Fréttablaðið - 26.03.2009, Qupperneq 52
36 26. mars 2009 FIMMTUDAGUR
folk@frettabladid.is
Anita Briem verður ekki í þriðju seríu af The
Tudors, sjónvarpsþáttunum um breska kóng-
inn Hinrik VIII sem átti fjölda eiginkvenna
og sagði sig úr kaþólsku kirkjunni vegna
þess að hann fékk ekki að skilja við fyrstu
eiginkonu sína.
Anita lék eina af frillum Hinriks og verð-
andi eiginkonu, Jane Seymour, í annarri
þáttaröðinni og kom fram í fjórum þátt-
um. Þetta vakti óneitanlega mikla athygli
hér á landi enda vinsæl þáttaröð en hún
hefur meðal annars verið sýnd á Stöð
2. Með hlutverk Hinriks hins kven-
sama fer Jonathan Rhys-Meyers en
meðal stórleikara sem hafa komið
við sögu má nefna Sam Neill og Peter
O’Toole.
Í stað Anitu hefur smástirnið Anna-
belle Wallis verið valið í hlutverk
Seymour en Wallis þessi er frænka
breska stórleikarans Richard Harris og
vakti fyrst athygli í kvikmyndinni Dil Jo
Bhi Kahey en stjarna þeirrar myndar var
indverska ofurstjarnan Amitabh Bach-
chan.
Anita hefur verið áberandi í félagslífinu
í Los Angeles og verið dugleg að mæta
á frumsýningar stórmynda á borð við
Watchmen. Hennar næsta verkefni
er The Storyteller en þar mun
hún leika á móti Idol-stjörnunni
Katherine McPhee. - fgg
LÍKAR Það er óneitanlega svip-
ur með þeim Anitu og
Annabelle og því ekki
víst að áhorfendur
heima í stofu eigi
eftir að finna fyrir
innáskiptingunni.
> DEILDU UM TWITTER
Leikkonan Jennifer Aniston
mun hafa sparkað kærastan-
um John Mayer vegna dá-
lætis hans á örbloggsíðunni
Twitter. Bandaríska tímaritið
Star segir að Aniston hafi
gefist upp á Mayer þegar
hann sagðist ekki hafa
tíma til að hitta hana eða
tala við hana í síma en var
sífellt að uppfæra Twitter-
síðuna sína.
Magnús Scheving er nú
að leggja lokahönd á sitt
hlutverk fyrir kvikmyndina
Spy Next Door sem skartar
sjálfum Jackie Chan í aðal-
hlutverki. Tökur á mynd-
inni gengu ekki áfallalaust
fyrir sig.
„Þetta var sennilega erfiðasta
vinna sem ég hef fengist við. En
um leið sú skemmtilegasta,“ segir
Magnús Scheving, betur þekktur
sem Íþróttaálfurinn. Hann hefur
verið að setja inn búkhljóð og
önnur aukahljóð á kvikmyndina
Spy Next Door þar sem Kung Fu-
goðsögnin Jackie Chan er í aðal-
hlutverki. Magnús leikur þrjótinn
PolDark í myndinni.
Chan er þekktur fyrir að leggja
allt í slagsmálaatriðin og leik-
ur gjarnan í þeim sjálfur. Af
þeim sökum hefur hann brotið í
sér hvert einasta bein. Segja má
að skrattinn hafi hitt ömmu sína
þegar Magnús mætti á svæðið
því íþróttaálfurinn notaði enga
áhættuleikara, vildi enga víra til
að hífa sig upp á milli hæða held-
ur hoppaði bara út um allt eins og
unglingsdrengur. Þetta hafði þó
sínar afleiðingar fyrir Magnús.
„Já, maður kom ansi lemstrað-
ur til baka, allur blár og marinn
og með brotinn putta,“ útskýrir
Magnús sem lét pústrana þó lítið
á sig fá. „Ég lék í einu atriði þar
sem Jackie tekur af sér belti og
á að slá til mín. Ég skildi aldrei
hvað hann var að segja, hvort ég
ætti að koma nær eða færa mig
frá honum og í öllum sjö upptökun-
um sló hann mig þéttingsfast með
beltinu í andlitið,“ segir Magnús
sem komst ansi nálægt því að rota
einn af aðstoðarmönnum Chan.
„Við vorum að æfa eitt atriðið og
Chan hafði breytt því án þess að
láta aðstoðarmanninn vita. Ég
tók hringspark og hitt hann beint
í höfuðið og hann steinlá. Eftir
smá stund rauk hann á fætur og
sagði að þetta mætti ég alls ekki
gera; þetta væri höfuðið á Jackie
Chan.“ Chan var ákaflega hrifinn
af Magnúsi og sagði þetta vera
einn mesta íþróttamann sem hann
hefði unnið með.
En þrátt fyrir öll lætin og spörk-
in sem fylgja því að leika í Jackie
Chan-mynd þá ber Magnús honum
vel söguna. „Hann er mikill húmor-
isti og hann leigði eitt sinn veitinga-
hús undir allt tökuliðið og eldaði
ofan í alla sjálfur,“ segir Magn-
ús sem hyggst sækja Chan heim í
Hong Kong á næstunni. „Já, hann
bauð mér til sín og ég ætla að fara
til hans,“ segir Magnús sem gaf það
sterklega í skyn að Chan gæti jafn-
vel komið Latabæ til aðstoðar við
markaðssetningu á vörunni í Asíu.
freyrgigja@frettabladid.is
Magnús puttabrotinn eftir
viðskipti við Jackie Chan
Anita Briem hættir í Tudors
SKRATTINN HITTI
ÖMMU SÍNA
Segja má að skrattinn hafi hitt
ömmu sína þegar leiðir Chan
og Magnúsar Scheving lágu
saman. Magnús harðneitaði
að fá áhættuleikara og fékk af
þeim sökum nokkrar skrámur,
marbletti og brotinn putta.
„Við erum að hvetja fólk til að senda okkur fram-
tíðarsýn sína á Ísland. Það getur verið hvað sem
er,“ segir Hildur Steinþórsdóttir skipulagsarkitekt
en hún og kollegi hennar, Hildur Gunnlaugsdóttir
byggingaarkitekt, hafa stofnað síðu á Facebook sem
kallast Framtíðarsalan Hildur og Hildur. Þar von-
ast þær til að fólk sendi þeim hugmyndir að framtíð
landsins en sjálfar hafa þær unnið eigin þrjár hug-
myndir sem kynntar verða á Hönnunardögum nú
um helgina.
„Við höfum auðvitað fundið síðan í haust, hvað
fólk er neikvætt á framtíð landsins. Við vildum því
reyna að sýna fólki að margt geti búið í framtíð-
inni,“ segir Hildur Gunnlaugsdóttir.
Þær stöllur tóku fyrir þrjú ókláruð svæði í
Reykjavík. „Í kringum tónlistarhúsið sáum við fyrir
okkur útivistarsvæði fyrir hjólreiðafólk, hesta og
ýmislegt annað. Við leggjum til að Grandi verði
eins konar matarkista, með matjurtagörðum og
framtíðar hugmynd okkar um Skuggahverfið er
útfærð eins og það gæti orðið eftir 100 ár, þegar
hlýnun jarðar hefur orsakað hækkað sjávarmál,“
segir Hildur Gunnlaugsdóttir en þá séu stórhýs-
in komin hálf á kaf og á milli þeirra megi sigla og
skoða höfrunga og eins konar gróðurfrumskóg.
„Við vonumst svo til að geta fengið styrk til að
vinna kannski með innsendar framtíðarsýnir frekar
í sumar, jafnvel í vinnustöð.“ - jma
Auglýsa eftir framtíðarsýn
ÆVINTÝRALEGAR FRAMTÍÐARHUGMYNDIR Hildur Steinþórs-
dóttir og Hildur Gunnlaugsdóttir útfærðu eigin framtíðarsýnir
á þrjú svæði í Reykjavík og höfðu þær mjög ýktar að eigin
sögn til að fá fólk til að staldra við og sjá að framtíðin er full af
möguleikum. FRÉTTABLAÐIÐ/ANTON
Í tilefni af setningu Blúshátíðar
Reykjavíkur 4. apríl ætlar hljóm-
sveitin Nordic All Star Blues Band
að heimsækja fangelsið við Skóla-
vörðustíg og spila þar fyrir fang-
ana.
„Tugir blústónlistarmanna ætla
að safnast saman og spila í versl-
unum og á götunum úti á Skóla-
vörðustígnum og við ætlum að
kíkja inn í fangelsið og taka nokk-
ur lög,“ segir Halldór Bragason,
formaður Blúsfélags Reykjavík-
ur og meðlimur Nordic All Star
Blues Band. „Við erum ekki búnir
að tala við þá en ég efast ekki um
að við fáum góð viðbrögð við því.
Annars spilum við bara hátt fyrir
utan fangelsið. Þeir verða að fá
sinn skerf, fangarnir.“
Þennan dag verður ýmislegt
fleira um að vera í miðbænum.
Til dæmis munu blúsvagnar Krús-
ersklúbbs Reykjavíkur aka niður
Skólavörðustíg og Bankastræti og
enda á bílasýningu á Lækjartorgi.
„Það ætla allir að mæta með sól-
gleraugu og hatt og keyra á flott-
ustu eðalvögnum landins,“ segir
Halldór. „Síðan verðum við með
gítarsýningu hjá Sævari Karli og
fleira. Þetta er allt í vinsemd við
lögreglu og Reykjavíkurborg um
að gera þetta.“ - fb
Dóri með fangablús
á Skólavörðustíg
HALLDÓR BRAGASON Halldór og félagar
í Nordic All Star Blues Band spila í fang-
elsinu á Skólavörðustíg 4. apríl.
FRÉTTABLAÐIÐ/VALLI