Morgunblaðið - 23.05.1978, Qupperneq 20

20
MORGUNBLAÐIÐ, ÞRIÐJUDAGUR 23. MAÍ 1978
Útgefandi hf. Árvakur, Reykjavík.
Framkvœmdaatjóri Haraidur Sveinason.
Ritstjórar Matthías Johannessen,
Styrmir Gunnarsson.
Ritstjórnarfulltrúi Þorbjörn Guðmundsson.
Fréttastjóri Björn Jóhannsson.
Auglýsingastjóri Baldvin Jónsson
Ritstjórn og afgreiósla ‘Aóalstræti 6, sími 10100.
Auglýsingar Aðalstræti 6, sími 22480.
Áskriftargjald 2000.00 kr. á mánuói innanlands.
í lausasölu 100 kr. eintakið.
Minnihluta-
flokkarnir
Kosningabaráttan vegna borgarstjórnarkosninga í Reykjavík á
sunnudaginn kemur er líklega hin rólegasta, sem háð hefur
verið í höfuðborginni um iangt árabil. Ástæðan fyrir því er augljós.
Meirhluti borgarstjórnar hefur haldið svo vel á málum borgarbúa,
að þau gagnrýnisefni eru fá og smá, sem minnihlutaflokkarnir hafa
getað fundið til þess að fetta fingur út í. Þótt leitað sé með logandi
ljósi í ræðum frambjóðenda minnihlutaflokka á fundum og í
sjónvarpi eða á síðum málgagna þeirra er lítið sem ekkert hægt að
finna af gagnrýni, sem einhver veigur er í. Þess vegna er hin rólega
kosningabarátta annars vegar til marks um góða og sterka stjórn
höfuðborgarinnar og hins vegar um málefnafátækt minnihlutaflokk-
anna. Þeir hafa einfaldlega ekkert fram að færa í þessari
kosningabaráttu, hvorki jákvætt framlag til málefna höfuðborgar-
innar né til gagnrýni á stjórn meirihluta sjálfstæðismanna.
Þessi málefnafátækt minnihlutaflokkanna er ein af ástæðunum
fyrir því, að reykvískir kjósendur eiga ekki að veita þeim atfylgi
sitt á sunnudaginn kemur. En fleira kemur til. Alþýðubandalagið
hefur gert tilkall til forystu í nýjum meirihluta í borgarstjórn
Reykjavíkur. Talsmenn Alþýðubandalagsins hafa jafnframt tekið
afar skýrt fram, að þeir hyggist koma á sósíalisma í höfuðborginni
enda þótt þeir hafi við orð að „slátra ekki allri einkastarfsemi"
a.m.k. ekki þegar í stað. Ef sjálfstæðismenn missa meirihluta sinn
í borgarstjórn Reykjavíkur þýðir það um leið vinstri stjórn í
höfuðborginni undir sósíalískri forystu Alþýðubandalagsins.
Þá kunna einhverjir í hópi kjósenda að segja sem svo, að fleiri
minnihlutaflokkar séu til en Alþýðubandalagið. Og það er rétt. En
lítum á þá valkosti. Alþýðuflokkurinn hefur ekki haft af miklu að
státa undanfarin ár. Saga hans sýnir, að honum er mjög hætt í
samstarfi við kommúnista, svo að ekki sé meira sagt. í raun og veru
er ekki hægt að nefna nokkur dæmi þess síðustu fjóra áratugi, að
Alþýðuflokkurinn hafi haldið sínum hlut í samstarfi við
Sósíalistaflokkinn og síðar Alþýðubandalagið. Fyrstu faðmlög
þessara tveggja flokka enduðu með klofningi Alþýðuflokksins fyrir
stríð. Tæpum tuttugu árum seinna klofnaði Alþýðuflokkurinn enn
á ný og hluti hans gekk til samstarfs við Sósíalistaflokkinn í
Alþýðubandalaginu. Nýjasta dæmið um það hvernig fer fyrir
Alþýðuflokknum í samstarfi við kommúnista er hlutur flokksins í
verkalýðshreyfingunni. Á síðasta þingi ASÍ rufu Alþýðuflokksmenn
í verkalýðshreyfingunni samstarf við aðra lýðræðissinna og gengu
til samstarfs við kommúnista. Nú undanfarna mánuði hafa þeir
verið að súpa seyðið af þeirri ráðstöfun. I því umróti, sem
undanfarna mánuði hefur verið innan verkalýðshreyfingarinnar
hafa forystumenn Alþýðuflokksins í launþegasamtökunum haft lítið
sem ekkert að segja. Kommúnistar hafa ósköp einfaldlega hundsað
þá. Þótt Alþýðuflokksmenn á Suðurnesjum og Vestfjörðum hafi á
yfirborðinu reynt að fara eigin leiðir hafa þeir hrakizt undan
þrýstingi kommúnista og þar með sýnt, að þeir hafa ekki þrek til
að standa við sannfæringu sína. Atkvæði greitt Alþýðuflokknum í
kosningunum á sunnudaginn kemur er því atkvæði, sem að.lokum
getur lent í höndum Alþýðubandalagsins.
Enn má spyrja: hvað um Framsóknarflokkinn? Því er til að svara,
því miður, að margt er ofarlegar í huga framsóknarmanna en
hagsmunir Reykjavíkur. Að vísu mótmæla framsóknarmenn því
harðlega en engu að síður er það staðreynd t.d. að framsóknarmenn
mega ekki heyra nefnt, að ástæða sé til að rétta hlut atvinnulífsins
í Reykjavík við þá miklu dreifingu fjármagns til atvinnufyrirtækja
út um land, sem átt hefur sér stað á undanförnum árum. Reykvískir
kjósendur hafa áreiðanlega ekki nema allt gott um það að segja,
að hluti af skattgreiðslu þeirra gangi til þess að efla atvinnulífið
í öðru landshlutum. En reykvískir kjósendur gera kröfu til þess, að
atvinnufyrirtæki í höfuðborginni sitji við sama borð og
atvinnufyrirtæki annars staðar. Framsóknarflokkurinn er ekki
reiðubúinn til þess að taka þátt í að tryggja það. Reynslan af
þátttöku Framsóknar í vinstra samstarfi sýnir einnig, að sá flokkur
stenzt ekki kröfur Alþýðubandalagsins. Afleiðingin hefur verið
ngþveiti í fjármálum og efnahagsmálum eins og landsmenn þekkja.
Þegar höfð er í huga stjórn meirihluta sjálfstæðismanna í
teykjavík, reynsla borgarbúa af henni, farsæl forysta Birgis ísl.
junnarssonar í málefnum borgarbúa og þessi viðhorf gagnvart
ninnihlutaflokkunum í borgarstjórn, er valið á sunnudaginn kemur
íkki erfitt. En hafa ber í huga, að meirihluti sjálfstæðismanna er
ekki tryggður. Og hann vinnst ekki nema stórir hópar kjósenda í
Reykjavík sem styðja aðra flokka í landsmálum komi til stuðnings
við sjálfstæðismenn í þessum kosningum til þess fyrst og fremst
að tryggja Reykjavík örugga og samhenta stjórn eins flokks og koma
þar með í veg fyrir þann glundroða og öngþveiti í borgarmálum sem
menn þekkja af biturri reynslu í landsmálum.
DAGHEIMILI við Suðurhóla — Nú er unnið að byggingu nýs daghcimilis við Suðurhóla í Breiðholti.
Heimilið verður tekið í notkun á þessu ári en þar verður rými fyrir um 70 börn.
Ljósm. Mbl. Kristján.
Dagvistunarstofnanir í Breiðholti:
Dagheimili í Hólahverfi
fyrir 70 börn í notkun í
ár — Skóladagheimili við
Völvufell í notkun um áramót
Framkvæmdir hafnar í ár við tvær
dagvistunarstofnanir fyrir 194 börn
Ntl eru í Breiðholtshverfum tvö
dagheimili með rými fyrir 117
börn. Þar eru einnig fjórir
leikskólar með rými fyrir 394
börn. Á þessu ári verður tekið í
notkun nýtt dagheimili við Suður-
hóla og verða í því fjórar deildir
en þar af er ætlunin að ein verði
nýtt með skóladagheimili fyrir
börn á aidrinum 6 til 10 ára. Alls
verður í þessu nýja dagheimili
rými fyrir um 70 börn. Um næstu
áramót verður tilbúið skóladag-
heimili við Völvufell fyrir 20 börn
og á þessu ári verða hafnar
framkvæmdir við tvær dagvistun-
arstofnanir, við Iðufell og Arnar-
bakka, sem verða sambland af
dagheimili og Ieikskóla en rými
verður fyrir 97 börn á hvorum
stað. Þá hefur Félagsmálaráð
Reykjavíkurborgar samþykkt að
næst á eftir fyrrnefndum fram-
kvæmdum verði byggðar tvær
dagvistunarstofnanir í Selja-
hverfi.
Þau dagheimili, sem nú eru í
Breiðholti eru Bakkaborg fyrir 69
börn og Völvuborg fyrir 48 börn.
Leikskólarnir eru Arnarborg með
114 rýmum, Seljaborg með 110,
Fellaborg og Hólaborg með 114
hvort auk þess sem Reykjavíkur-
borg hefur nýverið tekið við
rekstri leikskólans Leikfells við
Æsufell af húsféiagi, sem rak
hann áður. Sem fyrr sagði er nú
unnið að byggingu dagheimilis við
Suðurhóla, sem tekið verður í
notkun síðar á þessu ári. Fljótlega
verða hafnar framkvæmdir við
nýtt skóladagheimili við Völvufell
og á það að rúma 20 börn. Verður
framkvæmdum við það hraðað og
er ætlunin að heimilið verði tilbúið
um næstu áramót.
I ár verða hafnar framkvæmdir
við tvær aðrar dagvistunar-
stofnanir í Breiðholtshverfum.
Verða þær við Iðufell og Arnar-
bakka. Er ætlunin að heimilin
verði byggð sem sambland af
dagheimili og leikskóla en alls
verður á hvoru heimili rými fyrir
97 börn. Þessi heimili verða tekin
í notkun á næsta ári.
Á þeirri framkvæmdaáætlun,
sem Félagsmálaráð Reykjavíkur
hefur samþykkt er gert ráð fyrir
að næst á eftir þeim framkvæmd-
um, sem getið hefur verið um hér
að framan, verði tvær af þeim
fjórum dagvistunarstofnunum,
sem áætlunin gerir ráð fyrir,
byggðar í Breiðholtshverfum, báð-
ar í Seljahverfi. Önnur dag-
vistunarstofnunin verður bæði
dagheimili og skóladagheimili,
sem rísa á við hlið leikskólans við
Tungusel, en hin er einnig blönduð
stofnun, leikskóli og dagheimili,
sem byggð verður ofar í Selja-
hverfinu.
Snjóbíllinn náðist
upp úr jökulöldunni
Höfn Hornafirði, 22. maí.
SEINNIPARTINN í gær tókst
að ná upp úr jökulöldu við
Breiðamerkurjökul snjóbíl sem
jökullinn gleypti sumarið 1976.
Var bilinn furðulítið skemmdur
þegar hann náðist upp.
Það var sumarið 1976 að
Björn Ólafsson hélt uppi útsýn-
isferðum á Vatnajökul og notaði
hann til ferðanna Bombard-
ier-snjóbíl. Farið var á jökulinn
austan Breiðárlóns og upp með
svokallaðri Mávabyggðarönd.
Milli ferða var bifreiðin geymd
á jökulsporðinum skammt frá
jökulröndinni. Síðast var bif-
reiðin notuð 15. september þetta
ár en þá gerði töluverðar
rigningar.
Björn kom svo á ný á jökulinn
25. september og var þá sýnilegt
Þannig leit bfllinn út er hann var kominn upp.