Fróðskaparrit - 01.01.1985, Blaðsíða 114
118
BÓKAUMMÆLI
á Mineralogisk Museum í Keypmannahavn
í neyvum samstarvi við arbeiðsfelagan Arne
Noe-Nygaard professara, har laboratorii-
kanningar av øllum innkomnum grótlutum
fóru fram.
Jarðfrøðiliga kortið av Føroyum: Geo-
logisk Kort over Færøerne og Beskrivelse
til Geologisk kort over Færøeme eftir Jó-
annes Rasmussen og Ame Noe-Nygaard,
Keypmannahavn 1969, er meira og annað enn
høvuðsverk Jóannesar. Tað fer í framtíðini
at standa sum lívsverk hansara. Lati hetta
verða sagt uttan undirmeting av hinum dygd-
artiltøkum, hann átti lut í og í mongum førum
var forsprákari fyri, soleiðis sum tað verður
lýst í innganginum til hetta stakrit.
Úrvalsgreinirnar em allar uttan tvær tær
seinastu skrivaðar, meðan arbeitt varð við
kortútgávuna, og ganga innihaldsliga inn
aftur í frágreiðingina til kortbløðini. Fýra
tær fremstu á føroyskum máli em prentaðar
í Fróðskaparritum, tær báðar seinastu á
enskum máli eru prentaðar í útlendskum
vísindaligum tíðarritum. Jóhannes Jóhansen
hevur við hepnari hond gjørt úrvalið og greitt
til prentingar. Yvirlitið seinast í bókini yvir
ritgerðir Jóannesar vísir, hvussu umfatandi
vísindalig arbeiði, hann hevur latið úr hond-
um. Ei er at undrast á, at Keypmannahavnar
lærdi háskúli veitti honum heiðursdoktara-
heiti.
Jarðfrøðiliga kortið, sum er stungið í lumm-
an á aftaru permu, er ljósprent, minkað 4
ferðir, av upprunakortinum 1:50 000. Tí
verða stavir og merki torskild, men er kortið
stórt prýði fyri bókina og gevur lesaranum
góða hugmynd av høvuðsdráttunum í undir-
grundarskipan Føroya.
Ummælarin takkar tær Jóannesi fyri manga
góða og læruríka løtu, vit vóru saman báðir.
Andrias Højgaard