Morgunblaðið - 30.10.1968, Page 12

12
MORGUNBLAÐIÐ, MIÐVIKUDAGUR 30. OKTÓBER 1968
Fyrirspurnir og svör á fundi borgarstjóra
_ með íbúum Laugarnes- Sunda- Heima- og Vogahveriis
A FYRSTA hverfafundi
Geirs Hallgrímssonar, borg-
arstjóra, í Laugarárbíó sl.
laugardag var mikið um fyr-
irspurnir um málefni hverf-
isins og borgarinnar almennt.
Mbl. mun birta allar fyrir-
spurnir sem beint er til borg-
arstjóra á fundum hans, svo
og svör borgarstjóra og fara
fyrirspumir og svör á fyrsta
fundinum hér á eftir:
Gísli Gíslason, Ferjuvogi 15:
Er það rétt, sem fram kom í
sjónvarpsþætti nú fyrir skömmu
og áður hefur komið fram í
blaðagreinum, að Reykjavíkur-
borg hafi afhent Saltvík á Kjal
arnesi unglingum borgarinnar til
frjálsra umráða og án eftirlits
fullorðinna ábyrgra aðiía. Við
fyrirspyrjendur höfum lagt fram
tillögu fyrir Æskulýðsráð um
að staðurinn verði nýttur í sam-
ráði við aðalatvinnuvegi þjóðar-
innar, og þar rekin kynningar-
stöð fyrir þann síaukna fjölda
unglinga er ekki hlýtur ráðn-
ingu á vinnumarkaði yfir sum-
armánuðina. Höfum við 'lagt til,
að þessi starfsfræðsla verði fram
kvæmd eftir starfsreglum 4-H.
Síðan verði æskulýðsfélögum á
borgarsvæðinu og skólum boðin
aðstaða til þátttöku. Hvert er
álit yðar herra borgarstjóri á
þessu máli og hvað líður því?
Við höfum borið fram þá til-
lögu, að Æskulýðsráð stofni til
foreldrafélaga í . hverfum borgar
innar, sem hvert á sínu • sviði
fylgist með því, sem fyrir börn
og unglinga er gert. Styðji það
sem vel er gert en sporni í móti
óæskilegum gorkúlum. Þessi félög
vinni síðan með borgaryfirvöld-
um að því er æskunni er holl
tómstundaiðja framtíð þjóðar-
innar til blessunar. Hvert er álit
yðar herra borgarstjóri á þessu
máli og sjáið þér ástæðu að
vinna að framgangi þess.
Borgarstjóri: Ég sá að vísu
ekki þennan sjónvarpsþátt, sem
á er minnzt í þessum fyrir-
spurnum, en vildi taka það fram,
að Sattvík hefur ekki verið af-
hent einum eða neinum til fullra
umráða öðrum en Æskulýðsráði
Reykjavíkurborgar. Æskulýðsráð
hefur umráð staðarins og ger-
ir tillögur um nýtingu hans. Mér
er kunnugt um, að Æskulýðsráð
telur, að nýting hans hafi ekki
verið sem skyldi sumpart vegna
þess, að aðstaða hefur verið
slök, m.a. hvað snertir drykkjar
vatn en úr því hefur verið bætt
nú í sumar. En að því er mér
skilst hefur Æskulýðsráð þrennt
í huga um nýtingu Saltvíkur. f
fyrsta lagi heígarskemmtanir fyr
ir unglinga, sem sérstaklega var
drepið á í umræddum sjónvarps
þætti, í öðru lagi samvinna við
íþróttafélög um íþróttanámskeið
í Saltvík og samvinna við önnur
æskulýðsfélög um afnot af staðn
um, í þriðja lagi samvinna við
þá fyrirspyrjendur Gísla Gísla-
son og sr. Sigurð Hauk Guðjóns-
son, sem hafa vakið máls í hinni
athyglisverðu starfsemi 4—H til
þess að treysta tengsl æskunn-
ar við atvinnuvegina og at-
vinnustarfsemina. Það er mín
skoðun og ég hygg, að það
verði undir þ áskoðun tekið af
Æskulýðsráði að koma beri upp I
Saltvík starfsemi í líkingu við
starfsemi 4-H félagsskaparins er
lendis. Við viljum eiga sem bezt
og mest samstarf ekki sízt við
fyrirspyrjendurna, sem hafa haft
frumkvæði í þessum málum.
Þriðja fyrirspurnin er um stofn
un foreldrafélaga í hverfum
borgarinnar og hlutverk þeirra.
Ég tel, að þarna sé drepið á
njög athyglisvert mál og það er
'.jt.v. Æskulýðsráð borgarinnar
1 heild, sem eitt getur komið upp
slíkum foreldraráðum, er taki
yfir alla æskulýðsstarfsemi í við
komandi hverfum. Við höfum að
vísu haft foreldrafélög í skólum.
En það sem okkur skiptir mestu
í framtíðinni, er að flytja æsku-
lýðsstarfsemina út í hverfin, sem
og að samræma æskulýðsstarf-
semi hinna mismunandi félags-
samtaka sem að æskulýðsmálum
vinna. Slík samræming má ekki
verða á kostnað fjölbreytninn-
ar, því að æskan krefst fjöl-
breytni. Við verðum að reyna
að fá sem mest út úr starfi kirkn
anna, safnaðanna, íþróttafélag-
anna, skátanna, og skólanna.
Það má ekki fella þetta allt sam-
an í eitt mót, en það verður að
nýta hverja þessa starfsemi á
sínu sviði, þannig að unglingar-
nir í hverju hverfi finni starfs-
vettvang í samræmi við áhuga-
mál sín. Og þess vegna held ég,
að tillaga þeirra sé athyglisverð,
um foreldraráð eða foreídrafé-
lög, er væru æskulýðsráði og
forráðamönnum þessara ein-
stöku æskulýðssamtaka í hverf-
unum til ráðuneytis. Ég er því
hlynntur og vænti þess, að Æsku
lýðsráð ræði möguleika til að
koma þeirri hugmynd í fram-
kvæmd.
Halldór Jónsson: Á gatnamót-
um Skeiðarvogs og Elliðavogs er
stórt opið svæði, sem Rafmagns
veitur ríkisins hafa fyllt með
kössum og alls konar drasli, sem
ekki hefur verið hreyft árum
saman. Má ekki vænta þess að
borgin sjái um að þetta verði
fjarlægt?
Borgarstjóri: Að svo miklu
leyti, sem þarna er um að ræða
afnot af svæði sem Rafmagns-
veitur ríkisins hafa ekki leigu-
rétt yfir, þá er sjálfsagt að borg
in sjái um fjarlægingu á því. Ef
þarna er um að ræða svæði eða
lóð, sem Rafmagnsveiturnar hafa
á leigu, þá hlýtur og borgin að
hafa íhlutunarrétt um hvernig
um svæðið er gengið og hreins-
unardeild borgarinnar að gera
þá athugasemd varðandi um-
gengnina. Og skal ég fylgja því
eftir hvoru tveggja.
Séra Ingólfur Guðmundsson,
Laugarásvegi 1: Er gert ráð fyr-
ir gagnfræðaskóla með lands-
prófs og eða gagnfræðaprófs-
kennslu fyrir vesturhluta þessa
borgarsvæðis?
Borgarstjóri: Eins og stendur
og fyrirspyrjanda er kunnugt
og er raunar tilefni fyrirspurn-
arinnar, þá er það svo, að þriðji
og fjórði bekkur gagnfræðaskóla
og þar á meðal landsprófsdeild
er ekki starfrækt í þessu hverfi
nema í Vogaskóla. Þess vegna
eru það eingöngu nemendur, sem
sótt hafa Langholtsskóla og
Vogaskóla, sem geta stundað 3.
og 4. bekkjanám í gagnfræða-
skóla í hverfinu sjáífu. Nemend
ur úr Laugalækjar- og Laugar-
nesskóla verða að fara í gagn-
fræðaskólann við Lindargötu
eða gagnfræðaskólann í Vonar-
stræti ef þeir fara í landspróf.
Ástæðan til þess hefur hingað
til verið sú fyrst og fremst, að
ekki hefur verið pláss í skól-
unum sjálfum til þess að sjá fyr-
ir námi þessara nemenda í 3. og
4. bekk, en ennfremur er ekki
unnt eða erfiðleikum bundið að
koma á námi í 3. og 4. bekk
nema al'lfjölmennur nemendahóp
ur sé tií staðar til þess að unnt
sé að hafa þá fjölbreytni í náms-
greinavali, sem nauðsynleg er á
þessu aldursstigi. Það hefur
reynzt erfiðleikum háð, þegar
skortur er á kennurum á gagn-
fræðastigi með fullum kennslu-
réttindum að dreifa þessari
kennslu of mikið. Og loks hefur
það þótt eðlileg nýting á skól-
um borgarinnar, að þar sem skól
ar eru orðnir rúmgóðir, eins og
í miðbænum og austurbænum
verði það skólarými notfært og
þá er ekki um annað að ræða
en að eíztu börnin, sem bezt eiga
með að ferðast á milli staða í
borginni nýti það rými. Ágrund
velli þessara athugasemda
mundi ég svara því, að nú í dag
eru engar ákveðnar hugmyndir
um það, að leysa þetta vanda-
mál eða kennslu 3. og 4 bekkjar
fyrir vesturhluta þessa hverfis, í
hverfinu sjálfu. Þá má segja að
vísu, að það rýmkist mjög í
Vogaskóla, þegar viðbyggingin
er að öllu leyti komin upp og
sömuleiðis í Laugalækjarskóla
þegar lokið verður við byggingu
hans, en tæpast er það þó nóg
ef við setjum markið svo hátt að
hafa einsett á unglinga og gagn-
fræðastigi. Þótt tvísett sé á
barnafræðslustigi. Að vísu kæmi
til greina að byggja við Laugar-
nesskólann þar sem lóð er sæmi-
lega rúmgóð. AU lengi hafa ver-
ið hugmyndir um að koma upp
menntaskóla í þessu hverfi og
talað um staðsetningu hans ein-
hvers staðar við Suðuhlands-
braut, enda er talið heppilegt
að hafa menntaskóla fyrir
hverja 25 þús. íbúa og samkv.
því ættu merr,'i '
Vera þrír í borginni. Sannleik-
urinn er líka sá, að þrengsli eru
mikil í menntaskólunum. í því
sambandi kemur og til greina
sú hugmynd, hvort æskilegt sé
að hafa einn samfelldan skóla,
sem getur útskrifað stúdenta og
jafnframt veitt a.m.k. unglinga-
og gagnfræðaskólakennálu. En
svarið hlýtur að verða það, að
á þessu stigi eru önnur verkefni
í skólabyggingum sem eru enn
meira knýjandi eri verkefni það,
sem raunar er fyrir hendi og
fyrirspyrjandi bendir á.
Viggó M. Maack: Hvað líður
barnaheimili eða íeikskóla við
enda Sporðagrunns á milli
Sporðagrunns og Dalbrautar.
Borgarstjóri: Það er rétt hjá
fyrirspyrjanda, að þarna er skv.
skipulagi gert ráð fyrir leikskóla
og hefur lengi verið ætlunin að
reisa þar álíkan skóla. Hins veg-
ar hafa enn ekki verið teknar
ákvarðanir um að hefja bygg-
ingu á þessum stað. Þær leik-
skólabyggingar, sem nú eru í
gangi, eru við Sólheima, í Breið-
holti og íoks í Fossvogi, en sá
leikskóli verður notaður fyrstu
2-3 árin sem smábarnaskóli. En
auk þessa hlýtur að koma að
því að staðsetja þurfi líklega
fljótlega um 2 leikskóla til við-
bótar.
Sigmundur Guðnason: Hvern-
ig er gangstéttargj ald lagt á
húseigendur, þegar gangstétt er
aðeins öðru megin.
Borgarstjóri: Gangstéttargjöld
eru samningsbundin milli borg-
aryfirvalda og húseigenda, þar
sem um leigulóðir er að ræða en
byggt er á lagafyrirmælum, þar
sem um eignarlóðir er að ræða.
Lóðarhafi greiðir 1/3 kostnaðar
við gangstéttargerð og skv.
lengdarmetrum lóðar hans við
götu. Af þessu leiðir hygg ég,
að þeir einir greiða, sem fá gang
stétt fyrir framan hús sín. Ef
gangstétt er sleppt öðru megin,
þá er ekki innheimt gangstétt-
argjald hjá þeim.
Ingimar Einarsson. Álfheim-
um 34. Ég á tvö bom í Lang-
holtsskóla og þrjú barna minna
hafa verið þar samtímis. Til
Vogaskólans þekki ég lítið. Skóla
starfið getur verið víðtækara en
nám og kennsla og á ég þá við
tómstundastarf og skemmtanir og
vil ég aðeins í sambandi við hið
síðara spyrja þessara spurninga.
Er ekki hægt að koma því við
að halda dansleiki í Langholts-
skólanum fyrir skólanemend-
urna 13-15 ára t.d. hálfsmánað-
arlega. Þótt unglingar uni sér
að jafnaði vel á heimilum sín-
um og séu þar velkomnir með
vini sína, skilur maður vel þörf
þeirra og löngun til hóflegra
skemmtana. Mér þykir líklegt,
að foreldrar væru refðubúnir að
leggja eitthvað af mörkum í
sambandi við þetta mál. Mundu
t.d. ekki mæður vilja týgja dæt-
ur sínar með eitthvað af kök-
um eða slíkum kosti á dans-
leiki og þannig mætti koma í
veg fyrir sæígætisátið. Ég spyr
líka, er nokkur nauðsyn ef þessu
yrði á komið að hafa dýrar
hljómsveitir til að leika fyrir
slíkum dansi. Mundu ekki ungl-
ingarnir una við hljómlist af
plötum, sem mikið úrval er til
af, með þekktustu bítla- ogpop
hljómsveitum heimsins. Ég vildi
heyra álit borgarstjórans á
þessu máli.
Þá er það hitt mátið. Háloga-
landshverfið er geysilega fjöl-
býlt og þéttbýlt. Þar eru 8
fjögurra hæða blokkir og við
Sólheima þrjú 12 hæða háhýsi.
Flest önnur hús í hverfinu eru
með þrem eða fjórum íbúðum.
Fjöldi barna og unglinga er því
eftir þessu. Vestan og norðan
Álfheima er mikið óbyggt svæði
mil'li blokkanna og núverandi
Holtavegar sem mun eiga að
hverfa. í stað hans mun eiga að
leggja nýja götu, sem nái frá
Langhottsvegi milli Holtsapóteks
og Langholtsskólans frá Suður-
landsbraut móts við Grensásveg.
Milli þessa nýja hugsaða vegar
og blokkanna við Álfheima verð
ur eftir breið löng landræma.
Nú spyr ég, væri ekki ti'lvalið
að nota þetta svæði sem alls-
herjar útivistarsvæði fyrirbörn
og unglinga í Hálogalandshverf-
inu og nágrenni þess. Setja þar
upp íeikvelli, körfu og hand-
boltavelli og jafnvel sparkvöll,
sem gera mætti að skautasvelli
á vetrum. Ég býst við að erfitt
sé fyrir borgarstjórann að svara
þessari spurningu núna á stund-
inni, vegna þess að ég efast um
að þessi hugmynd hafi komið
fram fyrr. Mundi ekki borgar-
stjóri og borgaryfirvö'ld vilja
íhuga þessa hugmynd, og koma
henni í framkvæmd, ef þeim
lýst vel á hana og við verður
ráðið vegna kostnaðar. Ég er
sannfærður um, að þetta yrði
stórkostlegt framlag til að leysa
afþreyingarvandamál barna og
unglinga í þessu þéttbýlasta
hverfi borgarinnar.
Borgarstjóri: Varðandi fyrri
fyrirspurn Ingimars Einarsson-
ar, skal þess getið, að borgar-
yfirvöld, Æskulýðsráð og fræðsl
yfirvöld hafa áhuga á því, að
félagsstarfsemi skólanemenda
verði sem mest fyrst og fremst
í hverfunum sjálfum og í tengsl
um við skólana sjálfa. I þessu
skyni hefur Reykjlavíkurborg
varið töluverðum fjármunum og
óskað eftir því að fá starfs-
krafta til að sinna félagsstarfi
innan veggja skólanna. Hitt er
svo annað mál, það hefur borið
við að skoðanir foreldra væru
töluvert skiptar um dansleikja-
hald og skemmtanahald bæði í
skólunum og utan skólanna t.d.
á vegum Æskulýðsráðs. Ýmist er
það svo, að menn eins og við
heyrum núna telja ekki nóg gert
og hins vegar jafnve’l amast for-
eldrar við því sem gert er, á
þann veg, að verið sé að draga
börnin og unglingana inn á þær
lífsvenjur, sem ekki séu með
öllu hoílar. Ég er þó sammála
fyrirspyrjanda að það er eðlileg
ur þáttur í uppvexti og uppeldi
að taka þátt í heilbrigðu skemmt
analífi, hvort sem dansleikirnir
eiga að vera svo oft sem hann
segir eða sjaldnar, en hins veg-
ar skal ég beina því ti'l Æsku-
lýðsrá2(s og skólayfirvaHda
hvort þarna er hægt að koma á
einhverju ákveðnu fyrirkomu-
lagi, sem gæti verið almennt í
skólum borgarinnar. Og sam-
mála er ég fyrirspyrjanda um
það, að óþarfi ætti að vera að
kaupa dýrar hljómsveitir en hins
vegar skilst mér að það sé svo,
að jafnvel unglingunum þyki þá
fyrst varið í slíka dansleiki, ef
um það sé að ræða. Það er rétt
að þetta svæði sem myndast fyr
ir neðan Álfheimablokkírnar
og sunnan Langholtsskólalóðar-
inriar við framlengingu Grensás
vegar í Holtaveg er ætlað sam-
kv. skipulagi annars vegar til
stækkunar á lóð Langholtsskóla
og hins vegar sem opið svæði
fyrir íbúa Hálogalandshverfis-
ins og ég tel þess vegna leiða
af sjálfu sér að unnt sé að verða
við tillögu fyrirspyrjanda. Hins
vegar skal ég taka það fram, að
Geir Hallgrímsson, borgarstjóri, tekur á móti fundargestum í
Laugarásbíó sl. laugardag.