Dagblaðið Vísir - DV - 20.09.2010, Blaðsíða 20
Þunnur hasarSAGA SÍMANS
Fjarskiptasafnið við Suðurgötu er
í eigu og umsjá Þjóðminjasafns Ís-
lands. Þar er fræðandi og áhugaverð
sýning fyrir alla aldurshópa sem seg-
ir sögu síma og fjarskipta í tímaröð.
Hluti Fjarskiptasafnsins var settur
upp í Tækniminjasafninu á Seyðis-
firði en sýning um sögu símans, þýð-
ingu hans fyrir daglegt líf ásamt sögu
fjarskipta hafði verið sett upp í Loft-
skeytastöðinni árið 1998. Sú sýning
var endurhönnuð árið 2008 og var
þá lögð sérstök áhersla á fræðslu-
gildi hennar fyrir alla aldurshópa.
Gestir sýningarinnar geta hringt sín
á milli í gegnum gömul símaviðtæki
og kynnt sér hvernig fjarskipti við
skip og flugvélar fóru fram áður fyrr.
Á sýningunni er líka sýnd fræðslu-
mynd um sögu símans á Íslandi.
Fjarskiptasafnið verður opið alla
sunnudaga kl. 11–17 frá 19. sept-
ember til 14. nóvember.
HARALDUR Í
BAKHERBERGINU
Haraldur Jónsson myndlistar-
maður heldur hádegisfyrirlestur
á vegum myndlistardeildar Lista-
háskóla Íslands, Laugarnesvegi
91, stofu 024, mánudaginn 20.
september kl. 12.30.
Í haust hefst ný kynningar-
röð á vegum myndlistardeildar
Listaháskóla Íslands í Laugar-
nesi. Verkefnið hefur hlotið nafn-
ið Bakherbergið. Valinkunnir
myndlistarmenn verða kallað-
ir til leiks með því sjónarnamiði
að leiða viðstadda að uppsprett-
um verka þeirra. Megináhersl-
an hvílir þannig á aðdraganda,
forsendum og tilurð verkanna
fremur en endanlegri útfærslu
þeirra. Hver listamaður lýsir á
sinn eigin hátt í máli og myndum
þeim þáttum sem haft hafa hvað
afdrifaríkust áhrif á hugsun hans
og myndheim. Hann opnar inn í
bakherbergi hugans, kveikir ljós
eða bendir á það ólýsanlega sem
er stöðugur og botnlaus brunnur
nýrra verka og samræðna.
SÓLSKINSDRENG-
URINN FÆR VERÐ-
LAUN
Sólskinsdrengurinn, heimildar-
mynd Friðriks Þórs Friðrikssonar
um einhverfa drenginn Kela, hefur
verið tilnefnd til Voice-verðlaun-
anna sem verða
afhent í Param-
ount studios
í Hollywood
13. október en
margar stjörnur
koma að þessari
verðlaunahátíð.
Má nefna að Ri-
chard Drey fuss
var kynnir hátíð-
arinnar í fyrra og Glenn Close kom
fram. Verðlaunin eru veitt leikstjór-
um og framleiðendum sem með
verkum sínum hafa stuðlað að aukn-
um skilningi almennings á geðræn-
um röskunum en eins og kunnugt er
fjallar Sólskinsdrengurinn um bar-
áttu móður við að ná sambandi við
11 ára einhverfan son sinn en þau
fara meðal annars til Bandaríkjanna
í leit að lausnum.
20 FÓKUS 20. september MÁNUDAGUR
VALIÐ ÚR ÁTTA MYNDUM Íslenska
kvikmynda- og sjónvarpsakademían mun velja
framlag Íslands til Óskarsverðlaunanna að þessu
sinni í rafrænni kosningu dagana 21.–24. september.
Valið verður á milli átta kvikmynda að þessu sinni.
Þær eru Algjör Sveppi og dularfulla hótelherbergið,
Bjarnfreðarson, Boðberi, Desember, Jóhannes,
Kóngavegur, Mamma Gógó og Sumarlandið sem
verið var að frumsýna.
HVAÐ HEITIR LAGIÐ?
„In such a working
way I want my life to
be bright.“
SVAR: Time-Herbertsson
Resident Evil: Afterlife er fjórða
myndin í röðinni sem byggð er á
samnefndum tölvuleikjum. Sem
fyrr fjalla myndirnar um hörku-
kvendið Alice sem Milla Jovovich
leikur. Hún berst gegn hinu illa
stórfyrirtæki Umbrella sem hefur
lagt heiminn í rúst með T-veirunni.
Fórnarlömb veirunnar breytast í
blóðþyrst dauðyfli og jafnvel enn
verri skrímsli eftir því sem veiran
stökkbreytist.
Þar sem komið er sögu er heim-
urinn orðin ein brunarúst og Alice
leitar að þeim örfáu mannverum
sem eftir eru á lífi í smábæ í Alaska.
Þar hafði verið lofað smitfríu svæði
og hjálp. Þegar þangað er komið
tekur hins vegar allt annar raun-
veruleiki við.
Resident Evil-myndirnar hafa að
mínu mati aldrei átt neina samleið
með annars frábærum tölvuleikj-
unum. Það drungalega og óhugn-
anlega andrúmsloft sem skapað
hefur verið í mörgum leikjanna hef-
ur aldrei skilað sér í gegn í heila-
lausum hasarnum sem myndirnar
bjóða upp á. Þar er engin breyting á
að þessu sinni.
Þrívíddin gerir lítið fyrir mynd-
ina annað en að láta hana líta út
eins og tölvuleik. Það er alveg gam-
an að spila tölvuleiki en ég hef lít-
inn áhuga á að fara í bíó til að horfa
á þá. Fléttan í myndinni er þunn
og óspennandi og frumleg skrímsli
eru ekki einu sinni á svæðinu til að
gleðja augað. Hið jákvæða er þó
að inni á milli koma ágætis hasar-
senur þar sem of hátt stillt iðnað-
arelektróník með þéttingsföstum
bassa fær hjartað til að taka ein-
staka kipp.
Þegar Milla Jovovich sló í gegn
í myndinni Fifth Element á sínum
tíma bjóst ég við að þar væri ein
skærasta stjarna Hollywood um
ókomin ár að stíga fram. Því miður
varð það ekki raunin.
Ásgeir Jónsson
RESIDENT EVIL:
AFTERLIFE
Leikstjórn: Paul W.S. Anderson
Aðalhlutverk: Milla Jovovich, Ali
Larter, Kim Coates, Shawn Ro-
berts, Sergio Peris-Mencheta, Spencer
Locke, Boris Kodjoe, Wentworth
Miller, Sienna Guillory
KVIKMYNDIR
Milla Jovovich Í
myndinni Resident
Evil: Afterlife.
TILNEFND TIL
PRIX-EUROPA
Tvö íslensk útvarpsleikrit eru tilnefnd til verðalauna á stærstu verðlaunahátíð út-
varps- og sjónvarpsefnis í Evrópu:
Útvarpsleikritið Blessuð sé minning
næturinnar eftir Ragnar Ísleif Braga-
son í leikstjórn Símonar Birgisson-
ar hefur verið tilnefnt til verðlauna
á Prix-Europa sem er stærsta verð-
launahátíð útvarps- og sjónvarpsefn-
is í Evrópu. Einnig var verkið Einfari
eftir Hrafnhildi Hagalín í leikstjórn
hennar sjálfrar tilfnefnt og það hlýtur
að teljast mikill heiður fyrir Ríkisút-
varpið að eiga tvö af þeim 40 útvarps-
leikritum sem hlutu náð fyrir augum
dómnefndar, en alls voru 180 verk
send inn í keppnina.
Símon segir útvarpsleikrit frábær-
an vettvang fyrir unga leikstjóra og
höfunda til að koma verkum sínum á
framfæri en því miður sýni ungt fólk
því ekki nógu mikinn áhuga.
Blessuð sé minnig næturinnar
var frumflutt í Útvarpsleikhúsinu um
síðustu páska og fjallar um tilfinn-
ingar móður sem upplifir barnsmissi
og hvernig hún syrgir barnið sem
aldrei varð til. Leikritið er fumraun
Ragnars Ísleifs en hann og Símon út-
skrifuðust báðir úr Fræðum og fram-
kvæmd í Listaháskólanum síðastlið-
ið vor.
Í kjölfar tilnefningarinnar verð-
ur leikritið flutt í Berlín í október og
segir Símon það vera mjög skemmti-
legt. „Það er ekki oft sem útvarpsleik-
rit fá tækifæri til að komast í annað
umhverfi hreinlega út af tungumál-
inu, en það hefur verið gerð þýðing á
verkinu og þarna fá erlendir aðilar að
„berja það eyrum.““
Blessuð sé minning næturinnar
er annað útvarpsleikritið sem Símon
gerir fyrir Ríkisútvarpið og segir hann
útvarpsleikhús vera frábæran vett-
vang fyrir unga höfunda og leikstjóra
til þess að koma hugmyndum sínum
og verkum í framkvæmd. „Það eru
því miður mjög fáir af yngri kynslóð-
inni sem hafa sýnt útvarpsleikhúsi
áhuga og manni hefur fundist þetta
vera dálítil afgangsstærð í leikhús-
unum, sem er miður því þetta býður
upp á marga spennandi möguleika.“
Spurður um muninn á að leikstýra
útvarpsverki og leikhúsverki segir Sí-
mon: „Leikhús á sviði er í raun list
endurtekningarinnar. Þú ert sífellt að
leitast eftir því að endurskapa eitt-
hvert augnablik sem verður til þegar
verkið er æft. Útvarpsleikhús er list
augnabliksins, þú þarft ekki að flytja
það aftur og aftur heldur tekur þú það
upp. Þar af leiðandi krefur það þig
um að hugsa hlutina öðruvísi og það
er fátt sem jafnast á við tilfinninguna
þegar þú hefur náð hinni einu réttu
upptöku og fangað það augnablik.
Annað sem er mjög skemmtilegt er
að þetta er mjög góð heimild. Ólíkt
venjulegu leikriti er hægt að hlusta
á útvarpsleikrit aftur eftir fimmtíu ár
eða hundrað ár. Það er mjög gaman
að hlusta á gömul útvarpsleikrit og
heyra hver þróunin hefur verið.“
Símon nefnir að þessar tilnefning-
ar og upphefð sem Útvarpsleikhúsið
fái hefðu aldrei komið til ef ekki hefði
verið fyrir hið góða starf sem Viðar
Eggertson útvarpsleikhússtjóri hefur
unnið. „Hann tók áhættu með því að
fá svona unga höfunda nýútskrifaða
úr skóla og gaf okkur tækifæri til að
vinna að þessu verkefni. Hann á því
stóran hlut í þessari tilnefningu og
mikinn heiður skilinn.“
hanna@dv.is
Símon Birgisson
Segir útvarpið
spennandi vettvang.