Bændablaðið - 08.07.2008, Blaðsíða 15

15 Bændablaðið | Þriðjudagur 8. júlí 2008
Flóahreppur og Íslenska gáma-
félagið hafa skrifað undir
samning um sorphirðu, end-
urvinnslu og jarðgerð í sveitar-
félaginu. Með samningnum er
Flóahreppur fyrsta sveitarfélagið
í dreifbýli á Íslandi til að flokka
allan úrgang.
Samningurinn tók gildi 1. júlí,
gildir til fimm ára og felur í sér
að allir íbúar Flóahrepps fái tvær
tunnur til viðbótar þeirri tunnu sem
fyrir er. Aukatunnurnar eru fyrir
endurvinnanlegt sorp annarsvegar
og lífrænt sorp hins vegar.
„Markmið þessa verkefnis er að
minnka magn sorps sem fer til urð-
unar um allt að 70% á fyrsta árinu
og allt að 80% á næstu þremur
árum. Árangur verkefnisins byggist
á þátttöku allra íbúa sveitarfélags-
ins og mun Íslenska Gámafélagið
sjá um alla ráðgjöf og fræðslu
til íbúa Flóahrepps um flokkun
og endurvinnslu,“ sagði Margrét
Sigurðardóttir sveitarstjóri í sam-
tali við blaðið.
Almenn ánægja er í Flóahreppi
með framtakið enda er ætlunin að
sveitarfélagið verði það umhverf-
isvænsta í dreifbýli landsins.
MHH
Jón Þórir Frantzson, framkvæmdastjóri Íslenska gámafélagsins, og Mar-
grét Sigurðardóttir sveitarstjóri skrifuðu undir samninginn á íbúafundi í
Félagslundi mánudagskvöldið 30. júní.
Allt sorp flokkað í Flóahreppi
Fyrsta sveitarfélagið í dreifbýli sem tekur upp
sorpflokkun
3 stærðir áleggshnífar
Verð frá 47.000 + vsk
Verð 77.000 + vsk
Verð 112.000 + vsk
Hakkavélar
Grænmetisskurðarvél
mismunandi skurðarskífur
LOKAÐ VEGNA
SUMARLEYFA
Skrifstofa
Framleiðnisjóðs
landbúnaðarins verður
lokuð vegna sumarleyfa
frá og með 7. júli til og
með 1. ágúst n.k.