Skólavarðan - 01.02.2002, Qupperneq 2

Nú er fyrsta kjörtímabil í nýju Kennara-
sambandi Íslands senn á enda. Ekki verður
annað sagt en að það hafi verið annasamt
og verður sjálfsagt fyrst og síðast minnst
vegna þess að þrjú af aðildarfélögum
Kennarasambandsins áttu í harðvítugum
kjaradeilum og löngum verkföllum. Kjör-
tímabilsins verður væntanlega líka minnst
fyrir það að þá lánaðist að stíga stórt skref
í þá átt að grunnlaun kennara og stjórn-
enda stæðust samanburð við laun sambæri-
legra hópa á vinnumarkaði og einnig
vegna þess að þá tókst að sameina alla
kennara í leik-, grunn-, framhalds- og tón-
listarskólum.
Það sem talið er upp hér að framan er að
sjálfsögðu einungis brot af því sem gerst
hefur á vettvangi Kennarasambands
Íslands á þeim rúmu tveimur og hálfu ári
sem liðin eru frá stofnun þess. Nú er ný-
lokið frágangi þeirra þingmála sem verða
til umræðu á 2. þingi Kennarasambandsins
sem verður haldið dagana 8. og 9. mars nk.
Mikil vinna hefur verið lögð í undirbúning
þeirra mála sem lögð verða fyrir þingið og
hefur hún farið fram í stjórn Kennarasam-
bandsins, nefndum þess og ráðum. Þá hafa
aðildarfélögin einnig lagt mikla vinnu í
undirbúning aðalfunda sem hjá flestum
verða haldnir dagana fyrir þing. Í þessu
samhengi má heldur ekki gleyma því mikla
starfi sem starfsfólk skrifstofunnar hefur
innt af hendi til að tryggja að þinggögn
berist fulltrúum í tæka tíð.
Þing heildarsamtaka launafólks marka
alltaf viss tímamót. Þá setjast menn gjarn-
an niður og leggja mat á árangur liðinna
ára, reyna að læra af reynslunni en fyrst og
síðast marka þá stefnu sem talin er árang-
ursríkust þegar litið er til framtíðar. Fyrir
þinginu nú liggja margar tillögur um
margvíslegustu málefni. Nægir þar að
nefna tillögur til lagabreytinga, stefnu-
mörkunar í kjara-, skóla- og félagsmálum
ásamt fjölda annarra. Tillögurnar hafa nú
verið sendar út og settar inn á heimasíðu
Kennarasambandsins ásamt skýrslu stjórn-
ar svo að öllum félagsmönnum og öðrum
áhugasömum um starfsemi Kennarasam-
bands Íslands gefst kostur á að kynna sér
þau mál sem til umræðu verða á þinginu
ásamt yfirliti yfir starfsemi liðinna ára.
Segja má að um flestar tillögur sem
lagðar verða fram á þinginu ríki víðtæk sátt
meðal stjórna aðildarfélaga Kennarasam-
bandsins. Um nokkrar tillögur til laga-
breytinga er hins vegar ágreiningur eins og
gengur. Því er mikilvægt að þingfulltrúar
kynni sér rækilega framlagðar tillögur og
markmið þeirra og séu tilbúnir að taka af-
stöðu til þeirra á þinginu. Efnisleg umræða
og lýðræðisleg ákvarðanataka eru nauðsyn-
leg forsenda þess að samtök eins og Kenn-
arasamband Íslands fái lifað og verði sterk
í framtíðinni.
Markmiðið með stofnun Kennarasam-
bands Íslands árið 1999, og með inngöngu
Félags leikskólakennara á síðastliðnu ári,
var að stofna ein sterk heildarsamtök allra
kennara og stjórnenda í leik-, grunn-,
framhalds- og tónlistarskólum. Allar
breytingar á lögum og stefnuskrá sam-
bandsins verður að skoða í því ljósi. Það er
grundvallaratriði að 2. þing Kennarasam-
bands Íslands marki upphaf að nýrri sókn
til enn bættra kjara fyrir alla félagsmenn
Kennarasambandsins - nýrri sókn til að
styrkja Kennarasamband Íslands. Allar
ákvarðanir sem leiða til þess að Kennara-
sambandið styrki stöðu sína á vettvangi
heildarsamtaka launafólks eru af hinu
góða. Á sama hátt munu ákvarðanir sem
draga úr möguleikum á því að Kennara-
sambandið geti komið fram sem ein heild
út á við grafa undan áhrifamætti sam-
bandsins og þannig rýra möguleika þess til
að hafa áhrif á gang mála í þjóðfélaginu á
næstu árum.
Það er ósk mín að umræður á þingi
Kennarasambandsins verði málefnalegar
og að niðurstöður þingsins muni styrkja
Kennarasambandið sem heildarsamtök
þegar til framtíðar er litið.
Eiríkur Jónsson
Formannspist i l l
Þing Kennarasambands
Íslands
3