Morgunblaðið - 30.03.1978, Blaðsíða 3

MORGUNBLAÐIÐ, FIMMTUDAGUR 30. MARZ 1978
3
Upplýstu smygi
á 1 kg. af hassi
F'ÍKNIEFNADEILD lögreglunnar
í Reykjavík hefur upplýst smygl og
dreifingu á einu kílói af hassi um
síðustu áramót.
Ungt par um tvítugt sat um
vikutíma í gæzluvarðhaldi í sam-
bandí við rannsókn þessa máls en
var sleppt úr haldi um páskana.
Hassið var flutt hingað til lands
frá Evrópu.
Fíkniefnadeildin hefur einnig
haft til rannsóknar miklu viða-
meira hasssmygl og sitja enn tveir
menn í gæzluvarðhaldi vegna þess
máls og hefur annar setið inni í
tæpa þrjá mánuði. Hér er um að
ræða smygl á hassi til landsins í
kílóatali í notuðum sjónvarpstækj-
um. Rannsókn þessa máls er vel á
veg komin.
Enn ófærðarkaflar
á Norðurlandsleið
ALLbOKKALEG færð var í gær
á Suðurlandi og vestanverðu
landinu og sunnanlands raunar
var fært austur um allt til
Eskifjarðar. Ilins vegar var á
Snæfellsnesi ófærð á veginum á
Fróðárheiði og Útncsvegur einn-
ig tepptur. Síðan var fa'rt vestan-
lands allt vestur í Reykhólasveit.
Mikil ófærð er víða á Vestfjörð-
um, en þó var fært út frá
Patreksfirði suður á Barðaströnd
og eins til Tálknafjarðar en ófært
var um Hálfdán. Þjóðvegir eru
síðan víðast hvar ófærir með öllu
á norðurfjörðunum, en þó stóð til
í gær að moka milli Bolungavíkur
og ísafjarðar og fært var til
Súðavíkur.
Moka átti Holtavörðuheiði í
fyrradag en það hafðist hins vegar
ekki fyrr en í gær, en hins vegar
hafði fram að því verið fært milli
Vestur- og Norðurlands um Laxár-
dalsheiði. Fært er síðan norður
strandir til Hólmavíkur og austur
eftir Norðurlandi í Skagafjörð.
Hins vegar hefur vegurinn til
Siglufjarðar verið lokaður frá því
fyrir páska og er svo enn vegna
veðurs. Öxnadalsheiði var ekki
hægt að ryðja, hvorki í gær né
fyrradag, m.a. vegna þess að þar
hafði mikið snjóflóð fallið á
þjóðveginn á kafla.
Mikill snjór er víöa í Eyjafirði
og Þinge.vjarsýslum og lítið fært
þar nema rétt í nágrenni Akureyr-
ar. Ófært er milli Akureyrar og
Húsavíkur um Dalsmynnisleið þar
sem í Fnjóskadalnum milli bæj-
anna Skarðs og Þverár er snjó-
flóðasvæði og umferð þar talin
mjög varhugaverð vegna yfirvof-
andi flóðahættu. Er ekki ljóst
hvenær unnt verður að ryðja
veginn þar. Hins vegar er fært út
frá Húsavík í Aðaldalinn en litlar
fréttir lágu að öðru leyti fyrir hjá
vegaeftirlitinu um Norðaustur-
landið.
Um Austurlandið er það hins
vegar að segja, að víða er þung-
fært á Héraði og fjallvegir allir
eru þar ófærir, meira að segja
Fagridalur. Hins vegar er fært
suður með fjörðunum eins og áður
segir.
Rafmagnstruflanir:
Staurar brotnuðu
og línur slitnuðu
VÍÐA urðu miklar truflanir á
rafmagnsmálum norðanlands og
austan vegna óveðurs sem þar
gekk yfir.
Að sög Ingólfs Árnasonar, raf-
magnsveitustjóra á Akureyri, var
þar mikil slydda er olli þvi að línur
slitnuðu og jafnvel staurar brotn-
uðu undan þyngslunum. Einna
verst varð ástandið í Höfðahverfi
og rétt norður af Grenivík en þar
brotnuðu samtals tíu staurar og
vírar slitnuðu. Viðgerð stóð yfir í
gær, en Grenivík hafði þá verið
rafmagnslaus á annan sólarhring.
Vonir stóðu til að rafmgan yrði
aftur komið á í gærkvöldi.
Allur Fnjóskadalur varð einnig
rafmagnslaus um tíma, og norður-
hluti hans fékk raunar ekki
rafmagn fyrr en seint í fyrrakvöld.
Einnig var rafmagnslaust á Ar-
skógsströnd og í Svarfaðardal
fram undir hádegi í gær.
Þá varð einnig rafmagnslaust
um tíma í fyrradag í Fljótum á
vestanverðu Norðurlandi.
Á Austurlandi féllu Jökuldals-
lína, Vattarnesslína og Helgu-
staðarhreppslína út í fyrradag
vegna ísingar og einnig sveitalínur
í Vopnafirði. Að sögn Erlings
Garðars Jónassonar, rafveitu-
stjóra á Austurlandi, var í gær
unnið að viðgerðum í Vopnafirði,
Jökuldalslínan var þá komin í
gagnið aftur og unnið var að
viðgerðum á hinum tveimur.
Sauðárkrókur:
Prófkjör sjálfstæðis-
manna um helgina
Sauðárkróki 29. marz
PRÓFKJÖR um skipan lista
Sjálfsta'ðisflokksins á Sauðár-
króki vegna komandi bæjar-
stjórnarkosninga fer fram dag-
ana 1. og 2. apríl n.k. Rétt til
þátttöku í prófkjörinu hefur allt
stuðningsfólk Sjálfstæðisflokks-
ins 18 ára og eldra. Kosið verður
í Sæborg og hefst kosningin kl. 10
árdegis báða dagana og stendur
til kl. 17 á laugardag og til kl. 19
á sunnudag. Utankjörstaðakosn-
ing hófst s.l. sunnudag og lýkur
henni á föstudag.
Eftirtaldir hafa gefið kost á sér
til prófkjörsins og er röð þeirra
samkvæmt útdrætti þessi:
Árni
Guðmundsson, framkvæmdastjóri,
Pálmi Jónsson verktaki, Guð-
mundur Tómasson hótelstjóri,
Þorbjörn Árnason lögfræðingur,
Birna Guðjónsdótlir húsfrú, Sig-
urður Hansen lögregluþjónn,
Björn Guðnason byggingameist-
ari, Friðrik J. Friðriksson læknir,
F'jóla Sveinsdóttir húsfrú, Bjarni
Haraldsson kaupmaður.
Guðjón
Séð vestur yfir Landakotstún að kirkjunni.
Reykjavíkiirborg lætur gera
ahnenningsskrúðgard á aust-
urhluta Landakotstúns
SAMNINGAR um framtíð
Landakotstúns milli borgar
yfirvalda og kaþólsku kirkj-
unnar hafa verið undirritaðir
og mun borgin samkvæmt þeim
fá tæpíega 9000 fermetra af
austurhluta túnsins til afnota
og verður þar gerður almenn-
ingsskrúðgarður. Kaþólska
kirkjan fær heimildir til bygg-
inga á vestarhluta túnsins
samkva'mt staðfestu skipulagi
og einnig fær kaþólska kirkjan
rúmlega 7000 fermetra lands-
svæði fyrir starfsemi sína í
Seljahverfi í Breiðholti.
Kirkjulóðin á Landakotstúni
verður tengd almenningsgarðin-
um og segir í frétt frá skrifstofu
borgarstjóra, að unnið verði að
því að skipulag og fram-
kvæmdaáætlun um ræktun og
frágang svæðisins í heild liggi
fyrir í lok þessa árs. „Með þessu
er horfið frá óskum um bygging-
ar á austurhluta Landakots-
túns“, segir í fréttinni.
Skipulag vestari hluta Landa-
kotstúns var staðfest með sam-
hljóða atkvæðum í skipulags-
1111'' “''
Birgir ísleifur Gunnarsson borgarstjóri og Hinrik
Frehen biskup undirrita samninginn um framtíð
Landakotstúns.
nefnd og samningurinn í heild
var samþykktur samhljóða í
borgarráði.
Kaþólska kirkjan fær að
byggja leikfimihús og safnaðar-
heimili við Túngötu, nýja
kennsluálmu sunnan gamla
skólans og tengibyggingu milli
safnaðarheimilis og kennslu-
álmu. Núverandi byggingar,
aðrar en gamli skólinn, verða
fjarlægðar, þegar hinar nýju
rísa. Skipulagið gerir einnig ráð
fyrir byggingum suövestan
kirkjunnar viö Hávallagötu
austan gatnamóta Blómvalla-
götu fyrir aðsetur biskups og
presta.

Á þessu korti sést samþykkt skipulag vestari hluta Landakotstúnsins, sem greint er
frá í fréttinni, en á austurhluta túnsins mun Reykjavíkurborg láta gera |
almenningsskrúðgarð.