Morgunblaðið - Sunnudagur - 17.03.2013, Blaðsíða 60
BELGÍSKU LANDSLIÐSMIÐHERJARNIR ROMELU LUKAKU HJÁ WBA
OG CHRISTIAN BENTEKE HJÁ ASTON VILLA HAFA VERIÐ FUNHEITIR
MEÐ LIÐUM SÍNUM AÐ UNDANFÖRNU. MIKILS ER VÆNST AF ÞEIM.
Christian Benteke og Romelu Lukaku eiga margtsameiginlegt. Þeir eru báðir ungir Belgar frá Kongó;báðir 190 sentimetrar á hæð og leika báðir sem
miðherjar í ensku úrvalsdeildinni, annar með
Aston Villa en hinn West Bromwich Albion
sem eru nágrannalið í Miðlöndunum.
Báðir hafa þessir piltar vakið verðskuld-
aða athygli fyrir framgöngu sína í vetur,
tekið mikið til sín og verið býsna hættu-
legir upp við mark andstæðinganna. Lu-
kaku, sem verður tvítugur í maí, hefur gert
13 mörk í 25 úrvalsdeildarleikjum fyrir WBA
en Benteke, sem er 22 ára, einu minna, 12
mörk í 26 deildarleikjum. Sá síðarnefndi hefur á
hinn bóginn betur þegar öll mót eru talin, kominn
með 16 mörk gegn 13 hjá Lukaku.
Benteke hefur sannarlega verið ljósið í myrkrinu
hjá Aston Villa í vetur, hann og Austurríkismaðurinn ungi, Andreas Weim-
ann, en þetta fornfræga félag berst nú fyrir lífi sínu í úrvalsdeildinni. Benteke
skoraði laglegt mark þegar í fyrsta leik eftir komuna frá Genk í heimalandi sínu
síðastliðið haust og hefur ekki litið um öxl síðan. Sennilega eru mörkin tvö í 3:1-
útisigri á Liverpool í desember hápunkturinn – enn sem komið er.
Benteke hefur ekki bara vakið athygli fyrir styrk sinn, hann hefur margsýnt að hann
er frábær skytta af löngu færi. Má þar nefna fleyg hans gegn WBA í janúar, eitt af mörk-
um ársins í úrvalsdeildinni. Benteke tók þá við boltanum með bakið í markið, sendi varn-
armanninn í lautarferð með snöggum mjaðmahnykk, sneri sér og klessti boltanum í blá-
hornið fjær. Gjörsamlega óverjandi. Benteke er líka fullfær um einfaldari hluti, eins og
markið sem hann skoraði gegn Reading um síðustu helgi er til vitnis um. Þá var boltinn
lagður út í teiginn á Benteke sem skilaði honum af yfirvegun í markið.
Eins og snýttur út úr nösinni á Didier Drogba
Lukaku hefur ekki síður vakið athygli fyrir fjölhæfni sína. Hann skorar mörk af stuttu færi
og löngu, auk þess sem hann er prýðilegur skallamaður. Þá er hann stöðugt að verða meiri
þátttakandi í uppbyggingu sókna Albion. Lukaku er sterkur sem uxi, glettilega fljótur og
minnir um margt á átrúnaðargoð sitt á velli, sjálfan Didier Drogba.
Lukaku var ekki alltaf í byrjunarliði Albion framan af vetri en nú þyrfti Steve gamli
Clarke að vera ansi illa upplagður til að nota hann ekki frá byrjun í leikjum liðsins.
Lukaku var keyptur til Chelsea sumarið 2011 frá Anderlecht, þar sem hann skoraði 41
mark í 98 leikjum, barn að aldri. Vistaskiptin gengu ekki eins vel og til stóð og Lukaku fékk
fá tækifæri hjá Chelsea í fyrra, hvorki hjá André Villas-Boas né Roberto Di Matteo.
Það blasti því við að lána hann út á þessari leiktíð, svona til að kanna hvort drengurinn
ætti ekki örugglega erindi í ensku úrvalsdeildina. Svarið við þeirri spurningu liggur nú fyrir.
Lukaku hefur kunnað afar vel við sig hjá Albion og getur örugglega hugsað sér að taka
annan vetur þar nyrðra, alltént frekar en að sitja á bekknum hjá Chelsea. Margt bendir þó
til þess að hann verði kallaður heim í sumar. Það er ekki eins og Fernando Torres og Demba
Ba séu beinlínis að misbjóða netmöskvunum með fleygum sínum nú um stundir.
En hvað ætli verði um Benteke? Forlögin virðast löngu búin að gera upp hug sinn, hann
mun leika fyrir stærra lið en Aston Villa. Hvort það verður strax næsta vetur kemur í ljós,
það veltur líklega aðallega á því í hvaða deild Villa verður að hausti.
Romelu Lukaku
er ættaður frá
Kongó. Christian Benteke
er fæddur í Kongó
sem þá hét Zaíre.
Belgfullir af bjartri þrá
60 MORGUNBLAÐIÐ SUNNUDAGUR 17.3. 2013
Skyndilega er enska úrvalsdeildinbarmafull af Belgum. Christian Ben-teke og Romelu Lukaku hafa þegar
verið nefndir til sögunnar og þriðji lands-
liðsmiðherjinn leikur þar líka, Kevin
Mirallas hjá Everton.
Markvörðurinn Simon Mignolet hefur
átt frábæran vetur hjá Sunderland og
Jan Vertonghen er farinn að setja sterk-
an svip á vörn Tottenham Hotspur – og
sókn, þegar sá gállinn er á honum. Vin-
cent Kompany, fyrirliði Manchester City,
er af margra viti besti miðvörður deild-
arinnar og Thomas Vermaelen er fyrirliði
Arsenal. Sá hefur raunar oftast leikið
betur en í vetur. Eden Hazard gekk til
liðs við Chelsea fyrir yfirstandandi leiktíð
og hefur þegar skipað sér á bekk með
skemmtilegustu sóknarmönnum deild-
arinnar. Útsmoginn og elskur að bolta-
drengjum. Eða þannig.
Enn er ónefndur Mousa Dembélé, mið-
vellingurinn sem Tottenham Hotspur
keypti af Fulham síðastliðið haust. Hann
er líka af afrísku bergi brotinn eins og
Benteke og Lukaku. Móðirin er raunar
belgísk en faðirinn frá Malí.
Dembélé nýtur virðingar vegna fjöl-
hæfni sinnar. Hann er stór og sterkur
eftir því en jafnframt mjög öruggur á
Mousa Dembélé skorar Luis Suárez á hólm í
grettukeppni í leik Tottenham og Liverpool.
AFP
HRAUSTAR KVEIFAR
BELGÍSK KNATTSPYRNA ER VÖKNUÐ AF MIKLUM ÞYRNIRÓSARSVEFNI.
ENSKA ÚRVALSDEILDIN HEFUR EKKI FARIÐ VARHLUTA AF ÞVÍ.
boltanum. Dreifir honum vel og leikur
samherja sína gjarnan uppi, Gareth
Bale hefur notið góðs af því.
Eins harður og Dembélé er af sér
hefur honum líka verið legið á hálsi
fyrir að fara auðveldlega í jörðina þeg-
ar að honum er sótt. Eins þykir hann
tuða helst til mikið í dómurum. Það er
raunar að verða eins konar íþrótt í
sjálfu sér í Evrópuboltanum. Og þar
fara bestu liðin fremst í flokki, Barce-
lona og Bayern München. Allianz-
völlurinn var á floti í tárum eftir heim-
sókn Arsenal í vikunni. Hvað varð um
þýska stálið?
Ef til vill er þetta bara tímanna
tákn? Metrómennskan hefur haldið inn-
reið sína í fótboltann, eins og annað.
Menn hafa fulla heimild til að vera
grjótharðir og dúnmjúkir í sömu andrá.
Hollara þó að ruglast ekki á hita- og
andlitskremunum, strákar!
Belgar eru nú efstir í sterkum riðli í
undankeppni HM og hver veit nema
þeir snúi aftur á stórmót í Brasilíu
næsta sumar eftir tólf ára hlé.
Mousa, hvort ætlarðu að vera harður eða deigur?
* „Ég er gjörsamlega heillaður af Benteke. Þvílíkur leikmaður.“Michael Owen, fyrrverandi landsliðsmiðherji Englands.
Boltinn
ORRI PÁLL ORMARSSON
orri@mbl.is