Fréttablaðið - 08.05.2012, Blaðsíða 20

FÓLK|HEILSA
Bent er á að fjöldi þeirra sem hjóla í vinnu eða skóla hafi aukist mikið undanfarið. Með hækkandi sól á
þeim eftir að fjölga enn frekar sem taka
hjólið fram yfir bílinn. „Hjólreiðar eru
holl og góð hreyfing. Flest slys verða
þó þegar hjólað er á miklum hraða með
þeim afleiðingum að reiðhjólamaður
kastast fram fyrir sig þegar hann hemlar.
Samstuð reiðhjólamanna eða við aðra
notendur göngu- og hjólreiðastíga er
einnig algeng orsök tjóna og slysa.
Höfuðáverkar eru sem fyrr alvarlegustu
reiðhjólaslysin.“
Minnt er á að reiðhjólahjálmur sé sá
öryggisbúnaður sem dregur úr líkum á
alvarlegum höfuðáverkum. Það sem þarf
að hafa í huga þegar hjólað er af stað er
eftirfarandi:
1. Hjólaðu ávallt með hjálm, hvort sem
vegalengdin er stutt eða löng.
2. Vertu í endurskinsfatnaði eða endur-
skinsvesti.
3. Farðu yfir reiðhjólið, s.s. bremsur og
dekk, áður en þú byrjar að hjóla eftir
veturinn.
4. Ef þú hjólar og hlustar um leið á tón-
list eða útvarp vertu þá viss um að þú
heyrir líka í umferðinni.
5. Hjólaðu á reiðhjóla- og göngustígum
þar sem þeir eru eða veldu götur með
minni umferð.
6. Farðu eftir umferðarreglum og virtu
rétt annarra stíganotenda.
HJÓLAÐ AF ÖRYGGI
GAMAN AÐ HJÓLA Mikill hjólreiðaáhugi er meðal fólks á öllum aldri. For-
varnardeild Sjóvá hefur sent frá sér ábendingu til hjólreiðamanna um var-
kárni í umferðinni.
ÖRYGGI Nauðsynlegt
er að kunna helstu
öryggisreglur varðandi
hjólreiðar.
Í nýjasta hefti Læknablaðsins voru birtar niðurstöður rannsóknar sem gerð var á úthaldi, holdafari og efna-
skiptasniði 18 ára framhaldsskólanema
í Reykjavík. Þar kom fram að 51 prósent
mældist með of hátt hlutfall líkamsfitu.
„Það hafa ekki verið teknar saman sam-
bærilegar tölur hér á landi yfir þennan
aldurshóp og frekar erfitt að ná til hans
enda nokkuð upptekinn hópur,“ segir
Sigurbjörn Árni Arngrímsson, prófessor
í íþrótta- og heilsufræðum við Háskóla
Íslands. Rannsóknin var partur af
meistararitgerð Erlings Birgis Richards-
sonar, íþróttafræðings og þjálfara
nýbakaðra Íslandsmeistara HK í hand-
bolta. „Ég var leiðbeinandi Erlings og
verkefnisstjóri yfir verkefninu. Kári
Jónsson íþróttafræðingur og Anna
Sigríður Ólafsdóttir næringarfræðingur
stóðu að þessu með mér. Svo fengum
við meistaranema til að hjálpa okkur og
þeir skrifuðu svo ritgerðir sínar upp úr
gögnunum.“
Alls tóku 277 ungmenni úr þremur
skólum þátt, þar af tveir bóknáms skólar
og einn verknámsskóli sem þó var
ekki hópur hreinna verknámsnemenda
heldur blanda verk- og bóknámsnema
í verknámsskóla. Helstu niðurstöður
voru að 51 prósent mældist með of hátt
hlutfall líkamsfitu, of feit samkvæmt
líkamsþyngdarstuðli voru 23 prósent
þátttakenda og 20 prósent voru með of
mikið mittismál. Flestir höfðu þó sæmi-
legt úthald þrátt fyrir að dagleg hreyfing
væri langt undir ráðlagðri hreyfingu.
„Íslenskir krakkar eru frekar þéttir en
þol og þrek mjög gott. Það er því mjög
mikilvægt að þessi hópur haldi áfram
að hreyfa sig og viðhaldi þrekinu til að
fyrirbyggja lífsstílssjúkdóma í fram-
tíðinni.“ Sigurbjörn Árni bendir á að þó
svo að Íslendingar séu að fitna þá verði
að hafa það í huga að líkamsfita sé ekki
allsherjarmælikvarði. „Fólk er í góðum
málum svo lengi sem þrekið er gott
og það er ekki mikið yfir kjörþyngd en
nútímasamfélag miðar kannski of margt
út frá fituprósentu til að meta líkams-
ástand.“ Holdafar stúlkna í rannsókn-
inni var betra en strákanna en þeir voru
aftur á móti með betra úthald. Í niður-
stöðum má einnig sjá að líkamsástand
verknámsnemahópsins reyndist verra
en bóknámshópsins. Þeir hreyfa sig
minna, hafa minna úthald, eru feitari,
með mesta mittismálið og hæsta blóð-
þrýstinginn. „Miðað við þessar niður-
stöður eiga þeir verst stöddu á þessum
aldri eftir að lenda í vandræðum þegar
fram líða stundir ef ekkert breytist; það
eru ýmsir sjúkdómar sem gætu farið
að gera vart við sig upp úr fertugu;
sykursýki, hjarta- og æðasjúkdómar og
fleira.“ Sigurbjörn vonast til að rann-
sóknin verði endurtekin í framtíðinni
og munurinn sem greindist milli hópa
skoðaður betur og þá sé jafnvel hægt
að bregðast við með því að reyna auka
hreyfingu þessa hóps.
FEIT EN Í FORMI
HREYFA SIG OF LÍTIÐ Nýleg rannsókn á holdafari 18 ára framhaldsskóla-
nema sýnir að það er breytilegt eftir skólum hversu góðu formi þeir eru í.
Í FORMI Rannsóknin
sýnir að þó svo að
fituhlutfall sé hátt og
hreyfing lítil þá sé þol og
þrek í lagi.
SIGURBJÖRN ÁRNI
ARNGRÍMSSON
prófessor í Íþrótta- og
heilsufræðum við Há-
skóla Íslands.
Dáleiðslunemar
bjóða meðferð
Nemar á dáleiðslunámskeið hjá breska dáleiðslukennaranum
John Sellars bjóða ókeypi meðferð í æfingaskyni
Dáleiðslunámskeið stendur nú
yfir í Reykjavík, en það er fjórða
námskeið sinar tegundar hér á
landi á einu ári. Kennari er dá-
leiðarinn og dáleiðslukennarinn
John Sellars frá Bretlandi, en
hann hefur þrjátíu ára reynslu
af dáleiðslu og hefur meðal
annars þróað sérstaka dá-
leiðslumeðferð gegn þunglyndi.
Sellars til aðstoðar er Alexis
Main. Fyrri hluta námskeiðsins
er að ljúka og þurfa nemendur
að fá til sín fólk í dáleiðslumeð-
ferð til æfingar fram að seinni
hluta námskeiðsins, sem hefst
í byrjun júní. Nemendurnir eru
þegar þjálfaðir í að veita slökun,
fjarlægja kvíða, aðstoða við
endurupplifun minninga, auka
sjálfstraust, bæta sjálfsímynd og
ýmislegt fleira. Eftir seinni hluta námskeiðsins er þess vænst að
þeir geti aðstoðað fólk við að hætta að reykja og við að léttast,
svo dæmi séu nefnd. Nemendurnir óska nú eftir sjálfboðaliðum
til að prófa dáleiðslumeðferð án endurgjalds. Áhugasömum er
bent á heimasíðuna dáleiðsla.is þar sem hægt er að komast í
samband við nemana og fá tíma.
John Sellars segir mikla viðhorfsbreyt-
ingu orðna á Íslandi og fólki þyki nú
sjálfsagt að nýta þessa meðferð.
Skipholti 29b • S. 551 0770
SUMARDAGAR
15% AFSLÁTTUR
AF ÖLLUM VÖRUM
Nýtt námskeið hefst 9. maí
Boltinn
á Xinu 977
– alla virka daga
kl. 11 - 12
FÓLK ER KYNNINGARBLAÐ sem býður auglýs-
endum að kynna vörur og þjónustu í formi viðtala
og umfjallana ásamt hefðbundnum auglýsingum.
Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal
Sölumenn: Jónína María Hafsteinsdóttir, jmh@365.is s 512 5473
Sverrir Birgir Sverrisson, sverrirbs@365.is s 512 5432
Hönnun: Silja Ástþórsdóttir