Bændablaðið - 08.07.2008, Síða 1
20-21
32 íslenskir bændur
opna dyr sínar
almenningi
24
Yfirlit yfir hátíðir
hins íslenska
sumars
13. tölublað 2008 Þriðjudagur 8. júlí Blað nr. 286 Upplag 17.000
16
Býflugnarækt er
flókin búgrein, nú á
Austurlandi
Afar misjafnt útlit er með hey-
skap á Norður- og Austurlandi.
Ingvar Björnsson hjá Búgarði
á Akureyri sagði í samtali við
Bændablaðið að sprettan í Eyja-
firði væri góð en misgóð austur
um. Sprettan væri þokkaleg í
Reykjadal og Þingeyjarsveit.
Það hefði verið ágæt sprettutíð í
vor, bæði í Skagafirði og Eyjafirði,
þar væri fyrra slætti almennt lokið
og útlit fyrir að bændur gætu slegið
þrisvar í sumar. Nú væri byrjað að
rigna á Norðurlandi og væri það vel
því tún hefðu verið orðin mjög þurr
víða og hægt hefði á sprettunni, en
nú tæki hún við sér enda spáð hlýn-
andi um helgina (5. og 6. júlí) og
þeir sem ekki hefðu þegar byrjað
slátt myndu fara á fulla ferð.
Ekki byrjað að slá
Sigurður Þór Guðmundsson, ráðu-
nautur á norðausturhorni landsins,
sagði að á sínu svæði væri heyskap-
ur ekki hafinn. Það væri ekki venjan
á þessu svæði að hefja slátt fyrr en í
byrjun júlí og svo bættist nú við að
spretta væri ekki meira en sæmileg.
Sigurður sagði að á Norð-Austurlandi
hefði verið rigning og kuldi í viku til
10 daga, en veðurspáin væri nú þann-
ig að menn færu að hefja slátt.
Hætta á að tún spretti úr sér
Rúnar Ingi Hjartarson hjá Búnað-
arsambandi Austurlands sagði að
nokkrir bændur væru byrjaðir að
slá en fæstir komnir langt. Nokkrir
kúabændur hefðu náð upp nokkru
af heyi fyrir viku til 10 dögum. Hjá
þeim sem ekki heyjuðu væri útlit-
ið tvísýnt því nú væri óþurrkur og
spáin þannig fram að helgi (5. og
6. júlí) og hætta væri á að grasið
sprytti úr sér.
Rúnar sagði tíðarfarið hafa verið
nokkuð sérkennilegt í ár. Það hefði
aldrei komið neitt vor á Austurlandi
en sumarið svo brostið á með krafti
og grasspretta verið góð. En svo
hefði komið óþurrkatíð og kuldi
og sagði Rúnar að í raun vantaði
bara hita á Austurlandi því það
hefði rignt mun meira þar en menn
ættu að venjast. Nú vantaði bara að
það kæmi þurrkur og hiti, annars
væri hætta á lélegu, úr sér sprottnu
grasi. S.dór
Sjá um þroska túngrasa á bls. 10
Misjafnt útlit með heyskap á Norður- og Austurlandi
Bændablaðið
í sumarfrí
Þetta tölublað er síðasta blað
fyrir sumarfrí Bændablaðs-
ins. Næst mun blaðið birtast
lesendum sínum laugardag-
inn 23. ágúst á Landbúnað-
arsýningunni á Gaddstaða-
flötum.
Skrifstofur Bændasamtaka
Íslands verða einnig lokaðar
vegna sumarfría dagana 21. júlí
til 1. ágúst.
Bændablaðið óskar lesend-
um sínum ánægjulegs sumars.
Dilkakjötsframleiðsla
Útflutnings-
skyldan 28%
Hlutfallið óbreytt
allt tímabilið
Á fundi Markaðsráðs kinda-
kjöts þann 3. júlí sl. var
samþykkt að leggja til við
stjórn Bændasamtakanna og
sjávarútvegs- og landbún-
aðarráðherra að útflutnings-
skylda á dilkakjöti verði 28%
í komandi sláturtíð. Tillagan
gerir ráð fyrir því að sama
hlutfall gildi allt tímabilið en
verði ekki breytilegt eins og
verið hefur undanfarin ár.
Þetta er síðasta árið sem
útflutningsskylda verður á
dilkakjöti en samkvæmt gild-
andi búvörulögum fellur hún
niður 1. júní 2009. Þetta gildir
bara um dilkakjöt, en kjöt af
fullorðnu er ekki háð útflutn-
ingsskyldu. Sjávarútvegs- og
landbúnaðarráðherra og stjórn
Bændasamtakanna þurfa að
staðfesta tillöguna til þess að
hún öðlist gildi.
Í september sl. ákvað Mark-
aðsráð sumarálagsgreiðslur 2008.
Þær verða eftirfarandi: Í vikum
23-32 verða greiddar kr. 1.100
á dilk, Í viku 33 kr. 800, í viku
34 kr. 500 og í viku 35 kr. 200.
Greiðslur falla niður í viku 36.
Landsmót hestamanna stóð yfir á Gaddstaðaflötum við Hellu alla síðustu viku. Hvassviðri lék mótshaldara
grátt til að byrja með, en svo rættist úr veðrinu og mótið var allt hið glæsilegasta. Á myndinni er Rakel Nathalie
Kristinsdóttir, einn af ungum afreksknöpum sem tóku þátt í glæsilegri hópreið 500 hrossa við setningu mótsins.
Hesturinn heitir Leiknir frá Skarði. Bændablaðsmynd: Hulda G. Geirsdóttir
– Sjá myndaopnu frá Landsmótinu inni í blaðinu á blaðsíðum 12-13
Garðyrkjubændur:
Hafna ósk BÍ um notk-
un á fánaröndinni
Unnið hefur verið að því að koma
á samræmdri upprunamerkingu
á íslenskum búvörum. Á vegum
Bændasamtakanna, í samráði við
búgreinar, hefur verið stefnt að
því að gera fánarönd Sambands
garðyrkjubænda og vörumerki
sambandsins að merki fyrir
íslenskar landbúnaðarafurð-
ir. Formlegt erindi var sent frá
Bændasamtökunum til garð-
yrkjubænda þar sem leitað var
eftir samvinnu um notkun fána-
randarinnar. Stjórn Sambands
garðyrkjubænda hafnaði hins
vegar ósk Bændasamtakanna
og í svari þeirra segir að slíkt
fyrirkomulag tryggi betur hags-
muni garðyrkjubænda.
Þórhallur Bjarnason, formað-
ur Sambands garðyrkjubænda,
segir að meginástæðan fyrir
ákvörðun SG um að hafna ósk
Bændasamtakanna sé ótti við mis-
notkun á fánaröndinni. „Við höfum
lagt mikla vinnu og fjármagn í að
byggja upp vörumerkið og erum
ekki tilbúnir að taka þá áhættu að
útvíkka skírskotun þess. Því er
ekki heldur að leyna að innan land-
búnaðargeirans eru fyrirtæki sem
garðyrkjubændur hafa barist við í
gegnum tíðina, fyrirtæki sem hafa
gefið til kynna að um íslenskar
vörur væri að ræða þegar þær eru
í raun erlendar,“ segir Þórhallur og
á þar m.a. við sölu á erlendu græn-
meti sem skolað er upp úr íslensku
vatni eða merkt með íslensku letri
á umbúðum.
Sigurður Eyþórsson, fram-
kvæmdastjóri Landssamtaka
sauðfjárbænda, hefur stýrt und-
irbúningsvinnu Bændasamtakanna
vegna samræmdra vörumerkinga
á íslenskum landbúnaðarvörum.
Hann sagði í samtali við blaðið að
vissulega sé leitt að afstaða garð-
yrkjubænda væri á þessa leið. „Ég
tel að það hefði verið farsælast
fyrir landbúnaðinn í heild sinni að
sammælast um eitt merki. Nú þurf-
um við að leita nýrra leiða en það
er ljóst að þessi niðurstaða tefur
framgang málsins.“
Megintilgangur samræmdra
merkinga er að tryggja neytendum
upplýsingar um íslenskan uppruna
landbúnaðarvara.
TB
Líf og fjör á Landsmóti hestamanna á Gaddstaðaflötum