Dagblaðið Vísir - DV - 20.09.2010, Blaðsíða 11
MÁNUDAGUR 20. september FRÉTTIR 11
FLESTAR ÁRÁSIR
Í EYJUM „VEL SKIPULÖGÐ
INNBROT“
Innbrotum hefur farið fækkandi á
árinu samanborið við sama tímabil
í fyrra. Þetta kemur fram í tölum frá
lögreglustjóranum á höfuðborgar-
svæðinu. Ástæðan fyrir þessu er að
stóru leyti sú að fólk er meðvitaðra
um glæpi af þessu tagi og fylgist
betur með. „Lögreglan hefur einn-
ig verið virkari í að taka síbrota-
menn úr umferð,“ segir Rannveig
Þórisdóttir, deildarstjóri upplýs-
inga- og áætlanadeildar LRH, í
samtali við DV. „Við höfum lagt
aukna áherslu á að beita öllum
þeim úrræðum sem við höfum til
að draga úr tíðni innbrota, einkum
eftir að þeim fjölgaði verulega um
mitt ár 2008.“
Fleiri afbrot tilkynnt
Tilkynningum um innbrot fjölgaði
verulega um mitt ár 2008 og hélt sú
þróun stöðugt áfram fram yfir mitt
ár 2009. Rannveig segir þessa þróun
að hluta tilkomna vegna þess að fólk
hafi í auknum mæli farið að tilkynna
innbrot til lögreglu. „Oft eru hlutirnir
dýrir sem stolið er og fólk á erfiðara
en áður með að bæta tjónið sjálft.“
Nokkuð er um innbrot í bíla
og þar eru oft tekin dýr tæki sem
auðvelt er að koma í verð. Í kjöl-
far efnahagskreppunnar hefur fólk
minna á milli handanna og reynir
því fremur að fá þessa hluti bætta.
Þetta er þó ekki eina ástæðan fyrir
auknum fjölda innbrota, því auð-
vitað er einnig um að ræða raun-
fjölgun. Á þessu ári hefur svo orð-
ið fækkun innbrota, meðal annars
í kjölfar aukinnar áherslu lögregl-
unnar á þennan málaflokk. Rann-
veig segir að lögreglan muni áfram
leggja áherslu á innbrot, en bætir
þó við: „Auðvitað verða alltaf sveifl-
ur í afbrotum, en við reynum alltaf
að halda þeim í lágmarki.“
Skipulagt lögreglustarf
Rannveig segir lögreglustarfið vera
mjög vel skipulagt. Lögreglumenn
nýta sér til að mynda tölfræðiupp-
lýsingar og fá í hendur mánaðar-
legar greiningar á stöðu mála inn-
an hvers svæðis. Þannig geta þeir
skipulagt aðgerðir sínar og séð
hvaða svæði hafa orðið mest fyr-
ir barðinu á innbrotsþjófum. Enn
fremur reynir lögreglan að fylgj-
ast grannt með síbrotamönn-
um og búsetu þeirra. Aðspurð um
það hverjir brjóti helst af sér segir
hún það oftar en ekki einstaklinga
sem séu í mikilli neyslu fíkniefna
en segir þó sum afbrotanna fram-
kvæmd á mjög skipulegan og skil-
virkan hátt. „Oft sjáum við virkilega
vel skipulögð innbrot, en það þýðir
ekki endilega að slíkum afbrotum
sé að fjölga.“
Meðvitaðari almenningur
Önnur ástæða fyrir fækkun inn-
brota sé sú að fólk sé almennt með-
vitaðra um þau. Nágrannavarsla er
í fjölda hverfa úti um allt land, þá
sérstaklega á höfuðborgarsvæðinu.
Athugull nágranni getur skipt sköp-
um. Það að vera hluti af nágranna-
vörslu eykur einnig líkurnar á því
að þú takir sjálfur eftir grunsam-
legum mannaferðum í hverfinu
þínu. Meira er um að fólk tilkynni
slíkt til lögreglu en áður. Hinn al-
menni borgari er því varari um sig
og meira er um að grunsamleg-
ar mannaferðir séu tilkynntar til
lögreglu. Það er því óþarfi að ótt-
ast innbrot fram yfir skynsamleg
mörk, því að oft veldur óraunhæfur
ótti meiri skaða en glæpirnir sjálf-
ir. Virk og skipulögð lögregla heftir
framgang innbrotsþjófa, og öflug
nágrannavarsla getur borið annan
eins árangur.
SÍMON ÖRN REYNISSON
blaðamaður skrifar: simon@dv.is
Oft sjáum við virkilega vel skipulögð innbrot en það
þýðir ekki endilega að slíkum af-
brotum sé að fjölga.
Tölurnar eru yfir fjölda brota á
hverja þúsund íbúa. Fjöldi brota
var fenginn úr mánaðarskýrslum
ríkislögreglustjóra í febrúar, mars,
apríl og maí.
Ofbeldisbrot 2009 2010
Miðbær 27 23,8
Háaleiti 4,6 3,2
Vesturbær 2,9 2,6
Grafarvogur 2,5 1,3
Laugardaluroghlíðar 2,5 1,5
Árbær 2,0 1,1
Kópavogur 2,0 1,2
Hafnarfjörður 1,9 0,8
Grafarholt 1,8 2,5
Mosfellsbær 1,3 1,0
Innbrot 2009 2010
Miðbær 26 9
Vesturbær 21 8
Laugardalur 19 5
Árbær 18 8
Breiðholt 14 6
Háaleiti 13 9
Grafarholt 13 3
Kópavogur 12 5
Mosfellsbær 12 3
Afbrot 2009 /2010
Fjöldi fólks nýtir sér nágrannavörslu með góðum árangri:
Nágrannavarsla virkar
„Það er ekki spurning að þetta
virkar,“ segir Fjóla Guðjónsdótt-
ir, sérfræðingur hjá Forvarnahúsi
Sjóvár, aðspurð um reynsluna af
nágrannavörslu.
Nágrannavarsla er nú í mörg-
um götum Reykjavíkur, sem og úti
á landsbyggðinni. Hún hefur gefið
góða raun og hefur margur óprútt-
inn þjófurinn verið gripinn glóð-
volgur af athugulum nágrönnum.
Fjóla segir að allt að 700 manns
hafa sótt námskeið um nágranna-
vörslu í fyrra þegar það var í boði.
Enn fremur hafa í kringum þús-
und manns halað handbók um ná-
grannavörslu niður af netinu, að
viðbættum þeim þúsund bækling-
um sem dreift var af Sjóvá. Á sumr-
in, þegar fólk fer í sumarfrí, sé hug-
að að nágrannavörslu sem góðum
kosti í öryggisgæslu.
„Vitundin um það eitt og sér, að
þú sért að fylgjast með óeðlilegum
mannaferðum hefur áhrif,“ segir
Fjóla og bendir á að litlu hlutirn-
ir séu það sem skipti miklu máli.
„Bara það að skilja eftir mjólkur-
fernu á borðinu, eða kannski kaffi-
bolla getur verið nóg.“
Rannveig Þórisdóttir hjá ríkis-
lögreglustjóra tekur undir þetta.
„Nágrannavarsla skilar sér mest
í því að fólk verður meðvitað,
það tekur betur eftir óeðlilegum
mannaferðum og er virkari í að til-
kynna þær.“
Beðin um dæmisögu um snjall-
an nágranna nefnir Fjóla að kona
ein hafi, eftir innbrot í kjallarann
hjá sér, byrgt fyrir kjallaragluggann
með rimlum og bætt lýsinguna í
garðinum. Þegar þjófurinn kom
aftur í leit að nýjum ránsfeng hafi
hann lenti í basli með rimlana og
baukað lengi við þá. Athugull ná-
granni sá þá þjófinn og hringdi í
lögregluna, sem greip þjófinn. DV
greindi enn fremur frá því í desem-
ber í fyrra að meðvitaðir grannar
hefðu tilkynnt um innbrot í Há-
teigsskóla í Hlíðunum. Þar hefðu
fimm innbrotsþjófar um tvítugt
verið gómaðir vð að stela skjávörp-
um.
simon@dv.is
Fjóla Guðjónsdóttir Fjólasegir
smáatriðinskiptamestumáliþegar
blekkjaeigiinnbrotsþjófa.Fáðutil
dæmisnágrannatilaðleggjabílnum
stökusinnumviðhúsiðþitt.
Innbrotum og ofbeldisbrotum hefur far-
ið fækkandi á árinu, samkvæmt tölum
frá embætti ríkislögreglustjóra. Þakka
ber aukinni varkárni fólks og átaki
lögreglunnar gegn síbrotamönnum.
Miðbærinn hefur rúmlega sjöfalt hærri
tíðni ofbeldisbrota en Háaleiti, þar sem
hún er næsthæst. Taka ber þó tíðninni í
miðbænum með fyrirvara, segir fulltrúi
ríkislögreglustjóra.
Þjóðhátíð í Eyjum
Mikilafskiptilögreglu
eruvegnaólátaí
Vestmannaeyjum.