Menntamál - 01.08.1957, Síða 85

MENNTAMAL
179
flest börn og þá einkum að greiða götu afbrigðilegra barna.
Sennilega verður þess ekki langt að bíða, að sú stétt verði
að breyta um stefnu að nokkru leyti og beita sér fyrir því,
að kennsluaðferðum verði stórbreytt þannig, að mun minni
áherzla verði lögð á minnisefni en nú er gert. Athuganir,
sem gerðar hafa verið á þekkingu unglinga bæði hér og
erlendis, hafa leitt í ljós svo algerlega vanþekkingu á því,
sem kennarar myndu telja, að allir ættu og myndu vita,
að flestum mun koma allmjög á óvart. Þetta erindi er ekki
réttur vettvangur til þess að segja ýtarlegra frá þessum
hlutum, en svo mikið get ég sagt ykkur, að Haukur Mort-
ens er frægari maður í hugum margra unglinga, sem lokið
hafa gagnfræðaprófi, en Snorri Sturluson, Gunnar Huseby
er nefndur á undan Ara fróða og jafnvel Jóni Sigurðssyni.
Þegar við slíkt mat á íslenzkri menningarsögu bætist algert
áhugaleysi á því að afla sér þekkingar með lestri góðra
bóka, hlýtur sá dagur að koma fyrr en varir, að kennara-
stéttin fari að athuga sinn gang og spyrja sjálfa sig, hvort
ekki sé hugsanlegt að gjörbreyttar þjóðfélagsástæður
kynnu að hafa í för með sér, að breyta þurfti starfshátt-
um skólanna meira en gert hefur verið. Ég get þessa sér-
staklega hér sökum þess, að við íslendingar höfum ekki
notfært okkur nema að sáralitlu leyti þá aðstoð, sem vel
menntaðir skólasálfræðingar geta veitt. Við höfum ekki
leyst mál afbrigðilegra barna svo viðhlítandi sé, er því
ekki fjarri lagi, að hafa hin nýju menningarviðhorf í
huga um leið og ráðizt kynni að verða í að breyta eitthvað
til í sambandi við þau börn, sem verst eru á vegi stödd.
Við vitum öll, að lítil greind veldur eðlilega litlum náms-
árangri, en há greindarvísitala er ekki einhlít til þess að
tryggja góðan námsárangur. Þess eru mörg dæmi, að barn
sem hefur greindarvísitölu hundrað eða meira, er fram
eftir skólaaldri mjög illa— á vegi statt í lestri. Til þess að
athuga í hverju örðugleikar slíkra barna muni vera fólgn-
ir og hvort um raunverulega örðugleika sé að ræða eru not-