Fréttablaðið - 08.05.2012, Blaðsíða 25
KYNNING − AUGLÝSING Skólar & námskeið8. MAÍ 2012 ÞRIÐJUDAGUR 5
Góður leiðsögumaður þarf að vera umhyggjusamur og hafa gaman af mannlegum
samskiptum því starfið snýst um
lifandi fólk með misjafnar þarfir
og þarfnast umhyggju og hlýju á
meðan það ferðast,“ segir Anna
Dóra Sæþórsdóttir, dósent í ferða-
málafræði við Háskóla Íslands.
Anna Dóra er einn af fjöl mörgum
kennurum í Leiðsögunáminu og
hefur margra ára starfsreynslu
sem leiðsögumaður.
„Að vera leiðsögumaður er það
allra skemmtilegasta sem ég hef
reynt um dagana. Það er afskap-
lega krefjandi því leiðsögumenn
þurfa að vera til staðar og gefa
af sér allan sólarhringinn. Leið-
sögumenn verða því eins konar
mömmur ferðafólksins, taka það
að sér og sinna þörfum þess á
persónulegan hátt svo öllum líði
vel.“
Anna Dóra segir margt geta gerst
á ferðalagi með erlenda ferðamenn,
enda sé flestum framandi upp lifun
að koma til Íslands og þá opnist
stundum allar tilfinningagáttir.
„Í Leiðsögunáminu er því meðal
annars farið í hópefli og sálgæslu
því starfið reynir á margt í einu og
þar á meðal að geta sinnt mann-
legum þörfum í bland við að miðla
góðri þekkingu á landi og þjóð.“
Leiðsögunám Endurmenntunar
er þriggja missera, 60 eininga nám
sem hægt er að fá viðurkennt sem
aukagrein með ferðamálafræði og
jafnframt í Hugvísindadeild Há-
skóla Íslands. Hægt er að stunda
það ýmist í staðbundnu námi eða
f jarnámi. Kennslustundir eru
teknar upp og því hægt að stunda
stóran hluta námsins hvar sem er í
heiminum og á þeim tíma sem nem-
endum hentar best. Nú þegar hafa
nokkrir lokið náminu sem voru bú-
settir erlendis meðan á því stóð.
Námskeiðin kenna bestu sérfræð-
ingar á hverju fagsviði.
„Leiðsögunámið er fjölbreytt,
skemmtilegt og krefjandi. Lögð
er megináhersla á hagnýta þekk-
ingu á sviði leiðsagnar með er-
lenda ferðamenn og að nemendur
þekki nýjustu kenningar á öllum
sviðum fagsins, því sú þekking
tekur stöðugum framförum. Með
því verður leiðsögnin meira lifandi
og skemmtilegri fyrir leið sögu-
manninn sjálfan sem og ferða-
mennina sem heyra það nýjasta í
stað þekktra staðreynda sem þeir
geta sjálfir lesið um í ferðahand-
bókum,“ segir Anna Dóra.
Hún bætir við að með auknum
fjölda ferðamanna til landsins
vinni æ f leiri Íslendingar við
leiðsögn allt árið og yfir sumar-
tímann sárvanti góða, fagmennt-
aða leiðsögumenn.
„Við förum yfir ímynd lands
og þjóðar í náminu og viljum að
nemendur hafi haldgóða þekk-
ingu á helstu þáttum náttúru-
fars, sögu og menningu Íslands.
Þá er mikilvægt fyrir leiðsögu-
menn að vera vel að sér í einu
erlendu tungumáli og þarf um-
sækjandi að standast inntöku-
próf í tungumálinu,“ segir Anna
Dóra.
Nokkrir af útskrifuðum leið-
sögumönnum frá Endurmenntun
hafa að námi loknu stofnað eigin
fyrirtæki á meðan aðrir vinna
fyrir stór ferðaþjónustufyrirtæki.
„Möguleikar leiðsögumanna í
starfi eru fjölbreyttir. Ferðir eru
misjafnar og mislangar. Farið er í
stuttar ferðir innan borgarinnar, í
dagsferðir út á land og lengri ferð-
ir á landsbyggðina. Því hentar
starfið ólíkum þörfum leiðsögu-
manna vel,“ segir Anna Dóra.
Í Leiðsögunám sækir fólk á
öllum aldri og af báðum kynjum.
Inntökuskilyrði eru að lágmarki
stúdentspróf eða sambærileg
menntun, en margir leiðsögu-
nemar eru með fjölbreytta mennt-
un þar að auki.
Leiðsögunám hefst í september
2012. Umsóknarfrestur er til 4.
júní. Kynningarfundur verður
í húsnæði Endurmenntunar að
Dunhaga 7, 30. maí, klukkan 17.15.
Nánari upplýsingar á www.
endur menntun.is.
Bráðvantar fagmenntaða leiðsögumenn
Erlendum ferðamönnum fjölgar stöðugt á Íslandi og þörf fyrir fagmenntaða leiðsögumenn verður sífellt meiri. Nú í sumarbyrjun útskrifast þriðji
hópur nemenda í Leiðsögunámi á háskólastigi hjá Endurmenntun Háskóla Íslands og nú þegar rignir yfir þau freistandi atvinnutilboðum.
Anna Dóra Sæþórsdóttir er dósent í ferðamálafræði við Háskóla Íslands. Hún segir leið-
sögumannastarfið það allra skemmtilegasta sem hún hefur starfað við. MYND/VILHELM
Núverandi leiðsögunemar lögðu af stað í sex daga hringferð um landið á laugardaginn. Ferðalagið er hluti af náminu, kynnir þeim
landið og æfir þá í leiðsögumennsku. Hér eru þeir við Snorralaug.
Það blundaði í mér þrá til að auka þekkingu mína á landafræði, sögu og jarð-
fræði menntaskólaáranna og
þegar mér barst auglýsing frá
Endur menntun um leiðsögu-
námið kviknaði löngun til að
setjast aftur á skólabekk,“ segir
Júlía og bætir við að sér hafi þótt
stór plús að skemmtilegt námið
gæfi henni einnig starfsréttindi.
„Þegar ég fór svo beint út á
vinnumarkað að lokinni útskrift
kom mér skemmtilega á óvart
hversu breitt aldursbilið er meðal
starfandi leiðsögumanna og að
í þeim geira kann fólk að meta
aldur, lífsreynslu og þroska.“
Júlía bjó áður um sjö ára bil í
Bandaríkjunum og talar því ensku
eins og móðurmál sitt. Hún ferðast
nú með bandaríska og breska
ferðamenn um landið.
„Nú er ég reyndar að læra
frönsku í Háskólanum og vonast
til að geta leiðsagt frönskum ferða-
mönnum í framtíðinni.“
Júlía segir námið hafa nýst sér
frábærlega eftir að hún byrjaði að
vinna sumarið eftir útskrift 2010.
„Í fyrstu var dálítið taugatrekkj-
andi að fara af stað með fulla rútu
af ferðamönnum en nú finnst mér
orðið eðlilegt að sækja ný vaknaða
og eilítið morgunfúla Breta í
skemmtiferðaskip að morgni og
skila þeim brosandi og alsælum
til baka eftir daginn,“ segir Júlía
og hlær dátt.
„Mér finnst alltaf jafn gaman
að fara Gullna hringinn og í
hvaða ferð sem er því þótt maður
hafi komið þangað alloft áður
verður upplifunin alltaf ný með
nýju fólki. Mér finnst gaman hvað
ferðafólkið er ánægt með Ísland og
kann vel að meta allt hér. Þetta er
yndislegt fólk upp til hópa og ég
hlakka til allra ferða,“ segir Júlía.
Hún segir lífið birtast í öllum
myndum á ferðalögum og að stutt
sé á milli gleði og sorgar.
„Ég hef verið heppin að enginn
hefur slasast eða látist hjá mér
í ferð en slíkt getur alltaf átt sér
stað og er örugglega erfitt verk-
efni að mæta. Maður þarf því alltaf
að sýna nærgætni og gott að vera
mannblendinn og úthverfur pers-
ónuleiki í þessu starfi, hafa gaman
af mannlegum samskiptum og
öllu fólki, sama hvernig það er.“
Júlía segir leiðsögunámið hafa
verið skemmtilegt en strembið,
enda miklar kröfur gerðar til
nemenda.
„Á mínum aldri verður maður
afar metnaðargjarn og sættir sig
við ekkert nema góðar einkunnir.
Ég naut þess alls með æðis legum
hópi samnemenda sem enn heldur
hópinn og verða örugglega vinir
fyrir lífstíð.“
Alltaf gaman að fara Gullna hringinn
Leikkonan og viðskiptafræðingurinn Júlía Hannam vildi breyta til þegar hún stóð á fimmtugu, en þá uppgötvaði hún að þeir sem eru komnir yfir
fimmtugt eru ekki lengur vinsælir á vinnumarkaði. Í leiðsögumennsku er lífaldur hins vegar mikils metinn og þar blómstrar Júlía sem aldrei fyrr.
Hér stendur leiðsögumaðurinn Júlía í öskuumhverfi við veginn á Sólheimajökli, réttum mánuði eftir að eldgos í Eyjafjallajökli hófst.
MYND/ÚR EINKASAFNI