Dagblaðið Vísir - DV - 20.09.2010, Blaðsíða 4

4 FRÉTTIR 20. september MÁNUDAGUR
Sími 569 3100 • Stórhöfða 25 • www.eirberg.is
Ný kynslóð
Rafskutlur
-frelsi og nýir möguleikar
Einfaldar í notkun og
hagkvæmar í rekstri
Helgi Rafn Brynjarsson, sem árið
2007 var sakaður um að hafa drepið
hundinn Lúkas á Akureyri, krefst 500
þúsund króna í bætur frá 29 ára konu
vegna ummæla sem hún lét um hann
falla á bloggsíðu. Málið var tekið fyrir
í Héraðsdómi Reykjaness á föstudag.
Lúkasarmálið kom upp á svoköll-
uðum Bíladögum á Akureyri í júní
2007. Gekk tölvupóstur milli manna
þess efnis að hópur ungra manna
hefði misþyrmt smáhundinum
Lúkasi með því að setja hann ofan í
íþróttatösku og sparka í hana þar til
hundurinn drapst. Mikið var skrifað
um málið á bloggsíðum þar sem Helgi
Rafn var nafngreindur. Málið vatt upp
á sig og vakti það mikla reiði í sam-
félaginu. Síðar kom í ljós að hundur-
inn Lúkas var sprelllifandi og var það
því uppspuni frá rótum að Helgi Rafn
hefði orðið honum að bana.
Helgi Rafn kærði upphaflega um
hundrað manns vegna ærumeiðinga.
Málið sem tekið var fyrir á föstudag
er það fyrsta og eina sem fer alla leið
fyrir dómstólum, samkvæmt upplýs-
ingum frá lögmanni hans, Arnari Kor-
máki Friðrikssyni. Eitt annað meið-
yrðamál fór fyrir dóm en dómssátt
var gerð í því máli. Samþykkti hinn
stefndi í því máli að greiða Helga 550
þúsund krónur í bætur.
Konunni, sem nú er stefnt, er gef-
ið að sök að hafa fullyrt að Helgi hefði
framið „ógeðslegan glæp“, auk þess að
birta mynd af honum á bloggsíðunni.
Krefst Helgi þess að fá miskabætur að
upphæð 500 þúsund krónur og auk
þess 200 þúsund krónur til að kosta
birtingu dómsins í fjölmiðlum. Aðal-
meðferð í málinu fer fram þann 16.
nóvember næstkomandi.
einar@dv.is
Krefst hálfrar milljónar í bætur vegna ummæla á bloggsíðu:
Lúkasarmálið lifir
Hundurinn
Lúkas Helgi
Rafn krefst 500
þúsund króna
í bætur frá
konunni.
Össur verði
ákærður
Bjarni Harðarson, fyrrverandi
þingmaður Framsóknarflokksins
og bóksali á Selfossi, segir á bloggi
sínu að hann sakni þess að sjá ekki
fleiri ákærða fyrir landsdómi vegna
hrunsins og nefnir þar Össur Skarp-
héðinsson utanríkisráðherra sér-
staklega. „Það eina sem ég geri at-
hugasemdir við er að ekki skuli fleiri
ákærðir, þ.á m. núverandi utanríkis-
ráðherra en sakfelling þeirra sem nú
eru nefndir hlýtur að kalla á endur-
skoðun þeirra mála.“
Taprekstur hjá
lögreglunni
Lögreglan á Suðurnesjum hefur ver-
ið rekin með tapi undanfarin tíu ár
að árinu 2009 undanskildu. Þá náð-
ist fyrst fram afgangur, 25 milljón-
ir króna, en uppsafnað tap var 186
milljónir króna árið áður. Sigríður
Björk Guðjónsdóttir, lögreglustjóri
á Suðurnesjum, sagði í samtali við
Ríkisútvarpið að þessar 25 milljónir
í afgang hefðu ekki færst yfir á þetta
ár heldur farið upp í hallann. Emb-
ættið væri fyrst nú á áætlun, það
yrði einhver afgangur á þessu ári
og hann færi væntanlega líka upp í
þennan gamla halla.
Með byssu á
Landspítalanum
Sérsveit ríkislögreglustjóra af-
vopnaði mann á sextugsaldri
á Landspítalanum að morgni
sunnudags. Hann er talinn and-
lega vanheill. Lögreglan á höfuð-
borgarsvæðinu segir manninn
hafa verið vistaðan á viðeigandi
stofnun eftir að yfirheyrslum yfir
honum lauk. Vopnið sem hann
var með slíðrað er hálfsjálfvirk
skammbyssa en lögreglan segist
ekki vita hvað manninum gekk
til. Byssan var óhlaðin. Maður-
inn kom á Landspítalann í leit
að læknisþjónustu. Hann sýndi
starfsfólki spítalans slíðrað vopnið.
Ólafur Ragnar Grímsson, forseti Íslands, ætlar að ræða við Ivan Gašparovic, forseta
Slóvakíu, um málefni Evrópu og stöðu Róma-barna í landinu en Amnesty Internation-
al hefur varpað ljósi á umfangsmikil mannréttindabrot gegn börnunum. Mannrétt-
indabrotin eru framin innan skólakerfisins og koma fram í aðskilnaðarstefnu.
Forseti Íslands, Ólafur Ragnar
Grímsson, segist vilja ræða við for-
seta Slóvakíu, Ivan Gašparovic, um
mannréttindastöðu Róma-barna
í Slóvakíu. Gašparovic átti fund á
sunnudaginn með Ólafi Ragnari
Grímssyni, forseta Íslands, og hitt-
ir svo í dag Jóhönnu Sigurðardóttur
forsætisráðherra og Össur Skarphéð-
insson utanríkisráðherra auk þess
sem hann heimsækir Alþingi. Í gær-
kvöld bauð forseti Íslands forsetan-
um ásamt fylgdarliði til kvöldverðar
á Bessastöðum. Forsetinn heldur af
landi brott í dag eftir skoðunarferð til
Þingvalla.
„Ég mun einnig ræða við hann
um málefni Evrópu í víðu samhengi,“
segir Ólafur í samtali við DV. „Mér
finnst jákvætt að taka vel á móti öll-
um þeim evrópsku þjóðhöfðingjum
sem vilja heiðra okkur með heim-
sókn sinni og ræða mál sem eru
efst á baugi. Vissulega eru aðstæður
Róma-barnanna eitt þeirra.“
Mikið verk fyrir höndum
Ólafur segist hafa kynnt sér vand-
aða úttekt samtakanna Amnesty
International og tilmæli þeirra til
ríkisstjórnar Slóvakíu. „Ég tel að rík-
isstjórnin eigi afar mikið verk fyr-
ir höndum, mér skilst að hlutirnir
séu að hreyfast í rétta átt. Gefin hafa
verið loforð um að binda enda á að-
greiningu og mismunun en það er ef
til vill ekki ljóst hvernig á að gera það
og ég mun ræða það við hann.“
Ólafur vísar í nýja áætlun rík-
isstjórnarinnar sem felur í sér lof-
orð um að binda enda á aðskiln-
að Róma-barna í skólum landsins.
Hann viti einnig af áhyggjum Am-
nesty International um að áætlunin
nái ekki fram að ganga þar sem hún
sé ekki sett í forgang og hafi ekki enn
verið fylgt eftir með aðgerðum.
Aðskilnaðarstefna í Evrópu
Davíð Þór Jónsson, talsmaður Am-
nesty International á Íslandi, segir
mikilvægt að fylgjast með aðgerðum
slóvakísku ríkisstjórnarinnar. Hann
segir ríkisstjórnina hafa brugðist
börnunum og þar sé aðskilnaðar-
stefna við lýði. Þau fái ekki tækifæri
til menntunar og séu þannig dæmd
til að lifa á jaðri samfélagsins í fátækt.
„Þau eru með þessu gerð valdalaus
og raddlaus. Stuðst er við námsmat
sem þeim er nærri ómögulegt að
standast. Þar eru tekin til atriði eins
og málskilningur og félagslegar að-
stæður. Rómabörnin tala ekki sló-
vakísku og þau búa við mikla fátækt.
Þannig er þeim úthýst frá upphafi.“
Davíð Þór segir ástæður að-
skilnaðarins að hluta stafa af óvild
í garð Róma-fólks og að hluta af
ófullkomnu menntakerfi sem sé
ekki í stakk búið til að mennta börn
af Róma-uppruna. Um fordóm-
ana segir hann að foreldrar slóvak-
ískra barna vilji ekki að börn sín eigi
samneyti við Róma-börn. Kennar-
ar barnanna séu líka með fordóma
gegn þeim. Hann nefnir að aðstæð-
ur þessara barna séu oft ömurlegar.
Oft sé gengið langt í því að tryggja
að Róma-börn blandi ekki geði við
nemendur af öðrum uppruna. Þau
séu meira að segja stundum læst inni
í kennslustofum.
Róma-börn í Slóvakíu búa við aðskilnað-
arstefnu innan menntakerfisins. Börnin
eru á grundvelli mats á félagslegum
aðstæðum og tungumálakunnáttu send
í skóla sem ætlaðir eru nemendum með
„væga vitsmunalega fötlun“ eða skóla
þar sem nemendur eru hreint og klárt
aðgreindir eftir uppruna.
Amnesty International sendi nýverið
tilmæli til ríkisstjórnar Slóvakíu um
aðgerðir til að binda enda á aðskilnað í
menntakerfinu. Samtökin hafa sýnt fram
á alvarlega bresti á framkvæmd og eftirliti með banni við mismunun og aðskilnaði
í skólum landsins. Samkvæmt könnun sem gerð var árið 2009 eru Róma-börn 60%
nemenda í sérskólum í Slóvakíu, enda þótt Róma-fólk sé aðeins 10% af íbúafjölda.
BROTIÐ Á BÖRNUM
KRISTJANA GUÐBRANDSDÓTTIR
blaðamaður skrifar: kristjana@dv.is
Gefin hafa ver-ið loforð um að
binda enda á aðgrein-
ingu og mismunun.
HEIMSÓKN Í SKUGGA
BROTA GEGN BÖRNUM
Viðræður við forseta Slóvakíu Ólafur
Ragnar Grímsson og Ivan Gašparovic,
forseti Slóvakíu.
MYND RÓBERT REYNISSON