Morgunblaðið - Sunnudagur - 17.03.2013, Blaðsíða 57

17.3. 2013 MORGUNBLAÐIÐ SUNNUDAGUR 57
Sjóræninginn, skáldævisaga
Jóns Gnarrs um einelti og ein-
semd á unglingsárum, er mögn-
uð bók sem hefur vakið athygli.
Umræðan um einelti er mik-
ilvæg og hér er komin bók sem
á brýnt erindi við alla en alveg
sérstaklega við unglinga. Ferill
Jóns Gnarrs hefur verið sig-
urganga en það lá ekki beinlínis
í augum uppi að þannig myndi
fara. Skilaboð höfundar hljóta
því að vera þau að sá sem upp-
lifir sig einangraðan frá um-
hverfinu og jafnvel útskúfaðan
getur staðið uppi sem sig-
urvegari. Skólakerfið fær ræki-
lega á baukinn sem stofnun
sem lætur sig einstaklinginn of
oft litlu varða.
Náið ykkur í eintak!
Mikilvæg
skilaboð
Yrsa Sigurðardóttir upplýsti norska
lesendur sína í Centralteatret í Osló
um liðna helgi um að þýskur sambýlis-
maður Þóru Guðmundsdóttur lög-
manns í bókum hennar væri í vondum
málum. Þegar hún útskýrði að vand-
ræði hans stöfuðu af því að hún væri
að velta því fyrir sér að koma honum
fyrir kattarnef uppskar hún mikinn
hlátur. Yrsa var einn aðalgesturinn á
Krimfestivalen sem stóð yfir í Osló
7.-9. mars síðastliðinn þar sem um 50
glæpasagnahöfundar víðsvegar að úr
heiminum komu fram. Hún var nokkr-
um sinnum í samtali á sviði og áritaði
bækur sínar í bókaverslunum.
Brakið eftir Yrsu Sigurðardóttur
kom nýlega út í Noregi og stökk beint í
14. sæti norska metsölulistans. Þar-
lendir gagnrýnendur hafa lokið á hana
miklu lofsorði. Trönder avisen sagði að
sagan væri „óhugnanlega heillandi“, Fædrevennen að hún væri „hröð og spennandi“ og gagn-
rýnendur Adresseavisen og Dagsavisen tóku báðir sérstaklega fram að þeir myndu afþakka
tilboð um skútusiglingu til Íslands eftir að hafa lesið bókina.
Yrsa Sigurðardóttir. Hér er hún í samtali um bækur
sínar á sviði í Osló.
SAMBÝLISMAÐUR Í HÆTTU?
Brynhjarta eftir Norðmanninn Jo Nesbø
er í efsta sæti á metsölulistanum, eins og
vænta mátti en vinsældir höfundarins eru
miklar hér á landi sem annars staðar. Sem
dæmi má nefna að allar bækur hans sem hafa
komið út á íslensku hafa farið í efsta sæti
metsölulista Eymundsson.
Jo Nesbø er orðinn einn vinsælasti glæpa-
sagnahöfundur heims og hefur selt bækur
sínar í rúmlega 18 milljónum eintaka og er
því vellauðugur. Nú berast fréttir af því að ný
bók eftir hann sé væntanleg í júní. Hún nefn-
ist Politi og þar er Harry Hole sem fyrr í
aðalhlutverki. Einhverjar sögusagnir eru á
kreiki þess efnis að þetta verði síðasta Harry
Hole-bókin, en ekkert hefur þó verið stað-
fest í því sambandi. Aðdáendur Nesbø hafa
vissulega ástæðu til að óttast um örlög Har-
rys en höfundurinn hefur ekki beinlínis farið
mjúkum höndum um þessa aðalpersónu sína.
Harry hefur nefnilega látið mjög á sjá með
hverri bók og er orðinn ansi skaddaður á lík-
ama og sál. Hann er hins vegar töffari og
aðdáendur hans vona innilega að hinn mjög
svo eftirminnilegi Hole reynist ódrepandi.
Sennilega er það borin von.
SÍÐASTA BÓKIN UM
HARRY HOLE?
Jo Nesbø. Mun hann ganga frá Harry Hole?
Undantekningin, skáldsaga
Auðar Övu Ólafsdóttur, var til-
nefnd til Íslensku bókmennta-
verðlaunanna og fékk einkar
góða dóma gagnrýnenda. Ef
hún var ekki ein af jólabók-
unum sem þið lásuð þá er rétt
að bæta úr því hið snarasta.
Enginn bókmenntaunnandi ætti
að missa af þessari fallega skrif-
uðu bók um ást, missi og sköp-
un. Lúmsk kímni höfundar
skemmir svo sannarlega heldur
ekki fyrir.
Ekki missa af
Undantekn-
ingunni
Gæðaverk
komin í kilju
NÝJAR BÆKUR
JÓLABÆKURNAR KOMA ÚT Í KILJUFORMI
EIN AF ANNARRI SEM ÆTTI AÐ VERA MIK-
IÐ ÁNÆGJUEFNI FYRIR BÓKAORMA. ÞAÐ
ER ENGIN ÁSTÆÐA TIL AÐ MISSA AF ÞVÍ
SEM ER AÐ GERAST Í ÍSLENSKUM BÓK-
MENNTUM. ÞAR ER SANNARLEGA AÐ
FINNA MIKIL GÆÐI, EINS OG ÚRVALIÐ
ÞESSA VIKUNA BER MEÐ SÉR.
Hvítfeld er fyrsta skáldsaga Krist-
ínar Eiríksdóttur. Bókin virtist ætla
að týnast í hinu stórbrotna jóla-
bókaflóði en á lokasprettinum var
þetta bókin sem ansi margir fóru að
tala um. Kristín sýnir og sannar að
hún hefur gott vald á skáldsagna-
forminu og það er lítill byrjenda-
bragur á verkinu. Þetta er grimm
saga um fjölskyldu, sannleika og lyg-
ar.
Sannleikur
og lygar
Tvær bækur um hinn einstaklega eftirminnilega
Einar Áskel hafa verið endurútgefnar. Báðar eru
þær með fyrstu bókunum sem komu út um hina
ungu hversdagshetju. Önnur bókin er Flýttu þér,
Einar Áskell, en þar er ætlast til að Einar Áskell
flýti sér í leikskólann. Hin er Höldum veislu, Einar
Áskell og þar vill Einar Áskell halda afmælisveislu
samkvæmt eigin hugmyndum.
Sígildur ærslabelgur
gleður börnin
* „Hið óþarfa er afar nauðsynlegt.“Voltaire
BÓKSALA 24. FEBRÚAR-9. MARS
Allar bækur
Listinn er byggður á upplýsingum frá Rannsóknasetri verslunarinnar
1 BrynhjartaJo Nesbo
2 IðrunHanne-Vibeke Holst
3 Iceland Small WorldSigurgeir Sigurjónsson
4 IllskaEiríkur Örn Norðdahl
5 Sumar án karlmannaSiri Husvedt
6 Fimmtíu skuggar frelsisEL James
7 Lilli klifurmús og hin dýrin íHálsaskógi
Thorbjörn Egner
8 Sálmabók íslensku kirkjunnarEnginn höfundur
9 Halli hrekkjusvínEva Lynn Fogg, Guðrún Olga & Jenný
K. Kolsöe
10 Mary PoppinsP.L.Travers
Uppsafnað frá 1. janúar
1 Fimmtíu skuggar frelsisEL James
2 BrynhjartaJo Nesbo
3 Iceland Small WorldSigurgeir Sigurjónsson
4 IðrunHanne-Vibeke Holst
5 6 kíló á 6 vikumOla Lauritzson & Ulrika Davidsson
6 Lilli klifurmús og hin dýrin íHálsaskógi
Thorbjörn Egner
7 Uppskrift að fjöri með LatabæMagnús Scheving
8 IllskaEiríkur Örn Norðdahl
9 SjóræninginnJón Gnarr
10 Heilsuréttir fjölskyldunnarBerglind Sigmarsdóttir
MÁLSHÁTTUR VIKUNNAR
Á misjöfnu þrífast börnin best.