Morgunblaðið - 01.07.1978, Blaðsíða 13

MORGUNBLAÐIÐ, LAUGARDAGUR 1. JÚLÍ 1978
13
bæta það upp, að dýrin
vantar. Ég held að sirkusinn
muni alltaf standa fyrir
sínu, þar er eitthvað fyrir
alla.“
„Það má segja að
helmingurinn af fólkinu í
hópnum sé fætt inn í fjöl-
leikahús, en helmingurinn
fór út í þetta eftir skyldu-
nám. Hér ríkir mikill fjöl-
skylduandi."
Sumir höfðu greinilega
tekið börnin með sér til
íslands, Þarna var ein stutt,
um það bil 5 ára.
Er gaman að vera með
hópnum?
Já.
Hvað ætlarðu að verða
þegar þú verður stór?
Sirkusstjarna.
Kynnirinn heitir Paul
Rhodes, og þetta er í fyrsta
sinn sem hann glímir við
það verkefni. Hann hefur
aldrei áður komið nálægt
fjölleikahúsi. Hann sagði, að
lögð væri áherzla á að
áhorfendum leiddist aldrei
og að þeir gætu gleymt
öllum sínum áhyggjum
meðan á sýningunni stæði.
Það virtist ætla að takast,
því að nú spaugaði Cottle
með það við fulltrúa BÍS á
staðnum, að skátastrákarnir
yrðu aldrei búnir að byrgja
gluggana ef þeir héldu
áfram að fylgjast svona með
æfingunum.
Einhver kom nú
hlaupandi og sagði að annar
bangsinn væri týndur. Úti á
gólfi var gripið í eitt barnið
rétt áður en það spásséraði
út á blauta málninguna. Það
vantaði ljós í tvö búnings-
herbergin. Um leið og Gerry
Cottle gaf fyrirskipanir
varðandi ljóskastarana yfir
sviðinu, skaut hann að
Morgunblaðsmönnum:
„Hérna sjáið þið nú,
hvernig við rekum sirkus.
Allt í einni bendu."
Fakírinn A1 Hakim hisaöi við að máia stóra stjörnu á jjólf
Lauj;ardalshallarinnar. Það er þó engin hætta á að leikinn vcrði
handknattleikur í þessari stjörnu í framtídinni, því að hópurinn kom
með K’ólfið með sér eins og annað.
hvarf stundum á bak við
sviðið en var svo óðar
kominn aftur niður á gólf.
Hann náði að skjóta að
Morgunblaðsmönnum einni
og einni setningu á hlaupun-
um, gaf sér einu sinni litla
stund til að setjast niður, en
þá talaði hann svo hratt, að
penninn hafði ekki við.
„Ég stofnaði þetta hring-
leikahús fyrir 8 árum ásamt
konu minni, og nú höfum við
tvo flokka í gangi í einu.“
sagði Cottle. „Við komum 40
hingað til lands, þar af taka
35 þátt í sýningunni. Það var
vissulega leitt að fá ekki að
taka dýrin með, sérstaklega
fílana, sem við tökum
annars alltaf með okkur. En
við getum vonandi tekið
dýrin með okkur næst.“
Gerið þið þá ráð fyrir að
koma aftur?
„Það fer auðvitað eitthvað
eftir móttökunum nú, en ef
þær verða góðar, myndum
við reyna að koma aftur
eftir svona 3—5 ár.
Fyrir framan sviðið var
einn úr hópnum að sópa
gólfið. Allt í einu vatt hann
Gerry Cottlet Sirkusinn mun
alltaf standa fyrir sínu.
sér að hljómsveitinni og fór
að lagfæra taktinn. Þarna
voru greinilega allir í öllu.
„Það er rétt, að tónlistin
er óvenjustór þáttur hjá
okkur," sagði Cottle. „Svo
erum við með fleiri óvenju-
leg atriði frá ýmsum
löndum. Við reyndum að
ve
BARRIE Walls. sem einnig
gengur undir nafninu A1
Ilakim fakir og Otaki eldgleyp-
ir, er önnum kafinn við að mála
sviðsgólfið í skrautlegum lit-
um. Walls hefur unnið sér það
til frægðar að liggja á nagla-
oddum í allt að 36 klukku-
stundir og einnig gleypir hann
eld af mikilli list.
Aðspurður að því hvernig það
væri að liggja ánaglaoddum sgði
hann að hann fyndi ekkert fyrir
því, nema þegar hann lægi lengi
þá byrjuðu þeir að stingast inn
í hann, en til þess að koma í veg
fyrir það færði hann sig til á
nokkurra mínútna fresti.
— Eg er ósköp venjulegur
maður, þótt mörgum finnist ég
vera skrýtinn. Fyrir nokkru
rannsakaði mig læknir til að
athuga hvort sársaukataugarn-
ar í mér væru í lagi. Hann
komst að þeirri niðurstöðu að
annað hvort væri það heilinn
sem orsakaði það að ég fyndi
ekki sársauka eða þá að það
væri vegna einhverra hormóna
sem myndast í líkamanum.
Annars held ég að það sem
pr ósköp
njulegur
maður”
gerist sé það að fyrir sýningar
fer ég í nokkurs konar dásvefn,
þannig að ég sé allt, en finn
ekkert.
— Til þess að geta orðið
eldgleypir þurfa menn að yfir-
vinna eldhræðsluna fullkom-
lega. Það tók mig nokkurn tíma
en núna gengur þetta allt eins
og í sögu.
— Eg byrjaði að vinna við
sirkus 5 ára gamall og er búinn
að vera í þessu í 24 ár. Sonur
minn, sem er 11 ára, er farinn
aö geta gert alveg sömu hluti og
ég en hann fær ekki að koma
fram sem eldgleypir fyrr en
hann verður 16 ára.
— Ég veit að öllum finnst ég
vera hræðilega ljótur vegna
þeirra atriða sem ég kem fram
í, en viltu segja fólkinu að ég sé
ekki þannig í alvöru.
Og þar með er því komið á
framfæri . . .
„Aðeins búin
að vera
í þessu
í fjóra mánuði”
„PRINCESS Aasha“ ncfnist
þessi laglega loftfimleika-
stúlka. Hún er breskur ríkis-
borgari. en á indverska for-
cldra.
— Ég er 18 ára og er aðeins
búin að starfa með sirkusinum
í fjóra mánuði. Ég byrjaði í
þessu 17 ára og var þá aðallega
í sjónvarpsþáttum. Mér líkaði
mjög vel í þessu starfi, svo þegar
mér var boðið að starfa með
sirkusinum þáði ég það og sé ég
ekki eftir því. Hef ég hug á að
gera þetta að framtíðarstarfi,
þó segja megi að þetta sé
nokkuð erfitt starf ...
Aasha er mjög upptekin og
má varla vera að því að ræða við
okkur. Fyrr en varir er hún
rokin burt og farin að lagfæra
kaðla og línur sem hún mun
síðan nota við loftfimleikaatriði
sitt.
„Hef alltaf verid
svona sterkur”
ALLIR virtust vera að tala um
„sterka manninn“, en hver
skyldi það nú vera? Hann
heitir Samson og þegar við
spurðum hann hvernig það
væri að vera svona sterkur
sagði hann>
— Ég hef alltaf verið sterk-
ur og veit því ekki hvernig það
er að vera öðruvísi. Ég var
alltaf sterkur sem barn, en
auðvitað hef ég þurft að þjálfa
mig töluvert.
— Ég er ekki úr sirkusfjöl-
skyldu og byrjaði upphaflega
að stunda íþróttir og æfa
lyftingar. Ég fór þó fljótlega að
starfa með sirkus, þar sem mér
gafst þannig tækifæri til að
vinna við áhugamál mín, sem
eru kraftar. Það má því eigin-
lega segja að ég hafi blandað
íþróttahliðinni saman við sirk-
usinn.
Eitt atriði Samsons er í því
fólgið að lemja risastóran
nagla í spýtu. Þegar við spurð-
um hann að því hvernig slíkt
væri hægt svaraði hann:
— Þetta er sko alls ekkert
„blöff“, heldur algjörlega
ósvikið. Þetta var sárt fyrst, en
nú er ég búinn að gera þetta
svo lengi að ég er hættur að
finna fyrir því.
— Auðvitað er sirkus í tísku
í dag eins og alltaf. Sirkusinn
hefur alltaf verið vinsæll og
verður alltaf vinsæll. Sirkus er
eilífur ...
Kona Samsons, Delilah, tek-
ur einnig þátt í atriði hans og
sagði hún okkur að þau væru
búin að vera í þessu í 20 ár og
þeim líkaði starfið alltaf jafn-
vel, þó það væri mjög krefj-
andi.
— Ég er mjög hrifin af
Islandi. Allt er svo hreint og
fallegt hérna og maturinn
góður. Fólkið er líka mjög
hjálplegt og vingjarnlegt.