Morgunblaðið - 30.07.1968, Blaðsíða 13

MORGUNBLAÐIÐ, ÞRIÐJUDAGUR 30. JÚLÍ 1968
13
Ásgeir Jakobsson:
Að stilla grátinn
SJÓMANNADAGSRÁð hefur
efnt til happdrættis fyrir þá hug
fljón sína að reisa sumardvalar-
heimili fyrir munaðarlaus börn
og þá fyrst og fremst börn lát-
inna sjómanna. Það er lenzka
undir slíkum kringumstæðum að
koma til þjóðarinnar svo segj-
andi:
„íslenzka þjóðin hefur marg-
sýnt það, að hjartagæzka og
hjálpsemi eru henni eðlislægir
eiginleikar, og hún er allt af
reiðubúin til að rétta þeim hjálp
arhönd, sem bágt eiga.“ Og miklu
fleiri falleg orð eru höfð uppi,
ég bara kann þau ekki, og svo
klökkna menn lítilsháttar yfir á-
gæti íslenzku þjóðarinnar með
þetta voðalega stóra hjárta. Eg
hef aldrei skilið þetta farisea-
snakk. Eins og við hér séum
nema rétt eins og gengur og ger-
ist í þessu efni: því hef ég ekki
trú á. Ef einhver kæmi að mín-
um dyrum með svona tal, héldi
ég að hann væri að gera grín að
mér og ræki hann umsvifalaust
út. Við gefum nokkrar krónur
stöku sinnum úr fullri pyngju,
okkur til sáluhjálpar, ég þekki
engan, sem hefur gefið sér tíl
baga, þó að ég viti auðvitað að
það fólk sé til.
Þannig á þetta líka að vera,
að þeir sem hafa efni til þess,
gefi til mannúðarmálefna, en hin
ir, sem ekkert stendur útaf hjá,
láti það vera, því að það er eng-
inn bættari með því, að þeir kom
ist líka á vonarvöl. Fyrsta
skylda hvers og eins er að sjá
fyrir sjálfum sér og sínum og þar
næst náunga sínum. Við erum
búnir að vera að baksa við að
tileinka okkur hitt boðorðið með
náungann og sjálfan sig í næst-
um tvö þúsund ár, og virðumst
fjær markinu en nokkru sinni
fyrr. Það er kominn tími til að
líta með meira raunsæi á eðli
okkar og sjá hvort þá fer ekki
betur.
Það verður oftast affarasælast
að sníða sér stakkinn eftir vext-
inum.
í Kumbaravogi reka hjón mun
aðarleysingjahæli og hefur það
verið styrkt af ýmsum aðilum,
m.a. Lionsklúbbnum Baldri en
lífeyrissjóður togarasjómanna
og farmanna á fragtskipum hef-
ur einnig lánað stórfé í þennan
rekstur í þeim tilgangi öðrum
þræði, að sjómannabörn fengju
þarna inni.
Þessi starfsemi hefur reynzt til
mikilla bóta, en þó er langt frá
því að nokkuð sé enn ofgert á
þessu sviði, og nú er sem sé ætl-
unin að reisa sumardvalaheimili
til að stytta munaðarlausum börn
um stundirnar, svo að þau megi
gleðjast yfir sumrinu, eins og
börnum er eðlilegt.
Hjartaveilur, krabbamein, löm
un, fötlun, berklar eru hrylli-
legir sjúkdómar, en hryllilegri
er grátur munaðarlauss barns og
þann grát verður, hver og einn
að reyna að stilla eftir getu
sinni.
Sjómannabörn verða oft fyrir
varanlegri meiðslum, þegar þau
missa föður sinn í sjóinn en al-
ment gerist, vegna þess, að dauð-
inn lætur þá ekki tímann vinna
verk sitt heldur tekur hús á
barninu óvænt og óljóst.
Barn, sem sér foreldri sitt
veslast upp í sjúkdómslegu,
heyrir þjáningarstunur þess og
horfir á það hrörna dag frá degi,
hefur fengið nokkurn aðlögunar
tíma, það horfir á dauðann vinna
óg sér hann slá lokahöggið. Oft
eru þá margir komnir á vett-
vang að hugga barnið og styrkja
og létta þvi lífið eftir föngum.
Sjómannsbarnið fylgir föður
sínum til skips, hraustlegum
manni og lífmiklum og ekki þess
legum að ætla að fara að kveðja
þennan heim. Þvert á móti er
fátt fjarstæðukenndara en hugsa
sér dauðann í sambandi við þenn
an mann. Barnið kveður föður
sinn þannig glaðan og reifan,
sér hann stökkva frísklega um
borð og veifa kátan, þegar hann
heldur frá landi. Barnið fer
strax að hlakka til, þegar þessi
maður kemur heim aftur, og það
eru ekki liðnir margir dagar frá
brottför hans, þegar það fer að
spyrja fyrst:
— Hvenær kemur pabbi aft-
ur?
Og síðan:
— Fer ekki pabbi bráðum að
koma?
Svo er það einn dag, að barn-
ið skynjar það fremur en sér, að
móður þess er brugðið og hún
fer oft í símann að hringja sjálf,
ef aftur á móti síminn hringir
hendist hún að honum, aðeins til
að leggja hann frá sér eftir sam-
talið enn órólegri en áður.
— Engar fréttir ...
Dagurinn líður að kvöldi og
síðan löng nótt án nokkurra
skýringa.
— Nei, góði minn það er ekk-
ert að.
Barnið finnur þó, að ekki er
Ódýror Þjórsdrdalsíerðir
Hinar vinsælu eins dags hringferðir í Þjórsárdal eru
alla miðvikudaga ki. 9 og sunnudaga kl. 10.
Meðal annars er komið í Gjána, að Stöng og Hjálpar-
fossi. Á austurleið er farið um Skálholt. Einnig er
ekið um virkjunarsvæðið við Búrfell. Verð aðeins
470 kr. Innifalið kaffi og smurt brauð á Selfossi.
Matarpakkar á kr. 100 ef þess er óslcað.
Upplýsingar geíur B.S.Í. Umferöarmiðstöðiniii
Sími 22300
LANDLEIÐIR H/F.
allt með felldu og nú væri gott
að pabbi væri kominn og það
segir:
— Fer ekki pabbi að koma?
Það verður bið á svarinu, en
barnið heyrir hljóðan grát móð-
ur sinnar undir sænginni.
Og það kemur morgun með óró
leika í skólanum, en síðan von
æskunnar á heimleiðinni . .. nú
er pabbi auðvitað kominn allt
orðið gott .. . og við hugsunina
tekur barnið sprett, töskunni
fleygt af sér dyr rifnar upp, en
í stofunni bíður ekki pabbi að
gripa upp lítinn snáða, heldur
svartklæddur maður og barnið
sér örvæntinguna vonina horfna
úr augum móður sinnar og sorg-
ina komna í staðinn.
— Pabbi þinn kemur ekki aft-
ur ... hann er drukknaður ...
báturinn hans hefur farizt . . .
Hvernig drukkna menn?
Hvernig farast skip? Pabbi var
syndur. Hvernig vitið þið, að
hann er dáinn?
Nú kemur það, sem verst er.
Það vaknar von aðeins til að
deyja, samt er hún sífellt að
vakna á ný í langan tíma. Getur
pabbi ekki hafa komizt ein-
hversstaðar í land, af því að
hann var svo vel syndur, eða
um borð í skip? Ef barnið er
stálpað er því erfiðast að vita
ekki, hvernig faðir þess dó. Háði
hann langt eða stutt dauðastríð?
Það óttast hið fyrra, því aðhann
var hraustUr, hann pabbi.
Þannig heimsækir dauðinn sjó
mannsbörn. Við skulum reyna að
létta þeim lífið.
Cr kaupandi
að suðuvél fyrir P.V.C. efni
ekki hjólsuðu. Tilboð rnerkt: „P.V.C. — 8357“ sendist
afgr. Mbl.
Hestaþing
Hestamannafélögin Sleipnir og Smári halda hestaþing á
á nýjum skeiðvelli á Murneyri á Skeiðum sunnudag-
inn 4. ágúst n.k. kl. 13.30.
DAGSKRÁ:
1. Helgistund, séra Bernharður Guðmundsson.
2. Aðalsteinn Steinþórsson setur mótið.
3. Hópreið félaga inn á völlinn.
4. Formaður L. H. Einar G. E. Sæmundsen
flytur ávarp.
5. Góðhestar sýndir í dómhring.
6. Kappreiðar 600 m hlaup og 250 m skeið,
250 m folahlaup, 300 m hlaup.
Eigendur góðhesta komi með hesta sína kl. 10 f.h.
Skráning hesta fer fram hjá formönnum félaganna.
<§> KARNABÆR
KLAPPARSTÍG 37. — Sími 12937.
Ný sending skór — veski
— Mary Quont — snyrtivörur og hórtoppor!
Skódeild
★ Ný sending:
RAVEL-kvenskór í
miklu úrvali.
★ Ný sending
Denson herraskór
★ Ný sending
Ensk leðurveski
★ Ný sending
Tízku leðurhanzk-
ar.
Póstsendum
um
land allt!
Snyrtivörudeild
★ MARY QIJANT snyrtivörur nýkomnar
í miklu úrvali.
★ ,,BATOLI“-hártoppar — ný sending.
Þessir toppar hafa nú sannað ótvíræð
gæði sín. Frábær áferð — gott verð
— handunnið.
2ja og 4ra herbergja íbúðir í Fossvogi
Höfum til sölu 2ja og 4ra herb. íbúðir við Hulduland nr. 1 og 3 í Fossvogi. Seljast tilbúnar undir tréverk og málningu
og sameign frágengin. 4ra herb. íbúðirnar eru 99 ferm., 3 svefnherb., 1 stofa, eldhús, bað. Stórar suðursvalir. — 2ja
herb. íbúðirnar eru á jarðhæð, sem eru 45 og 55 ferm. — íbúðum þessum fylgir hlutdeild í kjallara. Beðið verður eftir
fyrri hluta af húsnæðismálastjórnarláni. 4ra herb. íbúðirnar kosta 980 þús. og 2ja herb. íbúðirnar 550 þús. og 600 þús.
Tryggingar og fasteignir, Austurstræti 10A, 5. hæð, sími 24850. Kvöldsími 37272 og hjá byggjanda 41684 eftir kl. 8 e.h.