Morgunblaðið - 13.09.1978, Blaðsíða 25

MORGUNBLAÐIÐ, MIÐVIKUDAGUR 13. SEPTEMBSR 1978
25
fclk í
fréttum
+ Svo sem kunnugt er ætlar hnefaleikakappinn og fyrrum heimsmeistari Muhammad Ali að reyna
að endurheimta titilinn 15. þessa mánaðar í hnefaleikakeppni við Leon Spinks núverandi
heimsmeistara. Fyrir nokkrum dögum lét Ali þau orð falla. að hann hygðist draga sig að fullu og
öllu í hlé frá hnefaleikum eftir að hann væri búinn að endurheimta HEIMSMEISTARATITILINN.
Spinks hafði eitthvað komist í kast við umferðarlögregluna fyrir skömmu. Þetta hafði Ali ekki látið
kyrrt liggja og sagði, að ef Spinks sæti ekki í „steininum" þegar bardaginn færi fram myndi hann
rassskella Spinks. — Þetta er nýjasta myndin af Ali, í hvfld frá æfingum í New Orleans, en hann
ku æfa þar af fádæma kappi.
+ Þetta eru ítalskar fegurðardrottningar frá hinum ýmsu
borgum landsins, en keppnin um „Fegurðardrottningu
Ítalíu" fór að þessu sinni fram í bænum Reggio.

+ Hér á landi mun nafnið
Luigi Vannucchi ekki vera
þekkt. — En á Ítalíu þekktu
hann allir fyrir leik hans í
kvikmyndum og í sjónvarpi.
Hann var í hópi stjarnanna,
sem skærast hafa skinið um
þessar mundir þar syðra. —
En fyrir skömmu fann vinnu-
konan, sem sér um íbúðina
hans, hann látinn í rúmi sínu.
Löggann fann strax tómt
svefnlyfjaglas, tvö bréf lokuð,
sem hann hafði skrifað utan á
til barna sinna og til vinkonu
sinnar. — Sjálfsmorð, það fór
ekki á milli mála, sagði
lögreglan. Vinir hans gátu
enga skýringu gefið á þessum
dapurlegu örlögum hins 47
ára gamla Sikileyings. — En
sú getgáta hefur komið fram,
að aðalhlutverkið í myndinni
„The Absurd Vice“, sem er
harmsaga rithöfundarins
Cesare Pavese, hafi gengið
mjög nærri honum. — Þessa
mynd átti að taka til sýningar
í ítalska sjónvarpinu nú í
byrjun þessa mánaðar.
Samningurinn um gagnkvæma aðstoð Islands og Sambandslýðveldis-
ins Þýzkalands í tollamálum undirritaður. Ljósm. Ól.K.M.
Gagnkvæm aðstoð í
/
toUamálum IsLands og
V estur-Þýzkalands
RAIMUND Ilergt sendiherra og
Henrik Sv. Bjiirnsson ráðuneytis-
stjóri skiptust í ga-r á fullgilding-
arskjiilum af hálfu Islands og
Sambandslýðveldisins Þýzka-
lands vegna samnings landanna
um gagnkvæma aðstoð í tollamál-
um. sem undirritaður var í Bonn
hinn 11. októher 1977. Jafnframt
undirrituðu þeir í utanríkisráðu-
neytinu bókun varðandi fullgild-
ingu samningsins.
Aðstoð sú sem í samningnum
felst er tvenns konar, annars vegar
aðstoð við framkvæmd tollalaga
almennt, þ.e. álagningu tolla og
annarra inn- og útflutningsgjalda
svo og það að haldnar séu reglur
um inn- og útflutning, og hins
vegar aðstoð til að koma i veg
fyrir, rannsaka og upplýsa brot á
tollalöggjöfinni.
Samningurinn um gagnkvæma
aðstoð í tollamálum tekur fornt-
lega gildi hinn 11. október nk. og
munu ákvæði hana hafa lagagildi
hér á landi í samræmi við jg nr.
44 frá 10. maí s.l. Samningur þessi
er fyrsti tvíhliða samningurinn
um tollamál sem ísland gerir.
T venns konar
vísitöluþak
SVOKALLAÐ vfsitöluþak er mis-
munandi eftir því hvort menn
vinna og taka laun samkvæmt
hinum almennu kjarasamningum
Alþýðusambands íslands eða
hvort menn vinna og taka laun
samkvæmt BSRBtöxtum og
BHM-töxtum. Með verðbótavið-
auka eru þessi laun hjá ASÍ-félög-
um með verðbótaviðauka 231.914
krónur. en hjá ríkisstarfsmönn-
um með verðbótaviðauka 235.758
krónur. Þau laun, sem eru ha'rri
en þessi, fá ekki vísitölu í
prósentu heldur siimu krónutölu-
ha'kkun og þessar launatölur.
Ástæðan fyrir því að hér er um
mismunandi tölur að ræða eftir
því, hvort menn vinna á töxtum
ASI eða hvort menn vinna á
töxtum BSRB, er að í þessum
tveimur mismunandi samningum
hafa áfangahækkanir verið á:
kveðnar með sitthvorum hætti. I
ASÍ samningunum voru áfanga-
hækkanir allar í krónutölu, tvisvar
sinnum 5 þúsund krónur og einu
sinni 4 þúsund krónur. í samning-
um opinberra starfsmanna voru
áfangahækkanir hins vegar þrisv-
ar sinnum, 3% í hvert skipti og eru
raunar aðeins tvær þeirra komnar
til framkvæmda og hefur hin
þriðja verið numin úr gildi með
lögum. Þegar svo viðmiðunin 200
þúsund krónur í desember 1977 er
tekin og gerð að vísitöluþaki og
framreiknuð til ágústlauna 1978
hefur þróunin orðið tvenns konar
eftir því hvort krónutölureglan
hefur gilt eins og hjá ASÍ eða
prósentureglan eins og hjá opin-
berum starfsmönnum. Eftir hin-
um nýju lögum og nýrri verðbóta-
visitölu verða því þessi mánaðar-
laun þannig að opinberir starfs-
menn hafa 2.183 krónum betur í
þessari viðmiðun.
Eiríkur
Tómasson
formaður SUF
EIRÍKUR Tómasson aðstoðar-
maður dúmsmálaráðherra var
kjörinn formaður Sambands
ungra framsóknarmanna á þingi
sambandsins að Bifröst um helg-
ina. Stjórnarkjör fór að tillögu
uppstillingarnefndar. en aðeins
þrír af fyrrverandi stjórnar-
miinnum gáfu kost á sér til
endurkjiirs. auk Eiríks þeir Sig-
urður J. Sigurðsson og Einar
Baldursson en meðal þeirra sem
ekki gáfu kost á sér áfram var
Magnús Ólafsson sem var for-
maður samhandsins. A þinginu
var samþykkt tillaga fráfarandi
stjórnar um að við stjórnarkjör
skyldi gengið út frá því að 7 af
9 stjórnarmönnum geti sótt fundi
í Reykjavík með dagsfyrirvara og
eru 7 af núverandi stjórnarmönn-
um búsettir samkva'mt þessu á
svæðinu frá Vík í Mýrdal vestur
í Borgarfjiirð.
Stjórn SUF er þannig skipuð:
Eiríkur Tómasson Reykjavík for-
maður, Hákon Hákonarson Akur-
eyri 1. varaformaður, Haukur
Ingibergsson Bifröst 2. varafor-
maður, Sigurður J. Sigurðsson
Keflavík gjaldkeri, Gylfi Kristins-
son Reykjavík ritari og aðrir í
stjórn eru: Arnþrúöur Karlsdóttir
Reykjavík, Guðný Magnúsdóttir
Hafnarfirði, Einar Baldursson
Reyðarfirði og Snorri Þorvaldsson
Akurey Rangárvallasýslu.