Fréttablaðið - 26.03.2009, Side 59
FIMMTUDAGUR 26. mars 2009 43
FÓTBOLTI Steven Gerrard, fyrir-
liði Liverpool, gerir lítið úr þeim
orðum Zinedines Zidane að hann
sé besti leikmaður heims um
þessar mundir.
„Ég varð upp með mér þegar
ég heyrði þetta en tek slíku hrósi
varlega. Ég er virkilega sáttur
við það hvernig ég spila en ég
held ekki að ég sé besti leikmaður
heims. Alls ekki,“ sagði Gerrard
hógvær líkt og oft áður.
„Er hann sá besti í heiminum?
Hann fær kannski ekki sömu
athygli og Messi og Ronaldo en
ég held samt að hann sé bestur,“
sagði Zidane.
„Hann hefur frábæra spyrnu-
getu. Kann að tækla og skorar
mörk. Það sem meira er þá smitar
hann félaga sína með sjálfstrausti
og trú. Það er ekki hægt að læra
slíkt. Leikmenn eins og hann eru
fæddir með slíka nærveru,“ sagði
Zidane sem er augljóslega mikill
aðdáandi Englendingsins. - hbg
Steven Gerrard:
Er ekki bestur
í heiminum
GERRARD Hógvær með afbrigðum.
NORDIC PHOTOS/GETTY IMAGES
NFL Útherji NY Giants, Plaxico
Burress, komst í fréttirnar á síð-
asta ári þegar hann skaut sjálfan
sig í fótinn í bókstaflegri merk-
ingu. Hann var með ólöglegt
vopn á almannafæri og gæti átt
yfir höfði sér allt að þriggja og
hálfs árs fangelsi fyrir vikið.
Það óttast útherjinn mjög að
því er vinur hans og félagi hjá
Giants, Brandon Jacobs, segir.
„Það getur verið frekar ógn-
vekjandi að vita ekki hvar maður
verður kannski næstu þrjú og
hálft árið. Það getur verið mjög
erfitt að vera í slíkri stöðu,“
sagði Jacobs.
„Burress hefur liðið svona í
marga mánuði og hann óttast
hvað muni gerast. Hann er góður
suma daga en aðra daga er óviss-
an alveg að fara með hann,“ sagði
Jacobs sem er í daglegu sms-
sambandi við vin sinn. - hbg
Plaxico Burress:
Hræddur við að
fara í fangelsi
FÓTBOLTI George Burley, landsliðs-
þjálfari Skota, hefur ákveðið að
tefla fram Allan McGregor sem
aðalmarkverði liðsins í leiknum
gegn Hollandi á laugardaginn í
stað Craigs Gordon, markvarðar
Sunderland. McGregor er á mála
hjá Rangers.
Skotland mætir Íslandi á
heimavelli á miðvikudaginn
kemur. „Allan McGregor mun
spila því Craig hefur ekki verið
að spila reglulega,“ sagði Burley.
„Allan á skilið að fá tækifæri og
byrjar í Hollandi.“
McGregor var í marki Skot-
lands í vináttulandsleiknum gegn
Argentínu í haust. - esá
Craig Gordon í kuldanum:
McGregor val-
inn í markið
ALLAN MCGREGOR Fær að spila gegn
Hollandi. NORDIC PHOTOS/GETTY IMAGES
KÖRFUBOLTI Lokaúrslit Iceland
Express deildar kvenna halda
áfram í kvöld þegar deildarmeist-
arar Hauka taka á móti bikar-
meisturum KR á Ásvöllum klukk-
an 19.15. Staðan er jöfn í einvíginu,
1-1, sem er skemmtileg tilbreyting
því undanfarin átta tímabil hefur
annað liðið verið komið í 2-0 eftir
fyrstu tvo leikina. Sagan gefur til
kynna að sigurvegar þriðja leiks-
ins, þegar staðan er 1-1, verði
Íslandsmeistarar.
Staðan hefur ekki verið 1-1 í
lokaúrslitum kvenna síðan árið
2000 þegar KR og Keflavík mætt-
ust í úrslitunum. KR vann þá fyrsta
leikinn á heimavelli en Keflavík
jafnaði. Síðustu þrír leikir ein-
vígisins unnust síðan á útivelli og
Keflavík tryggði sér Íslandsmeist-
aratitilinn með 43-58 sigri í odda-
leik í Frostaskjólinu.
Af sautján einvígum um Íslands-
meistaratitilinn í úrslitakeppni
kvenna hafa liðin aðeins fjórum
sinnum skipt með sér tveimur
fyrstu leikjunum en auk ársins í
ár þá gerðist það einnig 1994, 1998
og 2000. Í öllum þessum fjórum
einvígum hefur sigurvegari þriðja
leiksins unnið Íslandsmeistaratit-
ilinn.
Heimavöllurinn hefur ekki
hjálpað mikið í fyrstu tveimur
leikjunum því útiliðin hafa unnið
þá báða. KR vann fyrsta leikinn
örugglega á Ásvöllum þrátt fyrir
að Haukaliðið hefði náð að minnka
muninn niður í 9 stig í lokin. Það
var meiri spenna í síðasta leik
þökk sé góðum endaspretti KR-
kvenna sem voru 16 stigum undir
á tímabili en minnkuðu muninn í
tvö áður en Haukakonur kláruðu
leikinn.
KR-ingurinn Sigrún Ámunda-
dóttir er með hæsta framlag leik-
manna út úr tveimur fyrstu leikj-
unum en hún hefur skorað 11,5
stig, tekið 11,5 fráköst, gefið 4,0
stoðsendingar og stolið 3,0 boltum
að meðaltali í leik. Félagar hennar
Hildur Sigurðardóttir og Guðrún
Gróa Þorsteinsdóttir eru jafnar í
2. sæti. Hildur hefur skorað flest
stig í leik ásamt Slavicu Dimovsku
eða 18,5 stig að meðaltali í leikjum
tveimur. - óój
Það eru liðin níu ár síðan síðast var jafnt eftir tvo fyrstu leikina í úrslitaeinvíginu í kvennakörfunni:
Sagan segir að sigurvegari kvöldsins vinni
MIKLVÆGUR LEIKUR Í KVÖLD Kristrún
Sigurjónsdóttir í Haukum og Margrét
Kara Sturludóttir í KR. FRÉTTABLAÐIÐ/ANTON