Morgunblaðið - Sunnudagur - 17.03.2013, Blaðsíða 28

*Matur og drykkir Veitingastaður opnaður í rúmlega hundrað ára gömlu húsi á Akureyri »30
Þ
að má nota hvaða kjöt sem er í þessa uppskrift en við
ákváðum að nota andabringu. Þetta er bragðgott sal-
at sem auðvelt er að stækka upp og nota sem aðal-
rétt eða sem hluta af hlaðborði í fermingar- eða
skírnarveislu. Eitthvað sem allir borða. Svo er þetta mjög
einföld matreiðsla. Jón og Gunna geta alveg gert þetta,“ seg-
ir Matthías Þórarinsson, einn af fréttamönnum freisting.is.
Freisting.is er fréttamiðill þar sem fagmenn í mat skrifa
um og taka myndir af mat. Síðan er vinsæl meðal fagfólks og
áhugafólks um matargerð. Síðan er unnin af áhuganum ein-
um saman, engin laun, bara sjálfboðavinna. „Við erum með
uppskriftasíðu og þar má finna fjöldann allan af uppskriftum.
Svo förum við á veitingastaði og dæmum þá. Ekki bara á
höfuðborgarsvæðinu heldur einnig úti á landi.“ Fókusinn á
síðunni er á veitingahús, bakarí, kjötvinnslu eða hvað sem er.
Allt sem tengist mat fer þar inn. „Við erum með útsendara í
Skandinavíu sem senda okkur efni og við reynum að fylgjast
með fagkeppnum erlendis.
Síðan er því alltaf að stækka. Við ætlum að taka upp nýtt
kerfi innan skamms, Smári Valtýr Sæbjörnsson er vefstjóri
síðunnar, búsettur í nafla Reykjaness, Sandgerði, og hann
ætlar að reyna að koma með nýtt útlit í byrjun apríl. Freist-
ing.is er því að ganga í gegnum breytingar og það verður
meira líf á síðunni. Tenging við Instagram og fleira skemmti-
legt. Þannig að það er ekki bara kveikt á ofninum, það er
líka kveikt á síðunni.
Morgunblaðið/Kristinn
MATTHÍAS OG HINRIK Á FREISTING.IS
Vorsalat með vorinu
STRÁKARNIR Á FREISTING.IS VORU EKKI LENGI AÐ VIPPA UPP GÓÐU SALATI SEM HENTAR
VEL FYRIR PÁSKANA, FERMINGUNA EÐA BARA SEM GÓÐUR KVÖLDVERÐUR.
Benedikt Bóas benedikt@mbl.is
Þetta salat má nota sem forrétt eða sem aðal-
rétt eða sem hluta af stærri máltíð.
Fimm krydda-andarbringur í vorsalati með
fennel, jarðarberjum, rabarbara-pekingsósu og
djúpsteiktum skarlottlauk
FIMM KRYDDA-ANDABRINGA
fyrir 4
2 stk stjörnuanís
2 tsk kardimommur
2 tsk kanill
½ tsk matarsalt
100 g sykur
½ tsk svartur pipar
1 stk andarbringa, ca 400 g, skorið í fitu-
röndina, þó ekki í kjötið
Aðferð Allt krydd sett í matvinnsluvél og
maukað þar til verður að fínu dufti. Berið duftið
á lambið og látið standa í 5 mín, steikið í olíu á
pönnu þar til fitan verður stökk. Eldið anda-
bringuna í ofni á 150 gráðum þar til kjarnhita, 58
gráðum, er náð. Látið kjötið hvíla vel eftir eldun
og kólna, skerið þunnt niður í fallegar jafnar
sneiðar.
Salatið: Notið það ferskasta salat sem þið finn-
ið hverju sinni, að sumarlagi mætti nota eitthvað
brakandi úr garðinum en við notum það besta
sem við fundum í búðinni s.s. súrur, dill, grænkál,
klettakál og hreðkur.
RABARBARA-PEKINGSÓSA
1 dl góð rabarbarasulta t.d. frá Mömmu-
sultum
3 msk Peking Duck-sósa frá Asian Home
Gourmet
hrært saman og smakkað til með ör-
litlum kanil
2 msk djúpsteiktur skarlottlaukur, fæst í
Asíu-sérvörubúðum
1 stk fenníka, skorin þunnt með örlitlu
borðediki skvett yfir
250 g íslensk jarðarber, frá Silfurtúni ef
þau eru á boðstólum, annars erlend
Samsetning: Raðið saman salati á fjóra djúpa
diska. Setjið rabarbara-pekingsósu og jarðarber
á diskana, leggið þunnt skorna andarbringuna yf-
ir salatið og toppið með edik-fenníkunni.
Vorsalat
Matthías Þórarinsson til
vinstri ásamt félaga sínum,
Hinriki Carli Ellertssyni.