Morgunblaðið - 23.09.1976, Blaðsíða 26

Morgunblaðið - 23.09.1976, Blaðsíða 26
26 MORGUNBLAÐIÐ, FIMMTUDAGUR 23. SEPTEMBER 1976 Aðalskipulag Isafjarðar: Verndun gamalla húsa og landnám ÍSAFJARÐARBÆR hefur gefið út kynningarblað þar sem skýrt er frá hugmynd- um að aðalskipulagi kaup- staðarins og er kynningar- blaðinu ætlað að upplýsa bæjarbúa og aðra um skipulagið áður en það verður lagt fram til stað- festingar. Þeir sem unnið hafa að skipulaginu eru Ingimundur Sveinsson arkitekt, Ólafur Erlings- son verkfræðingur, dr. Ól- afur Ragnar Grímsson prófessor og Garðar Hall- dórsson arkitekt. A ísafirði býr þriðjungur allra Vestfirðinga i Kynningarblaðinu er sérstak- lega fjallaö um íbúaþróun á ísa- firði og á Vestfjörðum. Kemur fram að Vestfirðingar eru nú að- eins 1/20 hluti landsmanna, en um siðustu aidamót var Isafjörð- ur næstur Reykjavík og Akureyri að íbúatölu. Voru þá Vestfirðir eitt helzta vaxtarsvæði landsins og fyrir fjórum áratugum bjó 1/10 hluti landsmanna vestra. En á sama tíma og landsmönnum fjölgaði um 50% frá 1950—1974 fækkaði íbúum ísafjarðar um 5%. Þótt hlutur bæjarins hafi þannig skerzt til muna, hefur hin mikla fækkun í öðrum byggðum Vest- fjarða gert Isafjörð hlutfallslega sterkan innan landshlutans og eru Ísfirðingar nú um þriðjungur allra Vestfirðinga en voru fyrir fjórum áratugum tæpur fjórðung- ur. 1 skipulaginu er gengið út frá þeirri forsendu, að skortur á íbúða- og athafnasvæðum megi ekki standa vexti isafjarðarkaup- staðar fyrir þrifum, en sú hefur lengi verið raunin. Tanginn má heita fullbyggður og lítið er eftir af byggilegum svæðum í hlíðun- um fyrir ofan bæinn, en i tillög- unum er gert ráð fyrir allt að 6000 manna byggð eða tvöföldun nú- verandi íbúafjölda. Þessi íbúaspá er byggð á hæfilegri bjartsýni, segir i tillögunum, þ.e. að brott- flutningar og aðflutningar vegi jafnt á fyrri hluta tímabilsins, sem nær til 1994 — en aðflutning- ar hafi heldur vinninginn á síðari hlutanum og er þá gert ráð fyrir 4000—5000 íbúum í lok skipulags- tímabilsins. Landþrengsli eru leyst með dreifingu íbúðasvæða frá núverandi byggðarkjarna og uppfyllingum undir þjónustu- og atvinnustarfsemi. Ibúðasvæði Byggðinni sjálfri má skipta í 3 svæði, þ.e. eyrina og hlíðina þar fyrir ofan, Hnífsdal og fjarðar- svæði. Segir í skipulagstillögunni, að vart megi reikna með verulegri fjölgun íbúa á eyrinni og i hlíðun- um. Að vísu er sá möguleiki fyrir hendi að byggð rísi á fyllingum austan Suðurtanga. 1 Hnifsdal eru möguleikarnir takmarkaðir vegna skriðuhættu, en ef megináherzla er lögð á ein- býli, getur þar með góðu móti risið 800—1000 manna byggð. Fjarðarsvæðið í botni Skutuls- fjarðar er talið geta rúmað 2300—2800 manna byggð og er þar einkum gert ráð fyrir fbúða- hverfum og þjónustu. A Isafirði er óvenju mikið um gamlar byggingar. Stafar þetta bæði af því, að þéttbýli myndaðist snemma á eyrinni og að vöxtur bæjarins hefur verið hægur síð- ustu áratugina. Mestur hluti gamla bæjarins eru frá árunum 1860—1920 og eru húsin flest áþekk að stærð, yfirleitt báru- járnsklædd timburhús, einnar eða tveggja hæða. Byggingar- fræðileg, fagurfræðileg og sögu- leg könnun leiðir í ljós, segir í skipulagstillögunni, að ekki er raunhæft að þessi gömlu hús standi til frambúðar nema að litlu leyti, þar eð mörg þeirra eru afar illa farin. En til að varðveita svip- mót gömlu hverfanna er lagt til að heillegar götumyndir fái að halda sér, t.d. Smiðjugata og Tangagata. Þá er lagt til að niður- rif húsa og nýbyggingar verði ekki leyfðar nema að fenginni umsögn nefndar, sem væri skipuð t.d. þjóðminjaverði eða fulltrúa hans, sögufróðum heimamanni sem fulltrúa bæjarins og bygg- ingarmenntuðum manni með þekkingu á gömlum húsum. Þeg- ar hefur verið tekin ákvörðun um friðlýsingu nokkurra gamalla húsa, t.d. í Neðstakaupstað. Atvinnulíf 1 kafla um atvinnulíf segir m.a.: Fámenn fyrirtæki eru i yfirgnæf- andi meirihluta á Isafirði, en þar eru nú um 200 aðilar, sem f ást við einhvers konar rekstur. Tæplega helmingur þeirra hefur aðeins einn eða tvo starfsmenn, en 30 þeirra hafa fleiri en fimm. Smáu fyrirtækin hafa hvorki fjármagn né starfskrafta til að hagnýta sér að verulegu marki þá vaxtar- möguleika, sem kunna að vera fyrir hendi og er því vaxtarstyrk atvinnulífs á Isafirði að sækja til stærri fyrirtækjanna, hraðfrysti- húsanna, rækjuvinnslustöðvanna, skipasmíðastöðvarinnar, ýmissa verkstæða og byggingafyrirtækja, vefstofunnar og fáeinna skrif- stofa og verzlana. Könnun á at- vinnulifi staðarins beindist að þörf fyrirtækja í framtfðinni á húsnæði og athafnasvæði. Gengið var úr skugga um, hvort eða á hvern hátt fyrirtækið hygðist auka húsakost sinn og hvaða svæði í bænum væru heppilegust með tilliti til framtíðaraðseturs. Spurt var >um hugsanlega stærð nýbyggingar og fleiri atriði, sem snerta skipulag atvinnusvæða. Þessi könnun var lögð til grund- vallar tillögugerð skipulagsins. MIÐBÆRINN Um miðbæinn segir f tillögunni að þar sé nú veruleg þörf fyrir aukið verzlunar- og skrifstofuhús- næði, sem ekki rúmist á núver- andi miðbæjarsvæði ísafjarðar. Enn er lögð áherzla á verndun gamalla húsa og fremur mælt á móti niðurrifi þeirra til að skapa nýja byggingarmöguleika. Þess í stað er bent á aðra lausn lóða- vandans, þ.e. að vinna land með uppfyllingum sunnan Hafnar- strætis. Þá segir: „Ýmsir kynnu að ætla, að kostnaðarsamt væri að fá svæði undir miðbæjarstarfsemi á þennan hátt. Sá kostnaður er þó f mörgum tilvikum minni en út- gjöld vegna kaupa á lóðum og vegna niðurrifs mannvirkja á öðr- um ámóta hentugum stöðum. Einnig verður að telja eðlilegt að þeir, sem fengju byggingarleyfi á svo eftirsóknarverðum stað, sem 1 nýi miðbærinn yrði, tækju þátt f .þeim kostnaði, sem fylgir að gera svæðið byggingarhæft." Kannan- ir hafa leitt í Ijós, að skynsamlegt er að hefja uppbyggingu mið- bæjarins sunnan bæjarbryggj- unnar. Nú þegar hefur verið gert nokkuð að þvf að vinna land með uppfyllingum. Þar sem víða er mjög aðgrunnt, einkum austur af Suðurtanga, eru landvinningar auðveldir í framkvæmd, segir í tillögunni. Eins og meðfylgjandi myndir bera með sér er gert ráð isafjorður 1973.. Hugsanleg lögun eyrinnar að loknum uppfyllingum. Isaf jörður 1973.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.