Morgunblaðið - 22.07.1978, Blaðsíða 16

16
MORGUNBLAÐIÐ, LAUGARDAGUR 22. JÚLÍ 1978
Valdimar Björnsson skrifar:
Fréttir úr Vesturheimi
Doktorstitilinn gæti verið vill-
andi á heimili séra Emils Guð-
mundssonar að 5505 28th Avenue
South í Minneapolis, Minnesota
55417. Frú Barböru hlotnaðist
nafnbótin á löngum námsferli,
Ph.D. gráðuna — doktor í heim-
speki — frá háskólanum í Ames
Iowa fyrir nokkrum árum. Nú
hefur séra Emil fengið doktors-
gráðu í heiðursskyni — Doctor of
Divinity honoris causa — frá
Meadville-prestaskólanum, bundið
við University of Chicago, en
staðsett í Pensylvaniu fyrir nokk-
uð mörgum árum. Sú athöfn fór
fram 4. júní sl.
Öll fjölskyldan hefur verið
bundin æðri menntastofnunum
nýlega. Önnur dóttirin, Holly
Mekkín, fékk B.A. gráðuna 21. maí
við Reed College í Portland,
Oregon. Sérgrein hennar var í
frönskum bókmenntum, og samdi
hún ritgerð um Queneau rit-
hófund. A meðan var tvíburasystir
hennar, Martha Rannveig, að
stunda nám við College of the
Atlantic, Bar Harbor, Maine.
Frú Barbara er í ár forseti
Heklu-klúbbsins í Minneapolis,
félags íslenzkra kvenna. Hún var
fædd Barbara Jane Rohrke í
Chicago en ólst upp í Tennessee, og
þar fékk hún B.A. gráðu sína
(1948). Barbara sótti nám við
háskólann í Mankato, Minnesota,
og fékk meistaragráðu sina þar
(1965) á meðan séra Emil þjónaði
sögulegum söfnuði Unitara nálægt
Hanska, skammt frá New Ulm,
Minnesota. Gráðuna doktor í
heimspeki fékk hún seinna við
háskólann í Ames, Iowa (1969),
þar sem ritgerð hennar fjallaði um
„Aquatic Ecology and Water
Resources"; aðal áherzlan var á
gróðri í vötnum og varðveislu
vatnslinda.
Sveitasöfnuðurinn sem séra
Emil þjónaði nálægt Hanska fyrir
nokkrum árum var stofnaður á
áttunda tug síðustu aldar af
Kristofer Janson frá Noregi, er
þjónaði þar og í Minneapolis áður
en hann hvarf aftur til heima-
landsins.
Sterkur persónuleiki og hrífandi
kennimennska Kristofers Jansons
höfðu mikil áhrif á Björn Péturs-
son alþingismann, snemma á árum
hans í Vesturheimi. Hann var
sonur séra Péturs á Valþjófsstað,
Jónssonar vefara. Björn varð, út af
þeim áhrifum, fyrsti Únitara-
prestur meðal Vestur-íslendinga
og stofnandi þess trúflokks hjá
samlöndum sínum. Þannig er það
vel skiljanlegt að séra Emil
Guðmundsson er að safna að sér
efni í ritgerð um Björn Pétursson.
„Inter-District Representative"
er embættisheitið hjá séra Emil í
Únitara-kirkjunni í Ameríku. Það
mundi samsvara biskupsstöðunni í
sumum trúarflokkum. Umdæmi
hans eru ellefu miðvestur-ríki
Bandaríkjanna og þrjú- fylki í
Kanada, með rúmlega 130 Únit-
ara-söfnuðum. Meadvillepresta-
skólinn lagði sérstaka áherzlu á
starf doktors Emils með söfnuðun-
um í greinargerð sem fylgdi
nafnbótinni.
Aður en hann útskrifaðist úr
Meadville-prestaskólanum var
Emil við guðfræðinám við Háskóla
Islands á stríðsárunum. Hann
hefur þjónað söfnuðum vís vegar
um Bandaríkin og varð yfirmaður
margra sókna, fyrst búsettur í
Iowa en nú í nokkur ár í
Minneapolis.
Nöfn tíu íslendinga eru á skrá
þeirra sem sótt hafa nám við
Meadville-skólann. Séra Rögn-
valdur Pétursson og séra Philip
Pétursson, bróðursonur hans, báð-
ir lengst af í Winnipeg, voru meðal
þeirra. A sínum tíma voru þeir
báðir heiðraðir af Mead-
ville-prestaskóla með doktorsgráð-
um í guðfræði. Auk Emils Guð-
mundssonar hafa þessir prestar
verið við nám í Meadville-skólan-
um — Guðmundur Árnason, Al-
bert Kristjánsson, Friðrik A.
Friðriksson, Jóhann Sólmundsson,
Ingi Borgford og Sigurjón Jónsson.
Það var sá Sigurjón sem lét börnin
heita Fjalar, Sindri, Frosti, Máni
og Vaka; var hann prestur á
Kirkjubæ í Hróarstungu, bróðir
Einars Páls heitins ritstjóra
Lögbergs.
Doktor Emil er Austfirðingur í
föðurætt, en móðir hans, frú
Rannveig Dorothea Björnsdóttir,
enn til heimilis við Lundar,
Manitoba, er af borgfirskum ætt-
um, dóttir Björns Þorsteinssonar
og Þuríðar Hjálmsdóttur, sem
bjuggu í Hálsasveit í Borgarfjarð-
arsýslu áður en þau fluttust
vestur, fyrir aldamót. Séra Pétur
Hjálmsson í Markesville, Alberta,
var bróðir Þuríðar. Faðir Emils,
Björgvin Guðmundsson, sem dó
1956, var sonur Guðmundar Guð-
mundssonar á Snotrunesi í Borg-
arfirði eystra og Mekkínar Jóns-
dóttur frá Surtsstöðum í Jökulsár-
hlíð. Var Mekkín náskyld Jóni
alþingismanni frá Sleðbrjót og
Guðmundi bróður hans frá Húsey,
sem fluttust báðir vestur tií
Kanada. Frú Rannveig, móðir
Emils, var lengi kennari og
meðlimur skólaráðs í byggð sinni.
Doktor Emil og frú Barbara
koma bæði víða við í starfsemi en
um leið rækta þau íslenzka arfinn
af áhuga og eru hátt metin af þeim
sem fylgjast með slíku.
Vesturfarar flytjast
heim til íslands
Hið frekar sjaldgæfa gerist hér
um slóðir nú, þar sem Islendingar,
sem flust hafa hingað vestur,
„venda sínu kvæði í kross" og
flytjast heim aftur. Magnús Sig-
tryggsson flugvélavirki og Herdís
Magnúsdóttir kona hans flytjast
til heimalandsins aftur núna í júlí,
eftir tíu ára dvöl, ásamt syni og
dóttur þeirra. Magnús var hér
fyrst á ungdómsreki sem
Ámerican Field Service nemi við
„high school" í Minneapolis, en
kom svo aftur, giftur maður, og
settist að í útjaðarbæ Minnea-
polis-borgar 1968. Hann hefur
unnið sem flugvélavirki hjá North-
west Airlines og North Central
Airlines, auk þess að hafa starfað
um tíma við bílaviðgerðir.
Sigtryggur, faðir Magnúsar,
hefur í mörg ár verið í Keflavíkur-
lögreglunni, og frú Herdís er
uafnfirsk. Starf Magnúsar verður
hjá Flugleiðum. Þau hjónin hafa
verið í miklum metum hér, og var
Herdís í eitt ár forseti
Heklu-klúbbsins, félags íslenzkra
kvenna í Mi'meapolis og St. Paul
og þar í grennd.
Mannalát í Minneapolis«
Bæjarlæknir íslendingur
Friðrik Gunnlaugsson, í mörg ár
í því embætti sem mundi sam-
svara bæjarlæknis-stöðunni í
Minneapolis, var jarðaður þar
fimmtudaginn 29. júní. Hann var
69 ára og varð skyndileg hjartabil-
un honum að meini laugardags-
kvöldið 24. júní. Kona hans var
lengst af starfandi læknir líka, dr.
Eleanor B. Iverson, hefur hún
verið mjög lasin af nýrnaveiki
síðustu misseri.
Minneapolis-blöð skráöu lát
þessa þekkta manns á þessa leið:
Dr. Fredrick Gunnlaugsson, 69, til
heimilis 121 Elmwood Place, yfir-
umsjónarmaður smit-sjúkdóma,
Minneapolis Public Health
Department. Starfsemi í sex mis-
munandi félögum sem tilheyra
læknum og heilsuvernd. Friðrik
var lengi meðlimur Nordkap
karlakórsins, meðal Norðmanna.
Tvær dætur syrgja Friðrik,
Beverly og Marilyn, ásamt ekkj-
unni, öll til heimilis í Minneapolis.
Valdimar Björnsson
Fjórar systur lifa hann, tvær
ekkjur, Joan Kilty og Dora Stowe,
báðar í St. Paul, og Christine og
Frances Gunnlaugsson í Minnea-
polis; Christine var í mörg ár fræg
söngkona og kennari í hljómlist,
og Frances er hjúkrunarkona.
Friðrik var sonur Sigurðar
Gunnlaugssonar og konu hans,
sem hét Kristjana Sólveig, dóttir
Sigurbjörns Sigurðssonar Hofteig
og Steinunnar Magnúsdóttir, bæði
hjónin af Austfjörðum. Sigurður
var sonur Gunnlaugs Magnsúson-
ar og Guðfinnu Vilhjálmsdóttur,
sem bjuggu síðast á Eiðum áður en
þau fluttust til Ameríku 1878.
Friðrik var stór maður andlega og
líkamlega og féll frá einmitt er
hann var að hlakka til þess að taka
þátt með ættingjum í hundrað ára
minningarhátíð fjölskyldunnar en
haldið verður upp á það í ágúst, að
heil öld er liðin síðan Gunnlaugur
og Guðfinna fluttu vestur.
Gerald F. Legrand, 67 ára, sem
átti við slæman hjartasjúkdóm að
stríða í marga mánuði, dó á
heimili sínu, 1610 Hillsboro
Avenue South, St. Luis Park, í
útjaðri Minneapolis. Eftirlifandi
kona hans, er dóttir Tryggva
heitins Aðalsteinssonar og Svan-
hvítar Jóhannsdóttur konu hans.
Gunnlaugur Tryggvi var mein-
dýraeyðir í Minneapolis í fjölda-
mörg ár, sonur Aðalsteins bók-
bindara á Akureyri, og starfandi á
Seyðisfirði um skeið áður en flutt
var vestur. Svana, 87 ára í marz,
er nú frú Rossman, þar sem hún
giftist Claude Rossman fyrir
nokkru.
Auk ekkjunnar syrgja Gerald
Legrand tveir synir, Ross í North-
field og Gary í White Bear Lake,
í grennd við St. Paul. Ross fékk
doktorsgráðu í sálarfræði við
Minnesota-háskólann, kenndi við
St. Olaf College í Northfield og
heldur sig við ritstörf núna,
höfundur kennslubóka í sálar-
fræði. Gary útskrifaðist í raf-
magns-verkfræði við Minne-
sota-háskóla og starfar hjá stór-
fyrirtækinu 3-M Company nálægt
St. Paul. Barnabörnin eru fimm.
Dr. Emil. dr. Barbara, Holly Mekkin og Martha Rannveig
Guðmundsson
Brldge
Umsjón ARNÓR
RAGNARSSON
Tafl- og bridge-
klúbburinn
Alls hefir nú verið spiiað 7
sinnum í sumarspilamennsku
TBK. Spilað var í tveimur 16
para riðlum sl. fimmtudag og
urðu úrslit þessi:
A-riðiil.
Ester Jakobsdóttir —
Guðmundur Pétursson 266
Aldís Schram —
Júlíana ísebarn 248
Dóra Friðleifsdóttir —
Ingólfur Böðvarsson 240
Guðmundur Arnarsson —
Sigtryggur Sigurðsson 224
Ragnar Björnsson —
Þórarinn Árnason 224
B-riðill.
í B-riðli voru sigurvegarar
Hannes Ingvarsson og Þórður
Sigurðsson en þeir eru frá
Selfossi. Hlutu þeir félagar 260
stig.
Röðin varð annars þessi:
Sveinbjörn Guðmundsson —
Viðar Jónsson 247
Guðríður Guðmundsdóttir —
Sveínn Helgason 239
Sigurður Sverrisson —
Sævar Þorbjörnsson 232
Páll Valdimarsson —
Valur Sigurðsson 230
Meðalárangur í báðum riðlum
210
I sumarkeppninni er svonefnd
stigakeppni og er staða efstu
einstaklinga þessi:
Valur Sigurðsson S
Ragnar Björnsson 7
Þórarinn Árnason 7
Sævar Þorbjörnsson 7
Vigfús Pálsson 7
Sveinbjörn Guðmundsson 6
Viðar Jónsson 6
Næsta spilakvöld verður á
fimmtudaginn kemur. Spilað er
í Domus Medica og hefst keppn-
in klukkan 20. Allir eru vel-
komnir meðan húsrúm ieyfir.
Keppnisstjóri er Guðmundur
Kr. Sigurðsson.
Hallgrímur Benediktsson
læknir flytur til Winnipeg
Hallgrímur Benediktsson lækn-
ir, sem var áður við framhaldsnám
í Winnipeg, hefur flust frá
Minneapolis og mun setjast að í
Winnipeg. Fyrst verður hann í
Vancouver júlí og ágúst og svo er
ferðinni heitið til Winnipeg aftur,
þar sem kona hans, Guðrún
Jörundsdóttir, er sest að með
börnunum, Gunnari, Benedikt og
Helgu Kristínu. Hallgrímur er
patholog og hefur hann starfað við
biopsy-aðferðir hér vestra. Hann
er sonur Benedikts Jakobssonar
Þingeyings, sem var mikill
íþróttamaður, og kona hans er
dóttir Jörundar Pálssonar frá
Hrísey.
Hjónin hafa innflutningsleyfi í
Kanada og hafa keypt sér íbúð í
Winnipeg til langdvalar. Á meðan
Hallgrímur hefur verið í Minnea-
polis í nokkra mánuði hefur kona
hans haldið áfram námi við
háskóla Manitóbafylkis í listasögu.
Hefur verið skorað á frú Guðrúnu
að sækja um ritstjórastöðuna við
Lögþerg-Heimskringlu þegar Jón
Ásgeirsson fer til íslands aftur frá
Winnipeg í nóvember. Er hún bæði
vel ritfær og þaulkunnug orðin
háttum Winnipeg-búa og Vest-
ur-íslendinga yfirleitt.