Morgunblaðið - 18.09.1977, Blaðsíða 21

MORGUNBLAÐIÐ, SUNNUDAGUR 18. SEPTEMBER 1977
53
Samkvæmt þessum samningi er
Magnús virkjaður sem laga-
smiður og að sögn hans hefur
Chappells-fyrirtækið nú mestan
áhuga á að hann helgi sig þyngri
verkunum, en sleppi popplögun-
um að mestu. Stóra platan hans,
,,Stiil photographs", sem kom út
fyrir tæpu ári hafði að geyma
ýmis popplög sem höfðu hvilt á
honum og staðið i veginum_fyrir
framförum á vissan hátt. ,,Ég
þurfti að koma þeim á plötu til að
fá útrás og losa mig við þau,"
segir hann.
• LONDON AFTUR
HÖFUÐBORG POPPSINS
Við erum komnir út á fjöru-
kambinn vestast á Álftanesinu,
stöðvum bilinn og göngum út.
Skerjafjörðurinn, Faxaflóinn og
Snæfellsnesið í fjarska, allt geisl-
um baðað, þetta er útsýni sem
Magnús kann að meta. Við tyllum
okkur á steina og talið beinist að
nýju bylgjunni sem hefur hrært
duglega upp i popplífi Bretlands.
,,Mér finnast Peter Gabriel úr
Genesis og Mike Oldfield vera
með það bezta sem nú heyrist i
Bretlandi," segir Magnús. ,,Það
sem yngri hljómsveitirnar eru
með er mjög hrátt. Þegar þessir
ungu krakkar, 17—20 ára. heyra í
hljómsveitum eins og Genesis,
Doobie Brothers og lOcc, þá hafa
þeir enga möguleika á að flytja
slikt efni. Þeir byrja þvi upp á
nýtt á þriggja gripa lögunum,
rokkinu, þessir yngri menn geta
ekki leikið eins fágaða tónlist og
þeir eldri. Hins vegar er gífuleg
orka i flutningnum hjá þeim. Þeir
minna um margt á Bítlana og
Rolling Stones, eins og þessar
hljómsveitir voru { fyrstu, að öðru
leyti en þvi að tiðarandinn i dag
er annar og setur sinn svip á
flutninginn, hljóðfærin til dæmis
dálitið öðru vísi o.s.frv. Rudda-
skaputinn er líka áberandi, en
það virðist þurfa eitthvað slíkt til
að vekja athygli. Það ljóta i fari
þeirra kemst fyrst i fjölmiðlana."
Fyrir nokkru lýsti einn blaða-
maður brezka tónlistarblaðsins
Melody Maker því yfir, að þessi
nýja bylgja hefði gert London að
höfuðborg poppsins að nýju.
Magnús tekur undir þetta og segir
að það sé alveg sams konar
spenna í loftinu og var hér á landi
á fyrstu árum bítlatónlistarinnar,
þegar hljómsveitirnar spruttu
upp í bílskúrunum.
,,Það er sama andrúmsloftið,
sama spennan," segir hann. „Það
koma litlar „punk'-
rokkhljómsveitir nærri daglega
til Chappells með efni, sumt mjög
gott. Það er bara spurning um
hvaða hljómsveit slær fyrst í gegn
fyrir alvöru, en ég er alveg viss
um að einhver hljómsveitin á
eftir að gera það og koma fram
með eitthvað alveg nýtt. Þær eru
raunar búnar að því að vissu
marki, hljómsveitirnar. Nokkrar
þeirra eru mjög athyglisverðar og
þó að megnið af efni þeirra sé
ekkert sérstakt, þá eru alltaf
eitt—tvö lög innan um sem eru
mjög góð."
ISLENDINGUR
MEÐ SVIPAD EFNl
En þótt útsýnið sé fallegt, þá er
vindurinn svalur og það setur
hroll að okkur. Við flýjum inn í
bílinn og höldum spjaliinu áfram.
Magnús nefnir nafn Hilmars
Gunnarssonar, ungs lagasmiðs
sem fáir þekkja til. Hilmar var í
Englandi fyrir nokeru og tók upp
plötu með eigin efni og Magnús
stjórnaði upptökunum.
„Nokkur laga Hilmars eru ein-
mitt full af þessum sama krafti og
einkennir „nýbylgju"-
hljómsveitirnar. Þetta eru lög um
efni eins og óveður, Læragjá og
fleira, en það merkilega er, að
Hilmar sarndi þessi lög fyrir
löngu siðan. En hann hefur einn-
ig samið mörg mjög falleg lög,
sem eru algerar andstæður fyrr-
nefndu laganna, lög sem fjalla um
þá sem standa honum næst."
Talið berst að íslenzkum plöt-
urn og Magnús segir, að nýja plat-
an frá Eik sé langbezt að sínu
mati. Hann segist viss um að ef sú
plata væri hljóðblönduð að nýju
með góðum enskum textum, þá
hefðu erlend fyrirtæki áhuga á
þessu efni.
Eg spyr Magnús, hvort honum
finnist tónlist sín bera íslandi
merki. Hann svarar játandi:
„Mér finnst landið hafa geysi-
leg áhrif á mig og ég skynja það
alltaf sterkara eftir þvi sem ég er
lengur í burtu. Þetta er i mörgum
öðrum lika, til dæmis Gunnari
Þórðarsyni. Þessi hæga sveifla yf-
ir landinu sem kemur framú' fólk-
inu lika — hún heyrist i tónlist-
inni. Þó er lifið hér orðið dálítið
stressað, af þvi að efnahagskerfið
hér er ekki mjög gott, en landið
sjálft er mjög gott. Þó að fólkið
sjálft geri sér kannski ekki alltaf
grein fyrir þessu, þá skynja ég
mjög vel, hvað Islendingar eru
heppnir i raun og veru."
Við ökum af stað á ný, snúum
við og höldum til Hafnarfjarðar.
Enn skin sólin og Magnús segir
frá verki sem hann samdi við ljóö-
ið Gunnarshólma. Hann segist
hafa mikinn áhuga á að leika
þetta verk inn á plötu með Karli
Sighvatssyni og einnig hafi komið
til tals að Karl fari utan tneð
honum til að leika á plötunni með
geimferðaævintýrinu, ef unnt er.
Magnús segist einnig vera með
efni á barnaplötu sem hann langi
til að senda frá sér. „Eg á tilbúið
efni á fjórar stórar plötur," segir
Magnús. „Eg sem svo miklu meira
úti i Englandi en hér heima. Þar
fæ ég miklu meira næði og get
hugsað miklu betur um það sem
ég er að fást við. Aðstaðan sem
Chappells veitir mér er líka mjög
göð. Ég fæ til nota átta rása stúdíó
til að gera reynsluupptökur af
öllu niínu efni og fæ kunningjana
í lið með mér til að annast undir-
leikinn."
• SKO/KUR
DVERGASTEINN
Við ökum yfir hraunið. Kannski
eru þar álfar og dvergar sem gætu
orðið Magnúsi tilefni til tónlistar-
sköpunar. Hann rifjar upp fyrstu
heimsókn sina til höfundar
dvergasögunnar sem fyrr var
nefnd:
„Ég hafði samið alla tónlistina,
áður en ég fór að tala við hann.
Hann er mjög sérstæóur, lifir al-
veg i þessum heimi dverganna og
talar við þá um allt mögulegt.
Hann telur sig vera fulltrúa
þeirra og vera að flytja heiminum
boðskap þeirra. Þetta var veilauð-
ugur maður, en hann hefur varið
stórfé i dvergasögurnar sinar og
er nú orðinn gjaldþrota. Þegar við
komum tveir til hans, þá kom
hann með stein og sagði okkur, að
þetta væri dvergasteinn úr göml-
um kastala í Skotlandi. Sagðist
hann hafa verið að róta þar i
gömlu drasli og þá fundið gamlan,
ryðgaðan kistil, sem bókstaflega
bráðnaði i höndunum á honum,
en eftir stóð steinninn. Hann tók
þessa sögu sína greinilega svo al-
varlega, að mér þótti vísast að
vera honum alveg sammála. Ég
fór að segja honum frá islenzkri
þjóðtrú og þá sagöi hann mér frá
þvi, að hann hefði einmitt verið
að biða eftir Islendingi til að
semja tónlist við dvergasögurnar.
Skozkur spámaður hefði nefni-
lega spáð því, að einhvern tímann
myndi Islendingur semja slíka
tónlist.
— Nú, svo barst talið aftur að
dvergasteininum. Maðurinn sagði
okkur, að steinninn hefði þá ár-
áttu, að ef honum likaði ekki við
fólkið sem héldi á sér, þá yrði
hann beinharður. Við vorum látn-
ir halda á honum í fimm mínútur
hvor — og viti menn — steinninn
varð hinn mildasti í höndunum á
okkur. Þá sagöi maðurinn: Stein-
inum likar stórvel við ykkur. Nú
eru dvergarnir komnir í heila
höfn með mál sín, nú eru betri
horfur en áður."
—sh.
TIL
HÚSBYGGJENDA
Vinsamlegast athugiö, aö lögn rafmagnsheimtauga er mun dýrari aö vetri en aö
sumri, og að allmiklir annmarkar eru á aö leggja þær, þegar jarövegur er frosinn.
Af þessu leiöir, aö húsbyggjandi getur oröiö fyrir verulegum töfum viö aö fá
heimtaug afgreidda aö vetri.
Þvi er öllum húsbyggjendum, sem þurfa heimtaug í haust eöa vetur, vinsamlegast
bent á að sækja um hana sem allra fyrst.
Þá þarf aö gæta þess, aö byggingarefni á lóðinni eða annað, hamli ekki lagningu
heimtaugarinnar. Jarövegur á því svæöi, sem heimtaugin liggur, þarf einnig aö
vera kominn í sem næst rétta hæö.
Gætiö þess einnig, að uppgröftur úr húsgrunni lendi ekki fyrir utan lóöamörk, þar
sem hann hindrar með því lögn, m.a. að viðkomandi lóö.
Allar nánari upplýsingar eru gefnar á heimtaugaafgreiðslu Rafmagnsveitunnar,
Hafnarhúsinu, 4. hæö. Simi 18222.
RAFMAGNSVEITA
REYKJAVÍKUR
Á morgun kl. 16:00 hefst Iðnkynning í Reykjavík.
Iðnkynningin verður sett við hátíðlega athöfn, sem
fer fram í Austurstræti - á móts við Pósthúsið.
Dagskrá:
Kl. 15:110 Lúðrasveit Reykjavíkur leikur.
Kl. 16:00 Albert Guðmundsson, form. Iðnkynn-
ingarnefndar býður gesti velkomna.
Ávörp:
Birgir Isleifur Gunnarsson, borgarstjóri.
Hjalti Geir Kristjánsson, form.
verkefnisráðs Islenskrar iðnkynningar.
Setning Iðnkynningar í
Reykjavík:
Björn Bjarnason, form. Landssambands
iðnverkafólks.
Austurstræti, Lækjartorg og Lækjargata verða sér-
staklega skreytt í tilefni iðnkynningar.
IÐNKYNNING Í REYKJAVÍK