Morgunblaðið - 09.05.1978, Blaðsíða 15

MORGUNBLAÐIÐ, ÞRIÐJUDAGUR 9. MAÍ 1978__________15
Hverfafundir borgarstjóra... Hverfafundir borgarstjóra
Sagðist hann samt vilja spyrja hvort
ekki væri hægt að selja kalda vatnið
samkvæmt mæli eins og gert væri
með heita vatnið, en ekki samkvæmt
rúmmáli húsa eins og nú væri gert
í Reykjavík. í öðru lagði sagðist
Hjörtur vilja spyrja hvort ekki væri
heppilegra að allir skattborgarar
Reykjavíkur borguðu ákveðinn skatt
til slökkviliðsins því allir þyrftu á
brunavörnum að halda en sam-
kvæmt því sem hann bezt vissi þá
væru það Húsatryggingar Reykja-
vikur sem greiddu kostnaðinn við
slökkviliðið að mestu leyti, sem
þýddi aftur að það væru húseigendur
sem borguðu kostnað við það.
Borgarstjóri sagði að vissulega
væri það mögulegt að selja kaida
vatnið samkvæmt mæli en ekki eftiir
rúmmáli eins og nú væri en hann
vissi ekki hvort það teldist heppilegt.
Hann sagðist vilja koma því að hér,
að vatnsveitan ætti við stóran vanda
að etja í eldri hverfum borgarinnar
en það væri hið mikla vatnstap þar.
Leiðslur virtust vera farnar að gefa
sig sums staðar og læki hreint
ótrúlega mikið vatn út úr þeim. T.d.
væri vitað að mjög mikill leki væri
í leiðslu sem lægi undir Snorrabraut
en ekki hefði tekizt að finna lekann
og staðsetja með þeim nútímatækj-
um, sem nú væru til, eða geislavirk-
um efnum. Því væri ákveðið að rífa
upp þessa æð í sumar í því skyni að
koma í veg fyrir lekann en þetta
vandamál væri víða til staðar.
Rekstur
Slökkviliðsins
kostar 210 m. kr.
á þessu ári
Um kostnað við rekstur slökkvi-
liðsins sagði borgarstjóri að Húsa-
tryggingar Reykjavíkur greiddu
ákveðinn hluta af rekstri þess. Á
þessu ári væri áætlað að kostnaður
við rekstur Slökkviliðsins væri 210
millj. kr. og af þessari upphæð
greiddu Húsatryggingar Rvíkur 84,5
millj. kr. Þannig að ekki væri hægt
að segja að húseigendur einir
greiddu kostnað við reksturinn, það
sem væri umfram 84,5 millj. kr. væri
tekið af útsvörum Reykvíkinga.
Lauíásvegur
Jón Elíasson og Bótólfur Sveins-
son spurðu hvort ekki væri hægt að
malbika gamla Laufásveginn þ.e. frá
Alaska að Reykjanesbraut. Borgar-
stjóri sagði í svari sínu, að gamli
Laufásvegurinn væri mjög slæmur á
þessu svæði. Astæðan fyrir því að
hann hefði ekki enn verið malbikað-
ur væri að Hringbrautin ætti að
færast niður fyrir þetta svæði og
reyndar niður fyrir Umferðarmið-
stöðina. Hefði þetta verið ákveðið
með samningum við ríkisvaldið á
sínum tíma til að meira rými
skapaðist fyrir hús Landspítalans í
framtíðinni.
„Ríkið á að kosta framkvæmdina
við færslu Hringbrautarinnar en það
hefur dregist. Ef þessi framkvæmd
dregst verulega enn, þá mun borgin
láta malbika umræddan vegarspotta
en það er því miður ekki á fjárhags-
áætlun þessa árs. Ég verð að játa að
ýmislegt bendir til þess að enn líði
nokkur ár þar til ríkið stendur við
samninginn um að færa Hringbraut-
ina,“ sagði borgarstjóri.
borgarbókasafnið
Runólfur Eleníusson sagðist vilja
benda á að bókabílar Borgarbóka-
safnsis hefðu frá upphafi aldrei haft
húsaskjól. Því sagðist hann vilja
spyrja hvort ekki væri hægt að
byggja aðstöðu yfir þá um leið og
bygging Borgarbókasafnsins hæfist.
I svari borgarstjóra kom það fram
að fyrirhugað er að hefja byggingu
fyrsta hluta Borgarbókasafns í
Kringlumýrinni á þessu ári.
í fyrsta áfanga á að ljúka við
kjallara safnsins og þar er gert ráð
fyrir aðstöðu handa bókabílunum.
Eru 90 millj. kr. áætlaðar til
framkvæmda á þessu ári.
Jóhann Sigurðsson spurði hvað liði
uppsetningu gufubaðs í Sundhöll
Reykjavíkur.
Gufubað
„Gufubað í Sundhöllinni hefur
verið á dagskrá í nokkurn tíma og
verður það væntanlega sett upp
samhliða mikilli viðgerð sem þarf að
gera á sundhöllinni. T.d. eru raflagn-
ir í höllinni illa farnar og verður
væntanlega að loka henni meðan
viðgerð fer fram. Reiknað er með að
gufubað verði í þeim hluta hallarihn-
ar, sem þvottahúsið hafði til aifnota
hér áður. Ekki er þó ráð fyrir gert
að ráðist verði í viðgerð á sundhöll-
inni á þessu ári,“ sagði borgarstjóri.
Ingibjörg Ósk Kjartansdóttir
sagði að hún væri í félagasamtökum
sem talsvert sæktu út í Viðey. Nú
hefði Hafsteinn Sveinsson, sem fram
til þessa hefði séð um flutning á fólki
úti á eyna, tilkynnt að aðstaðan sem
hann hefði haft í Sundahöfn hefði
verið tekin af honum þannig að það
væri ólíklegt að hann gæti flutt fólk
út í eyju í sumar.
Borgarstjóri sagði í svari sínu að
Gufubað
verður sett
upp í
Sundhöllinni
í fyrirhugaðri smábátahöfn í Elliða-
vogi yrði aöstaða til fólksflutninga
sem þessara, en þar sem höfnin væri
ekki komin upp enn væri sjálfsagt að
kanna hvort ekki væri hægt að láta
Hafstein hafa einhverja aðstöðu í
Sundahöfn í sumar.
Samstarf þingmanna
og borgarfulltrúa
Sverrir Þórðarson spurði hvernig
samstarf þingmanna Reykjavíkur og
borgarfulltrúa væri. Ennfremur
spurði hann hve mikið af hafnafé
ríkisins kæmi í hlut Reykjavíkur-
hafnar og í þriðja lagi spurði hann
hvort ekki væri óeðlilegt að strætis-
vagnar Reykjavíkur borguðu millj-
ónir á ári í hið almenna vegakerfi
landsmanna í formi þungaskatts.
1 fjórða lagi spurði Sverrir hvað
fátækrahjálp borgarinnar væri nú
stór liður á fjárlögum.
I svari borgarstjóra kom það fram,
að sérstakar samstarfsreglur eru í
gildi milli borgarfulltrúa og þing-
manna Reýkjavíkur og í þeim segir
að þessir hópar skuli hittast þrisvar
á ári hverju. Sagði borgarstjóri að
það yrði aö viðurkenna að stundum
væri misþréstur á að þessir aðilar
hittust eins og til stæði, en á fundum
hefðu veríð kosnar sérstakar nefnd-
ir, sem ættu að starfa á milli funda.
Sagði borgarstjóri að eins og gengi
og gerðist störfuðu þessar nefndir
misjafnlega vel og rétt væri að geta
þess, að þingmennirnir gætu ekki
orðið við öllum óskum borgarfulltrú-
anna.
Þegar borgarstjóri svaraði annarri
spurningu Sverris sagði hann, að
staðreyndin væri sú, að Reykjavíkur-
höfn fengi ekkert af hafnafé ríkisins
og væri eina höfnin á landinu sem
ekkert fengi þaðan. Ástæðan væri að
í einhverjum lögum segði að þær
hafnir, sem gætu staðið undir sér,
ættu ekki að fá neitt af hafnafé.
„Hins vegar vil ég segja að það er
mitt álit að það ætti að haga
verðlagningu hafnarinnar á þann
veg að hún gæti staðið undir sér og
lagt til hliðar til framkvæmda en til
þess að svo megi verða þarf betri
skilning verðlagsyfirvalda á hverjum
tíma.
Þá er það líka athugunarvert
hvernig aðrir staðir hér í kring geta
byggt upp hafnir með fé ríkisins,
sem dæmi má nefna Hafnarfjörð
sem fær 75% af hafnarframkvæmd-
um greitt úr ríkissjóði og getur síðan
boðið alls kyns fyrirtækjum gull og
græna skóga, meðal annars athafna-
svæði á hafnarbakka. Þetta atriði
þarf endurskoðunar með og hefur
raunar verið til endurskoðunar,"
sagði borgarstjóri.
Þá sagði borgarstjóri, að Strætis-
vagnar Reykjavíkur greiddu allmikl-
ar fjárhæðir á hverju ári í þunga-
skatt sem færi í hið almenna
vegakerfi, vissulega þyrfti einnig að
endurskoða þetta atriði.
Um fjórðu spurningu Sverris sagði
hann, að ekki væri lengur talað um
fátækrahjálp heldur Félagsmála-
stofnun Reykjavíkur. Á þessu ári
væri gert ráð fyrir í fjárhagsáætlun
að 275.3 millj. kr. eða 9,2% af
heildarútgjöldum Félagsmálastofn-
unarinnar færu til stuðnings við
fjólskyldur. Þessi upphæð færi
hlutfallslega minnkandi með hverju
árinu sem liði og mætti þar þakka
varnarstarfi Félagsmálastofnunar-
innar.
Turninn
úr Austurstræti
Magnús Sigurjónsson spurði hvort
ekki væri hægt að fjarlægja turninn
margnefnda úr Austurstræti.
Þessari spurningu svaraði borgar-
stjóri á þá leið að reynt hefði verið
að koma turninum fyrir sem næst
upprunalegum stað sem væri mitt
Lækjartorg. Ef hann hefði verið
settur niður þar, hefði torgið verið
eyðilagt sem fundarstaður. „En það
er vissulega smekksatriði hvað
turninn á að standa," sagði hann.
Jóhanna Guðjónsdóttir og Þórður
Guðjónsson spurðu hvað væri að
frétta af lagfæringu hitaveitu í
Grettisgötu.
Hitaveita
á Grettisgötu
Borgarstjóri sagði að hann hefði
ekki heyrt talað um erfiðleika
hitaveitunnar á þessum stað en vissi
að vissir erfiðleikar væru á stöku
stað í gamla bænum og Hitaveita
Reykjavíkur væri stöðugt að
betrumbæta leiðslur í því skyni að
geta veitt íbúum betri þjónustu og
kvaðst hann skyldu ræða þetta mál
við hitaveitustjóra.
Marta Guðbrandsdóttir spurði um
stuðning borgarinnar við byggingu
Hallgrímskirkju í svari sínu sagði
borgarstjóri að borgin greiddi 28
m.kr. á þessu ári í kirkjubyggingar-
sjóð, en um úthlutun úr sjóðnum
sæju fulltrúar safnaðanna. Hvað
mest rynni til Hallgrímskirkju á
þessu ári eða 7.5 millj. kr.
Lýsing á
Miklatún
Ásgrímur Lúðvíksson kvartaði
undan sandburði á leikvelli við
Stakkahlíð og spurði ennfremur
hvenær fólk gæti átt von á lýsingu
á Miklatúni.
Borgarstjóri sagði að það ætti að
vera hægt að koma í veg fyrir
sandburðinn frá leikvellinum enda
væri um að ræða óhreinindi fyrir
næsta nágrenni.
Þá sagði hann, að lýsing á
Miklatúni væri í bígerð. Þetta yrði
alldýr framkvæmd og væri ekki
komin á dagskrá ennþá.
Eiríkur Stefánsson spurði hvenær
hafizt yrði handa við að lengja
Bústaðaveg yfir Kringlumýrarbraut
á brú og yfir á gamla Hafnarfjarðar-
veginn í Öskjuhlíð og síðan yfir á
Hringbraut-Snorrabraut.
„Þessi framkvæmd er ekki enn á
dagskrá og ég reikna satt að segja
ekki með að svo verði alveg á
næstunni. Næsti stóráfangi í svo-
nefndum stofnbrautum innan
borgarinnar er vegur milli Breið-
holts og Árbæjarhverfis sem kemur
á brú yfir Elliðaár skammt fyrir
ofan stífluna og er það feikimikil
framkvæmd," sagði borgarstjóri.
Brynja Kristjánsdóttir spurði
hvað gera ætti við hús, sem stæði á
horni Hverfisgötu og Frakkastígs og
skagaði út í götuna. Kvað hún húsið
vera orðið allryðgað og til lýta.
Sagðist hún hafa heyrt að Slátur-
félag Suðurlands ætti húsið en það
fyrirtæki hugsaði annars vel um
sínar eignir.
Borgarstjóri sagði að borgin hefði
óskað eftir að kaupa húsið og lóðina
sem væri eignarlóð og væru viðræð-
ur um kaup þegar hafnar við SS.
Hundahaldið
Guðmundur Kristjánsson og Jón
Sigurðsson spurðust fyrir um hunda-
hald í Reykjavík og hvers vegna
reglugerð um bann við hundahaldi
væri ekki hlítt.
„Borgarstjórn hefur rætt hunda-
málið a.m.k. einu sinni á hverju
kjörtímabili að undanförnu. Hins
vegar hefur framkvæmd við banni
ekki verið eins og reglugerð segir til
um, en re.vndar skiptast borgarbúar
í tvo hópa í þessu máli með og á móti
en það er ótækt að þegar reglugerðir
eru í gildi að þeim skuli ekki
framfylgt.
Það er lögreglunnar að fylgja
þessari reglugerð eftir, en.hún telur
sig ekki hafa nægilegar lagaheimild-
ir fyrir því að taka hunda með valdi.
Höfðað hefur verið prófmál fyrir
Sakadómi vegna hundamáls og kom
þetta þá í ljós og virðist því sem
einhverja lagabreytingu þurfi til að
hægt sé að framfylgja þessari
reglugerð," sagði borgarstjóri.
Mikið kalda-
vatnstap í
gömlu
hverfunum
ammála um að lítil
öfninni í Elliðavogi