Ljóðormur - 01.06.1990, Side 61
Þórður Helgason 59
manna — og skilar árangri sem án efa gleður þá sem una sér við
góðan og vandaðan skádskap — og skemmtilcgan.
Vaxa með grasinu
Orðin vaxa f kringum mig
eftir Þuríði Guðmundsdóttur.
Skákprent 1989.
Varla verður því haldið fram að Þuríður Guðmundsdóttir fari offari í
Ijóðagerð sinni. Nú nýlega kom út eftir hana 6. ljóðabókin Orðin
vaxa { kringum mig. Fyrsta ljóðabók hennar, Aðeins eitt blóm, kom
út árið 1969.
Þuríði hefúr tekist að sigla fleyi sínu klakklaust framhjá því skeri
íslensks bókamarkaðar sem sumir halda að sé vítt land og fagurt og á
ég þá við skrumið og hégómann sem verður nú æ sterkara einkenni
bókaútgáfúnnar og tengist jafnframt æ minna góðum skáldverkum.
Þegar Ijóðabækur Þuríðar cru Iesnar verður ekki vart neinna stórra
stökka á þessu 20 ára skeiði. Skáldkonan hefur ávaxtað pund sitt vel
og áberandi er samfclldur ljóðrænn þráður gegnum allar bækumar,
myndmál sem ekki hefur tekið miklum breytingum öðmm en síauk-
inni fágun til fullkomnunar. Þrátt fyrir þetta bólar hvorki á einhæfni
né þreytandi endurtekningum sömu stefja.
Þuríður beitir sjaldan flóknu eða firumlegu myndmáli. Þrátt fyrir
það er myndvísi, sterkar Ijóðmyndir, aðall ljóðanna ásamt smekkvísi
í orðferi öUu. Fyrsta ljóð bókarínnar er Vormorgunn:
Vormorgunn
Fiðlur morgunsins
fúglar í trjám
fótatak raddir
blá þögn næturínnar
brýtur af sér reifablöðin
springur út
verður stórt gult ljós
sem talar og syngur í sólskini
Þetta ljóð getur að mörgu leyti staðið sem dæmi um Ijóðin í bókinni
sem heUd. Svo sem fram kemur hér sækir Þuríður oftast myndir
sínar til jurtaríkisins. Litum beitir hún mikið og af nærfemi. Innileg-
ur tónn ljóðsins og tilfinning eiga mörg systkini f bókinni.
í heild fjalla ljóð Þuríðar í þessari bók um dýrustu gjöf lífsins, lífið
sjálft, það undur að feðast, lifa og deyja — og feðast að nýju, það
undur að fá að njóta gjafanna yfirlætislausu sem ekki verða keyptar
en eru lagðar að fótum okkar — og því oftast léttvægar fúndnar:
Allt þetta smáa
Sólin
vindurinn
mosi á gráum vegg