Fréttablaðið - 08.05.2012, Blaðsíða 2
8. maí 2012 ÞRIÐJUDAGUR2
SPURNING DAGSINS
• Fyrirlestur og happdrættisvinningar
• Frjáls aðgangur að tækjasal Heilsuborgar
í eina viku
• 15% afsláttur af samnefndri bók Sirrýjar
– eingöngu þetta kvöld!
• Verð aðeins kr. 2.900.- ATH. Síðast var uppselt!
„Að laða til sín það góða“
Sirrý er félags- og fjölmiðlafræðingur
og hefur áralanga og farsæla reynslu af
námskeiðahaldi í samskiptafærni.
Fræðslunámskeið í Heilsuborg
10. maí frá kl. 19.30–22.00
Skráning í síma 560 1010 eða á
mottaka@heilsuborg.is
Ástrós, þú hlýtur að vera orðin
laukur ættarinnar eftir þetta
boð?
„Það er laukrétt!“
Ástrós Elísdóttir er í íslenskum
listahópi sem nefnist Leikhús listamanna.
Hópnum hefur verið boðið að setja upp
sýningu á Hátíð lauksins í ítalska bænum
Acquaviva delle Fonti í sumar en Ástrós
bjó í bænum um nokkra ára skeið.
DÝRAHALD „Ég verð að leiðrétta
þetta við bæinn,“ segir Jóhann
Davíð Barðason sem sótti óvart
um leyfi til að halda tvær geitur við
hús í útjaðri Hafnarfjarðar.
„Þar sem nú hefur harðnað í ári
hjá mörgum eftir efnahags hrunið
þá hafa undirritaður og fjölskylda
hans ákveðið að snúa sér meira að
heimaræktun, bæði til að halda
aftur af fjárútlátum og til að
stuðla að bættri heilsu, við erum
nú komin með fjölbreyttan mat-
jurtagarð og lítið gróðurhús þar
sem við ræktum flest það sem við
borðum,“ segir Jóhann í bréfi sem
hann skrifaði Guðmundi Rúnari
Árnasyni bæjarstjóra.
Bréf Jóhanns var tekið fyrir á
síðasta fundi bæjarráðs sem fól
Guðmundi Rúnari bæjarstjóra að
afla nánari upplýsinga um geita-
málið. Jóhann segist hins vegar
aldrei hafa ætlað að senda bréfið.
Hann hafi fengið það verkefni í
íslensku í Háskólanum í Reykja-
vík að skrifa formlegt bréf og
óska eftir leyfi bæjaryfirvalda til
að halda geiturnar tvær.
„Ég prentaði bréfið út í vinnunni
og skildi eftir á borðinu. Vinnufé-
lagi minn sem var að fara á bæjar-
skrifstofurnar sá þarna bréf til
bæjarstjórans og kippti því bara
með og skilaði inn fyrir mig,“ segir
Jóhann og hlær.
Bæjaryfirvöld tóku sem sagt
ekki fyrir að heimila geitahaldið
heldur fólu æðsta embættismanni
sínum að grennslast fyrir um áætl-
anir Jóhanns. „Ég er ánægður með
hvað þetta er komið langt.“ - gar
Bæjarráðið óskar nánari upplýsinga frá manni sem vill halda ímyndaðar geitur:
Sótti óvart um geitahald í Hafnarfirði
TVÆR GEITUR Geitur eru kýr hinna
fátæku og mjög skemmtilegar í sam-
skiptum við menn, segir Jóhann Davíð
Barðason í bréfi til bæjarstjórans í
Hafnarfirði. FRÉTTABLAÐIÐ/SBS
LÖGREGLUMÁL Um 50 grömm af
kókaíni, talsvert af sterum og
búnaður til framleiðslu á kanna-
bis fannst í húsleit lögreglu í
Norðlingaholti í Reykjavík fyrir
helgina.
Fram kemur í tilkynningu lög-
reglu að karl á þrítugsaldri hafi
verið handtekinn á vettvangi en í
bíl hans hafi einnig verið að finna
marijúana. „Karl á svipuðum
aldri var einnig handtekinn í þágu
rannsóknarinnar en við leit í bíl
hans annars staðar á höfuðborgar-
svæðinu fannst lítilræði af kóka-
íni,“ segir þar. Fram kemur að
sérsveit ríkislögreglustjóra hafi
aðstoðað við handtökurnar. - óká
Sérsveitin veitti aðstoð sína:
Handtóku tvo
með fíkniefni
MENNING Ernir K. Snorrason,
geðlæknir, sálfræðingur og rit-
höfundur, verður borinn til
grafar í dag
en nokkrum
stundum síðar
kemur út skáld-
saga hans,
Sýslumaðurinn
sem sá álfa.
Ernir hafði
unnið að bók-
inni mánuðina
áður en hann
lést og leitaði
til Tómasar Hermannssonar
útgefanda þegar hann var orðinn
alvarlega veikur í þeirri von að
hægt væri að gefa bókina út áður
en hann félli frá. Það tókst því
miður ekki, bókin var í prentun
þegar Ernir andaðist.
Tómasi datt þá í hug að gefa
bókina út sama dag og höfund-
urinn yrði jarðsunginn. „Ernir
segir enda í tileinkun að sagan
sé „kveðja til ástvina minna og
til umheimsins sem ég ann svo
heitt.“ - bs / sjá síðu 24
Ernir K. Snorrason látinn:
Útför og útgáfa
sama daginn
SUÐUR-KÓREA, AP Tollayfirvöld í
Suður-Kóreu gerðu nýlega upptæk
mörg þúsund hylki sem innihalda
þurrkað og mulið hold af látnu
fólki, aðallega ungbörnum.
Hylkjunum var smyglað frá
Kína, með pósti og í farangri
ferðamanna, en notendur telja
slíkt duft vera lyf gegn hvers
konar kvillum og sjúkdómum.
Hylkin reyndust þó þvert á móti
sýkt af afar skæðum gerlum.
Hvorki er ljóst hvar hylkin voru
framleidd né hvaðan lík barnanna
koma. Efnið var gert upptækt,
en enginn var hand tekinn vegna
málsins þar sem efnið var ekki
ætlað til sölu.
Kínversk yfirvöld hafa barist
gegn neyslu malaðs mannaholds
síðasta árið, en slíkt viðgengst
helst í norðausturhluta Kína. - þj
Óhugnanlegt mál í S-Kóreu:
Smygluðu dufti
úr mannaholdi
SAMGÖNGUR Stórefla á almenningssam-
göngur á höfuðborgarsvæðinu á næstu
tíu árum og tvöfalda hlutdeild þeirra í
umferðinni. Ríkið mun veita tíu millj-
arða króna í verkefnið á tímabilinu. Full-
trúar Vegagerðarinnar, ríkisins og Sam-
taka sveitarfélaga á höfuðborgarsvæðinu
skrifuðu undir samning þess efnis í gær.
Samningurinn hefur verið í undir-
búningi lengi. Meginmarkmið og til-
gangur þessa tilraunaverkefnis er meðal
annars að tvöfalda hlutdeild almennings-
samgangna í öllum ferðum sem eru
farnar á höfuðborgarsvæðinu og lækka
samgöngukostnað heimila og samfélags-
ins. Þá er ætlunin að stuðla að samdrætti
í losun gróðurhúsalofttegunda í samræmi
við aðgerðaáætlun íslenskra stjórnvalda í
loftslagsmálum. Með þessu samkomulagi
á jafnframt að skapa forsendur til þess að
fresta stórum samgönguframkvæmdum á
höfuðborgarsvæðinu.
Stýrihópur mun hafa umsjón með fram-
kvæmd samningsins og mun einnig meta
árangur af honum á tveggja ára fresti.
Fyrstu breytingarnar munu eiga sér
stað strax í júní að sögn Reynis Jóns-
sonar, framkvæmdastjóra Strætó. Hann
sagði í viðtali við Stöð 2 í gær að tíðni
ferða aukist, akstur muni hefjast fyrr á
morgnana og ljúka seinna á kvöldin.
- þeb
Tvöfalda á hlut Strætó í umferðinni á næstu tíu árum og þjónusta verður aukin strax í júní:
Milljarðar veittir í almenningssamgöngur
SKRIFAÐ UNDIR VIÐ HÖFÐA Fulltrúar Vegagerðarinnar og
sveitarfélaganna á höfuðborgarsvæðinu ásamt innanríkis-
ráðherra og fjármálaráðherra við undirritunina í gær.
FRÉTTABLAÐIÐ/PJETUR
ERNIR SNORRASON
FERÐAÞJÓNUSTA Aldrei hafa fleiri
útlendingar gist á hótelum hér á
landi í marsmánuði og á þessu ári.
Erlendir ferðamenn gistu í sam-
tals 103 þúsund nætur á hótelum
í mars, sem er um 45% aukning
saman borið við mars í fyrra.
Aukning var á fjölda gistinátta
um allt land, mest á Vesturlandi
og Vestfjörðum þar sem aukningin
var um 61%. Minnst var aukning-
in á Suðurlandi, um fimm prósent.
Íslenskum hótelgestum fjölgaði
einnig milli ára samkvæmt saman-
tekt Hagstofu Íslands. - bj
Aldrei fleiri útlendingar gist:
Nær helmings-
fjölgun frá 2011
Mótmæla pólitísku inngripi
Miðstjórn Samiðnar hefur samþykkt
ályktun þar sem mótmælt er harðlega
pólitísku inngripi Alþingis í Ramma-
áætlun um orkunýtingu. Þingmenn er
hvattir til að samþykkja upphaflegu
áætlunina.
UMHVERFISMÁL
ALÞJÓÐASAMSKIPTI „Við bara rigg-
uðum upp hér dagskrá fyrir einn
æðsta mann í heimi,“ segir Aldís
Hafsteinsdóttir, bæjarstjóri í
Hveragerði sem sjálf var fjarri
góðu gamni 21. apríl síðastliðinn
þegar óvenjuleg ósk barst frá for-
sætisráðuneytinu.
„Þegar Wen Jiabao, forsætis-
ráðherra Kína, var hér um
d aginn ætlaði hann auðvitað að
stoppa og skoða Kerið og öll dag-
skráin miðuð við það. Svo fengu
þeir ekki að fara þangað og þá
voru góð ráð dýr. Það var hringt
hingað og spurt hvort við gætum
tekið á móti þeim með hálftíma
fyrirvara,“ lýsir Aldís bæjarstjóri
aðdragandanum að óvæntri heim-
sókn Wens Jiabaos.
Þótt Aldís sjálf hafi verið
erlendis þegar forsætisráðherra
Kína bar að garði kom það ekki
að sök, segir hún. Aðrir bæjar-
fulltrúar ásamt forstöðumanni
upplýsingamiðstöðvar Suðurlands
og öðrum settu á tuttugu mínútum
upp þrælgóða dagskrá fyrir Wen
og aðra tigna gesti frá Kína.
„Hverasvæði var opnað og
hann fékk leiðsögn um það sem
honum þótti afskaplega áhuga-
vert enda jarðfræðingur,“ segir
bæjarstjórinn. Í lokin hafi verið
farið með Wen og föruneyti á veit-
ingastaðinn Kjöt og kúnst sem er
við hliðina á hverasvæðinu og
nýtir orkuna þaðan í matseldina.
„Þar fékk hann að smakka hvera-
eldaðan mat.“
Aldís segir sér finnast Hver-
gerðingar hafa staðið ótrúlega vel
að verki. „Það væru örugglega
ekki margir sem gætu hlaupið
svona til með engum fyrirvara og
tekið á móti svo stórri sendinefnd
með öllu því sem tilheyrir. Þetta
sýnir hvað Íslendingar geta verið
fljótir að bregðast við og Hver-
gerðingar sérstaklega,“ segir hún
stolt af sínu fólki.
Nokkrum dögum eftir innlit
Wen Jiabaos fengu Hver gerðingar
þakkarbréf frá Jóhönnu Sigurðar-
dóttur forsætisráðherra. „Hún
var svo ánægð með að við
skyldum geta bjargað málinu
með þessum hætti þegar þau voru
óvelkomin við Kerið,“ segir Aldís
um bréfið frá Jóhönnu.
Al la heimsóknina segir
bæjar stjórinn hafa verið mjög
skemmtilega. „Bæjarbúar vissu
ekki hvaðan á sig stóð veðrið. Allt
í einu hrúguðust inn lögreglu-
þjónar á hvert einasta götuhorn
og það fóru sprengjuleitarhundar
út um allt þar sem Wen átti að
koma við. Mér skilst að þetta hafi
verið eins og stormsveipur færi
yfir bæinn.“
gar@frettabladid.is
Hvergerðingar bjarga
forsætisráðuneytinu
Hvergerðingar buðu flotta dagskrá og tóku á móti forsætisráðherra Kína með
hálftíma fyrirvara er honum var vísað frá Kerinu. Eins og stormsveipur segir
bæjarstjórinn. Forsætisráðherra hefur þakkað Hvergerðingum skjót viðbrögð.
WEN JIABAO Í KJÖTI OG KÚNST Bæjarstjórinn í Hveragerði segir forsætisráðherra
Kína, lengst til vinstri, hafa fylgst anduktugan með þegar Ólafur Reynisson veitinga-
maður reiddi fram gufusoðið brauð og lambalæri með engum fyrirvara.
MYND/GUÐMUNDUR ÞÓR GUÐJÓNSSON
Allt í einu hrúguðust
inn lögregluþjónar á
hvert einasta götuhorn og
það fóru sprengjuleitarhundar
út um allt
ALDÍS HAFSTEINSDÓTTIR
BÆJARSTJÓRI Í HVERAGERÐI.