Morgunblaðið - 23.11.1978, Blaðsíða 5

MORGUNBLAÐIÐ, FIMMTUDAGUR 23. NÓVEMBER 1978
5
Nýkjörnir heiðursfélagar Læknafélags íslands, talið frá vinstrii dr. óskar Þórðarson,
C.P. Cleland, Povl Riis, Helgi Ingvarsson, dr. Sigurður Sigurðsson og Oddur Ólafsson.
Ljósm. Kristján.
Ráðstefna sjálfstæðismanna:
Mótmælir skattastefnu í
lagasetningu ríkisst jórnar
K J ÖRDÆMISRÁÐ sjálfstæðis-
fólaKanna í Norðurlandskjör-
dæmi eystra hélt fyrir skömmu
ráðstefnu á Húsavík um svcitar-
stjórnarmál og var þar samþykkt
eftirfarandi ályktuni
Ráðstefna sjálfstæðismanna um
sveitarstjórnarmál, haldin á
Húsavík 10.—12. nóvember 1978,
mótmælir harðlega þeirri skatta-
stefnu sem lýsir sér í lagasetningu
og fjárlagafrumvarpi núverandi
ríkisstjórnar.
Til viðbótar því ranglæti sem
einstaklingar og fyrirtæki hafa
orðið fyrir á þessum efnum vekur
ráðstefnan athygli á þeirri hættu
sem þessu er samfara, að sveitar-
félögin verði þess síður megnug að
sinna verkefnum sínum, því meiri
hlut sem ríkið tekur til sín af
fjármunum einstaklinga og fyrir-
tækja, þeim mun minni verður
gjaldgetan til sveitarfélaganna og
svigrúm þeirra til þess að halda
uppi nauðsynlegum framkvæmd-
um og sómasamlegri þjónustu
þrengist.
Fyrir því skorar ráðstefnan á
Alþingi að fella skattafrumvörp
ríkisstjórnarinnar eða breyta
þeim til verulegra bóta og heitir
sérstaklega á þingflokk sjálf-
stæðismanna að snúast hér hart
til varnar, en fylgja fast fram
stefnu flokksins um meira sjálf-
stæði sveitarfélaganna gagnvart
ríkisvaldinu og skýra verkaskipt-
ingu þessara aðila á milli.
Kjörnir sex heið-
ursfélagar Lækna
félags íslands
Á AÐALFUNDI Læknafélags
Islands. sem haldinn var á
Akureyri sl. sumar var þess
minnst að liðin eru 60 ár frá
stofnun félagsins og voru þá
kjiirnir 6 heiðursfélagar. Voru
þeim nýlega afhent heiðurs-
skjöl í kvöldfagnaði er haldinn
var í framhaldi af ráðstefnu
stjórnar L.í. með formönnum
sva-ðafélaga. Ileiðursfélagarnir
erui Helgi Ingvars.son.
Sigurður Sigurðsson. Oddur
Ólafsson, dr. óskar bórðarson.
C.P. Cleland og próf. Povl Riis.
í frétt frá stjórn L.í. segir
m.a. um hina nýkjörnu heiðurs-
félaga:
Þrír þessara lækna eru þeir
núlifandi íslenzkir læknar, sem
mestan þátt tóku í baráttunni
gegn berklaveikinni, sem á
upphafsárum Læknafélags ís-
lands var skæðasta heilbrigðis-
vandamál þjóðarinnar. Elztur
þeirra er Helgi Ingvarsson, sem
gegndi yfirlæknisstörfum á
stærsta berklahæli landsins og
um langt skeið við miklar
vinsældir og góðan orðstír.
Annar er dr. Sigurður Sigurðs-
son, fyrrverandi landlæknir,
sem gegndi starfi berkalyfir-
læknis frá stofnun þess embætt-
is 1935 og hafði með höndum
stjórnun og skipulagningu
berklavarna. Hinn þriðji er
Oddur Ólafsson, fyrrverandi
yfirlæknir á Reykjalundi, sem
er einn af forystumönnum
endurhæfinga fyrir berklasjúkl-
inga og síðar öryrkja af öðrum
sjúkdómsorsökum.
Hinn fjórði af íslenzku
læknunum, sem kjörnir voru
heiðursfélagar, er dr. med.
Óskar Þórðarson, fyrrverandi
yfirlæknir á Borgarspítalanum,
sem auk ágætis læknisstarfs og
vísindavinnu hefur sinnt félags-
málum lækna af miklum áhuga.
Tveir heiðursfélaganna eru
erlendir, annar er brezkur
hjartaskurðlæknir, Mr. C.P.
Cleland, sem á undanförnum 10
árum hefur annazt mikinn
fjölda íslenzkra sjúklinga í góðri
samvinnu við íslenzka lækna.
Hinn er prófessor PovL Riis frá
Kaupmannahöfn, sem hefur
komið hingað til lands mjög oft
sem fyrirlesari og skipulagt
námskeið fyrir íslenzka lækna
og auk þess verið íslenzkum
læknum og Læknafélagi íslands
hjálplegur á margan annan
hátt.
Tveir hinir síðast töldu héldu
fyrirlestra á vegum læknadeild-
ar Háskóla íslands í Land-
spítalanum, meðan þeir dvöld-
ust hér, en prófessor Riis þess
utan einnig á Landakoti og á
Borgarspítalanum.
Stórhríðarhamur í
úthluta Skagafjarðar
Bæ. Ilöíðaströnd. 22. n(>vember.
STÓRIIRÍÐARIIAMUR hefur
verið að undanförnu í úthluta
Skagafjarðar og miklir erfiðleik-
ar með mjólkurflutning úr Fljót-
Spilakvöld
Rangæinga
Rangaúngafélagið í Reykjavík
heldur skemmtisamkomu í
Hreyfilshúsinu við Grensásveg
föstudaginn 24. nóvember og
hefst hún kl„20.30.
Spiluð verður félagsvist og er
með því ætlunin að endurvekja
þann þátt félagsstarfseminnar
sem legið hefur niðri um nokkurt
skeið. Að lokinni félagsvistinni
syngur kór Rangæingafélagsins
undir stjórn Njáls Sigurðssonar og
samkomugestir taka lagið. Að
lokum verður dansað til kl. 2 eftir
miðnætti.
um. Hefur það mætt mikið á
flutningabílum og er sem stendur
aðeins einn tankbill í gangi í
héraðinu. Er hann í gangi allan
sólarhringinn. Vonir standa þó
til að þetta lagist fljótlega.
Samhliða því að heitt vatn hefur
fengizt að Reykjum í Hjaltadal til
hitaveitu að Hólum eru nú miklar
líkur til að nægilegt kalt vatn fáist
svo góð skilyrði verða fyrir
fiskiræktarstöð að Hólum. Miklar
vonir eru bundnar við þá fram-
kvæmd fyrir Norðurland vestra og
skólasetrið. Unnið er að þessum
málum ásamt fleirum varðandi
uppbyggingu staðarins.
Á Hólum í Hjaltadal hafa verið
að undanförnu Sigurður Blöndal
skógræktarstjóri og Álfur Ketils-
son formaður skógræktarfélags
Skagfirðinga. Þeir hafa með hjálp
bændaskólanema verið að taka
5—600 stykki af jólatrjám, sem
verða sett á markað fyrir jólin.
Björn.
Þjóðlífsþættir
Ný bók eftir Pál
á Hnappavöllum
BÓKAÚTGÁFAN Örn og Ör-
lygur hefur gefið út bókina
„Þjóðlífsþætti" eftir Pál Þor-
steinsson fyrrum alþingismann
á Ilnappavöllum.
Efni bókarinnar er fjölbreytt,
en þar er lýst einstöku þáttum í
íslensku þjóðlífi að fornu og
nýju, þar sem Austur-Skafta-
fellssýsla og mannlíf þar kemur
einkum við sögu. I bókinni er
sagt frá staðreyndum sem eiga
að halda gildi sínu þótt tímar
líði.
Nýr kröftugur KENWOOD KR-4070.
Lágmarks afl við 8 ohm 2 x 40 RMS wött frá 20 - 20000 Hz, bjögun mest 0.1%.
Verö kr. 174.360-
Að eignast þetta reginafl, meö hinu viðfræga KENWOOD útvarpi ásamt fjölda
af fágætum eiginleikum, fyrir slíkt verð, er einsdæmi.
Hvernig getur KENWOOD þetta?
Það er nú einmitt það sem Pioneer, Marantz o.fl. velta vöngum yfir.
Nýr kröftugur KENWOOD KR-4070
NÚ FÆRÐ ÞÚ ÞÉR $KENWOOD
FALKIN N
SUÐURLANDSBRAUT 8, SÍMI 84670