Morgunblaðið - 16.07.1967, Blaðsíða 3

-Í.IORG ÍJNB LAÐIÐ, SUNNUDAGUR 16. JÚLÍ 1967
3
Sr. Jón Auðuns, dómprófastur:
I storminum friður
Við skulum halda þræðinum
frá síðasta sunnudegi.
Sú marglita hjörð, sem innan-
borðs var hina ægilegu óveðurs-
nótt, hlustaði og hlustaði fast,
þegar Páll sagði frá því, sem
fyrir hann hafði borið, meðan
hann baðst fyrir um nóttina.
Líklegt er, að hefði Páll hitt
þessa menn á förnum vegi við
venjulegar aðstæður og farið að
segja þeim frá vitrun sinni, að
þá hefðu þeir skellt skollaeyr-
um við öllu saman. En alvaran
á landamærum lífs og dauða
knýr þá til að hlusta, hlusta og
hugsa.
í>að reyndist svo á fangaskip-
inu íyrir 19 öldum og reyndist
svo enn, að lífsreynslan kennir
mönnum að hugsa um það, sem
þeim var óljúft að hugsa um
áður, og skilja sitt hvað, sem
þeir skildu, ekki fyrr.
>vi er stundum haldið fram,
að naumast sé mark takandi á
þvi, sem sorgbitið fólk hugsar,
ályktar og telur sig hafa reynt,
sorgin villi mönnum sýn og sé
tæplega heilbrigt hugarástand.
f 37 ára prestsstarfi hefi ég
umgengizt margt sorgbitið fólk,
ákaflega margt, sýnist mér nú,
þegar ég lít um öxl yfir öll
þessi ár. Og sú er skýlaus
reynsla mín, að flestar mann-
eskjur verði gáfaðri í sorg sinni
en gleð:. Mér hefir oft sýnzt
fólk hugsa þá skýrar og kunni
betri skil á að spyrja og skilja.
f „Konungsefnunum“ lætur Ib-
sen Skúla hertoga spyrja Játgeir
skáld hinn íslenzka, hver hafi
kennt honum að yrkja. íslend-
ingurinn svarar, að enginn mað-
ur geti lært að verða skáld. Þá
spyr Skúli hertogi undrandi:
„Hvernig varðst þú sjálfur
skáld?“ Játgeir svarar: „Ég fékk
gáfu sorgarinnar, herra. Þá varð
ég skáld“.
Að vera skáld er ekki sama
og að kunna að ríma. Skáldið á
að vita eitthvað meira en aðrir
í mikilvægustu lexíunni og finna
form til að tjá það. Til þess
reyndist íslenzka skáldinu í höll
hertogans gáfa sorgarinnar gagn-
legri en gáfa gleðinnar.
Eitthvað af þeirri lexíu munu
samfangar og samferðamenn
Páls postula hafa lært hina
minnisstæðu óveðursnótt.
Hverja lexíu?
Lexíu guðst.raustsins, lærdóm-
inn um föðurinn himneska, sem
með einhverjum hætti vakir yfir
börnum sínum í mannraun
þeirra og hagar stundum hand-
loiðslu sinni þannig, að hann
lætur sendiboðann, sem Páll
vitnaði um, flytja hugföllnum
mönnum fagnaðarboðskap um
föðurauga, sem ævinlega vakir,
föðurhönd, se mávallt styður, og
föðurhjarta, sem eiliflega slær.
Páll postuli var sízt minni
háttar maður en þeir eru, sem
gegn slíkri vitrun mæla i dag.
Heimska, — segja margir.
Grímur Thomsen var ekki í vafa
um, að „varðhaldsenglar voru
gefnir í vöku mönnum bæði og
svefni“, — og ekki var hann
heimskari en aðrir menn!
Á þessi boðskapur erindi við
mig og þig?
. Við höfum fæst nokkuð af
baráttunni á sjónum að segja.
Samt erum við öll að siigla og
siglum sama haf. Þar rísa stund-
um boðar, svo að brestur og
marrar í veikri súð.
Hvar leitum við þá hjálpar?
Gamli Páll þurfti hvorki vígð-
an helgidóm né hljóðlátan bæna-
klefa til að geta beðið. í ógn-
um hamslauss veðurofeans, með I
angistarvein dauðadæmdra ■
manna syngjandi í eyrum sér, i
baðst hann fyrir. Og hann fékk í
bænheyrzlu, — fann frið.
Finnum við, þú og ég, þennan
frið, þegar öldurnar rísa hæst? ;
Ég hugsa um þig, sem aí veik-
um kröftum ert að berjast við
raun, sem þér finnst vera þér
ofurefli. Ég hugsa um þig, sem
liggur á sjúkrabeði og horfir
vonlausum hug fram á dapurlega
daga. Ég hugsa um þig, sem
vinafár horfir yfir farinn veg og
fram á einmanalega elli og ævi-1
lok. — Einnig við þína hlið
kann slíkur vinur að standa, sem
stóð hjá Páli óveðursnóttina á
hafinu forðum.
Og sama boðskapinn ber hann
þér og honum:
Vertu óhræddur. Guð er með
þér. Hönd, sem hefir mátt al-
heimsins, verndar þig. Og þótt
fleyið brotni, 'bjargast þú og all-
ír sem á sama skipinu sigla yfir
hafið.
í morgunsárið stöndum við lif-
andi á ströndinni öll.
Lærðu þetta af gamla Páli og
reynslu hans. Hann sá í nætur-
sortanum ljós. Hann fann í
storminum frið.
Síðastliðin föstudag kölluðu
forráðamenn æskulýðssam-
takanna í Borgarfirði blaða-
menn á sinn fund. Erindið
var að skýra frá því, að um
Verzlunarmannahelgina, 5.—
7. ágúst n. k. myndu samtök-
in efna til einhverrar fjöl-
breyttustu sumarhátíðar, sem
haldin hefur verið hér á
landi. Hin fyrirhugaða hátíð
í Húsafellsskógi er í senn
æskulýðsmót, sumarmót fyr-
ir alla fjölskylduna og íþrótta
mót.
Eins og eftirfarandi atriði
gefa tii kynna er dagskrá
mótsins ótrúlega fjölbreytt og
Skemmtiatriði mótsins verða hin fjölbreyttustu. Myndin sýnir blandaðan kór Reykdæla,
sem syngja mun á mótinu.
Verzlunarmannaheigin:
Sumarhátíð í Húsafellsskdgi
ættu allir að geta fundið eitt-
hvað við sitt hæfi.
Mótið verður í aðalatriðum
á þessa leið:
Föstudagur 4. ágúst: móts-
svæðið opnað kl. 20. Tjald-
búðunum ,verður skipt niður í
fjölskyldubúðir og unglinga-
búðir.
Laugardagur: íþróttakeppni,
dansað á þremur stöðum.
Tvær vinsælar unglinga-
hljómsveitir, Dátar og Öð-
menr. auk gömlu-dansahljóm-
sveitar Skafta og Jóhannesar
leika fyrir dansinum. Miðnæt-
urvaka og varðeldur verða
haldin og meðal skemmtiat-
riða eru þjóðlagasöngur, flug-
eldasýning og Jón Gunnlaugs-
son skemmtir.
Á sunnudeginum heldur
Unglingahljómsveitin Dátar, sem mun leika fyrir dansinum
ásamt tveimur öðrum hljómsveitum.
frjálsíþróttamótið áfram auk
knattspyrnukappleikja. Há-
tíðardagskrá verður um dag-
inn og vel til hennar vand-
að. Meðal þeirra sem koma
fram má nefna: Guðmund
skáld Böðvarsson, sem les
upp, blandaður kór Reyk-
dæla syngur og Birna Aðal-
steinsdóttir syngur þjóðlög.
Þá fer fram hestasýning og
kappreiðar. Síðar um daginn
hefst skemmtidagskrá. Stjórn-
andi hennar og kynnir verður
Jón Gunnlaugsson. Meðal
skemmtiatriða verða: Bítla-
tónleikar, Gunnar og Bessi,
Alli Rúts og Baldur og Konni.
Dagskránni lýkur með því að
dregið verður í happdrætti,
en það er innifalið í aðgangs-
eyrinum. Vinningar eru ekki
af lakara taginu. Ferð með
skemmtiferðaskipi og Mall-
orka-ferð.
Um kvöldið fer svo fram all
nýstárlegt skemmtiatriði: Fall
hlifarstökk. Þá fara dansleikir
fram með sama sniði og kvöld
ið áður. Síðan. verður þessu
fjölbreytta sumar- og æsku-
lýðsmóti slitið klukkan 2 e.m.
og lýkur með flugeldasýn-
ingu.
En ekki ætlar mótsstjórn-
in að gera það alveg enda-
sleppt við þátttakendur, því
leikir og íþróttir verða skipu-
lagðar á mánudag, ef svo býð-
ur við að horfa.
Aðgangseyrir verður inn-
heimtur við innganginn á
mótsstað, og er innifalið í
honum aðgangur að öllum
skemmtununum og dansleikj-
um mótsins, auk þess gildir
dagskráin, er afhent verður,
sem happdrættismiði.
Búast má við mikilli þátt-
töku á mótið hvaðanæfa að.
Vill mótstjórn því benda fólki
á að leitast við að létta nokk-
uð umferðina af þjóðveginum
um Hvalfjörð, með því að aka
aðrar leiðir, sem fyrir hendi
eru í Húsafellsskóg.
Algjört áfengisbann verður
á mótsstað, og munu lög-
regluyfirvöld sjá um, að því
banni verði framfylgt skil-
yrðislaust.
Kristleifur Þorsteinsson
hreppstjóri að Húsafelli hefur
góðfúslega lánað land undir
mótssvæðið. Vill mótsstjórn-
in brýna fyrir væntanlegum
þátttakendum að ganga vel og
snyrtilega um staðinn. Frá-
bær reynsla Borgfirðinga af
Skátamótinu við Hreðavatn
sl. sumar sýnir, að fjölmenn
mót sem þessi geta farið fram
án nokkurra náttúruspjalla.
Aðdragandi sumarmótsins er
sá, að í vor sem leið sömdu
tvö helztu samtök um æsku-
lýðsmál í Borgarfirði um
samvinnu sín á milli. Þessi
samtök eru Æskulýðsnefnd
Mýra- og Borgarfjarðarsýslu,
formaður frá stofnun 1961 •
er Ásgeir Pétursson,. sýslu-
maður. Hin félag-ssamtökin
eru Ungmennasamband Borg-
arfjarðar, formaður þess er
Vilhjálmur Einars-son.
Dagskrá mótsins verður
birt í blaðinu í heild síðar.

Kysafelfc
Kort af mótssvæðinu, sem haldið verður í hinum fagra og
skjólgóða Húsafellsskógi.