBOLTI Það eru forföll í íslenska
landsliðinu eins og í því skoska
fyrir leik þjóðanna í undankeppni
HM í næstu viku. Það er ekki víst
að Ólafur Jóhannesson, lands-
liðsþjálfari, velji nýjan mann í
staðinn fyrir Heiðar.
Heiðar Helguson verður ekki
með íslenska landsliðinu í leikn-
um og þá er óvíst hvort Brynjar
Björn Gunnarsson geti spilað en
hann tognaði á læri með Reading
um helgina.
Emil Hallfreðsson er hins
vegar klár í slaginn en hann
hefur glímt við meiðsli líka. - óój
Landsleikurinn við Skota:
Heiðar er frá og
Brynjar tæpur
MEIDDUR Heiðar Helguson getur ekki
spilað á móti Skotum. FRÉTTABLAÐIÐ/STEFÁN
Iceland Express deild karla
Snæfell-Grindavík 81-84 (44-52)
Stig Snæfells: Sigurður Þorvaldsson 27, Hlynur
Bæringsson 18 (8 fráköst), Magni Hafsteinsson
9, Jón Ólafur Jónsson 9, Lucious Wagner 8 (5
stoðs.), Slobodan Subasic 7, Gunnlaugur Smára
son 2, Atli Rafn Hreinsson 1.
Stig Grindavíkur: Brenton Birmingham 23 (5
stoðs.), Þorleifur Ólafsson 17 (hitti úr 7 af 9
skotum), Arnar Freyr Jónsson 12, Nick
Bradford 10, Guðlaugur Eyjólfsson 8, Helgi Jónas
Guðfinnsson 8, Páll Kristinsson 6.
Sænski kvennafótboltinn:
Umeå-Örebro 2-0
Edda Garðarsdóttir og Ólína Viðarsdóttir léku
allan leikinn með liði Örebro og fengu báðar að
líta gula spjaldið í leiknum.
ÚRSLITIN Í GÆR
HANDBOLTI Landsliðsfyrirlið-
inn Guðjón Valur Sigurðsson
átti mjög góðan leik í 38-33 sigri
Rhein-Neckar Löwen á Balingen-
Weilstetten þegar þeir heimsóttu
þá til Balingen í gær.
Guðjón Valur var markahæstur
í sínu liði með 9 mörk þar af var
aðeins eitt þeirra úr vítakasti.
Lærisveinar Alfreðs Gíslason-
ar í Kiel unnu sinn 24. leik í röð í
deildinni þegar liðið vann 42-35
sigur á Melsungen. Eftir þennan
sigur hefur Kiel fjórtán stiga for-
skot á Hamburg og Lemgo. - óój
Þýski handboltinn í gær:
Guðjón marka-
hæstur í útisigri
9 MÖRK Guðjón Valur. NORDICPHOTOS/GETTY
KÖRFUBOLTI Áhorfendur höfðu hátt
í Fjárhúsinu í Stykkishólmi í gær-
kvöld en lömbin þögnuðu þegar
leik var lokið og sigur gestanna,
81-84, staðreynd. Snæfellingar
börðust grimmilega í leiknum en
vantaði einfaldlega framlag frá
fleiri leikmönnum í gær til þess
að klára leikinn gegn firnasterku
liði Grindavíkur.
Snæfell var algjörlega tekið í
bakaríið í fyrsta leiknum í Grinda-
vík sem var algjör einstefna hjá
Grindvíkingum. Lykilmenn Snæ-
fells voru víðs fjarri sínu besta og
þeir urðu að taka á honum stóra
sínum í þessum leik. Það var alveg
ljóst að heimamenn í Snæfelli yrðu
að hægja á leik Grindvíkinga ætl-
uðu þeir sér að eiga möguleika í
leiknum. Það gekk ágætlega fram-
an af leik.
Þjálfararnir Hlynur Bærings-
son og Sigurður Þorvaldsson voru
báðir að stíga upp hjá sínum mönn-
um en þeir áttu mikið inni eftir
fyrsta leikinn. Jafnt var á með
liðunum allan fyrsta leikhlutann
en gestirnir leiddu með einu stigi
eftir fyrsta leikhlutann, 20-21.
Brenton Birmingham í fínu formi
hjá þeim en Nick Bradford var
eitthvað pirraður og í vandræðum
með að komast í gang.
Jafnræði var með liðunum í
öðrum leikhluta. Innkoma Guð-
laugs Eyjólfssonar hleypti krafti
í gestina. Hann setti niður tvær
þriggja stiga körfur og Grinda-
vík náði sex stiga forskoti, 34-40.
Heimamenn tóku leikhlé, bættu
aðeins í og sáu til þess að forskotið
var ekki of mikið í leikhléi, 44-52.
Væntanlega samt fleiri stig skor-
uð hjá Grindavík en Snæfellingar
höfðu ætlað að fá á sig og morgun-
ljóst að þeir þurftu að þétta varn-
arleikinn hjá sér í síðari hálfleik
og stöðva stórskyttur Grindvíkur.
Þriðji leikhlutinn var frábær hjá
heimamönnum. Þjálfararnir Sig-
urður Þorvaldsson og Hlynur Bær-
ingsson báru sitt lið algjörlega á
bakinu. Hlynur í vörninni og svo
raðaði Sigurður niður stigunum
fyrir sína menn en hann hafði
hamskipti í þriðja leikhlutanum.
Þessi magnaði leikur þjálfaranna
skilaði því að Snæfell leiddi með
tveimur stigum, 69-67, fyrir síð-
asta leikhlutann.
Grindvíkingar komu þéttir inn
í lokaleikhlutanum, leiddir af
hinum magnaða Brenton Birm-
ingham sem spilaði vel fyrir sína
menn. Grindvíkingar höfðu fjög-
urra stiga forskot, 78-82, þegar
ein og hálf mínúta var eftir. Snæ-
fell neitaði að gefast upp, kom sér
í tækifæri og átti síðustu sókn-
ina en vörn Grindavíkur hélt og
þröngt skot Sigurðar fór ekki ofan
í körfuna.
Magnaður sigur hjá gestunum
sem eru komnir í lykilstöðu í ein-
víginu. Brenton spilar vel, Arnar
með lipur tilþrif og þeir Guðlaug-
ur og Þorleifur settu niður mikil-
vægar körfur.
Hlynur og Sigurður í sérflokki
hjá sínum mönnum en það sem
varð þeim að falli í gær var allt of
lítið framlag frá öðrum leikmönn-
um. Snæfellingar söknuðu sérstak-
lega meira framlags frá útlending-
unum Wagner og Subasic sem voru
arfaslakir. Jón Ólafur og Magni
geta líka betur.
henry@frettabladid.is
Lömbin þögnuðu í Fjárhúsinu
Snæfell er komið í erfiða stöðu eftir annað tap gegn Grindavík í Fjárhúsinu í gærkvöldi. Leikurinn var æsi-
spennandi en Grindvíkingar reyndust sterkari og geta tryggt sig í úrslitaeinvígið á laugardag.
LOKSINS SIGUR Grindavík hafði tapað
fimm leikjum í röð í Hólminum.
FRÉTTABLAÐIÐ/E.STEFÁN
SÁRT Hlynur Bæringsson meiddi sig illa í baki og missti af lokasekúndunum í gær.
FRÉTTABLAÐIÐ/E.STEFÁN
KÖRFUBOLTI Friðrik Ragnarsson,
þjálfari Grindavíkur, gat leyft sér
að brosa eftir leik í gær enda ekki
á hverjum degi sem hann sigrar í
Stykkishólmi.
„Þetta var sérstaklega sætt
þar sem við klúðruðum gjörunn-
um leik hér í fyrra. Oftar en ekki
hefur heimferðin verið ákaflega
löng og leiðinleg en það verð-
ur gaman á leiðinni heim núna,“
sagði Friðrik brosmildur.
„Við héldum haus þó svo sóknar-
leikurinn hafi ekki verið upp á
marga fiska í seinni hálfleik. Það
sem ég er ánægðastur með í dag er
að við vinnum og vörnin hélt þegar
við þurftum á því að halda. Það er
alltaf þungt og erfitt að spila gegn
Snæfelli. Þetta eru stórir og sterk-
ir strákar sem erfitt er að ráða
við,“ sagði Friðrik sem er ánægð-
ur með að geta klárað einvígið á
laugardag en varar menn við því
að halda að þriðji leikurinn verði
eitthvað formsatriði.
„Það getur verið hættulegt.
Þetta er oft fljótt að breytast. Ef
við mætum ekki með hausinn í
lagi í þann leik og töpum þurf-
um við að koma aftur hingað og
það verður ekki auðvelt. Við verð-
um að nýta meðbyrinn og klára
þetta á laugardag,“ sagði Friðrik
og bætti við að óvíst sé hvort Páll
Axel Vilbergsson geti spilað.
Hlynur Bæringsson, þjálfari
og leikmaður Snæfells, var að
vonum svekktur í leikslok. „Þetta
var rosalegt. Við erum ekki að
spila vel og höfum ekki verið að
spila vel í nokkrar vikur núna. Ég
vil sjá alla mæta klára í Grinda-
vík og spila eins og karlmenn. Þá
meina ég allir sem einn og berjum
frá okkur en þó innan ramma lag-
anna,“ sagði Hlynur, sem lagði sitt
af mörkum, en það sama verður
ekki sagt um alla leikmenn Snæ-
fellsliðsins.
„Til að vinna topplið eins og
Grindavík þurfa allir að eiga
nokkuð góðan leik. Þetta lið var
í sérflokki með KR í vetur. Ég
trúi ekki að við brotnum saman
eins og í fyrra gegn Keflavík. Nú
verða menn að sýna úr hverju þeir
eru gerðir og mæta geðveikir til
Grindavíkur,“ sagði Hlynur sem
fékk vondan skell undir lok leiks-
ins en bar sig vel þrátt fyrir aug-
ljósan sársauka. - hbg
Þjálfari Grindavíkur, Friðrik Ragnarsson, var kátur eftir leikinn en Hlynur Bæringsson skorar á sína menn:
Verðum að spila eins og karlmenn í Grindavík
SEX ÁRA BIÐ Á ENDA Friðrik Ragnarsson stjórnaði liði til sigurs í Stykkishólmi í
fyrsta sinn síðan árið 2003. FRÉTTABLAÐIÐ/E.STEFÁN