Morgunblaðið - 18.01.1977, Blaðsíða 13

MORGUNBLAÐIÐ, ÞRIÐJUDAGUR 18. JANÚAR 1977
13
Glaðværð
í leikhúsi
Þjóðleikhúsið:
Dýrin I Hálsaskógi.
Gamanleikur í fjórtán
myndum
Fyrir börn
eftir Thorbjörn Egner.
Tónlist: Thorbjörn Egner
og Christian Ilarmann.
Klemenz Jónsson leikstjóri
og leikarar Dýranna í Hálsa-
skógi eru trúir þeirri hefð sem
myndast hefur við sviðsetningu
leikrita Egners. Annars er
heldur ekki vænst af þeim. 1
þessari heilsteyptu sýningu
kvað mest að Bessa Bjarnasyni
Bessi Bjarnason leikur
Mikka ref.
Þýðendur: Ilulda Valtýsdóttir
og Kristján frá Djúpalæk.
Leiktjalda- og
búningateikningar:
Thorbjörn Egner.
Dansstjóri: Ingibjörg
Björnsdóttir.
Illjómsveitarstjóri: Carl
Billich.
Leikstjóri: Klemenz Jónsson.
Leikrit Thorbjörns Egners
(Dýrin í Hálsaskógi,
Karde'mommubærinn, Siglaðir
söngvarar og fleiri) njóta mik-
illa vinsælda islenskra barna og
sennilega fullorðinna líka. Að
minnsta kosti virtust bæði börn
og fullorðnir skemmta sér vel á
frumsýningu Dýranna í Hálsa-
skógi sl. laugardag.
Dýrin í Hálsaskógi hafa verið
leikin áður í Þjóðleikhúsinu, en
eins og að þessari nýju sýningu
er staðið ber að fagna endur-
komu þeirra. Glaðvær skógar-
veröld með fallegum trjám, en
umfram allt skemmtilegum
dýrum birtist áhorfendum.
Aðalvandamál skógarbúa er
Mikki refur sem getur ekki
leynt eðlí sínu og Patti brodd-
göltur er heldur ekkert á móti
því að krækja sér i mús i mat-
inn. En Marteinn skógarmús
finnur ráð til að gera skóginn
að sæluríki. En þá gerist ágirnd
mannsins ógnvaldur. Dýrin
verða að læra að leika á hann.
Söguþráður er jafnan ein-
faldur í leikritum Egners.
Andrúmsloftið skiptir mestu.
Heildarsvipur leikritanna mót-
ast af þvi að Egner er í senn
höfundur, tónskáld, leiktjalda-
og búningateiknari. Leikræn
tilfinning hans er ósvikin og
þegar við bætast hæfileikar
ævintýraskáldsins er von um
árangur.
Lelkllst
eftir JÓHANN
HJÁLMARSSON
(Mikki refur) og Árna
Tryggvasyni (Lilli klifurmús).
Þeir Bessi og Árni eru svo
viðurkenndir leikarar, ekki síst
fyrir hlutverk sín í barnaleik-
ritum, að öþarft er að hlaða lofi
á þá. Þeir voru hér i essinu
sínu, leikur þeirra geislaðí af
Arni Tryggvason leikur
Lilla klifurmús
fjöri og ánægju yfir hlutverk-
unum. Randver Þorláksson
(Marteinn skógarmús) er vel
liðtækur í barnaleikritum.
Hákon Waage (Bangsapabbi)
var skörulegur i hlutverki sinu
og Bryndis Pétúrsdóttir
(Bangsamamma) vakti athygli
fyrir túlkun sína. Minna má
einnig á Sigurð Sigurjónsson
(bakaradrengur). Sveinninn
Guðhtundur Klemenzson
(Bangsi litli) var ófeiminn og
skýrmæltur.
í Dýrunum í Hálsaskógi eru
margir söngvar lipurlega þýdd-
ir af Kristjáni frá Djúpalæk og
þýðing Huldu Valtýsdóttur er
hin áheyrilegasta. Að dönsum
undir stjórn Ingibjargar
Björnsdóttur var prýði. Dýrin í
Hálsaskógi eru semsagt komin
á sviðið aftur og munu vafa-
laust ekki hverfa þaðan fyrst
um sinn. Thorbjörn Egner er
orðinn helsta leikritaskáld
íslenskra barna.
Mikill fjöldi tekur þátt f sýningunni.
Kammertónleikar
Austurbæjarbfó 15. jan. ‘77.
Flytjendur: Guðný Guðmunds-
dóttir fiðluleikari, Hafliði Hall-
grímsson sellóleikari, Philips
Jenkins pfanóleikari.
Efnisskrá: verk eftir J. Haydn.
C. Ives og P. Tsjaikovsky.
Tónlistarfélagið efndi til tón-
leika í Austurbæjarbíói sl.
laugardag. Flytjendur voru
Guðný Guðmundsdóttir fiðlu-
leikari. Hafliði Hallgrimsson
sellóleikari og Philips Jenkins
píanóleikari, en þau hafa ný-
lega myndað með sér trió og
þegar haldið nokkra tónleika
utan Reykjavíkur. Öll eru þau
úr hópi okkar þekktustu hljóð-
færaleikara og standa i fremstu
röð, hver á sinu sviði. Það kom
þvi ekki á óvart, að samleikur
þeirra var með ágætum og
flutningur vandaður og kúltiv-
eraður. Að vísu sýndi píanóleik-
arinn óþarfa hógværð og litil-
læti á stundum að mati undir-
ritaðs, en gerði hlutverki sinu
að öðru Ieyti hin prýðilegustu
skil, eins og þau raunar öll. Á
efnisskránni voru tríó eftir þá
Tónllst
eftir EGIL
FRIÐLEIFSSON
J. tlaydn, C. Ives og
Tsjaikovsky. Trió Hayúns er
hugljúft verk, þar sem heið-
rikja hins klassíska forms ræð-
ur ríkjum og naut sin vel i
meðferð þremenninganna. En
forvitnilegasta verkið var trió
C. Ives, en tónlist hans hljómar
sárasjaldan í hljómleikasölum
borgarinnar. Þó er hann eitt
frumlegasta og skemmtilegasta
framúrstefnutónskáld aldar-
innar og verk hans full af
óvæntum uppátækjum og
snjöllum hugdettum. Tríóið,
sem hér var flutt, er þar engin
undantekning, og er það
undrunarefni að hugleiða að
tríóið var samið árið 1904. Von-
andi feta fleiri í fótspor
Guðnýjar, Hafliða og Jenkins
og taka til meðferðar verk eftir
þennan gáfaða amerikana.
Lokaverk tónleikanna var
píanótríó Tsjaikovskys op. 50.
Um þetta verk segir svo í efnis-
skrá m.a. „þrátt fyrir lengd
verksins og tæknilega erfið-
leika hefur það náð talsverðum
vinsældum, en þó ekki eins og
það á skilið." Areiðanlega eru
deildar meiningar um hvaó
þetta verk á skilið, og að áliti
sumra a.m.k. er það helmingi of
langt og snautt þeirri músík-
ölsku spennu, sem verður að
vera fyrir hendi, ef halda á
athygli áheyrenda. Það var
raunar aðeins hér sem flytjend-
um fataðist flugið, og megnuðu
tæpast að lyfta langhundi
Tsjaikovskys frá jörðu, enda
varla von. Tónleikarnir voru
mjög vel sóttir og listamönnun-
um fagnað innilega.
Rýmingarsala
verður í dag og næstu daga á lömpum, skerm-
um, leggingum, efnum o.fl.
Mikil verðlækkun.
Lampagerdin, Suðurgötu 3, sími 1 1926.

NYTT í morgunmatinn:
ÝMIR
NÝTT í sósur, salöt og búðinga:
ÝMIR
i
Sýrð mjólkurafurð, holl og góð
ÝMIR