Morgunblaðið - 04.01.2007, Blaðsíða 6

6 FIMMTUDAGUR 4. JANÚAR 2007 MORGUNBLAÐIÐ
FRÉTTIR
LOKSINS
FÁANLEG
AFTUR Á
ÍSLANDI
BÓKIN SEM BREYTT HEFUR
LÍFI MARGRA TIL HINS BETRA
Eftir Örlyg Stein Sigurjónsson
orsi@mbl.is
DYNJANDI lófaklapp við lok fé-
lagsfundar Félags íslenskra flugum-
ferðarstjóra í gær endurspeglaði
skýran vilja fundarmanna til að veita
stjórn FÍF óskorað umboð til að
undirrita samkomulag félagsins við
Flugstoðir ohf. en upp úr viðræðum
FÍF og Flugstoða slitnaði á þriðju-
dagskvöld eftir að náðst hafði nið-
urstaða um lífeyrisréttindi flugum-
ferðarstjóra. Einnig ítrekuðu
Flugstoðir að flugumferðarstjórum
yrðu tryggð sömu kjör og réttindi og
þeir höfðu meðan þeir voru starfs-
menn Flugmálastjórnar Íslands.
Stjórn FÍF vildi hins vegar ekki
mæla með því að félagsmenn gengju
til liðs við Flugstoðir nema bera nið-
urstöðurnar undir félagsfund og
fékkst úr því skorið í gær með því að
afstaða félagsfundarins var mjög
skýr; stjórn FÍF var veitt samnings-
umboð.
„Við fengum umboðið og nú er
ekkert því til fyrirstöðu að við getum
skrifað undir samkomulagið standi
það enn þá,“ sagði Loftur Jóhanns-
son, formaður FÍF, eftir fundinn í
gær. Hann bætti þó við að engin
trygging væri samt fyrir því að sam-
komulagið stæði FÍF enn til boða í
gær.
„Ég er tilbúinn til að skrifa undir
samninginn og nú þarf ekki þann
fyrirvara sem við þurftum í gær
[þriðjudag].“ Loftur var að reyna að
ná sambandi við Ólaf Sveinsson,
stjórnarformann Flugstoða, strax að
loknum fundinum sem lauk um
klukkan 15, til að bera honum tíð-
indin.
„Við vissum hvað félagsmenn FÍF
vildu og vorum tilbúnir til að gera
samning við Flugstoðir í samræmi
við það, en þurftum samt að fá sam-
þykki félagsfundar fyrir því sem við
vorum að gera.“
Á félagsfundinum var farið yfir
samkomulagið og síðan greidd at-
kvæði um samningsumboð stjórnar
FÍF. „Þetta er auðvitað tímamóta-
fundur ef Flugstoðir eru tilbúnar til
að skrifa undir samninginn sem þær
voru tilbúnar að skrifa undir í gær,“
sagði Loftur.
Stjórn FÍF fékk óskorað
umboð félagsmanna
Samkomulag var
síðan undirritað
í gærkvöldi
Morgunblaðið/Ásdís
Fundað Flugumferðarstjórar hittust í gærdag en í gærkvöldi undirritaði
Félag íslenskra flugumferðarstjóra samkomulag við Flugstoðir ohf.
FULLT tungl var í gær en sem kunnugt er hefur tunglið fjölþætt áhrif á líf
okkar og er nærtækast að nefna sjávarföllin. Glæstur vetrarmáninn skein
yfir Jarlhettum við Langjökul og varpaði dulúðugri birtu yfir landið.
Máninn hátt á himni skín
Morgunblaðið/Sigurður Sigmundsson
DR. ÓLÖF Ein-
arsdóttir, pró-
fessor og skorar-
formaður við
efnafræði- og líf-
efnafræðideild
Kaliforníuhá-
skóla (University
of California) í
Santa Cruz í
Bandaríkjunum
hefur verið heiðr-
uð af Samtökum bandarískra raun-
vísindamanna (Amerian Association
for the Advancement of Science –
AAAS). Var Ólöf útnefnd sérstakur
félagi í samtökunum. Þessi samtök
eru stærst slíkra samtaka í heim-
inum, stofnuð árið 1848, og gefa
m.a. út tímaritið Science sem er út-
breiddasta tímarit í heimi fyrir rit-
rýndar vísindagreinar á sviði raun-
vísinda.
Viðurkenningu þessa hlaut Ólöf
fyrir rannsóknir sínar á mikilvægu
ensími eða lífhvata í öndunarkeðj-
unni sem nefnist „sýtókróm oxídas“
og gegnir því hlutverki að vinna
orku úr matarsameindum. Braut-
ryðjendastarf Ólafar felst í þróun
tæknilegrar aðferðar sem beitt er
til þess að hrinda af stað efnahvarfi
þessa lífhvata og súrefnis með leysi-
geisla. Með því að taka rófrit af
hvarfinu með leifturhraða, allt að
einum hundrað milljarðasta hluta úr
sekúndu, hefur Ólöfu og samstarfs-
mönnum hennar tekist að finna leið-
ir til þess að kortleggja þau efna-
hvörf og sameindabreytingar sem
liggja að baki þessu grundvallarferli
í orkubúskap lífvera.
Ólöf er dóttir hjónanna Svövu
Ágústsdóttur og Einars Sigurðsson-
ar útgerðarmanns. Hún útskrifaðist
frá Háskóla Íslands í efnafræði árið
1980 og lauk doktorsprófi frá Col-
orado State University í Bandaríkj-
unum árið 1986. Hún hefur starfað
við efna- og líffræðideild University
of California í Santa Cruz í Banda-
ríkjum síðan 1989.
Ólöf er gift David Deamer pró-
fessor og eiga þau tvær dætur.
Heiðruð fyrir
vísindastörf
Rannsakaði lífhvata í öndunarkeðjunni
Dr. Ólöf
Einarsdóttir
BAUGUR Group sendi frá sér eft-
irfarandi tilkynningu í gær vegna
hvalveiða Íslendinga:
„Ekki er langt síðan sjávarút-
vegur var okkar eina útflutnings-
grein. Efnahagur Íslendinga var al-
gerlega undir þessum iðnaði kominn
og var því ekki óeðlilegt að afstaða
okkar til hvalveiða hafi verið í eina
átt, þær væru nauðsynlegar.
Gríðarleg útrás fyrirtækja
En tímarnir breytast og þarfirnar
með. Útrás íslenskra fyrirtækja hef-
ur verið gríðarleg á undanförum ár-
um og fer vaxandi hvort sem um
ræðir á sviði tísku, lyfjaframleiðslu,
matvöru, bankastarfsemi eða tónlist-
ar svo fátt sé nefnt. Þessi þróun er
rétt hafin og aðeins tímaspursmál
hvenær þessar greinar munu færa
okkur jafn miklar tekjur og sjávar-
útvegurinn gerir nú. Breytingarnar
hafa gert það að verkum að nú þurf-
um við að horfa til fleiri þátta en
þeirra sem snúa einungis að sjávar-
útveginum.
Mikil andstaða í heiminum
Mikil andstaða er gagnvart hval-
veiðum í heiminum í dag hvort sem
mönnum líkar betur eða verr. Fólk í
ferðaþjónustu hér á landi hefur ótt-
ast mjög þau áhrif sem hvalveiðar
Íslendinga kunna að hafa en sam-
kvæmt Samtökum ferðaþjónustunn-
ar hafa fjölmargir afpantað bókanir
hingað til lands vegna ákvörðunar
stjórnvalda um að hér skuli hvalir
veiddir.
En það er ekki bara ferðaþjónust-
an sem á í vanda. Fyrirtæki erlendis
í eigu Íslendinga hafa mörg hver átt í
erfiðleikum vegna málsins því fjöl-
margir hópar hafa hótað því að
hætta að versla við þessi fyrirtæki
nema hvalveiðum Íslendinga verði
hætt hið snarasta.
Hvalveiðar eru því farnar að skaða
íslensk fyrirtæki og hugsanlegan
áframhaldandi vöxt þeirra í framtíð-
inni.
Færa þarf fórnir
Sjávarútvegurinn er og verður Ís-
lendingum ávallt mikilvægur. Hins
vegar hafa aðrar greinar verið að
ryðja sér rúms í alþjóðlega við-
skiptasamfélaginu og það með góðu
gengi.
Við getum öll verið sammála um
að best sé að útflutningstekjur þjóð-
arinnar komi frá fleiri en einum
geira, enda hefur áhættan hingað til
verið töluverð. Ekki ætti að koma á
óvart að einhverju þurfi að fórna til
að svo verði. Hefur Baugur Group
því tekið þá ákvörðun að lýsa yfir
andstöðu við hvalveiðar Íslendinga.“
„Hvalveiðar farnar að
skaða íslensk fyrirtæki“
FLUGSTOÐIR ohf. hafa kært mann
til lögreglu fyrir að hafa truflað fjar-
skipti við farþegaflugvél í aðflugi að
Akureyrarflugvelli í fyrradag.
Maðurinn, sem gegndi starfi flug-
umferðarstjóra á Akureyrarflugvelli
til nýliðinna áramóta, er grunaður
um að hafa komist inn á samskipta-
rás Fokker-farþegaflugvélar Flug-
félags Íslands þegar hún var að bú-
ast til lendingar á Akureyri í
hádeginu í fyrradag.
Samkvæmt heimildum Morgun-
blaðsins heyrði flugmaður annarrar
nærstaddrar flugvélar einnig þegar
einhver kom inn á samskiptarásina
og viðhafði miður falleg orð um þá
sem voru við störf í flugturninum.
Þessi óvænta innkoma á samskipta-
rásina mun ekki hafa heyrst í flug-
turninum.
Flugstjóri Fokker-flugvélarinnar
gaf síðan skýrslu um atvikið í flug-
turninum eftir lendingu. Beindist
strax grunur að fyrrgreindum ein-
staklingi. Varðstjóri í flugturninum
mun síðan hafa kært atvikið til lög-
reglu enda talið að það bryti í bága
við lög.
Samkvæmt upplýsingum lögregl-
unnar á Akureyri í gær höfðu engar
yfirheyrslur þá farið fram vegna
málsins.
Enginn
verið yfir-
heyrður
Truflun á fjarskipt-
um flugvélar kærð
RANNSÓKNIN á brunanum í fisk-
mjölsverksmiðju Ísfélags Vest-
mannaeyja er í fullum gangi og verð-
ur haldið áfram af fullum krafti þrátt
fyrir synjun Hæstaréttar um heim-
ild til lögreglunnar að skoða sms-
sendingar á tilteknum tíma 16. des.
sl.
Karl Gauti Hjaltason sýslumaður
segir að þeir muni nú einbeita sér að
öðrum þáttum málsins. Rannsóknin
sé á fullu og nú séu tveir rannsókn-
arlögreglumenn frá Reykjavík lög-
regluyfirvöldum í Vestmannaeyjum
til aðstoðar og ekkert verði til sparað
til þess að upplýsa málið. Lagður
hafi verið mikill mannafli í rannsókn-
ina og þessi beiðni um úrskurð vegna
sms-sendinga hafi bara verið einn
þáttur rannsóknarinnar. „Við leggj-
um allt kapp á að leitast við að upp-
lýsa þetta,“ sagði Karl Gauti.
Rannsókn í
fullum gangi
♦♦♦