Morgunblaðið - 18.07.1974, Síða 23

MORGUNBLAÐIÐ, FIMMTUDAGUR 18. JULl 1974
23
Minning:
Pétur Aðalsteinsson
fyrrv. stöðvarstjóri
Fæddur 22. október 1910.
Dáinn 10. júlf 1974.
Hinn 10. júlí s.l. lézt í Borgar-
spítalanum Pétur Aðalsteinsson,
fyrrverandi stöðvarstjóri. Hann
hafði kennt vanheilsu frá þvi um
síðustu áramót, en hann var karl-
menni og harkaði af sér i lengstu
lög. A hvítasunnu varð hann að
leggjast á sjúkrahús, og þaðan átti
hann ekki afturkvæmt.
Pétur Meyvant Aðalsteinsson
var fæddur á Hrauni í Keldudal í
Dýrafirði 22. október 1910. For-
eldrar hans voru Aðalsteinn Aðal-
steinsson, skipstjóri, og kona hans
Kristín Kristjánsdóttir, hálfsystir
Péturs Björnssonar, fyrrv. skip-
stjóra. Ég kynntist þeim ágætu
hjónum fyrir aldarfjórðungi, er
ég dvaldist nokkra daga á heimili
þeirra á Þingeyri. Aðalsteinn var
sægarpur f fornum stíl og hafði
víða farið. Hann var alltaf kátur ,
og hress í bragði og kunni frá
mörgu að segja frá viðburðaríkri
ævi. Hann var ljóðelskur og kunni
ógrynni af gömlum vestfirzkum
skáldskap. Kristfn var höfðingleg
kona og svipmikil, en hæglát í
fasi. Þau hjón áttu þrjú börn,
Kristján, hinn kunna skipstjóra á
E/s. Gullfossi, Pétur og Aðal-
björgu, ekkjufrú í Reykjavík.
Þegar Pétur var ungur að árum
fluttust foreldrar hans frá Hrauni
inn til Þingeyrar. Hann fór
snemma að stunda sjó, bæði á
árabátum og vélbátum. Atján ára
gamall tók hann að stunda járn-
smfðanám á Akureyri og lauk
sveinsprófi þar 1931. Síðan gekk
hann á Vélstjóraskólann í Reykja-
vfk og lauk prófi þaðan 1933. Sjö
árum sfðar lauk hann prófi frá
rafmagnsdeild Vélstjóraskólans,
en sú deild var ekki stofnuð fyrr
en eftir að hann lauk námi í skól-
anum. Á árunum 1933—1936 var
Pétur vélstjóri á skipum Eim-
skipafélags Islands. Árin
1937—39 var hann að mestu frá
störfum vegna heilsubrests og
dvaldist þá oftast á heilsuhælum,
Vifilsstöðum og heilsuhælum í
Danmörku. Náði hann sér aldrei
að fullu eftir þau veikindi. Er
hann hafði náð nokkurri heilsu á
ný, gerðist hann vélstjóri við
Elliðaárstöðina (1939—40), en
árið 1940 fluttist hann til Sogs-
virkjunar og starfaði þar í þrjá
áratugi. Hann var vélstjóri á
Ljósafossi 1940—1947, stöðvar-
stjóri við Ljósafossstöðina
1947—1952 og stöðvarstjóri við
Irafossstöðina 1952—1170. Hann
fluttist til Reykjavíkur 1970 og
vann fjögur síðustu árin að
skýrslugerð hjá Landsvirkjun.
Pétur tók töluverðan þátt í
ýmsum félagsmálum, t.d. í Frf-
múrarareglunni og Sjálfstæðis-
flokknum.
Hinn 31. júlf 1945 kvænt-
ist Pétur Dagmar Helgadótt-
ur Guðbrandssonar, útvegs-
bónda á Akranesi. Þau eignuð-
ust tvö börn, Aðalstein Helga,
verzlunarmann i Kópavogi,
sem er kvæntur Sigríði Ein-
arsdóttur, og Petrínu Kristínu,
sem er gift Aðalsteini Blöndal,
byggingarmeistara í Reykja-
vík. Áður en Pétur kvænt-
ist eignaðist hann dóttur, Hrönn,
sem gift er Einari Hanssyni,
mjólkurfræðingi, Selfossi. Stjúp-
dóttir hans er Hallgerður Þórðar-
dóttir, gift Guðna Þorsteinssyni,
starfsmanni Orkustofnunar.
Pétur var mjög heimilisrækinn
maður og lét sér annt um börn sín
og barnabörn nú hin síðari ár.
Ég kynntist Pétri fyrst fyrir um
það bil þremur áratugum, er hann
kvæntist Dágmar mágkonu
minni. Hann var ekki fljóttekinn
maður, hann var að eðlisfari
fremur dulur og hlédrægur. En
hann var einn þeirra manna, sem
menn meta því meir, sem þeir
kynnast þeim betur. Hann var
ekki allra, en hann var vinur vina
sinna og trölltryggur. Hann var
óvenjulega grandvar maður til
orðs og æðis og mátti ekki vamm
sitt vita í einu eða neinu. Með
Pétru Aðalsteinssyni er góður og
vammlaus drengur genginn.
Ólafur Hansson.
Kveðja—Sigurður
Kári Samúelsson
Fæddur 17. júlf 1951.
Dáinn 18. marz 1974
Sumarið er komið, einn af öðr-
um halda bátarnir til veiða á fjar-
læg mið, brosandi hoppa ungir og
aldnir um borð til að afla þjóðar-
búinu tekna. Hvarvetna meðfram
þjóðvegum landsins sjást hesta-
menn i ferð, hestamótin eru
hafin með öllu því lífi, ys og þys,
sem þeim fylgja. Þó skyggir á
þetta unaðssama líf, úr þessum
hópi glaðværra drengja er horfið
andlit sjómannsins, hestamanns-
ing og búfræðingsins Sigurðar
Kára, drengsins, sem aðeins 22
ára gamall sté af skipsfjöl til að
heyja tveggja mánaða hetjulega
lokabaráttu við sjúkdóm, sem
þjáð hafði hann meira og minna í
eitt og hálft ár.
Þegar ég minnist Sigurðar, sem
fyrir svo tiltölulega stuttu var
kvaddur fbá sínu jarðneska lífi,
kemur aðeins í huga mér vinur, já
góður og traustur vinur.
1 dag, 17. júlf, hefði hann orðið
23ja ára, og þá verður mér hugsað
Afmælis- og
minningar-
greinar
Athygli skal vakin á
því, að afmælis- og
minningargreinar
verða að berast blað-
inu fyrr en áður var.
Þannig verður grein,
sem birtast á í mið-
vikudagsblaði, að ber-
ast í síðasta lagi fyrir
hádegi á mánudag, og
hliðstætt ftieð greinar
aðra daga. — Grein-
arnar verða að vera
vélritaðar með góðu
línubili.
til foreldra hans, Samúels
Ólafssonar og Fjólu Sigurðar-
dóttur, sem á svo sviplegan hátt
verða að horfa á eftir einkasyni
sínum. En um leið og ég votta
þeim samúð mína bið ég Guð að
styrkja þau í sorg sinni, einnig
systur hans Lindu og Ólöfu, sem
misstu svo góðan bróður.
Og þannig mun lífið halda
áfram á meðan jörð byggir. Ungir
og gamlir munu hverfa til hins
eilífa lífs að baki okkar jarðneska
Iífs. Eftir standa syrgjandi ætt-
menni og vinir, en eitt má þó ekki
gleymast þó að söknuður okkar’sé
mikill, að þá veitir faðir alls
huggun, ber smyrsl á sárin, og
veitir þeim, sem héðan hverfa,
móttöku og meiri ástúð og farsæld
en við hefðum getað. Siggi þarf
ekki lengur að líða kvalir sjúk-
dóms og óvissu.
Sigurður Kári var fæddur 17.
júlí 1951 á Akranesi og ólst þar
upp í ástríkum föðurhúsum.
Kynni okkar hófust fljótlega eftir
fermingu og þróuðust síðan í
trausta og einlæga vináttu, sem,
þó á ýmsu gengi, stóð bjargföst.
Mesta yndi og unaður Sigga
voru hestar. Um þá var hægt að
ræða við hann tímunum saman og
áhuginn glampaði úr bláu, hrein-
skilnu augunum.
Seint mun mér gleymast er ég
sá vin minn síðast á lífi. Eg hafði
reyndar vitað um dugnað hans og
kjark, en er ég heimsótti hann á
Landspftalann stuttu áður en
hann lést, en þar lá hann tvo
sfðustu mánuði ævi sinnar.
Hinn aðdáunarverði dugnaður,
lífsvilji og hetjulega barátta hans
við kvalir og þrautir sjúkdómsins
höfðu aðeins náð til Ifkamans, en
sálin og hin glaðværa lund var sú
sama. Rétt áður en ég kvaddi
hann benti hann mér að blað með
bflaauglýsingum og sagði: „Svona
bfl ætla ég að kaupa mér þegar ég
byrja að vinna aftur.“ Þannig var
Sigurður, þrek hans, dugnaður og
vilji, hann skyldi hefja vinnu um
leið og hann kæmi af sjúkrahús-
inu.
Sigurður átti eina dóttur, Berg-
þóru litlu, og bið ég þess að Guð
og gott fólk verði þessari litlu
stúlku leiðarljós í lífinu.
Þótt Sigurður standi enn svo
ljóslifandi fyrir okkur og það sé
aðeins eins og hann sé úti í sjó,
vitum við, að hann kemur ekki
aftur til okkar í þessu jarðneska
lífi.
Mynd hans er það fersk í okkar
huga, brosandi, full af lífi og
æskuþrótti. Dáðan og elskaðan af
systrum sínum og foreldrum,
sannan son, vinum sínum tryggur
og trúr, þannig munum við ávallt
muna hann. Um leið og við hugs-
um með þökk til þess stutta tima,
sem við fengum að njóta návistar
hans.
Með þessum fátæklegu orðum
vil ég kveðja Siguró með þökk
fyrir alla vináttu og tryggð og hve
vinátta hans var mér mikill
styrkur er ég þurfti hvað mest á
að halda. Megum við hittast síðar
hjá okkar sameiginlega föður.
17. júlí.
Arnór Pétursson.
IJrið í Ásbyrgi
Maður leit inn á rit-
stjórn Mbl. í gær og
bað um, að þess yrði
getið einhverstaðar, að
hann hefði fundið
kvenúr í Ásbyrgi
fimmtudaginn 1. þ.m.
Upplýsingar í síma
20796.
LUTREOLA
snyrtivörurnar
Hinar
heimsfrægu
snyrtivörur,
unnarúr
minkao/íu
komnar aftur
í sérstökum
— patent —
umbúðum.
Versl. Bonny Snyrtivöruversl. Andrea
Laugavegi 35, símí 1 7420. Laugavegi 82, sími 27310.
Snyrtivöruversl. Hún
Hafnarfirði, sími 52615.
Hagkaup auglýsir
Gerið helgarinnkaupin timanlega, þvi að nú er LOKAÐ á laugardögum,
en opið til 10 á föstudögum.
Blússur — blússur — blússur!
Geysilegt blússuúrval, einlitar, rósóttar og köflóttar teryleneblússur.
Verð aðeins 1 1 90. kr.
Fallegar telpublússur nýkomnar. Verð frá 850 kr.
Munstraðar jerseyblússur, stórar staerðir. Verð 1490 kr.
Prjónasilkikjólar og prjónasilkibuxur fyrir eldri dömur nýkomið.
Munið að við prentum myndir á boli á meðan þér biðið, baeði i
Skeifunni og Lækjargötu.
Gott matvöruúrval heima og að heiman.