Menntamál - 01.08.1957, Síða 63

MENNTAMAL
157
úr orði á sama hátt og hl.ióðaaðferðarbörnin gera.1) En
þá er heldur ekki um hreina om.-aðferð að ræða, heldur
blöndun aðferða. Om.-aðferðin, eins og Næslund ákvarð-
ar hana, er aðeins ein útgáfa slíkrar blöndunar.
b) Greindari helmingur. í hlj.-hópnum ná 7 börn
betri árangri í lestrarprófunum í heild en tvíburasystkin-
ið í om.-hópnum, en 2 lakari árangri. Einir tvíburar mega
kallast jafnir. I om.-hópnum ná 4 börn minni árangri en
lakasta barnið í hlj.-hópnum, og 4 börn úr hlj.-hópnum
betri árangri en duglegasta barnið úr om.-hópnum. Bæði
börnin í om.-hópnum, sem ná betri árangri í lestri en tví-
burasystkinið í hlj.-hópnum, teljast til hins svokallaða
greindari helmings, en á þá skiptingu leggur Næslund
mikla áherzlu. Nú skera sig aðeins tvennir tvíburar
úr um góða greind, og það er greindarvísitala þeirra,
sem veldur hærri meðalgreindarvísitölu úr hvorum hópn-
um. I greindari helmingi om.-hópsins eru grv. barnanna
þessar: tvö hafa grv. 91, eitt 93, eitt 118, eitt 129. Á bilið
94-117 fellur ekkert barn. Það er barnið með hæstu og
lægstu greindarvísitöluna, sem sigra tvíburasystkini sitt
með orðmyndaaðferðinni. Miðað við dreifingu greindar-
þroskans hjá börnum almennt, verður þessi dreifing að
teljast mjög tilviljunarkennd og lítt einkennandi. Af þess-
um sökum tel ég það mjög varhugavert að draga víðtækar
ályktanir sérstaklega af árangri einna 5 barna í ,,betri og
lakari helmingi" hópanna. Næslund reiknar hér með með-
altölum, sem enga samsvörun eiga í raunverulegum greind-
arþroska barnanna.
•4. STAFSETNING.
Stafsetningarkunnátta barnanna var reynd á mörgum
1) HliöstæS dæmi um yfirburöi hljóðaaðferðar yfir orðmyndaaðferð-
ina úr rannsóknum ensk-amerískra vísindamanna er að finna í 5. kafla
Rudolf Plesch: Why Johnny Can’t Read, New York 1956.