Fréttablaðið - 08.05.2012, Blaðsíða 46
8. maí 2012 ÞRIÐJUDAGUR34
Berglind Jónsdóttir út skrifast
með gráðu í Art Direction frá
IED-skólanum í Barcelona í
sumar. Undanfarnar vikur hefur
hún unnið að verkefni fyrir Sonar-
tónlistarhátíðina í Barcelona
ásamt nokkrum samnemendum
sínum. Hópur Berglindar er einn
af þremur sem keppa um að fá að
taka að sér að skapa markaðsher-
ferð fyrir hátíðina árið 2013.
„Það er afmarkað svæði innan
Sonar sem kallast Sonarpro og
er „networking“ svæði sem fólk
getur skoðað og upplifað tækni-
nýjungar sem tengjast listum.
Vandinn er að fáir vita af Sonar-
pro og markmið okkar er að bæta
úr því með nýrri markaðsher-
ferð,“ útskýrir Berglind en hópur
hennar þykir hvað líklegastur
til vinnings miðað við umsagnir
umsjónarmanna Sonar.
Spurð nánar út í verkefnið
segir Berglind erfitt að útskýra
það í stuttu máli en segir hópinn
hafa skapað miðil sem auðveldar
fagfólki í hönnunar- og tónlistar-
bransanum að skiptast á upp-
lýsingum. „Við bjuggum til smá-
forrit, eða svokallað app, sem
geymir allar þínar upplýsingar og
virkar eins og rafrænn „ prófíll“.
Við hönnuðum líka alvöru ský
sem fólk fer undir og þá sendist
mappan þín í nálæga sjónvarps-
skjái og þannig getur viðkomandi
kynnt verk sín og sjálfan sig fyrir
öðrum. Aðrir gestir geta svo auð-
veldlega nálgast allar upplýsingar
um þig í gegnum fyrrnefnt smá-
forrit.“
Berglind sigraði í fyrra í sam-
keppni fyrir vídeólistahátíð og
notaði þá límbönd til að skapa
vegglistaverk. Uppátækið vakti
mikla athygli og í kjölfarið hafði
þáttastjórnandi hjá sjónvarps-
stöðinni Canal+ samband við
Berglindi og bað um að fá að fjalla
um hana og verk hennar í nýrri
heimildarmynd.
Aðspurð segist Berglind mikla
möguleika fylgja því að sigra í
keppninni fyrir Sonar og viður-
kennir að henni hafi þegar boðist
nokkur starfstilboð í Barcelona.
Hún segist þó ekki ætla að hugsa
út í framtíðina fyrr en hún hafi
útskrifast og sé búin að halda
útskriftarveislu. „Fyrst kem ég
heim að halda partý og hitta fjöl-
skyldu og vini. Það er einhver
hugmynd um að safna peningum
og flytja út til Berlínar og stofna
þar vinnustofu. Annars eru mögu-
leikarnir óteljandi,“ segir þessi
hæfileikaríka stúlka að lokum.
sara@frettabladid.is
SUMARFRÍIÐ
Það er einhver hug-
mynd um að safna
peningum og flytja út til Berl-
ínar og stofna þar vinnustofu.
BERGLIND JÓNSDÓTTIR
NEMI Í IED-SKÓLANUM Í BARCELONA
„17. júní verð ég á Rútstúni
í Kópavogi og ætla fylgjast
með hátíðardagskránni. Þriðja
árið í röð fer ég í Lególand og
Djurs Sommerland í Árósum
í Danmörku. Þannig að það
stefnir í brjálað partí hjá mér í
allt sumar.“
Hjörvar Hafliðason knattspyrnuspekingur.
„Það er greinilegt að hátíðin er að festa sig í sessi,“
segir Tinna Ottesen, einn aðstandenda heimildar-
myndahátíðarinnar Skjaldborgar sem fer fram
dagana 25.-28. maí.
Þetta er í sjöunda sinn sem kvikmyndaáhuga-
menn flykkjast til Patreksfjarðar um hvítasunnu-
helgina. Hátíðinni hefur borist metfjöldi umsókna í
ár en dagskráin sjálf skýrist á næstu dögum. Tinna
segist fagna auknum áhuga á heimildarmyndagerð á
Íslandi. „Það er gaman að það sé að verða til ákveðin
hefð fyrir heimildarmyndum sem listformi,“ segir
Tinna. Markmið hátíðarinnar er að sýna það nýjasta
og ferskasta í íslenskri heimildarmyndagerð.
Meðal þeirra sem sýna í ár er Steinþór Birgisson
með myndina Reimt á Kili: Uggur og örlög Reyni-
staðabræðra, en Steinþór hlaut aðalverðlaun hátíðar-
innar í fyrra fyrir myndina Jón og séra Jón. Þá ætlar
Jón Karl Helgason að frumsýna heimildarmynd um
sundmenningu landsins sem nefnist Sundið.
Tinna segir hátíðina alltaf vera að vaxa og þróast.
„Það er alltaf mikið líf og fjör á Patreksfirði á meðan
á hátíðinni stendur og öll gistipláss full. Það er því
um að gera fyrir þá sem ætla að koma að hafa hraðar
hendur en bæjarbúar hafa ávallt tekið okkur opnum
örmum.“ Hægt er að skoða dagskrá hátíðarinnar og
fá upplýsingar um gistimöguleika á Patreksfirði á
síðunni Skjaldborg.com. - áp
Mikil aðsókn á Skjaldborg
MIKIL AÐSÓKN Patreksfjörður fyllist af kvikmyndaáhuga-
mönnum um hvítasunnuhelgina þegar heimildarmyndahátíðin
Skjaldborg er haldin.
Ólafur Arnalds mun troða upp á
árlegum kynningarviðburði fyrir
íslenska tónlist í Los Angeles 9.
júní.
„Yfirleitt hefur þetta verið
einhver með gítar og það hefur
verið trúbadorastemning en núna
verður þetta aðeins öðruvísi.
Ólafur verður kannski með einn
eða tvo strengjaleikara sem hann
ætlar að finna úti í Los Angeles,“
segir Sigtryggur Baldursson,
framkvæmdastjóri Útóns. Meðal
þeirra sem hafa spilað á þessum
viðburði eru Jónsi í Sigur Rós,
Emilíana Torrini og Haukur
Heiðar í Diktu.
Viðburðinum er ætlað að koma
íslenskri tónlist á framfæri í
útvarpi, sjónvarpsþáttum og
auglýsingum í Banda ríkjunum.
„Þetta hefur borið svolítinn ávöxt
og árangur í gegnum tíðina,“
segir Sigtryggur.
Ólafur Arnalds vakti nýlega
athygli fyrir tónlist sína í Holly-
wood-myndinni The Hunger
Games og stutt er síðan Of
Monsters and Men áttu lag í sjón-
varpsþættinum Grey´s Anatomy.
Gestgjafi verður Lanette
Phillips, framleiðandi mynd-
banda hjá Mighty Eight. Aðrir
samstarfsaðilar eru Adam Lewis
hjá Planetary Group sem sér um
dreifingu á tónlist til útvarps-
stöðva, og Staci Slater hjá The
Talent House sem sér um að koma
tónlist að í sjónvarpsþáttum og
auglýsingum. Kvikmyndafram-
leiðandinn Sigurjón Sighvatsson,
sem er búsettur í Los Angeles,
verður einnig á staðnum og vonir
standa til að fleiri íslenskir tón-
listarmenn láti sjá sig.
Safnplatan Made in Iceland
5, sem hefur að geyma lög eftir
átján íslenska flytjendur, verður
einnig kynnt. Henni verður dreift
til fimm til sex hundruð háskóla-
útvarpsstöðva og bloggara í
Bandaríkjunum. Þar eiga lög Gus-
Gus, Ólafur Arnalds, Retro Stef-
son, Lay Low, Sóley og fleiri. - fb
Kynna íslenska tónlist í borg englanna
SPILAR Í LOS ANGELES Ólafur Arnalds
spilar á árlegum kynningarviðburði í Los
Angeles 9. júní. FRÉTTABLAÐIÐ/VALLI
Barnavagnavika Ferðafélags Íslands
alla daga næstu viku 7. – 11. maí
Þátttaka er ókeypis – allir velkomnir.
Gönguferðir með barnavagna og
kerrur, fyrir mömmur og pabba, afa
og ömmur og alla sem vilja vera með.
Léttar gönguferðir í 60 – 75 mínútur
með léttum teygjum og æfingum inn
á milli.
Lagt af stað kl. 12.15 alla daga.
Fyrsta gangan er frá Árbæjarlaug mánudaginn 7. Maí kl. 12.15
Sjá nánari dagskrá barnavagnaviku
á heimasíðu FÍ www.fi.is
Skráning og nánari upplýsingar á imark.is
REAL TIME REVOLUTION:
How Oprah Fused TV
& The Social Experience
ÍMARK og 365 miðla
fimmtudaginn 10. maí
Jonathan Sinclair, aðstoðarforstjóri
og framleiðandi hjá Harpo Studios,
framleiðslufyrirtæki Opruh Winfrey,
fjallar um breytingar á fjölmiðlaumhverfinu
og hvernig markaðsfólk þarf að takast
á við breytta neytendahegðun.
Kl. 11.30–13.00 í Norðurljósum í Hörpu,
hádegisverður innifalinn.
Markaðsbylting í beinni
BERGLIND JÓNSDÓTTIR: MÖGULEIKARNIR ERU ÓTELJANDI
Keppir um að fá að hanna
markaðsherferð fyrir Sonar
KEPPIR UM SONAR Berglind Jónsdóttir, nemandi í Art Direction við IED-skólann í
Barcelona, tekur þátt í keppni fyrir Sonar-tónlistarhátíðina í Barcelona.