Morgunblaðið - 30.04.1978, Síða 16
16
MORGUNBLAÐIÐ, SUNNUDAGUR 30. APRÍL 1978
Agúst Geirsson form. Félags isl. símamanna:
Krafan í dag:
í dag er aðalkrafa verkalýðs-
hreyfingarinnar „samningana í
gildi“. Það er að mínu mati mjög
eðlileg og sjálfsögð krafa bæði
nú og fyrr.
Ég harma það að gripið skyldi
til þess ráðs að rjúfa nýgerða
kjarasamninga með þeim hætti
sem gert var. Ég tel að ýmsar
aðrar leiðir hefði átt að reyna í
baráttunni við verðbólguna og
þá í sem nánastri samvinnu við
launþegasamtökin enda þótt
margir álíti að þar séu ýmsir,
sem skoði málin fyrst og fremst
út frá flokkspólitísku sjónar-
miði og samvinna því af þeim
sökum ekki auðveld.
Baráttan við verðbólguna
virðist ærið vonlaus og ég hef
ekki trú á að þessar síðustu
aðgerðir breyti þar miklu um.
Maður hlýtur að fara að efasl
um að allir þeir sem tala um
Samningana í gildi
nauðsyn þess að ráða niðurlög-
um verðbólgunnar tali þar af
fullri einlægni.
Hinu má ekki gleyma þegar
rætt er um efnahagsaðgerðir að
það hefur verið aðalmarkmiðið
að undanförnu að tryggja fulla
atvinnu í landinu og þar hefur
vel til tekist.
Við símamenn stöndum nú í
samningum um röðun starfs-
manna í launaflokka. Nauðsyn-
legt verður að gera þar ýmsar
leiðréttingar og þá fyrst og
fremst hjá þeim sem eru í
neðstu launaflokkunum. Ég
nefni sem dæmi talsímaverði í 6.
lfl., sem í reynd er nú næst
neðsti launaflokkur ríkisstarfs-
manna, annarra en byrjenda.
Það er staðreynd að þessi
starfshópur hefur goldið þess að
undanförnu hversu fjölmennur
hann er og kannski ekki síður
hins að hann er svo til eingöngu
skipaður konum.
Hér er því um fullt réttlætis-
og jafnréttismál að ræða og
verður ekki trúað öðru en að
fulltrúar ríkisins verði nú til
viðræðu um leiðréttingar þar á.
Ég sendi öllum símamönnum
og öðrum launþegum bestu
kveðjur í tilefni dagsins.
Björn Björnsson
form. Póstmannafélags
íslands:
Kjaramál póstmanna eru nú
eins og svo oft áður það, sem
stjórn félagsins er efst í huga.
Sú kjaraskerðing, sem póst-
menn urðu fyrir við samninga
fjármálaráðuneytisins við
B.S.R.B. árið 1970, hefur reynst
stéttinni erfið og þrátt fyrir að
ýmislegt hafi áunnist á s.l.
tveim árum í átt til leiðrétting-
ar, þá er enn langt í land með,
að þorri póstmanna standi
jafnfætis þeim stéttum, sem
þeir fylgdu í launakjörum fyrir
1970. Núverandi stjórn P.F.Í.
mun ekki unna sér hvíidar fyrr
en fullnæ'gjandi leiðréttingar
hafa fengist á þessu.
Að launakjörum frátöldum þá
eru húsnæðismál póstþjónust-
unnar þ.m.t. aðbúnaður og
hollustuhættir á vinnustöðum
póstmanna það mál, sem brýn-
ast er að fá úriausn á. Vinnuað-
staða póstmanna á stærstu
vinnustöðunum hefur í fjölda
ára verið algjörlega ófullnægj-
andi og nægir að vitna til fjölda
félagasamþykkta, bréfa, greina
og blaðaviðtala um þessi mál.
Borgarlæknir gerði í fyrra-
sumar úttckt á flestum vinnu-
Brýn
þörf
úrbóta
íhús-
næðis-
málum
póst-
þjónustunnar
Björn Björnsson formaður Póstmannafélags Islands.
Líkan af nýrri pósthússbyggingu skv. tillögum nefndar.
stöðum póstmanna í Reykjavík,
og samkvæmt skýrslu embættis-
ins að lokinni rannsókn kemur
í ljós, að ýmsu er ábótavant á
flestum vinnustöðunum, sér-
staklega á þetta þó við á
aðalpósthúsinu í Pósthússtræti,
svo og í húsakynnum Böggla-
póststofunnar og Tollpóststof-
unnar í Reykjavík.
Eins og að ofan greindi þá
hefur félagið í fjölda ára með
fundasamþykktum og öðrum
tiltækum ráðum vakið athygli
yfirstjórnar stofnunarinnar á
þessum málum, ekki eingöngu
hvað varðar heilbrigðis- og
hollustuhætti starfsfólksins,
heldur einnig á því að núverandi
húsnæði kemur í veg fyrir að
hægt er að beita nútímalegri
vinnubrögðum við póstþjónust-
una til hagsbóta fyrir neytend-
ur, en augljóst er, að brýn þörf
er á úrbótum í þeim efnum.
Á árinu 1973 skipaði þáver-
andi samgönguráðherra, Hanni-
bal Valdimarsson, nefnd til að
gera tillögur um framtíðarskip-
an húsnæðismála póstþjónust-
unnar í Reykjavík. Ráðherra
tilnefndi 4 menn í nefndina en
P.F.Í. einn, nefndin réð sér
arkitekt og komst svo langt að
líkan að fyrirhugaðri pósthús-
byggingu var gert. Ekkert hefur
hinsvegar gerst meir í þessum
málum eftir því sem stjórn
félagsins best veit, og hafa engir
fundir verið haldnir í nefndinni
í marga mánuði og er eins víst
að hún sé komin undir græna
torfu.
Það væri ekki allskostar
sanngjarnt að deila svo á
yfirvöld póstmála eins og hér
hefur verið gert án þess að
nefna það, sem vel hefur verið
gert. Á s.l. ári flutti t.d.
póstgíróstofan í nýtt og rúmgott
húsnæði þar sem aðstaða öll er
til fyrirmyndar. Þetta ber að
þakka.
Að lokum sendir stjórn P.F.Í.
launamönnum um allt land
bestu kveðjur í tilefni 1. maí.