Dagblaðið Vísir - DV - 20.09.2010, Blaðsíða 6

6 fréttir 20. september Mánudagur
komdu í áskrift!
512 70 80
dv.is/askrift
frjálst, óháð dagblað
Íbúar við Hólmatún á Álftanesi eru margir orðnir langþreyttir á framkvæmdaleysi á
lóðinni við Hólmatún 44. Fimmtán mánuðir eru liðnir frá því að Björn Mikkaelsson
reif hús sitt með beltagröfu. „Menn geta náttúrulega farið sér að voða þarna,“ segir
Ari Arnalds, íbúi við Hólmatún 42.
„Menn geta náttúrulega farið sér að
voða þarna. Það er engin spurning,“
segir Ari Arnalds, íbúi við Hólma-
tún 42 á Álftanesi. Fimmtán mán-
uðir eru frá því að Björn Mikkaels-
son, íbúi við Hólmatún 44, reif hús
sitt með beltagröfu á þjóðhátíðar-
daginn 2009 eftir að Frjálsi fjárfest-
ingarbankinn hafði krafist útburðar.
Þó svo að rúmt ár sé liðið frá niður-
rifinu stendur húsið enn hálfrifið og
draugalegt í miðri götunni. Íbúar í
nágrenninu eru margir hverjir ósáttir
við seinaganginn í málinu og fullyrða
að um slysagildru sé að ræða. Húsið
er í eigu Dróma, áður Frjálsa fjárfest-
ingarbankans.
Slysagildra
„Menn eru náttúrulega ekkert
ánægðir með það hvernig staðan er,“
segir Ari og bendir á að skipulags- og
byggingarfulltrúi Álftaness hafi beitt
sér í málinu fyrir hönd nágranna og
bæjaryfirvalda. „Byggingarfulltrúinn
hefur hamrað á því öðru hverju að
eitthvað verði gert í málinu og er bú-
inn að skrifa bréf án þess að það beri
neinn árangur,“ segir Ari og bætir við
að það sé ekki beinlínis fallegt að
hafa húsarústirnar í næsta garði.
Málið var síðast tekið fyrir á fundi
skipulags- og byggingarnefndar
þann 29. júní síðastliðinn. Þá var lagt
öðru sinni fyrir nefndina bréf frá ná-
grönnum sem ritað var þann 9. júlí
í fyrra þar sem segir meðal annars:
„Ljóst er að ekki þarf miklar vind-
hviður til að rusl fjúki af lóðinni á
gangandi vegfarendur sem og inn á
nærliggjandi lóðir með tilheyrandi
hættu á skemmdum á húsum og bif-
reiðum. Þá hafa börn og unglingar
sótt í húsarústirnar sem öllum ætti
að vera ljóst að eru stórhættulegar
fólki.“ Undir bréfið rita íbúar Hólma-
túns 42, 45, 46 og 47. Síðan þá hefur
hins vegar lítið gerst í málinu þrátt
fyrir loforð um annað.
Geta ekkert gert
Bjarni S. Einarsson er skipulags- og
byggingarfulltrúi Álftaness. Hann
segir að á fundinum þann 29. júní
hafa nefndin bent á þær hættur
sem vísað var til í bréfinu og gert
kröfu um úrbætur án tafar. Sveitar-
félagið geti hins vegar ekki beitt sér
frekar í málinu að sinni. „Það eru
eigandinn og byggingarstjórinn
sem bera ábyrgð á framkvæmd-
inni og við bentum þeim á þessar
hættur. Þetta hefur vissulega tekið
langan tíma en ég hef ítrekað rætt
við þá og óskað að úr verði bætt.
Við getum ekki gripið inn í og gert
þetta sjálfir á þeirra kostnað. Það
þarf að líða ákveðinn tími áður en
það er gert,“ segir Bjarni og vísar
í skipulags- og byggingarlög þar
sem fram kemur að framkvæmdir
þurfi að hafa stöðvast í tvö ár hið
minnsta áður en hægt sé að grípa
inn í.
Óvissa um framhaldið
„Eftir því sem ég best veit er búið að
ganga frá þessu þannig að þarna á
ekki að vera nein slysahætta,“ segir
Þórður Jónsson, verkefnastjóri hjá
Dróma, sem er eigandi hússins og
lóðarinnar Hólmatúns 44. Í kjölfar
niðurrifsins á þjóðhátíðardaginn
2007 fékk Frjálsi fjárfestingarbank-
inn verktakafyrirtækið GB Bygg
ehf. til að ganga frá lóðinni. Hann
segist vonast til þess að bílskúrinn,
sem enn stendur nánast óhreyfð-
ur, muni hverfa á næstunni. Þórð-
ur tekur það fram að hann hafi
margoft skoðað lóðina og telur
að engin slysahætta sé á lóðinni.
„Ég get vel ímyndað mér að þarna
liggi frekar að baki sjónmengun en
slysagildra. Við höfum reynt eft-
ir fremsta megni að halda þessu
slysafríu og þetta hefur verið unn-
ið í fullri samvinnu við byggingar-
fulltrúann á Álftanesi.“ Aðspurð-
ur segist Þórður ekki geta sagt til
um hvenær eða hvort nýtt hús rísi
á lóðinni. Ekki náðist í forsvars-
menn GB Byggs ehf. við vinnslu
fréttarinnar.
Menn eru nátt-úrulega ekkert
ánægðir með það hvern-
ig staðan er.
einAr þÓr SiGurðSSon
blaðamaður skrifar: einar@dv.is
SLYSAGILDRA Á
LÓÐ HÚSBRJ TS
Slysagildra? Nágrannarerumargirhverjirósáttirviðaðlítiðhafi
gerstálóðinniHólmatúni44.Fimmtánmánuðireruliðnirfráþvíað
BjörnMikkaelssonreifhúsiðmeðbeltagröfu.Mynd rÓBert reyniSSon
Ungmenni í sturlunarástandi vegna sveppaneyslu:
Sturlastafsveppum
Þórarinn Tyrfingsson yfirlæknir hjá
SÁÁ segir það henda að það þurfi að
hlúa að ungmennum sem fari í sturl-
unarástand vegna neyslu sveppa.
Hann segir einhver tilfelli koma upp
á ári hverju um haustbil. Í sumum
tilfellum leiti ungmenni á bráða-
vaktina og í öðrum til SÁÁ. „Svepp-
ir sem valda ofskynjunum eru tínd-
ir á hverju hausti hér á landi,“ segir
Þórarinn og segir neysluna oftast
vera tengda kannabisneyslu ung-
menna eða að um fikt sé að ræða.
Þórarinn heldur að ef þau ungmenni
sem eru að fikta við að neyta sveppa
þekktu betur mögulegar afleiðingar
neyslunnar myndu þau án efa sleppa
því að taka þá inn.
„Ungmenni halda að neyslan sé
skaðlaus en hún getur haft alvarlegar
afleiðingar,“ segir Þórarinn og bend-
ir á að aðalhættan við það að nota
sveppina til að komast í vímuástand
sé að neytandinn geti orðið geð-
veikur um tíma. „Sturlunarástand
sem getur fylgt neyslu á sveppum er
skelfileg reynsla fyrir ungmennin.
Líðan þeirra getur verið slæm lengi á
eftir því sturlunin er áfall. Þá má ekki
gleyma því að þegar sturlunin verð-
ur svona mikil geta þau gert eitthvað
sem þau sjá eftir og ekki er aftur tek-
ið.“
Þórarinn segir engan vafa leika á
því að einstaklingar geti orðið geð-
veikir um tíma við neyslu sveppa.
Hann segir síðan deilt um það að
með neyslunni sé möguleiki á að
hrinda af stað alvarlegri geðveiki.
Hann bendir á að stundum sé rætt
um það að veikleiki á geði þurfi að
vera fyrir hendi til að einstaklingur
fari í sturlunarástand vegna sveppa-
neyslu: „Í því sambandi er rétt að
muna eftir því að samkvæmt því eru
margir sem ættu ekki að koma ná-
lægt sveppum.“
kristjana@dv.is
Sveppaneysla ekki skaðlaus Sturlun-
arástandsemgeturfylgtneyslunnier
skelfilegreynsla.
Ísafjörður tekur lán
Bæjarstjórn Ísafjarðar hefur ákveð-
ið að taka 30 milljóna króna lán hjá
Landsbanka Íslands til þess að greiða
upp eftirstöðvar af skuldastýringu
hjá Landsbankanum. Einn stærsti út-
gjaldaliður Ísafjarðarbæjar er vextir af
lánum bæjarins. Sveitarfélagið skuld-
aði um síðustu áramót um fjóra millj-
arða króna. Ísafjörður er rekinn með
um 7 milljóna króna tapi það sem af
er þessu ári, samkvæmt verstfirska
fréttamiðlinum bb.is.
Niðurskurður í
Reykjanesbæ
Nokkrar af eignum Reykjanesbæjar
eru til sölu, sem er liður í 450 millj-
óna króna niðurskurði á útgjöldum
sveitarfélagsins. Þetta kom fram í
fréttum RÚV á sunnudaginn. „Inn-
lendar sem erlendar fjármálastofn-
anir hafa haldið að sér höndum og
bíða þess að atvinnuverkefni fari af
stað sem valda Reykjanesbæ erfið-
leikum, meðal annars við endurfjár-
mögnun eldri lána. Á meðan óvissa
framkvæmda er svo mikil er ljóst að
draga þarf saman í rekstri sveitarfé-
lagsins,“ segir í tilkynningu.
Sáttmálinn
framlengdur?
Stjórnvöld og Samtök atvinnulífsins
hafa óskað eftir því við verkalýðs-
hreyfinguna að stöðugleikasáttmál-
inn verði framlengdur. Guðmundur
Gunnarsson, formaður Rafiðnaðar-
sambandsins, segir það ekki mögu-
legt fyrr en ljóst er hvað stjórnvöld
ætlast fyrir. Hann segir að stjórnvöld
hafi ekki staðið við ýmislegt í sátt-
málanum, til dæmis hafi ekki verið
ráðist í fyrirhugaðar framkvæmdir.
Á meðan tvístígi ríkisstjórnin í stað
þess að taka ákvörðun um fram-
kvæmdir og virðist vera komin í
bakkgírinn hvað varði gjaldeyris- og
gengismál.