Morgunblaðið - 23.11.1978, Qupperneq 1
40 SIÐUR
268. tbl. 65. árg.
FIMMTUDAGUR 23. NÓVEMBER 1978
Prentsmiðja Morgunblaðsins.
Sex stjómar-
hermenn féllu
Salishury. 22. nóvember. Reuter.
TALSMENN hersins í Rhódesíu skýrðu frá því í kvöld að skæruliðar
úr röðum svartra þjóðernissinna hefðu fellt sex hermenn úr
öryggissveitum bráðabirgðastjórnar landsins á síðustu 24 klukku-
stundunum.
Tveir hinna látnu voru hvítir en
fjórir voru svartir. Talsmennirnir
sögðu að sjö skæruliðar hefðu
verið felldir í Rhódesíu í dag.
Mannfall stjórnarhersins er eitt
hið mesta á einum sólarhring frá
því að átökin hófust af alvöru í
Rhódesíu árið 1972. Frá því að
átökin hófust hefur opinberlega
verið tilkynnt um lát 11.500
manna. Þar á meðal eru 748
hermenn stjórnarinnar og 5.946
skæruliðar, en aðrir eru óbreyttir
borgarar.
EBE:
Atvinnuleysi
eykst nokkuð
Brussel, 22. nóvember. AP.
Atvinnuleysi í löndum Efna-
hagsbandalags Evrópu. EBE.
náði 6.2 milljónum manna um
síðustu mánaðamót. sem er um
5.6% af vinnuafli landanna og
hefur þá aukist úr 5,5% frá
síðasta mánuði, segir í fréttum
frá EBE.
í fréttinni segir að atvinnuleysi
hafi minnkað í Luxemborg, Bret-
landi, Hollandi og Belgíu en aukist
í Danmörku, Frakklandi, Vest-
ur-Þýzkalandi, Ítalíu og írlandi.
í einstökum löndum var at- .
vinnuleysið: Vestur-Þýzkaland
Funda í
Moskvu
Moskvu. 22. nóvember Reuter
LEIÐTOGAR kommúnistaflokka
Varsjárbandalagsríkjanna og
helztu frammámenn landanna
komu saman til fundar í Kreml í
dag í fyrsta sinn frá ráðstefnu
ríkjanna árið 1976. Talið er að
fundinum ljúki á morgun.
Ekkert hefur verið látið uppi hvað
leiðtogarnir ætluðu að fjalla um á
fundi sínum að þessu sinni. Þó er
talið víst að eitt helzta mál fundar-
ins verði gagnkvæm fækkun herja
Vestrærfha ríkja og ríkja Varsjár-
bandalagsins í Mið-Evrópu, en lítill
árangur hefur náðst í viðræðum um
þau mál að undanförnu.
Viðræður þessar hafa staðið í sex
ár og kenna leiðtogar Austantjalds-
landanna vesturveldunum um seina-
ganginn í viðræðunum. Viðræðurnar
hafa einkum tafist vegna ágreinings
um réttmæti upplýsinga Varsjár-
bandalagsríkjanna um fjölda her-
manna bandalagsins í Mið-Evrópu.
3,5%, Frakkland 6,2%, Italía 7%,
Holland 4,4%, Belgía 8,9%,
Lúxemborg 0,7%, Bretland 5,5%,
írland 8,3% og Danmörk 6,6%.
Somoza
steypt?
Managua. Nicaragua. 22. nóv.
AP — Reuter
LEIÐTOGI Sandinista. þjóð-
frelsisfylkingarinnar í
Niearagua. sagði í dag að
fylkingin mundi segja
Anastasio Somoza forseta
Nicaragua stríð á hendur þar
sem Bandaríkjastjórn hefði
ekkert gert til þess að koma
forsetanum frá völdum. Enn-
fremur var haft eftir tals-
manni hóps presta. mennta-
manna og kaupsýslumanna,
sem tengdur er
Sandinista-hreyfingunni. að
hann hefði verið boðaður á
fund sem skyldi skipuleggja
stjórnarbyltingu í Nicaragua.
Pólitískir andstæðingar
Somoza slitu viðræðum sem
þeir hafa átt við stjórn
Somozas með milligöngu em-
bættismanna frá Banda-
ríkjunum og Costa Rica, þar
sem Somoza sagði ekki af sér
fyrir 21. nóvember, eins og
andstæðingar hans höfðu kraf-
izt.
Stjórnin í Costa Rica sleit
stjórnmálasambandi við
Nicaragua á miðvikudag í
kjölfar átaka á landamærum
landanna, en hermaður og
liðþjálfi úr her Costa Rica féllu
í átökunum og yfirmaður var
tekinn til fanga.
ÓÐUM AÐ NÁ BATA — íslenzku flugliðarnir i Fraser-sjúkrahúsinu í Colombo njóta góðrar aðhlynningar og
eru óðum að hressast. Þuríður Vilhjálmsdóttir flugfreyja fékk í fyrsta sinn að fara á fætur í gær og notaði hún
þá tækifærið til að heilsa upp á Harald Snæhólm, sem ennþá er rúmliggjandi. Á miðopnu ög baksíðu eru fleiri
myndir frá Sri Lanka. Ljósm. Mbl. Árni Johnsen. Símamynd AP.
Uganda-Tanzanía:
Enn er barizt á
landamærunum
Nairobi. Kyaka, 22. nóvemher. AP. Reuter.
BARDAGAR brutust út milli Ugandamanna og Tanzaníumanna við landamæri rikjanna. en kyrrt hefur
verið með herjum landanna síðustu daga í kjölfar átakanna í nágrenni fljótsins Kagera í norðvestur hluta
Tanzaníu. Báðir aðilar segjast hafa höggvið skarð í raðir hins og báðir segja hardagana hafa farið fram á
sínu landi.
Tanzaníumenn skýrðu frá því að
þeir hefðu fellt fjölmarga her-
menn og eyðilagt tvo skriðdreka
fyrir Ugandamönnum í átökum
landanna nálægt landamærabæn-
um Mutukula við vestanvert
Viktoríuvatn. Ugandamenn sögðu
að ekkert væri hæft í þessum
fullyrðingum Tanzaníumanna.
Sögðu Ugandamenn að átökin
hefðu blossað upp í kjölfar þess að
Tanzaníumenn hefðu hafið skot-
hríð á Ugandamenn frá landa-
mærum ríkjanna. Náinn aðstoðar-
maður Idi Amins Ugandaforseta
sagði að mikið mannfall hefði
Róstur áfram í íran
Tehran. 22. nóvember Reuter
ÞINGIÐ í íran samþykkti í dag traustsyfirlýsingu á stjórn landsins.
sem skipuð er herforingjum. með 191 atkvæði gegn 27. í kjölfar
yfirlýsingarinnar lofaði forsætisráðherra landsins pólitísku og
félagslegu frelsi til handa þegnunum strax og lög og regla kæmist á í
landinu.
Verkföll, róstur og ólga í höfuð-
borginni og víða um landið urðu
þess þó valdandi í dag að spenna er
enn mikil í Iran. Algjör ringulreið
varð í Tehran í dag vegna
rafmagnsbilunar og átaka hers og
andstæðinga keisarans í miðborg-
inni. Sögðu andstæðingar
keisarans og kaupmenn í miðborg-
inni að þrír til fjórir hefðu særst
þegar hermenn hefðu hafið skot-
hríð á mótmælendur.
Skriðdrekar og fjöldi vopnaðra
hermanna tóku sér stöðu í mið-
borginni þegar rafmagnið fór af og
miklir umferðarhnútar mynduð-
ust.
Hermt var síðar að lögregla
hefði barið leiðtoga óeirðaseggja
til dauða í bænum Birjand í dag.
Ennfremur var frá því skýrt aö
þrír hefðu fallið í átökum í
borginni Shiraz á sunnudag, en
ekki einn eins og áður var sagt.
orðið í liði Tanzaníumar.na í
átökunum.
í tilkynningu Tanzaníumanna
um átökin segir að Arabar stjórni
skriðdrekum Ugandamanna.
Óstaðfestar fregnir sama efnis
hafa verið í blöðum í Nairóbí að
undanförnu. Í þessum fregnum
hefur því verið haldið fram að
hermenn frá Líbýu hafi verið
sendir til að aðstoða heri Amins.
Þessu neitaði talsmaður Idi
Amins.
Fjölmiðlar í Tanzaníu, sem eru
undir opinberu eftirliti, hafa upp á
síðkastið skýrt frá því að átök
Tanzaníumanna og Ugandamanna
muni halda áfram. Það sé ásetn-
ingur Tanzaníumanna að knésetja
Amin. Blað helzta stjórnmála-
flokksins í landinu lýsti Amin í
einni þessara frétta sem krabba-
meini sem ekki væri hægt að
lækna. „Við verðum að skera það
burtu svo það skjóti ekki upp
kollinum á ný,“ sagði blaðið.