Morgunblaðið - 12.12.1978, Side 21

MORGUNBLAÐIÐ, ÞRIÐJUDAGUR 12. DESEMBER 1978
21
Frá Hampiðjunni
neytandinn verður sífellt háðari
eitrinu og þarf sífellt stærri
skammta af því. Tillögur okkar
eru almennar og koma öllum jafnt
til góða — einnig þeim, sem vel
standa sig, og það er bjargföst
sannfæring mín að þær séu hin
rétta leið til bættra lífskjara."
„Til bættra lífskjara — því
hefur verið haldið fram, að iðnað-
ur og verzlun séu þær atvinnu-
greinar sem lægst kaupgjald greiði
starfsmönnum sínum. Hvers
vegna er þetta?“
„Iðnrekendur hafa marglýst því
yfir, bæði í ræðu og riti, að þeir
væru reiðubúnir og fúsir til að
hækka kaupgjald starfsmanna
sinna, ef þeir fengju eðlileg
starfsskilyrði. Iðnaðurinn hefur
aldrei notið eðlilegra starfsskil-
yrða eins og sést m.a. af þessu
uppsafnaða óhagræði, sem ég var
að ræða um hér áðan — og
afleiðingin hefur orðið sú, að
forystumenn launþegasamtaka í
iðnaði hafa í raun aðeins átt
tveggja kosta völ — annars vegar
að krefjast og knýja í gegn miklar
kauphækkanir handa umbjóðend-
um sínum, sem óhjákvæmilega
myndu leiða til atvinnuleysis, hins
vegar að taka tillit til afkomu
iðnfyrirtækjanna. Orsökin er
óeðlileg starfsskilyrði iðnaðarins
og afleiðingin er að þetta góða fólk
dregst aftur úr í launakapphlaup-
inu miðað við ýmsa hópa, sem eru í
þeirri aðstöðu, að þeir keppa ekki
við útlendinga og geta því velt
hinu háa kaupi yfir á þá, sem
kaupa af þeim, t.d. þjónustu."
„En fylgja ekki einhverjar aðrar
ráðstafanir með?“
„Jú, svo sannarlega,“ sagði
Davíð Scheving Thorsteinsson.
„Við erum með ákveðnar tillögur
um að öllu því fjármagni, sem
kemur inn fyrir hækkun jöfnunar-
gjaldsins, verði veitt til iðn-
þróunaraðgerða. Ber þar fyrst að
telja, og þar er raunar um kröfu að
ræða — að öllum útflytjendum
almennra iðnaðarvara verði
endurgreitt þetta 6,1% upp-
safnaða óhagræði við gjaldeyris-
skil. Jafnframt verði þeim fram-
leiðendum, sem framleiða aðföng
atvinnuveganna, svo sem skip,
veiðarfæri, umbúðir, fóðurvörur
o.fl. endurgreitt á sama hátt
uppsafnað óhagræði, sem orsakast
af rangri gengisskráningu. Er hér
um að ræða mikinn hvata til
þessara greina iðnaðarins og má
vera að þetta uppsafnaða óhag-
ræði sé einmitt frumorsök þess
hversu vöxtur þeirra og viðgangur
hefur verið lítill hér á landi. Hins
vegar legg ég á það sérstaka
áherzlu, að forsenda þess, að
vísitöluáhrif þessarar hækkunar
verðjöfunargjaldsins verði engin,
er sú, að það verði að lögum fyrir
jól,“ sagði Davíð Scheving Thor-
steinsson, formaður Félags ís-
lenzkra iðnrckenda að lokum.
Islenzk miðaldasaga
Björns Þorsteinssonar
komin út hjá Sögufélagi
ÍSLENSK miðaldasaga eftir dr.
Björn Þorsteinsson er nýútkomin
hjá Söguíélagi.
íslensk miðaldasaga fjallar um
sögu íslands frá upphafi lands-
byggðar til siðaskipta 1550. Ritið er
niðurstaða áratuga rannsókna höf-
undar á þessu tímaskeiði. Það
skiptist í sjö meginkafla:
1. Sagan
2. Forsaga
3. Landnámsöld
4. Goðaveldisöld 930—1262/64
5. Norska öldin
6. Enska öldin
7. Siðaskipti
Fjöldi mynda prýðir íslenska
miðaldasögu, en hún er 387 bls.
Höfundur Islenskrar miðalda-
sögu, dr. Björn Þorsteinsson, pró-
fessor í sögu við Háskóla Islands,
hefur um langt skeið verið einn
fremsti vísindamaður á sínu sviði.
Sérgrein hans er framar öðru 15.
Dr. Björn borsteinsson
öldin — „enska öldin í sögu
Islendinga", — en fyrir samnefnt rit
hlaut hann doktorsnafnbót við
Háskóla íslands 1971.
Þingeyskir bænd-
ur vilja kvótakerfi
ÞINGEYSKIR bændur eru óánægð-
ir með það form á skattlagningu á
sjálfa sig, sem gert er ráð fyrir í því
frumvarpi, sem fyrir liggur um
breytingar á Framleiðsluráðslögun-
um, sagði Heigi Jónasson á Græna-
vatni, formaður Búnaðarsambands
Suður-Þingcyjarsýslu, í viðtali við
Morgunblaðið í gær, en aukakjör
mannafundur var haldinn á sunnu-
dag.
— Það er ekki það, að þeim sé ekki
ljóst, að þeir verði að taka á sig
byrðar í sambandi við of mikla
framleiðslu, en þeir vilja einskorða
þessi heimildarákvæði i lögum við
kvótakerfi, en hvorki heimila kjarn-
fóðurskatt né verðjöfnunargjald. Sú
ályktun, sem fundurinn sendi frá
sér, er ekki mótmæli gegn því, að
bændur taki á sig kjaraskerðingu,
heldur tillögur til breytinga á því, í
hvaða formi það skuli gert.
Fjallíþúfu
Ný ljóðabók eftir Ingi-
mar Erlend Sigurðsson
BÓKAÚTGÁFAN Letur hfur
gefið út nýja ljóðabók eftir
Ingimar Erlend Sigurðsson, sem
ber heitið Fjall í þúfu. Samtímis
kemur út önnur útgáfa af Ort á
öxi en sú ljóabók kom fyrst út
árið 1973 og hefur verið ófáanleg
allar götur síðan.
Hin nýja ljóðabók, Fjall í þúfu,
er elleftá bók Ingimars Erlends og
sjötta ljóðabókin, en auk ljóðabók-
anna hafa komið út eftir Ingimar
þrjár skáldsögur og tvö sofn
stuttra sagna, síðast í fyrra
sagna.safnið Göngustafur vindsins.
I kynningu Bókaútgáfunnar
Leturs-á hinni nýju ljóðabók Fjalli
í þúfu segir: „Heiti hinnar nýju
ljóðabókar vísar til þess viðhorfs,
sem fram kemur í ýmsum ljóðum
hennar, að hver maður gegni í lífi
sínu því hlutverki að setja fjall inn
í þúfu. Ingimar Erlendur fer ekki
fremur venju troðnar slóðir í
skáldskap. Ljóð bókarinnar eru í
senn afar persónuleg og
sam-mannleg. Með Fjalli í þúfu
hefur ljóðstíll Ingimars þróast til
enn frekari hnitmiðunar en áður.
Ljóðin eru öll, að meira og minna
leyti, í bundnu máli, en jafnframt
Kápumynd ljóðabókar Ingimars
Erlends teiknaði Sigrid
Valtingojer.
bera þau að innihaldi og byggingu
einkenni hins frjálsa ljóðforms.
Með þessari ljóðabók hefur Ingi-
mar sameinað nýtt og gamalt á
athyglisverðan og persónulegan
hátt.“
Fjall í þúfu er 119 blaðsíður,
skiptist í sex kafla og inniheldur
94 ljóð. Kápumynd bókarinnar
gerði Sigrid Valtingojer.
Ljóðabókin Ort á öxi er 85
blaðsíður og myndskreytt af
höfundi.
-
Þar kom að því!
Núna er svo komin hans fimmta plata. Reyndar eru þær tvær saman í
albúmi og bera nafniö Incantations.
Mike Oldfield sannar þaö meö þessum plötum aö hann er sér kapítuli í
poppsögunni.
Þú getur ekki látiö þaö spyrjast aö þig vanti heilann kapítula inn í
plötusafniö þitt. Blessaöur bættu úr því.
Sjá nánar í augl. frá Hollywood í blaöinu í dag.
Einn sérstæöasti karakter poppsins er án efa
Mike Oldfield.
Hans fyrsta plata, Tubular Bells markaöi
tímamót í sögu poppsins. Á henni lék hann á öll
hljóðfærin sjálfur. Og þaö sem meira er tónlistin,
þróuö síbyljutónlist meö rafmögnuöu ívafi, hlaut
óhemju góöar viötökur gagnrýnenda sem og
almennings.
Frá því Tubular Bells kom út hefur Mike Oldfield
sent frá sér þrjár plötur. Þær hafa allar veriö
sjálfstæöar heildir en þó í beinu framhaldi hver af
annarri.