Tímarit Máls og menningar - 01.11.1986, Side 94

Tímarit Máls og menningar
heitir Albert og er nýfluttur í vesturálmuna núna, hann leiddi stelpu
um daginn og ég veit að er ekki systir hans og þau hlóu alveg ferlega
eins og kjánar. Eg þekki hann lítið ennþá. Hann er með gleraugu eins
og Albert í bókini um Albert sem ég fékk á Jólunum og ég held ekki
að stelpur séu einhvað skotnar í svona ungum strákum neitt í alvöru.
Hann er samt alveg ókei. Hann sagðist hafa drukkið vín einusinni og
verið fullur, en ég veit að hann var bara að segja það að ganmi sínu
því hann vildi vita ef ég mundi trúa því. Svo sagði hann um daginn
svo marga brandara sem ég ætla að láta hann segja aftur svo að ég get
munað þá til að skrifa hér í bókina.
Ef einhver opnar skúffuna og les þessa bók þá bara KVEIKI ÉG í
HÚSINU eða geri einhvað annað og hefni mín. ÉG SVER ÞAÐ
Enginn skal fá að lesa það sem ég skrifa hér því þá skal ég hefna alveg
ofsalega fyrir það.
Ef einhver stelst í þessa skúffu kemst það upp, því ég læt bókina
liggja svoleiðis.
Ég vildi að það væri til likill að skúffuni.
í gærkvöldi var ég lengi að skrifa aftur blaðsíðuna sem ég klipti hér út
því hún var svo illa skrifuð og mikið sem ég var búinn að strika yfir
aftur, það var svo ljótt að sjá það. Ég vanda mig alltaf þegar ég skrifa í
þessa bók og þess vegna er ég svo lengi altaf. Ég er miklu fljótari að
hugsa en að skrifa. Kennarinn segir að ég mundi geta vel í íslensku en
Jón Gestur er altaf að segja að ég tali svo vitlaust, en mér bara finnst
hann sjálfur tala vittlaust og einhvað svo flókið alt stundum að ég skil
hann bara alsekki. Ég veit að hann kennir alsekki íslensku sjálfur því
hann er altaf að tala um reikning og samt er hann oft að tala um
íslensku líka og mér bara leiðist það ofsalega og finnst það migglulegt
af honum. Mamma sagði að ég á að hlusta vel á alt sem hann segir.
Mér þykir skrítið að hann pabbi minn heimsækir mig aldrei og ég
frétti aldrei neitt um hann, því hann er lifandi, það segir Mamma. Ég
er ákveðinn að fara til hans þegar ég er orðinn stór. Hann er fyrir
norðan og er Verkstjóri
í gær var verið að tala um Faðirvorið. Ég kann það alveg, og ég var sá
492