Morgunblaðið - 21.03.1969, Blaðsíða 2

2
MORGUNBLAÐIÐ, FÖSTUDAGUR 21. MARZ 1969
Fangageymslan Síðu-
múli ríklsfangelsi
— fyrir gœzlu- og afplánunarfanga
DÓMSMÁLARÁÐUNEYTIÐ hef-
nr skrifað Reykjavíkurborg og
farið fram á að ríkið fái alveg
fangageymsluna í Síðumúla, sem
nú er rekin til jafns af borg og
ríki.
f Síðumúla er fangageymsla
fyrir lögregluna í Reykjavík, en
þegar fangageymsla verður tek-
in í notkun í nýju lögreglustöð-
inni, sem miðað er við að verði
á þessu ári, þá losnar um í Síðu
múla. Er dómsmálaráðuneytið
því að hugleiða möguleikana á
að fá Síðumúla þá fyrir sams
konar starfsemi, sem nú er í
fangahúsinu á Skólavörðustíg og
áð nokkru leyti á Litla Hrauni,
að því er Baldur Möller, ráðu-
neytisstjóri upplýsti. En hann
kvað málið á algeru athugunar-
stigi og verið að kanna hvort
Síðumúlahúsnæðið sé hentugt og
hægt að gera á því nauðsynlegar
breytingar.
Ef af þessu verður, yrði Síðu
múlafangageymslan notuð fyrir
gæzluvarðhalds fanga og að
nokkru fyrir afplánunarfanga,
og þá helzt fyrir þá, sem ekki
eru hæfir til útivinnu. Eins og
aðstæður bera með sér á Litla
Hrauni, er fyrst og fremst ætlun-
in, að þeir sem þar eru, geti
verið við útivinnu og þá minna
innilokaðir en í fangelsi, sem er
inni í borg.
Húsameistari ríkisins er að
gera athuganir á Síðumúlahús-
inu fyrir dómsmálaráðuneytið og
athuga hvort það reynist hent-
ugt og nauðsynlegar breytingar
framkvæmanlegar. Nú er þarna
bara næturgististaður, og hús-
inu þarf því að breyta nokkuð
við breytt hiutverk, ef það verð-
ur fangageymsla til langdvalar.
En til að missa ekki frá sér
tímann, sagði Baldur að borgar-
yfirvöldunum hefði verið skrif-
að og óskað eftir viðræðum um
þetta mál. Hefði verið tekið já-
kvætt í erindið. Að svo stöddu
yrði Síðumúlahúsnæðið hugsað
til bráðabirgða, þó ríkið tæki það
fyrir fangelsi, til að brúa bilið,
þar til ríkisfangelsi verður byggt.
En það verkefni tekur nokkurn
tíma.
Allt lcðnurými
að fyllast
af Garðskaga í gær. Vandkvæði
eru orðin á að losna við loðnuna.
því þrær víðast hvar á Suðvest-
urlandi eru orðnar fullar. f
Reykjavík var allt fullt í gær
og ekki hægt að taka við afla,
því þar er ekki ekið loðnu á auð
svæði, eins og gert er sums stað-
ar. — Ein'hverjir eru að tala um
að fara vestur á firði, til Bol-
ungarvíkur, sögðu þeir á Granda
radíói, er Mbl. hringdi þangað.
Þeir tala um góðan loðnuafla
í talstöðvarnar.
f fyrrinótt var landað 1600
tonnum af loðnu í Reykjavík.
Til Sandgerðis komu í gær Dag-
fari með 197 tonn og Óskar Hall-
dórsson með 320 tonn. Og til
Vestmannaeyja höfðu í gær-
Framhald á bls. 27
Ljóða- og aríukvöld í Keflavík
Nanna Egils Björnsson syngnr
LOÐNUBATARNIR voru að veið
um norðan við Reykjanes og út
Nanna Egils Bjömsson.
Nanna Egils Björnsson efnir
til ljóða og aríukvölds á vegum
Tónlistarfélags Keflavíkur í Nýja
bíói í Keflavík laugardaginn 22.
marz kl. 5 e.h.
Á söngskrá eru lög eftir inn-
lenda og erlenda höfunda. Flyt-
ur söngkonan lög eftir Jóh.
Brahms, Richard Strauss, Rach-
maninoff, Jón Leifs, Björn
Fransson, Sigfús Einarsson, De
Falla og Weber. Undirleikari er
Gísli Björnsson.
Nanna Egils Björnsson hefur
áður haldið slík ljóða og aríu-
kvöld við góðar undirtektir.
VIÐTALSTÍMI
BORGARFULLTRÚA
SJÁLFSTÆÐISFLOKKSINS
Laugardagur 22. marz.
1 viðtalstíma borgarfulltrúa Sjálfstæðisflokks-
ins laugardaginn 22. marz taka á móti að þessu
sinni Gísli Halldórsson og Bragi Hannesson. Við-
talstíminn er milli kl. 2—4 í Valhöll v/Suðurgötu
og er tekið á móti hverskyns ábendingum og
fyrirspurnum er snerta málefni Reykjavíkur-
borgar.
Eftir þær óskapa rigningar og þá kulda, sem verið hafa að undanfömu, var í gær allt í einu
komið reglulegt vorveður. Nemendur héldust heldur ekki við inni í skólastofunum. Hér hafa
nokkrir landsprófsdeildamemar komið sér.fyrir úti á tröppum í Vonarstræti með bækur sínar.
Sjópróf vegna slyssins
— í Agli Skallagrímssyni
SJÓPRÓF vegna slyssins, sem
varð um borð í Agli Skallagríms-
syni, þegar eldur kom upp í tog-
aranum í Bremerhaven 4. marz
sl., hófust í gær. Gunnar Hjálm-
arsson, skipstjóri, mætti fyrir
dóminn. Hann lagði fram útdrátt
úr leiðarbók togarans og gaf
skýrslu sína. Sagði skipstjóri, að
svo hefði virzt sem eldurinn
hefði komið upp aftast í bak-
borðsklefa niðri í hásetaíbúðinni
en þar liggja rafleiðslur inn í
íbúðina. Tveir menn sváfu frammí
þegar eldurinn kom upp. Tókst
að bjarga öðrum þeirra en hinn,
Sigfús Sigurgeirsson náðist ekki
út fyrr en að loknu tveggja tíma
slökkvistarfi og var þá látinn.
Egill Skallagrímsson lagðist að
bryggju í Bremerhaven um klukk
an hálftólf að kvöldi 3. marz.
Unnið var að löndun um nótt-
ina og var henni lokið um klukk-
an 08, fóru þá flestir skipverja
í land.
Um klukkan 10:40 kemur vakt
maður úr landi til skipstjórans
og tilkynnir honum, að mikinn
reyk leggi upp úr hásetaíbúð
frammi í. Kallað var á slökkvi-
lið og skipverjar, sem um borð
voru, gripu þegar til slöngu á
dekkinu og sprautuðu með henni
inn í lúkarinn,
Þá var vitað með vissu um
einn mann, sem svaf frammi í,
í stjórnborðsklefa niðri. Þar sem
ófært reyndist inn í lúkarinn af
dekkinu fór einn maður niður í
netalest og þaðan upp um lúgu
inn í neðri lúkar og vakti mann-
inn. Komust þeir báðir sömu
leið til baka. — f því kon, slökkvi
liðið og einnig bátur með slökkvi
tæki og tók slökkviliðið við öllu
slökkvistarfi um borð.
Skömmu síðar kom í ljós, að
Sigfús Sigurgeirsson var sofandi
í efri lúkarnum og var þýzku
slökkviliðsmönnunum skýrt frá
þessu en þeim tókst ekki að kom
ast inn til hans fyrir reyk og
hita.
Aðstæður allar við slökkvistarf
voru erfiðar og tókst ekki að
ráða niðurlögum eldsins fyrr en
gat hafði verið rofið á bakborðs
síðu togarans. Slökkvistarf tók
um tvær klukkustundir. Að því
loknu var Sigfús sóttur og gerð-
ar á honum lífgunartilraunir, sem
engan árangur báru.
Að sögn skipstjórans urðu
skemmdir ekki miklar í háseta-
íbúðinni, aðallega urðu þær í
bakborðsklefa niðri og í gangi.
Togarinn fór í slipp ytra og var
viðgerð framkvæmd þar.
Að lokinni skýrslu skipstjóra
var sjóprófum frestað þar til bor
izt hafa skýrslur lögreglunnar í
Bremerhaven, sem rannsakaði
máiið.
Piliur fundust
hjd íöngunum
FANGAR í Hegningarhúsinu við
Skólavörðustíg voru undir ann-
arlegum áhrifum í fyrrakvöld, og
lék grunur á að smyglað hafi
verið inn til þeirra pillum, sem
því ollu, eins og skýrt var frá
í blaðinu í gær. Var gerð leit í
klefa þeirra fimm fanga, sem
þarna var um að ræða og fund-
ust pillur í fórum þriggja þeirra.
Hafði einn þær í neftóbaksdós,
og annar í eldspýtustokk með
tóbaki yfir. Voru þær af sömu
gerð og þær töflur, sem siolið
var úr Gar'ðsapóteki.
„Sækjum ögn af dönsku
gulli í Gljufrastein..."
— segir Skúli Cuðmundsson í nefndaráliti sínu
— Caman að svona bókmenntasinnaðir menn skuli vera
ennþá á Alþingi, segir Halldór Laxness
ALL nýstárlegt nefndarálit
var Iagt fram á Alþingi í gær.
Fjallar það um frumvarp til
laga um skattfrelsi Sonnings-
verðlauna Halldórs Laxness
og er frá 1. minni hluta fjár-
hagsnefndar neðri deildar,
Si ála Guðmundssyni. Hefur
þingmaðurinn fært álit sitt í
bundið mál, og fer það hér á
eftir:
Þegar einhver auminginn
ekki borgar skattinn sinn,
hnappagylltur, harðsækinn
honum ógnar fógetinn.
Allir verða að leggja fé í
landssjóðinn.
Þangað streymir þitt og mitt,
og þá eiga skáld að borga
sitt.
Úr prestkalli Prímusar
piltar róa á saltan mar.
Veiða fisk og greiða skatta
og skuldirnar.
Og heiðurskonan Hnallþóra
hefur goldið skattana.
Enn er hún traust, þó annað
fari í hundana.
Söfnum fé, því enn þá er
ýmislegt, sem vantar hér.
Skólahúsin hér og þar,
og heilsuverndarstöðvarnar.
Til að líkna og lækna mein,
hjá litlum pilti og silkirein,
sækjum ögn af dönsku gulli
í Gljúfrastein.
Hollráð er við höndina.
Hér er
dagskrártillaga:
Verum ekki að toga þetta til
og frá.
Tökum fyrir næsta mál á
dagsins skrá.
Morgunblaðið hafði sam-
band við Halldór Laxness í
gær og var nefndarálitið les-
ið fyrir skáldið og leitað eftir
áliti á því. Halldór Laxness
sagði: Er þetta ekki ágætt?
Er þetta ekki ekta íslenzkur
skáldskapur? Þetta er vel í
meðallagi, og jafnvel fyrir of-
an meðallag, ef tekið er breitt
úrtak. Annars hef ég ekkert
við þetta að athuga. Um efni
kvæða er alveg tilgangslaust
að deila. Gaman er að svona
bókmenntasinnaðir menn skuli
vera ennþá á Alþingi. Ég hélt
að þeir væru hættir að sitja
þar.