Morgunblaðið - Sunnudagur - 17.03.2013, Page 49

17.3. 2013 MORGUNBLAÐIÐ SUNNUDAGUR 49
• Vetnismeðhöndlun skilar hreinni lífrænni olíu en áður hefur þekkst.
• Íblöndunarhlutfall jafngildir 5% minni koltvísýringsmengun.
• Má nota á allar díselvélar án þess að breyta þeim eða endurstilla.
• Stuðlar að hreinni og betri bruna sem skilar hreinni vél.
• Eykur ekki viðhald eða eyðslu og hefur ekki áhrif á verð.
• Skilar sama afli og venjuleg díselolía og 5% meira afli en hefðbundin lífdíselolía.
• Er mjög kuldaþolin og geymist vel, jafnt í hita sem kulda.
Nánari upplýsingar á olis.is
út í andrúmsloftið. Það má því segja að ef allir díselbílaeigendur fylltu hjá Olís myndi 5% minnkun útblásturs
svæði Reykjavíkur.
Lög Ásgeirs Trausta Einarssonar heilluðu Frónbúaupp úr skónum á síðasta ári og nú er landnámhins unga Húnvetnings hafið vestan Atlantsála.
Þessi snjalli og nýverðlaunaði tónlistarmaður hér heima
lék í byrjun vikunnar í New York, hann verður í Kali-
forníu eftir helgi og fer síðan til Kanada.
Slipper Room klúbburinn er á Orchard Street, í hverf-
inu Lower East Side á Manhattan. Um 120 manns voru
í salnum þegar tónleikarnir hófust nákvæmlega stund-
arfjórðungi yfir klukkan átta og ekki var pláss fyrir
mikið fleiri á þessum litla en skemmtilega stað.
Margir Íslendingar voru á svæðinu, enda hefur fjöldi
þeirra sem búa í borginni ekki séð hann áður á sviði.
Auk Íslendinga og annars „venjulegs“ fólks var nokkuð
um fólk úr tónlistarbransanum sem hafði verið boðið.
Ásgeir spilaði alla plötuna sína, Dýrð í dauðaþögn, á
tónleikunum og tvö ný lög að auki. Var hann tæpa
klukkustund á sviðinu. Hann flutti lögin á ensku og
komu þýðingar Johns Grants á textunum mjög vel út að
sögn viðstaddra. Þó verður að geta þess að Ásgeir
Trausti „stalst“ til að syngja fáein lög á íslensku líka!
Undirtektir voru mjög góðar og var Ásgeir klappaður
upp þó svo hann hafi sagt í byrjun að hann væri ekki
með fleiri lög til að spila. Hann tók því aftur lagið
Hærra og söng það á íslensku í síðara skiptið.
Með Ásgeiri í för eru í ferðinni Þorsteinn Einarsson,
bróðir söngvarans, sem leikur á bassa og hljómborð,
Guðmundur Kristinn Jónsson, sem leikur á hljómborð
og er auk þess fararstjóri og annar tveggja umboðs-
manna, Júlíus Róbertsson gítarleikari og bakradda-
söngvari, Jón Valur Guðmundsson trommari og Friðjón
Jónsson hljóðmaður.
Júlíus og Ásgeir deildu herbergi í New York og slaka hér á eftir tónleikana. Ás-
geir strax farinn að fá tilkynningar á Facebook frá fólki sem var í skýjunum.
Ásgeir Trausti á þaki
Slipper Room, með
Manhattan í baksýn.
Nýfallið íslenskt
regn í Vesturheimi
ÁSGEIR TRAUSTI ER Á TÓNLEIKAFERÐALAGI UM BANDARÍKIN ÁSAMT MEÐREIÐARSVEINUM.
HANN LÉK Á SLIPPER ROOM Á MANHATTAN Á DÖGUNUM VIÐ MJÖG GÓÐAR UNDIRTEKTIR.
Ljósmyndir: Sigurjón Guðjónsson
* Undirtektir voru mjög góðar ogvar Ásgeir klappaður upp þó svohann hafi sagt í byrjun að hann væri
ekki með fleiri lög til að spila...
Haldið aftur á hótelið eftir vel heppnaða tónleika. Stutt var að fara svo lítið
mál var að halda á öllum græjunum. Ljósmyndarinn fékk að bera gítar.