RM: Ritlist og myndlist - 01.03.1948, Qupperneq 21

fimm mínútna leið frá bænum
RM
Handan bæjarins sem vaknar líkt og járnbrautarstöð
Þér eins og mér þykir vænt um hávaðann að bæjarbaki
Urgið í sög skógarhöggsmannanna liandan strætagnýsins
Trillur lævirkjans handan sporvagnaskröltsins
Skóflusönginn handan ískursins í dyrahandföngum kirknanna
Skrjáfið í kálfiðrildunum í fersku limgerðalaufinu
Fimm minútna leið frá bifreiðaöskri kvikmyndahúsum blaðastrákum
Hávaðinn handan hávaðans nístir hjarta mitt
Einnig ég er líkt og t\íkynja jurt
Ég stend gleiðfættur á landamærum tveggja heima
Nærður af báðum heimunum ber ég tvö blóm
Annað blóm mitt hefur þú tínt
Það er blóm sturlunar og tregans og illskunnar
Blómið sem lauk upp krónimni í vermireit miðnæturinnar
Blómið sem á sér bræður á sorphaugunum
Blómið sem máninn hefur stökkt. sínu hvíta eitri
Blómið úr paradís kvennagarðsins sem Múhameð skoðaði
Blómið sem hefur nærzt birtu risavaxinna ljósakróna
Sem ljóma yfir hafinu og yfir hljómsveitunum
Blóm haschisdraumanna og ráðninganna
Þar sem tröllvaxinn páfugl skelfur undir ljóskastaranum
Og reitir af sér fjaðrirnar í heift
Og vill ólmur ráðast að englinum
Þessum feimnislega engli sem er blóm sakleysis míns
Blómið sem er mitt og þitt og jafn fagurt og þú
Eins og þú er þú rekur heim gæsimar með viðartág
Eins og þú er þú dreymandi saumar í dúka þína
Hið heilaga fangamark
Eins og þú sem fyrirgefur mér að ég leik mér enn barnalega
Eins og þú er þú syngur Beethoven á enginu
Eins og þú er þú nefnir þig hinu heilaga nafni kona
Eins og þú sem ilmar líkt og blómin við fætur Krists
Á krossinum við brúna fimm mínútna leið frá bænum.
Hannes Sigfússon íslenzkaði.
19