Þjóðmál - 01.03.2009, Blaðsíða 43

Þjóðmál VOR 2009 41
Hvað fór úrskeiðis?
Meginverkefni þings og ríkisstjórnar á haust þingi var að bregðast við þeirri
efna hagslegu holskeflu sem helltist yfir
lands menn í kjölfar bankahrunsins . Ég tel
að í meginatriðum hafi viðbrögðin verið
rétt og hrakspár um að bankastarfsemi yrði
lögð af og um vöruskort í landinu rættust
ekki .
Við samþykkt fjárlagafrumvarpsins fyrir
árið 2009 rétt fyrir jól, sem m .a . tók mið af
samkomulagi við Alþjóðagjaldeyrissjóðinn,
urðu ákveðin þáttaskil og tími uppbyggingar
var framundan .
Það voru vonbrigði að Samfylkingin skyldi
ekki hafa þrek til að fylgja eftir starfsáætlun
ríkisstjórnarinnar sem þó hafði drjúgan
meirihluta á þingi . Þess í stað var valinn sá
sérstaki kostur að fara í minnihlutastjórn
með Vinstri grænum undir geðþóttastýringu
Framsóknarflokksins .
Árangur haustþingsins
að koma ljós
Ef ný ríkisstjórn heldur rétt á málum og fylgir eftir áætlunum sem lagðar voru
upp af fyrri ríkisstjórn undir forystu Geirs
H . Haarde á haustþingi mun árangur af
efna hagsráðstöfunum þegar hafa komið í
ljós við birtingu þessarar greinar . Styrking
krónunnar og lækkun vaxta er í kortunum
og það mun fljótlega koma fram í lækkun
vöruverðs og minni verðbólgu sem hefur
strax áhrif á hag almennings til hins betra .
Í þessari grein hef ég lýst því hvernig þing­
menn Sjálfstæðisflokksins höguðu störfum
sín um á Alþingi á þessum örlagaríku
haust dög um, auk þess sem gerð er grein
fyrir umræðu á Al þingi um stöðu mála .
Kveikjan að greininni er að á nokkrum
fundum mínum með sjálf stæð ismönnum á
undanförnum vikum hef ég m .a . lýst þessu
verklagi . Það hefur vakið athygli og komið á
óvart og fólk hefur spurt hvers vegna þessu
hafi ekki verið haldið á lofti .
Það er ljóst að þetta verklag skilaði
árangri . Ákveðnir þættir voru útfærðir
og lagðir fram í formi frumvarpa sem
urðu að lögum, við öðru var brugðist
innan stjórnsýslunnar . Oft þótti okkur
seint ganga og sérstaklega var sorglegt
að upplifa töf á mikilvægum málum frá
hendi samstarfsflokksins, sem sat iðulega
á málum í þingflokki sínum og tafði
afgreiðslu . Þar má m .a . nefna frumvarp
um gjaldþrotaskipti (skuldaaðlögun), sem
ríkisstjórn hafði samþykkt að leggja fram
fyrir sitt leyti, en stöðvaðist í þingflokki
Samfylkingarinnar . Það frumvarp var síðan
lagt fram af þingflokki sjálfstæðismanna
eftir stjórnarskiptin, en jafnframt lagði ný
ríkisstjórn fram sitt frum varp, efnislega
nær samhljóða, en undir öðru nafni,
gjaldþrotaskipti (greiðsluaðlögun) .
Mistök í miðlun upplýsinga
Við höfum lært marga lexíuna á þessum síðustu mánuðum . Ein sú mikilvægasta
og afdrifaríkasta sneri að upplýsingamiðlun
til almennings . Það voru án efa mistök að
sinna henni ekki betur . Þrátt fyrir miklar
umræður um þörf fyrir upplýsingar og
töluverða viðleitni frá hendi stjórnvalda
dugði það ekki til .
Það átti að setja upplýsingar fram á
skipu lagðari máta, þar sem einstaklingar,
fjölskyld ur og fyrirtæki gætu glöggvað sig
á hvaða ákvarðanir og ráðstafanir gætu
gagnast þeim í hverju einstöku tilviki
og á hverjum tíma . Það á einnig við aðra
þætti upplýsingagjafar eins og hvernig
þingmenn gegndu störfum sínum á þessum
haustdögum, sem þessi grein fjallar um .