Morgunblaðið - 28.04.1978, Blaðsíða 11

MORGUNBLAÐIÐ, FÖSTUDAGUR 28. APRÍL 1978
11
Núverandi stjórn hestamannafélagsins Fáks.
Ahugi vaxandi fyr-
ir hestaíþróttinni á
höfuðborgarsvæðinu
MORGUNBLAÐINU hefur borist
fréttabréf frá Hestamannafélag-
inu Fák í Reykjavík. Aðalfundur
félagsins var haldinn 30. marz og
kom þar fram að gróska er í
félagsstarfinu og áhugi vaxandi
fyrir hestaíþróttinni á höfuð-
borgarsvæðinu.
I fréttabréfinu segir að fram-
kvæmdir hafi verið töluverðar á
svæði félagsins að Víðivöllum á
síðasta ári. Þar á meðal hófust
framkvæmdir við áhorfendastæði
við skeiðvöllinn og segir í frétta-
bréfinu að haldið verði áfram með
uppbyggingu svæðisins í sumar.
Á síðastliðnu ári sóttu um
800—900 börn reiðskóla félagsins,
en félagið hélt m.a. námskeið í
reiðmennsku í samstarfi við
Æskulýðsráð Reykjavíkur í Salt-
vík á Kjalarnesi um sumarið.
I núverandi stjórn Fáks sitja
Guðmundur Ólafsson, formaður,
Ingi Lövdal, varaformaður, Jón
Björnsson, gjaldkeri, Valdimar
Jónsson, ritari, Hjördís Björns-
dóttir meðstjórnandi og varamenn
eru þeir Ólafur Magnússon og
Gunnar Steinsson. Framkvæmda-
stjóri Fáks er Bergur Magnússon.
Skagfirzka
Söngsveitin
FRÁ Olíufjallinu til Golgata er
eitt af þekktustu verkum
Mauders (1858—1920) en hann
var orgelleikari í ýmsum kirkj-
um Lundúnaborgar og vel met-
inn kórþjálfari. Önnur kantata
eftir hann hefur náð töluverðum
vinsældum og einnig verið gefin
út undir nafninu Iðrun, fyrir-
gefning og friður. Sem tónskáld
er John Henry Maunder flokk-
aður með enskum sálmalagahöf-
undum og er tónstíll hans
aigjörlega hljómrænn. Það er
varla hægt að tala um flóknari
samsetningar í verkum hans en
einfaldar eftirlíkingar setja.
Svona fábreytni í vinnubrögðum
verður þreytandi í löngum verk-
um og fyrir almennan hlust-
anda, ekki síst fyrir þá sök, að
textann vantaði í efnisskrána.
Væru til góðar útleggingar á
efni verksins, gætu margir
kaflar orðið vinsælir til með-
ferðar við almennar kirkjuat-
hafnir.
Það er eins með söng og
hljóðfæraleik að átök við erfið
verkefni er grundvöllur vaxandi
meðferðarhæfni. Þjálfun næst
ekki aðeins með því að æfa eitt
verkefni vel. Nauðsynlegt er að
reynsla í meðferð verkefna
spanni yfir mun stáerra svið en
viðfangsefnin eru á hverjum
tíma, bæði til þess að hafa
yfirsýn yfir margvísleg og ólík
verkefni og að getusviðið tak-
markist ekki við verkefnið
sjálft. Þetta er eitt af þeim
SnatijörK Árni
Sna‘hjarnard«ttir Arinhjarnarsnn
MarKrót Hjálmtýr
Matthíasdóttir lljálmtvssnn
Tónllst
eftir JÓN
ASGEIRSSON
vandamálum sem áhugamanna-
hópar þurfa að berjast við og
erfiðleikarnir stafa að miklu
leyti af því viðfangsefnið er í
rauninni of erfitt. Snæbjörg
Snæbjarnardóttir hefur, ef
þetta er haft í huga, unnið
töluverðan sigur sem dugmikill
þjálfari, því frammistaða kórs-
ins var í alla staði prýðileg.
Söngurinn hreinn, áreynslu-
minni en þekkist hjá mörgum
kórum og blæfagur. Einsöngvar-
ar með kórnum voru Margrét
Matthíasdóttir, sem söng mjög
smekklega og hefur auk þess
góða rödd, Ruth L. Magnússon,
Halldór Vilhelmsson, Hjálmar
Kjartansson og Friðbjörn G.
Jónsson sungu öll mjög vel og
Hjálmtýr Hjálmtýsson, sem
ástæða er til að fjalla um
sérstaklega. Hjálmtýr hefur
einhverja þá fallegustu tenór-
rödd, sem þekkist hér á landi, en
hefur ekki fengið þá þjálfun er
hæfir slíkri rödd. Söngur er ekki
aðeins tóngerð raddarinnar
heldur og viðfangsefnið og
meðferð þess. Meðferðin verður
að vera grundvölluð á þekkingu,
en má ekki vera stæling. Takist
Hjálmtý að losa sig undan
áhrifum ítalskra söngvenja og
lofa röddinni að hljóma frjálst
eins og mátti heyra í seinni
hlutanum af 7. atriði og syngja
eitthvað annað en ítalskar
„mamma-míur“, veit í rauninni
enginn hvað gæti gerzt. Hjálm-
týr hefur, eins og einn hlustandi
sagði svo vel, óþægilega rödd og
það er einmitt það, sem gerir
söng hans svo viðkvæman fyrir
allri tilgerð og stælingar aug-
ljósar.
Árni Arinbjarnarson lék með
af öryggi hins vandaða tónlist-
armanns og var flutningurinn í
heild í góðu jafnvægi. Skag-
firzka söngsveitin hefur með
þessu verki skapað sér nafn sem
kór og verður þess vænzt að
hann muni enn sækja á bratt-
ann, sem er víst með jafn
dugmikinn hæfileikamann og
Snæbjörgu Snæbjarnardóttur
við stýrið.
ÍO
Alþjóóleg bílasýning
í Syningahöllinni aó Bí
sýnigunni lýkur á

d
opió frá 17— til 22— nema laugard. og sunnud. frá 14— til 22'
Simar sýningarstjórnar: 83596 og 83567