Morgunblaðið - 13.09.1978, Blaðsíða 15
MORGUNBLAÐIÐ, MIÐVIKUDAGUR 13. SEPTEMBER 1978
15
Portúgal:
Fellur Costa
núívikunni?
Lissabon. 12. september. Reuter.
ÞINGMENN miðdemókrata og
jafnaðarmanna gáfu í skyn í dag,
að þeir kýnnu að fella stjórn Da
Costa í vikunni með því að
sameinast um að greiða atkvæði
gegn efnahagstillögum stjórnar
innar. Tillögurnar komu til um-
ræðu í þinginu í dag og atkvæða-
greiðsla um þær fer fram í
vikunni.
Alls eru þingmenn mið-
demókrata og jafnaðarmanna 151,
en samtals eru 263 sæti í þinginu.
Hvor flokkur um sig hefur lagt
fram frávísunartillögu við efna-
hagstillögur stjórnarinnar og er
búist við að þingmenn flokkanna
sameinist um aðra hvora þeirra.
Fastlega er gert ráð fyrir því, að
stjórnin segi samstundis af sér, fái
hún ekki þingmeirihluta fyrir
efnahagstillögum sínum. Þingrof
og nýjar kosningar fara þó ekki
fram nema að þingið felli stjórnar-
frumvarp þrisvar í röð.
Bandaríkin:
Atvinna manna veldur
20% alls krabbameins
Washington, 12. septembor. AP
AÐ MINNSTA kosti 20% alls
krabbameins í Bandaríkjum á
rætur sínar að rekja til atvinnu
þeirra, að því er heilbrigðismála-
ráðherra Bandaríkjanna skýrði
frá í dag. Ilér er um talsvert
hærri tíðni að ræða en íyrr hafði
verið spáð. Þessar uppiýsingar
koma fram í nýrri vísindalegri
könnun sem opinberar stofnanir
í Bandaríkjunum lctu fram-
kvæma.
Þar kemur fram að asbest er
einn helzti krabbameinsvaldurinn,
og er talið að 10—15% dauðsfalla
af völdum krabbameins í Banda-
rikjunum eigi rætur sínar að rekja
til asbests. Um fimm milljónir
manna í B^ndaríkjunum anda
daglega að sér umtalsverðu magni
af asbest-trefjum. Er hér um að
ræða starfsmenn í asbestverk-
smiðjum, menn við einangrunar-
störf, byggingamenn, trésmiði,
flísalagningamenn, bifvélavirkja
og starfsmenn ýmissa fleiri starfs-
greina.
Eitursprauta
í regnhlífinni?
London, 12. september. Reuter — AP.
BRESKA lögreglan rannsakar
nú hvað olli dauða búlgarsks
flóttamanns. sem lézt á sjúkra-
húsi í gær, en hann hélt því
sjálíur fram, að eitri hafi verið
sprautað í sig og því væri um
morð að ræða. Búlgarinn starfaði
hjá brezka útvarpinu og var
sagður búa yfir mikilli vitneskju
um stjórnvöld í Búlgaríu.
Það var á fimmtudag, að Georgi
Marcov var á leið frá vinnustað
sínum, að maður „rak regnhlíf í
annað læri“ hans. Maðurinn með
regnhlífina baðst afsökunar, með
útlendum hreim að sögn Marcovs,
og vatt sér upp í leigubíl. Síðar um
kvöldið kvartaði Marcov um
eymsli og vanlíðan og sýndi
starfsfélaga sínum rauðleitan
hnúð aftan á hægra læri. Daginn
eftir var Marcov kominn með háan
hita, hóstaði ákaft og átti erfitt
með að tala. Honum var þá ekið í
skyndingu á sjúkrahús þar sem
hann lézt í gær.
Sjúkrahúsið tilkynnti í dag, að
Georgio Marcov hefði dáið úr
ákveðinni gerð blóðeitrunar sem
lífræn eiturefni hefðu valdið.
Beinist rannsókn lögreglunnar nú
að því með hvaða hætti hin
lífrænu eiturefni komust í líkama
Marcovs.
Wiskýduft á
markaðíUSA
Washington — 12.-sept. AP
WISKY-DUFT verður sett á
markað til reynslu í Kaliforníu á
Yfirmenn í
hernum dæmd-
ir til dauða
Nairobi — 12. sept. — AP
SAUTJÁN yfirmenn hersins í Sómalíu
voru í dag dæmdir til dauða fyrir að
reyna að ráða Mohamed Siad Barre
forseta af dögum 9. apríl s.l. með því
að byrla honum eitur. Utvarpið í
Mogadishu sagði í frétt um dómana, að
aftökusveit myndi sjá um að taka þá
af lífi. Dómstólinn dæmdi einnig hópa
hermanna, sem sekir voru fundnir. I
fyrsta hópnum voru 17 af 22 dæmdir
til dauða, einn í 30 ára fangelsi.
Tveir hermenn sem þegar voru
látnir, voru einnig dæmdir til dauða.
Útvarpið í Mogadishu tilgreindi ekki
hvenær aftökurnar færu fram.
næstunni og einnig í Japan og
segist Mike nokkur IIill. sem sér
um að dreifa wiskýduftinu, nú
vera sem óðast að Ieita viðskipta-
vina, sem kjósa frekar að hafa
wiskýið sitt í íormi dufts en að
geyma það í aðskiljanlegum
flöskum.
Nokkuð hefur það dregist, að
wiskýið í þessu formi kæmist á
markað í Bandaríkjunum, þar sem
vafizt hefur fyrir yfirvöldum að
ákveða hvernig eigi að skattleggja
það, en nú hefur verið ákveðið að
hafa það í sama skattaflokki og
fljótandi wiský.
Hill sagðist ekki vera hræddur
um að wiskýunnendur kæmu til
með að éta duftið eins og börn gera
oft þegar þau komast í duftmeti —
„að minnsta kosti verður það ekki
gert nema einu sinni, því duftið er
hræðilega sterkt á bragðið," sagði
Hill.
Karl prins og Idi Amin með Tolbert Líberíuforseta og Abdullah varaforseta Comoros-eyja við útför
Jomo Kcnyatta í Naírobí á dögunum.
Prinsinum tókst
að hunza Amin
VARLA var Karl Bretaprins
fyrr kominn úr hressingardvöl-
inni við Hofsá í Vopnafirði en
drottningin móðir hans fól
honum það trúnaðarstarf að
koma fram fyrir hennar hönd
við útför Kenyatta Kenyafor-
seta. Við athöfnina var prinsin-
um skipað til sætis á fremsta
bekk ásamt Idi Amin Úganda-
höfðingja, og ýmsum erlendum
fyrirmennum, og enda þótt
aðeins seilingarfjarlægð væri
milli þeirra í fjórar klukku-
stundir samfleytt tókst prinsin-
um að komast hjá því að heilsa
Amin og sýna þess merki á
nokkurn hátt að honum væri
kunnugt um nærveru hans.
Idi Amiiv Dada kom til at-
hafnarinnar í gráum safari-föt-
um, sveiflandi um sig veiðistaf.
Fyrst heilsaði hann Nyerere
Tanzaníuforseta og Kaunda
Zambíuforseta, en hvorugur
virtist sérlega uppveðraður við
að hitta hann. Næst vatt hann
sér að Tolbert, forseta Líberíu,
og kysstust þeir' og föðmuðust
ákaflega. Næst kom röðin að
varaforseta Comoros-eyja, en
þegar Amin kom að Karli
Bretaprins og ætlaði að heilsa
honum var sá góði maður ekkert
á því að taka undir kveðjuna,
heldur sneri í hann baki, niður-
sokkinn í samræður við sessu-
naut sinn. Meðan á sálmasöng,
bænaflutningi og ræðuhöldum
stóð undir athöfninni, horfði
prinsinn stíft fram fyrir sig,
augsýnilega staðráðinn í því að
gefa Amin ekki færi á að heilsa
sér. Eitt sinn munaði þó mjóu,
að því er sjónarvottar segja. Það
var þegar átti að fara að leggja
kransa við legstað Kenyattas, en
þá komst Karl prins ekki hjá því
að ganga beint fram hjá sæti
Amins. Leit Amin nú enn einu
sinni vonaraugum á prinsinn,
sem leit hvorki til hægri né
vinstri, heldur striksaði ein-
beittur sína leið.
Amin hefur löngum snobbað
fyrir brezku konungsfjölskyld-
unni, og er talið að atburður
þessi hafi farið mjög í taugarn-
ar á honum. Amin var að vanda
áberandi og er sagður hafa
stolið senunni við útförina. Það
vakti athygli nærstaddra, að
Móses litli Aminsson, sem er 10
ára að aldri, átti bágt með að
fylgjast með í sálmabókinni og
taka undir sönginn við útförina.
Bretar, sem kunna vel að
meta virðulega framkomu, eru
almennt ánægðir með það
hvernig Karli prins fórst þetta
vandasama verk úr hendi, en
ýmsir höfðu haft af því áhyggj-
ur að Amin hygðist bregða á
leik við útförina, og að prinsinn
yrði í vandræðum með að
bregðast þannig við að hann
héldi virðingu sinni.
Þetta gerðist
1973 — Mesta loftorrusta ísra-
elsmanna og Sýrlendinga síðan
1967.
1971 — Árásin á Attica-
fangelsi, New York: Níu gíslar
og 28 fangar drepnir.
1968 — Ritskoðun blaða í
Tékkóslóvakíu að kröfu her-
námsliðs Rússa.
1956 — Vestur-Þjóðverjar og
Rússar taka upp stjórnmála-
samband.
1882 — Bretar sigra Egypta við
Tel El-Kebir og leggja undir sig
Egyptaland og Súdan.
1788 — Danir gera’ innrás í
Svíþjóð — New York höfuðborg
Bandaríkjanna.
1743 — Austurríkismenn láta
Parma og Piacenza af hendi við
Sardiníumenn og Búrbónar
reknir frá Ítalíu samkvæmt
Worms-sáttmálanum.
1586 — Babington og fleiri fyrir
rétt fyrir samsæri um að myrða
Elísabetu Englandsdrottningu
og tilraun til að koma Maríu
Skotadrottningu til valda.
1521 — Cortes tekur
Mexíkóborg, höfuðborg Azteca.
Afmæli dagsins. John Leland,
enskur fornfræðingur
(1503-1552) - Arnold
Schönberg, þýzkt-bandarískt
tónskáld (1874-1951) - Clara
Schumann, þýzkur píanóleikari
(1819-1896) - Walter Reed,
bandarískur gerlafræðingur —
John J. Pershing, bandarískur
hershöfðingi (1860—1948).
Innlcnt. „Eastbourne" setur
íslenzka varðskipsmenn á land
við Keflavík 1958 — Uppgröftur
bæjarrústa frá fjórtándu öld á
Stöng tilkynntur 1957 — D.
Skarð-Snorri Narfason lögmað-
ur 1260 - F. Árni Pálsson 1878
— Jón Þórarinsson tónskáld
1917.
Orð dagsinsi Endurtekning
breytir ekki lygi í sannieik —
Franklin D. Roosevelt, banda-
rískur forseti (1882—1945).
Irland:
Lögreglu-
maður
myrtur
Belfast — 12. sept. — AP
MAÐIJR, sem starfaöi að hluta til
sem lögreglumaður, var skotinn
til bana af hryðjuverkamönnum á
mánudag, er hann var að dytta að
íbúð sinni og væntanlegrar eigin-
konu sinnar. Að sögn sjónarvotta
birtust þrír vopnaðir menn
skyndilega við heimili hans á
mánudag og skutu sínu skotinu
hver að lögreglumanninum. sem
var 24 ára gamall, og lézt hann
samstundis. Lögreglumaður þessi
er jafnframt fimmti lögreglu-
maðurinn, sem er myrtur á
N-írlandi á þessu ári.
ERLENT