Morgunblaðið - 30.07.1968, Blaðsíða 16
16
MORGUNBLAÐIÐ, ÞRIÐJUDAGUR 30. JÚLÍ 1968
Jltaigtiiifrfafrife
Utgefandi
Framkvœmdastjóri
Ritstjórar
RitstjórnaríuiltrCu
Fréttastjóri
Auglýsingast j óri
Ritstjórn og afgreiðsla
Auglýsingar
Askriftargjald kr 120.00
1 lausasölu.
Hf Arvakur, Reykjavík.
Haraldur Sveinsson.
Sigurður Bjamason frá Vigur
Matthías Johannessen.
Eyjólfur Konráð Jónsson.
Þorbjöm Guðmundsson.
Bjöm Jóhannsson.
Árni Garðar Kristinsson.
Aðalstræti 6. Sími 10-100.
Aðalstræti 6. Símí 22-4-80.
á mánuði innanlands.
Kr. 7.00 eintakið.
SAMSKIPTI HINS
OPINBERA VIÐ AL-
MENNING
F\jölmiðlunartækni nútímans
*• er komin á mjög hátt
stig. Almenningur hér á ts-
landi fær fregnir af atburð-
um í fjarlægum löndum á ör-
skammri stundu og stundum
aðeins nokkrum mínútum
eftir að atburðirnir gerast.
Hér á landi eru gefin út fimm
dagblöð, fjölmörg vikublöð
og starfandi er útvarp og
sjónvarp, sem nær til æ fleiri
landsmanna. Þótt fjölmiðlun-
artæknin sé þannig komin á
hátt stig hérlendis, skortir
töluvert á, að almenningur
eigi þess kost að fylgjast ná-
kvæmlega með því sem er að
gerast í opinberum málum.
Þetta stafar af því, að lang-
flestir fyrirsvarsmenn opin-
berra aðila fylgja hefðbundn
um venjum í samskiptum við
fjöldann. Eðlilegt er, að t.d.
ríkisstjórn leggi tillögur sín-
ar í mikilsverðum málum fyr
ir Alþingi áður en frá þeim
er skýrt annars staðar en und
anfari slíkrar tillögugerðar
er oft langur og víðtækur og
þá er æskilegt að almenning-
ur eigi þess kost að fylgjast
með því á hvað stigum sá
undirbúningur er hverju
sinni. Slíkar upplýsingar
þurfa engan veginn að skaða
málið en geta haft jákvæð
áhrif, þegar almenningi er
ljóst, að stöðugt er unnið að
lausn mikilla vandamála,
sem að steðja. Hið hefð-
bundna sjónarmið í samskipt
um við fjöldann kemur einn-
ig fram í tregðu forsvars-
manna margra opinberra
stofnana að gefa fjölmiðl-
unartækjum upplýsingar um
málefni, sem almenningur á
heimtingu á að fá vitneskju
um.
Geir Hallgrímsson, borgar-
stjóri tók á sl. vetri upp þá
nýjúng að efna til reglulegra
blaðamannafunda einu sinni
í mánuði. Æskilegt er, að
fleiri forustumenn í stjórn-
-málum fylgi því fordæmi.
Reglulegir blaðamannafundir
veita almenningi tækifæri til
að fylgjast náið með því, sem
gerist í málefnum lands og
þjóðar hverju sinni. Sá ótti
hefur af eðlilegum ástæðum
ríkt meðal stjórnmálamanna,
að blöð andstæðinganna
mundu mistúlka orð þeirra
og upplýsingar, en blaða-
mannafundir borgarstjóra
hafa leitt í ljós, að sá ótti er
ástæðulaus.
íslenzkir stjórnmálamenn
verða að taka upp ný vinnu-
brögð í samskiptum sínum
við almenning í landinu og
nota til þess þá aðstöðu, sem
blöð, útvarp og sjónvarp
veita þeim. Þótt meta beri
t.d. þá sjálfsögðu virðingu
ríkisstjórnar fyrir Alþingi
að leggja tillögur fyrir
það en ekki blaðamanna-
fundi getur ríkisstjórn gefið
margar aðrar upplýsingar á
ýmsum stigum máls til þess
að láta fólk fylgjast með því,
sem verið er að gera í þess
þágu. Með sama hætti er það
beinlínis skylda opinberra að-
ila að gefa undanbragðalaust
upplýsingar um málefni al-
mennings, þegar þeir eru
spurðir. Þeir hafa ekki verið
settir til þess að ráðskast með
þau mál að vild heldur til
starfa í þjónustu fólksins.
Þess ber að vænta, að opin
berir aðilar taki hið fyrsta
til rækilegrar athugunar sam
skipti sín við almenning með
það í huga að nýta nýja
tækni til þess að upplýsa fólk
um það sem gert er í þess
þágu og í þess nafni. Við bú-
um við 19- aldar fyrirkomu-
lag í þessu efni nú á síðari
hluta 20. aldarinnar.
ÓÞOLANDI
ÁSTAND
að kemur skýrast í Ijós að
sumarlagi, þegar um-
ferð er mikil út úr borginni
að óþolandi ástand ríkir á
akstursleiðum út úr höfuð-
borginni. Elliðaárbrúin veld-
ur því, að mjög slæmir um-
ferðahnútar verða við Elliða-
árnar um nær hverja helgi.
Borgarstjórn Reykjavíkur
hefur gert sérstaka ályktun
um þetta mál, en það er Vega
málastjórnar að annast fram-
kvæmdir.
Reykvíkingar legga fram
mikið fé til vegagerðar í land
inu öllu með skattgreiðslum
og þeír eiga kröfu til þess að
einhverjum hluta þess fjár
verði varið til þess að gera
aksturleiðir úr borginni þann
ig að sómasamlegt geti talizt.
Þetta mál þolir ekki lengri
bið.
Frá kynþáttaóeirðunum í Cleveland í Bandaríkjunum. Lögreglumaður á hér í höggl við leyni-
skyttur. Talið er að fjórir menn hafi beðið bana í þessari viðureign.
81 sjónvarps-
morð á viku
Boston, Massachusetts,
25. júlí. AP.
SAMKVÆMT athugun sem
gerð var á dagskrárefni helztu
sjónvarpsstöðva í Bandaríkj-
unum á einni viku, var sýnt
81 morð á aðalsjónvarpstím-
anum, á kvöldin og á laugar-
dagsmorgni, alls 85 V2 klukku-
stund, að því er dagblaðið
„The Christian Science Moni-
tor“ skýrði frá í dag.
Samkvæmt athugun blaðs-
ins voru sýnd 372 ofbeldis-
verk, éða ofbeldishótanir, þar
af 162 á laugardagsmorgni,
sem er almennt talinn barna-
tími sjónvarpsins. Könnunin
náði'til helztu sjónvarpsstöðv
anna, ABC, NBC og CBS, og
var hún gerð sex vikum eftir
morðið á Robert Kennedy,
öldungadeildarmanni.
Athugunin leiddi í ljós, að
mest er um ofbeldi í sjónvarp
inu á tímanum frá kl. 7.30 til
9 á kvöldin þegar talið er sam
kvæmt opinberum áætlunum
að 26.7 milljónir barna, á aldr
inu tveggja til 17 ára horfa
á sjónvarpið. Á þessum tíma
er ofbeldi sýnt að meðaltali á
16. hverri mínútu, en eftir kl.
9 dregur til muna úr ofbeld-
inu og sjást þá aðeins ofbeld-
isverk á 35. hverri mínútu.
Morð eru sýhd á hálftíma
fresti fyrri hluta kvölds en
aðeins aðra hverja klukku-
stund þegar líður á kvöldlB.
í barnatímum sjónvarps-
stöðvanna á morgni laugar-
dags vikuna er athugunin var
gerð, voru sýnd 162 ofbeldis-
verk á sjö klukkustundum
miðað við 78 ofbeldisverk í
kvölddagskrám alla vikuna.
Einn af fréttamönnum blaðs-
ins sagði, að hann hefði átt
fullt í fangi með að telja of-
beldisverkin í barnatímanum
og orðið að fá hjálp, en samt
telur hann að nokkur hafi
farfð fram hjá honum.
Alsírstjórn bögul
um flugvélarráníð
Algeirsborg, 25. júlí. NTB
HEIMILDIR í Algeirsborg
hermdu í dag, að mennimir þrír,
sem neyddu með vopnavaldi
ísraeLska farþegaþotu að lenda
í Algeinsborg á þriðjudaginn,
Væru við góða heilsu, hiefðu á-
gæta matarlysit og svæfu vel.
Hingað til hefur ekkert Verið
sagt af opinbenri hálfu um flug
vélarræningjanna, sem eru fé-
lagar í Frelsisfylkingu Palest-
ínu, og 22 faraelsmenn, sem með
vélinni voru og eiru hafðir í
haldi. ALsírskir borganar hafa
fagnað flugvélarráninu, sem
þeir segja bera vott um hug-
rekki og réttan byltingaranda,
að sögn stjórnmálagagnsins í A1
geirsbarg.
ísraelsstjórn hefur beðið rík-
isstjórnir ýmissa landa, meðal
annars Frakklands og Bretlands,
að hlutast til um það að flug-
vélinni, ísraelsku farþegunum
og áhöfn vélarinnar verði skil-
að, og hefur verið tekið vel í
þessi tilmæli. Bouteflika, utan-
ríkisráðherra Alsírs, sem er
staddur í París, og ræddi í dag
við Michel Debré, utanríkisráð-
herra, og sennilegt er talið að
flu'gvélarránið hafi borið á
góma. Bouteflika sagði blaða-
mönnum, að Alsírmenn væru
hvorki beint né óbeint viðriðnir
flugvélarránið.
f Washington var frá því
skýrt í dag, að bandarísk yfir-
völd hefðu gert ráðstafanir til
að herða á eftirliti í því augna-
miði að koma í veg fyrir flug-
vélarrán og sprengjutilræði um
borð í flugvélum. Flugvélarrán
gerast æ tíðari í Bandaríkjunum
og koma Kúbumenn þar oft við
sögu, en þó er akki talið að
kúbanska stjórnin sé viðriðin
ránin. Sprengjutilræði um borð
í flugvélum hafa ekki vakið
eins mikla athygli, en þar eru
oft að verki kúbanskir útlagar,
sem segjast vilja ná fram hefnd
um á löndum, sem verzla við
Kúbu.
Innbrot um
helgino
NOKKUR innbrot voru framin
um helgina, en í flestum þeirra
höfðu innbrotsmennirnir lítið
upp úr krafsinu. Hins vegar ollu
þeir töluverðum skemmdum og
m.a. í skála Farfugladeildar
Reykjavíkur — Heiðarbóli.
Fjórum ferðaútvarpstækjum af
Körting-gerð var stolið úr Radíó
húsinu Hverfisgötu 40 aðfaranótt
sunnudags. Tví tækjanna bera
tegundarnúmerið TR 963 og hin
tvö TR 983. Verði einhver var
við slík tæki í umferð, er hann
vinsamlegast beðinn að hafa sam
band við rannsóknarlögregluna.
LEIÐRÉTTING
f viðtali við Þorleif Jónsson,
sveitarstjóra, á Eskifirði í Morg
unblaðinu á sunnudag, slæddist
inn meihleg villa. Sagt var, að
hreppsfélagið ræki síldarverk-
smiðjurnar á staðnum. Þetta er
ekki rétt, það er Hraðfrystihús
Óskifjarðar h.f. sem á og rekur
verksmiðjurnar tvær. Hlutaðeig
endur eru beðnir afsökunar á
þessu mishermi.