Fréttablaðið - 26.03.2009, Page 29
Kraftmikið starf áhugamannasamtaka, líknarfélaga og sjúklinga-
samtaka á Íslandi og stuðningur þeirra við tilteknar greinar lækn-
inga og umönnun sjúkra hefur vakið athygli út fyrir landsteinana.
Oddfellowar unnu þrekvirki með því að hjálpa til við að koma upp
og reka líknardeild á Landspítala, Hringskonur hafa áratugum
saman unnið að heill íslenskra barna, Velferðarsjóður barna vinn-
ur á hverju ári mikið og gott starf, og hvers kyns
klúbbar og samtök leggja sitt af mörkum til að
gera góða heilbrigðisþjónustu betri.
Hjartaheill hafa sömuleiðis unnið ómetanlegt
starf í þágu hjartasjúkra og þar með í þágu heil-
brigðisþjónustunnar allrar. Samtökin hafa fært
fjölmörgum stofnunum tæki og búnað sem gagn-
ast í þjónustunni við hjartasjúklinga og hafa að
þessu leyti lyft grettistaki.
Hjartaheill og Gjafa- og styrktarsjóður Jónínu
S. Gísladóttur, sem hún stofnaði til minningar um
eiginmann sinn Pálma Jónsson í Hagkaupi, hafa
sennilega lagt hvað mest fram til að styrkja og
vinna að velferð hjartasjúklinga. Framlag beggja er ómetanlegt og
stendur íslenskt samfélag og hjartasjúklingar í mikilli þakkarskuld
við þau. Á krepputímum er okkur hollt að hugsa um áhugann sem
rekur samtök eins og Hjartaheill áfram og um þá einskæru góðvild
sem fólst í því, þegar Jónína S. Gísladóttir stofnaði styrktarsjóðinn
sem hér er nefndur.
Það er rúmur aldarfjórðungur frá því að samtök hjartasjúklinga
voru stofnuð, samtökin sem nú bera nafnið Hjartaheill. Auk beins
framlags í formi búnaðar og tækja hefur það verið annað markmið
samtakanna að beita sér fyrir fræðslu og forvörnum til að vinna
gegn hjartasjúkdómum, að veita aðstoð og ráðgjöf og að berjast
almennt fyrir umbótum í þágu hjartasjúkra. Stofnfélagarnir voru
230, en síðan hafa þeir rúmlega fimmtánfaldast.
Í tilefni 25 ára afmælis Hjartaheilla hafa samtökin nú ákveð-
ið að blása til sóknar og safna fyrir þriðja hjartaþræðingartæk-
inu fyrir Landspítalann og óska eftir stuðningi þjóðarinnar til að ná
megi þessu markmiði á afmælisárinu. Efnt verður til landssöfnun-
ar undir merkjum Hjartaheilla og stefnt að því að safna fjármunum
svo koma megi upp tækinu og mun allt það fé sem safnast renna til
hjartalækningadeildar Landspítala.
Það eru fáar þjóðir sem sinna hjartasjúkum eins vel og við. Við
gerum fleiri aðgerðir á hjartveikum en tíðkast meðal nágrannaþjóð-
anna, aðgengi að læknum er hér betra en annars staðar, biðlistar
styttri og árangur hjartalækninga með því besta sem þekkist. Á
þessum grundvelli eigum við að byggja upp og sækja fram. Söfn-
un Hjartaheilla fyrir nýju hjartaþræðingartæki er einn liður í upp-
byggingunni.
Mér er það mæta vel ljóst að eins og stendur er víða þröngt í búi.
Mjög margir glíma við erfiðleika nú, meðal annars vegna athæf-
is þeirra athafnamanna, sem flugu svo nærri sólu að allur þeirra
auður gufaði upp, og eftir urðu aðeins afleiðingarnar fyrir okkur al-
menning til að kljást við. Þrátt fyrir þetta óréttlæti hvet ég alla Ís-
lendinga til að láta sitt ekki eftir liggja og taka vel í beiðni Hjarta-
heilla.
Það geta allir látið eitthvað af hendi rakna, auðvitað í samræmi
við efni og aðstæður, en í þessu sambandi skiptir upphæðin ekki
máli. Nú skiptir máli að vera með.
hjartaheill
FIMMTUDAGUR 26. MARS 2009
Íslendingar hafa iðulega tekið
höndum saman í baráttunni við
skæða sjúkdóma. Berklaveikinni
var útrýmt með átaki almennings
og forystusveitar lækna og hjúkr-
unarfólks. Árangurinn í glím-
unni við krabbamein hefur einnig
náðst vegna víðtækrar þátttöku
landsmanna í söfnunum og for-
varnastarfi. Samtök sjúkra og
fjölskyldna þeirra hafa á ýmsum
sviðum skilað miklu.
Í aldarfjórðung hefur Hjarta-
heill – Landssamtök hjartasjúkl-
inga verið í fararbroddi víðtæks
samstarfs sem stuðlað hefur að
lækningu hjartasjúkra og öflugri
endurhæfingu sem gert hefur
þúsundum kleift að lifa áfram
góðu lífi.
Þrátt fyrir þennan árangur
og aukinn skilning á mikilvægi
hollra lifnaðarhátta eru hjarta-
sjúkdómar enn langalgeng-
asta dánarorsökin á Íslandi. Í
hverri viku lætur rúmlega tugur
Íslendinga lífið af þeirra völdum.
Og hjartasjúkdómar herja ekki
aðeins á roskið fólk; þeir geta
líka verið örlög æskunnar, fjöldi
barna og ungmenna glímir við
veikt hjarta.
Á undanförnum áratugum
höfum við samt notið ótrúlegra
framfara, árangur lækna hefur
vaxið hröðum skrefum og áhersl-
an á mataræði og hreyfingu hefur
skipt sköpum. En það er hægt að
gera betur. Þá er áríðandi að við
eigum kost á að nýta hin bestu
tæki, búnað sem vísindamenn og
verkfræðingar í fremstu röð hafa
hannað og smíðað.
Hin nýju tæki eru í augum
okkar leikmanna nánast galdra-
verk en þau gefa íslenskum lækn-
um kost á að auka lífslíkur sjúk-
linga og bæta lífsgæði þeirra.
Nú leitar Hjartaheill til þjóðar-
innar og biður um stuðning til að
efla tækjakost Landspítalans og
styrkja þannig til muna þjónust-
una sem þar fer fram.
Landssöfnunin er bæði í þágu
þess góða málefnis og í tilefni
af 25 ára fórnfúsu og árangurs-
ríku starfi Landssamtaka hjarta-
sjúklinga.
Stuðningur okkar er því í senn
framlag sem auka mun lífslíkur
fjöldans og þakkargjörð til þess
góða fólks sem um áraraðir hefur
helgað baráttunni gegn hjarta-
sjúkdómum krafta sína. Kjörorð
söfnunarinnar „Öll þjóðin – eitt
hjarta“ felur í sér brýnan boðskap
og leiðarljós á framtíðarvegi.
Þjóðin glímir nú við erfiðleika,
atvinnuleysi og efnahagslegar
þrengingar en Íslendingar hafa
áður sýnt að samstaðan í barátt-
unni við sjúkdóma er jafnan sterk
þótt við höfum storminn í fangið.
Slík barátta hefur ætíð átt vísan
stuðning þjóðarinnar.
ÁVARP FORSETA ÍSLANDS ÓLAFS RAGNARS GRÍMSSONAR, VERNDARA LANDSSÖFNUNAR HJARTAHEILLA:
Samstaða hjálpar sjúkum
ÁVARP HEILBRIGÐISRÁÐHERRA:
Það skiptir máli að
allir geti verið með
Ögmundur Jónas-
son heilbrigðisráð-
herra.
Ólafur Ragnar Grímsson, forseti Íslands. FRÉTTABLAÐIÐ/ANTON
Skiptir sköpum
Nýtt hjartaþræðingartæki styttir bið-
lista verulega að sögn Kristjáns Eyjólfs-
sonar, yfirlæknis hjartaþræðinga. SÍÐA 5