Morgunblaðið - 19.12.1978, Side 22

22
MORGUNBLAÐIÐ, ÞRIÐJUDAGUR 19. DESEMBER 1978
MORGUNBLAÐIÐ, ÞRIÐJUDAGUR 19. DESEMBER 1978
27
Utgefandí hf. Árvakur, Reykjavík.
Framkvæmdastjóri Haraldur Sveinsson.
Ritstjórar Matthías Johannessen,
Styrmir Gunnarsson.
Ritstjórnarfulltrúi Þorbjörn Guómundsson.
Fróttastjóri Björn Jóhannsson.
Auglýsingastjóri Baldvin Jónsson
Ritstjórn og afgreiósla Aóalstræti 6, sími 10100.
Auglýsingar Aóalstræti 6, sími 22480.
Áskriftargjald 2500.00 kr. ó mónuói innanlands.
I lausasölu 125 kr. eintakið.
Fylgifiskar
verðbólgunn-
ar blasa við
Veröbólgan undanfarin ár hefur verið fimmföld hér á landi
miðað við það sem gerist í nágrannalöndum okkar. Slíkt
ástand hlýtur að hafa geigvænlegar afleiðingar og verka inn á
öll svið þjóðlífsins. Það er ekki aðeins, að æ erfiðara hefur
gengið að halda uppi heilbrigðum atvinnurekstri, heldur
hefur innlendur, frjáls sparnaður dregizt svo saman, að
bankakerfið hefur ekki lengur bolmagn til að standa undir
eðlilegri rekstrarfjárþörf atvinnuveganna, auk þess sem allt
verðmætaskyn hefur brenglazt og virðing manna fyrir
almennum sparnaði beðið alvarlegan hnekki. Það kemur svo
fram í aukinni eyðslu, sem aftur kallar á óeðlilega mikla
eftirsókn í lánsfé. í kjölfar þess siglir spákaupmennska,
svartur markaður með peninga blómstrar og menn keppast
við að festa peninga sína í steinsteypu.
Það er eftirtektarvert, að þó fjárfesting hafi verið hér
tiltölulega mikil, skortir mikið á, að hún hafi verið að sama
skapi hagkvæm. Menn hafa fyrst og fremst verið að hugsa um
að festa peninga sína í húseignum eða öðru því, sem heldur
verðgildi sínu í verðbólgunni, án þess þó að sá sýndargróði sé
skattlagður af því opinbera. Af þessum sökum hafa almenn
arðsemissjónarmið ekki verið hinn ráðandi þáttur í
fjárfestingunni með þeim afleiðingum, að dregið hefur úr
hagvexti og nú er gert ráð fyrir því, að hann verði orðinn það
lítill á næsta ári, að lífskjör beinlínis versni. Við það er stefna
ríkisstjórnarinnar í efnahagsmálum miðuð.
Frjáls verð- og
sparifjármyndun er
forsenda viðnáms
Þingmenn Sjálfstæðisflokksins í fjárhags- og viðskipta-
nefnd neðri deildar, Ólafur G. Einarsson og Matthías Á.
Mathiesen, hafa lagt fram tillögur á Alþingi, sem fela í sér, að
stórlega verði dregið úr opinberum afskiptum af verðmyndun
á peningamarkaði, sem aftur leiðir til þess, að frjáls
sparifjármyndun mun aukast á ný, en í greinargerð segir
m.a.:
„Eðli málsins samkvæmt hlýtur sú gagngera breyting, sem
hér er lögð til, að krefjast margvíslegra umbóta á öðrum
sviðum, einkum að því er varðar verðlagsmál, gjaldeyris- og
skattamál.
Frjáls verðmyndun og virk samkeppni á peningamarkaði
þurfa að fylgjast að, gjaldeyrisviðskipti ættu einnig að verða
greiðari og allir bankar og sparisjóðir að geta fengið leyfi til
að verzla með erlenda mynt. Gengisuppfærsla birgða ætti að
vega á móti gengistryggingu afurðalána."
Þar segir enn fremur:
„Þegar bann við verðtry^gingu fjárskuldbindinga eða
viðmiðun þeirra við skráð gengi erlends gjaldmiðils er fellt úr
gildi, hljóta verðtryggðar fjárskuldbindingar að ryðja sér til
rúms. Innlánsstofnanir laga sig að breyttum aðstæðum, t.d.
að því er varðar verðtryggingu og gengisbindingu lána til
ákveðins tíma og vexti af skammtímalánum. Sparisjóðir geta
sérhæft sig í innlánum og útlánum til langs tíma. Sú
innlánsstofnun, sem bezt er rekin, getur boðið bezt
innlánskjör."
Þessi nýbreytni mun hafa margvísleg áhrif til góðs á hið
sjúka efnahagslíf og enginn vafi er á, að það er rétt, að „þessi
grundvallarbreyting á skipan peningamála er forsenda þess,
að takast megi að vinna bug á verðbólgu, örva atvinnulíf,
auka arðsemi og bæta þar með þjóðarhag. Þetta er leiðin til
að treysta gjaldmiðilinn og nauðsynlegur undanfari
myntbreytingar."
Vörugjaldverði
fellt niður af
hljóðfærum
- sagði Ragnar Amalds á föstudaginn
RAGNAR Arnalds mennta-
málaráðherra lýsti því yfir í
umræðum í efri deild Alþingis
á föstudaginn, að hann væri því
fylgjandi, að vörugjald yrði
afnumið af hljóðfærum. Einn
þingmanna Sjálfstæðisflokks-
ins, Eyjólfur Konráð Jónsson,
kvaðst þá myndu flytja tillögu
þessa efnis, eftir helgina, og
gerði hann það í gær, mánu-
dag. Við umræður um tillögu
Eyjólfs Konráðs sagði mennta-
málaráðherra hins vegar að
hann myndi greiða atkvæði
gegn henni, enda hefði hann
enga tryggingu fyrir því að
tollskrárnúmer þau er Eyjólfur
Konráð væri með væru rétt, og
væri því eðlilegra að fela
fjármálaráðherra málið til
athugunar.
Umræður um vörugjald
hófust sem fyrr segir á föstu-
daginn, er rætt var um tíma-
bundið vörugjald í efri deild.
Þar sagði Ragnar Arnalds, að
mikil gagnrýni hefði komið
fram á það, að hækkað væri
vörugjald á hljóðfærum, og væri
hann þessari gagnrýni sam-
mála. Kvaðst hann vona að
þetta mál yrði tekið til endur-
skoðunar.
Þau Eyjólfur Konráð Jónsson
og Ragnhildur Helgadóttir
kváðust ánægð með þessa yfir-
lýsingu ráðherrans, og Eyjólfur
Konráð kvaðst vilja biðja um
frest á umræðum um málið,
þannig að hann gæti útbúið
tillögu er samrýmdist þessum
skoðunum menntamálaráð-
herra. Tillöguna flutti hann
síðan á fundi efri deildar í gær,
ásamt öðrum þingmönnum
Sjálfstæðisflokksins í deildinni.
Sagði Eyjólfur tillöguna fram
komna vegna ummæla ráðherra,
ekki hefði verið vitað um þessa
afstöðu hans fyrr, og flutnings-
menn vonuðust til að fieiri
stjórnarþingmenn væru sömu
skoðunar og ráðherrann. Sagði
flutningsmaður að þessi
breytingartillaga kostaði ríkið
100 milljónir króna í lækkuðum
tekjum.
Ragnar Arnalds sagði hins
vegar, að hann hefði enga
tryggingu fyrir því að þau
tollskrárnúmer sem Eyjólfur
væri með væru rétt, og jafnvel
þótt svo væri, þá væri eðlilegra
að þetta mál yrði tekið með í
þeirri endurskoðun á vörugjaldi
sem fjármálaráðherra hefði
heitið að láta gera eftir áramót.
Kvaðst hann treysta fjármála-
ráðherra fyllilega til að taka
gjaldið af hljóðfærum þar með,
og myndi hann því greiða
atkvæði gegn því að fella gjaldið
niður nú þegar.
Tómas Arnason fjármálaráð-
herra tók einnig ti' máls, og
sagði hann það rétt vera að
þessi mál yrðu tekin til endur-
skoðunar, en hann kvaðst alveg
neita að gefa yfirlýsingar um
það hvaða vöruflokkar það yrðu
sem vörugjaldið yrði fellt niður
af.
Eyjólfur Konráð sagði, að
menntamálaráðherra þyrfti
ekki að óttast að tollskrár-
númerin væru röng, enda væru
þau fengin hjá sérfræðingum
ríkisstjórnarinnar. Greinilegt
væri hins vegar að fjármálaráð-
herra ætlaði sér alls ekki að
fella gjaldið niður af hljóð-
færum, og því ætti Ragnar
Arnalds að nota tækifærið og
greiða breytingartillögunni
atkvæði.
Þess má geta, að einn þing-
manna Alþýðubandalagsins,
Stefán Jónsson, kom fram með
þá tillögu, að þegar yrði fellt
niður vörugjald af hrossabrest-
um, en beðið yrði með önnur
hljóðfæri. Taldi hann þingmenn
þarna geta hist á miðri leið. —
Enginn þingmanna svaraði
þessum orðum Stefáns.
Atkvæðagreiðsla um málið
mun fara fram síðar, en um-
ræðum var ekki að fullu lokið
um málið í gær.
Greiði atkvæði
gegn niðurfell-
ingu vörugjalds
af hljóðfærum
- sagði Ragnar Arnalds í gær
Biðlaun þingmanna:
t>ingnefnd klofn-
ar í þrennt
MIKLAR umræður urðu í efri
deild Alþingis í gær um frum-
varp um biðlaun þingmanna,
þ.e. að þingmenn skuli hafa
hiðlaun f 3 mánuði eftir að
þingmennsku þeirra lýkur, hafi
þeir setið 4 ár eða lengur á
Alþingi ert 6 mánuði eftir 10
ára þingsetu eða lengri.
Pjárhags- og viðskiptanefnd
deildarinnar klofnaði í málinu.
Fyrsti minnihluti, Jón Helgason
(F) og Geir Gunnarsson (Abl)
lögðu til að frumvarpið yrði
samþykkt óbreytt, eins og það
var afgreitt frá neðri deild.
Annar minnihluti, Eyjólfur
Konráð Jónsson (S), Ágúst
Einarsson (A) og Karl Steinar
Guðnason (Á) lögðu til að
frumvarpið yrði fellt. Ólafur
Ragnar Grímsson (Abl) vildi
samþykkja frumvarpið með
þeirri breytingu að biðlaunin
miðuðust við 3 mánuði og
almennar reglur um þingfarar-
kaup, þ.e. kæmu ekki til viðbótar
hugsanlegum öðrum launum
viðkomenda.
Fjöldi þingmanna tók til máls
en atkvæðagreiðslu um frum-
varpið var frestað.
Álafoss náðist ekki áflot
EKKI tókst að draga ms. Álafoss á flot af strandstað við Hornafjörð seint í gærkvöldi,
þvi að taugin milli skipsins og björgunarskipsins Goðans slitnaði. Á að reyna að ná
skipinu aftur út árdegis nú í dag.
Álafoss var á útleið eftir að hafa tekið sfld í Höfn aðfaranótt laugardags og strandaði
þá á eyrunum rétt innan við Hornafjarðarós. Álafoss átti að vera fyrr á ferðinni en
seinkaði vegna strands Múlafoss í innsiglingunni í síðustu viku, því að Álafoss komst þá
ekki framhjá Múlafossi.
Vilmundur Gylfason:
Forsætisráðherra hefur
velþóknun á vinnu-
brögðum Alþýðuflokks
Vilmundur Gylfason sagði við aðra
umræðu f járlagafrumvarpsins á laug-
ardaginn, að greinilegt væri að Ólafur
Jóhannesson forsætisráðherra hefði
velþóknun á þeim vinnubrögðum
Alþýðuflokksins að leggja fram efna-
hagsmálafrumvarp milli fyrstu og
annarar umræðu fjárlaga. Kvaðst
Vilmundur draga þessar ályktanir af
ummælum er forsætisráðherra lét
falla við umræður utan dagskrár, er
rætt var um á hvern hátt yrði staðið
að afgreiðslu mála fyrir áramót.
Vilmundur þakkaði forsætisráðherra
einnig fyrir þau ummæli er hann hefði
viðhaft um efni tillagna Alþýðuflokks-
ins, og sagði hann að forsætisráðherra
hefði mælst viturlega er hann tók á
jákvæðan hátt undir tillögur Alþýðu-
flokksins.
Ólafur Jóhannesson forsætisráð-
herra var viðstaddur fjárlagaumræð-
una er Vilmundur lét framangreind orð
falla. Hló ráðherra dátt og virtist vera
skemmt undir ræðu Vilmundar, en
hann tók ekki til máls í umræðunum.
Fjárlög verða aijgreidd f>TÍr jól
— segir Ragnar Arnalds
Fjárlög verði ekki afgreidd
— segja Ágúst Einarsson, Karl Steinar
Guðnason og Bragi Sigurjónsson
ÞRÍR þingmanna Alþýðu-
flokksins, _ þeir Bragi Sigur-
jónsson, Ágúst Einarsson og
Karl Steinar Guðnason, lýstu
því yfir á fundi efri deildar í
gærkvöldi, að það væri ósk
Alþýðuflokksins að fjárlögin
yrðu ekki afgreidd fyrr en í
janúar, að loknu jólaleyfi þing-
manna. Ragnar Arnalds,
menntamálaráðherra sagði
hins vegar að ekki kæmi annað
til greina en að afgreiða
fjárlögin fyrir jól, annað væri
fullkomið ábyrgðarleysi.
Ólafur Jóhannesson, forsætis-
ráðherra sagði, að þingstörfum
lyki fyrir jól, en tók ekki fram í
ræðu sinni við umræðurnar,
hvort þá yrði búið að afgreiða
fjárlögin.
Umræðurnar hófust á því að
einn þingmanna Sjálfstæðis-
flokksins, Ragnhildur Helga-
dóttir, óskaði þess að forsætis-
ráðherra upplýsti á hvern hátt
yrði staðið að afgreiðslu mála
nú fyrir jól. Sagði Ragnhildur
að þingmönnum væri haldið við
storf frá morgni til kvölds dag
eftir dag, án þess þó að vitað
væri hvernig afgreiðslu mála
yrði á endanum háttað.
Þingstörfum lýkur fyrir jól
r
— segir Olafur Jóhannesson, forsætisráðherra
Ólafur Jóhannesson sagði, að
„eins og er siglum við hraðbyri
áfram, og gerum ráð fyrir að
ljúka þingstörfum fyrir jólin, í
síðasta lagi á Þorláksmessu,
kannski fyrr ef allt leikur í
lyndi, sem ég vona að verði."
Sagði forsætisráðherra, að
ástæðulaust væri að ætla að
uppstytta í stjórnarsamstarfinu
væri á næsta leyti. Athygli
vakti, að forsætisráðherra sagði
ekkert um það, hvort fjárlög
yrðu afgreidd fyrir jól, er hann
ræddi um að þingstörfum lyki
fyrir þann tíma.
Bragi Sigurjónsson sagði, að
fyrirvari þingmanna Alþýðu-
flokksins um samþykkt fjárlaga,
byggðist á því, hvernig yrði
tekið undir tillögur þeirra um
jafnvægi í efnahagsmálum.
Sagði hann að Alþýðubandalag
og Framsóknarflokkur yrðu að
segja af eða á um hug sinn til
þessara tillagna, áður en fjárlög
yrðu afgreidd. Sagði Bragi að
þessi mál ætti að skoða fram í
janúarmánuð, og þá yrði kannað
hvort grundvöllur væri fyrir því
að grípa til röggsamra og
ákveðinna aðgerða í efnahags-
málum. Sagði hann að mun
betri árangur næðist með þess-
um hætti, heldur en ef hespa
ætti því af fyrir jól. Ekkert
kappsmál væri að afgreiða
fjárlög fyrir jól, það mætti alveg
bíða fram yfir áramótin, líkt og
tíðkaðist við afgreiðslu fjár-
hagsáætlana hjá sveitarfélög-
um.
Ágúst Einarsson tók í sama
streng, og sagði að engin loforð
hefðu verið gefin um að afgreiða
fjárlögin fyrir jól, enda væru
þau ekkert aðalatriði, heldur
hitt, að mótuð verði heildar-
stefna í efnahagsmálum. Sagði
Ágúst það von Alþýðuflokksins,
að viðræður stjórnarflokkanna
um tillögur þeirra gætu hafist
innan skamms. Það gæti svo vel
beðið í þrjár til fjórar vikur að
taka afstöðu til þeirra, en
æskilegt væri að jólaleyfið yrði
notað til þessara athugana og
viðræðna. Karl Steinar Guðna-
són tók í sama streng og þeir
Ágúst og Bragi.
Ragnar Arnalds sagði hins
vegar, að ekki kæmi annað til
greina heldur en að afgreiða
fjárlögin fyrir jól, enda kvaðst
hann ekki trúa því að nokkur
þingmaður sýndi slíkt ábyrgðar-
leysi, að láta það dragast fram á
næsta fjárhagsár. Ragnar ræddi
einnig um tillögur Alþýðu-
flokksins, og sagði hann þær
vera nokkurs konar
fjölmiðlapólitík. sem væru
sniðnar fyrir fjölmiðla ekki
síður en fyrir samstarfs-
flokkana. En sumt í tillögunum
sagði Ragnar vera ágætt, annað
í andstöðu við Alþýðubandalag-
ið, og annað væri þar hvorki
jákvætt né neikvætt, heldur
gersamlega óskiljanlegt. Að
lokum sagði menntamálaráð-
herra, að til greina kæmi að
bíða með samþykkt lánsfjár-
áætlunarinnar þar til eftir
áramót, og ættu Alþýðuflokks-
menn þá að geta vel við unað, en
útilokað væri annað en að
afgreiða fjárlögin fyrir jólaleyfi.
Ágúst Einarsson og Karl
Steinar tóku aftur til máls, og
ítrekuðu afstöðu Alþýðuflokks-
ins. Sagði Ágúst að það hefði oft
gerst að fjárlög hlytu ekki
afgreiðslu fyrir jól, jafnvel hefði
það dregist fram í apríl. Karl
Steinar sagði, að ekki væri unnt
að taka orð Ragnars Arnalds
öðru vísi en sem hótun, og yrðu
þau skoðuð sem slík.
fyrr en í janúar
Friðrik Qlafsson forseti Alþjóðaskáksambandsins:
Nú er að þoka kosninga-
loforðunum áleiðis í höfn
„Það fylgir kosningasigri að standa við kosningaloforðin svo auk allra annarra
verkefna sem forsetaembættinu fylgja, þá verð ég nú að taka til höndunum við að þoka
áleiðis þeim stefnumálum, sem ég setti fram í kosningabaráttunni,“ sagði Friðrik ólafsson
forseti Alþjóðaskáksambandsins, er Mbl. ræddi við hann fyrir helgina, en þá var hann
nýkominn heim úr sinni fyrstu heimsókn sem forseta Fide á skrifstofu sambandsins í
Amsterdam. „Ég sendi því út eins konar dreifibréf til allra skáksambandanna og fleiri
aðila, sem eru tengdir skákinni, þar sem ég áréttaði hugmyndir mínar varðandi
uppbyggingu skákarinnar og gerði grein fyrir því, hver yrðu mín fyrstu skref við að
hrinda þeim í framkvæmd.“
í september sendi Friðrik
Ólafsson út stefnuskrá, þar sem
hann gerði í meginatriðum grein
fyrir sjónarmiðum sínum varð-
andi málefni Fide og fyrir
kosningarnar í Buenos Aires gaf
hann út sérstakt plagg þar sem
hann lagði fram hugmyndir
sínar um útbreiðslu skákarinnar
í heiminum.“ Þessum hugmynd-
um var sérstaklega ætlað að
skírskota til þjóða, þar sem
skákin er skammt á veg komin,
og skáksamböndin eru fjárhags-
lega óburðug og þurfa þess
vegr.a á aðstoð Fide að halda við
uppbyggingu skákarinnar. Það
er fjöldi nýrra aðildarsambanda
í þessari aðstöðu og reyndar
einnig nokkur eldri."
— Ilverjar eru þessar hug-
myndir?
„Ég hef lagt til að komið verði
á laggirnar samræmdu skák-
fræðslukerfi, sem nota mætti til
að kenna skák á öllum stigum, í
skólum, og jafnt ungum sem
gömlum.
Það eru til ótal kennslubækur
í skák en það vantar alla
samræmingu í þetta til að hægt
sé að vinna eftir einhverju
ákveðnu kerfi. Þarna þyrfti Fide
að hafa forystu og gefa út
kennslubækur, sem byggðar
yrðu á því bezta, sem til er. Á
sama hátt yrði Fide að sjá til
þess að til væru hentugar hand-
og leiðbeiningabækur fyrir skák-
kennara.
Svo eru það skákmótin. í
fyrsta lagi eru það skákmót, sem
veita réttindi til stiga og í öðru
lagi mót sem veita réttindi til
titla. I fyrrnefndu mótunum
þurfa að vera níu þátttakendur
með stig til að mótin veiti
réttindi til stiga, þannig að það
gefur auga leið að án utanað-
komandi aðstoðar eiga mörg
skáksambönd í erfiðleikum með
að koma á hjá sér mótum til að
veita heimamönnum tækifæri til
að að öðlast skákstig. Sama er að
segja um titilmótin, en til þess
að mót sé gilt til titla verður
ákveðið hlutfall keppenda að
vera titilhafar.
Til að leysa þennan vanda hef
ég lagt til að unnið verði að því
að gera ferðalög skákmanna
ódýrari, til dæmis með því að fá
flugfélög og önnur fyrirtæki til
að veita skákmönnum afslætti.
Staðreyndin er sú, að þeir
skákmenn, sem eru lágt á
stigatöflunni hafa ekki mikla
möguleika á þátttöku í skákmót-
um, þannig að minnkandi
kostnaður ætti að auðvelda þeim
ferðalög til móta í löndum, sem
nauðsynlega þurfa slíka kepp-
endur til að skapa heimamönn-
um tækifæri á stigum. Þannig
ætti að vera unnt að vinna að því
að gera mótshaldið sem ódýrast
á þessu sviði.
Varðandi titilmótin hef ég lagt
til að á vegum Fide verði
skipulagðar ferðir þekktra skák-
meistara, 3—4 í hóp, sem myndu
þá keppa á mótum, þar sem
heimamenn hefðu möguleika á
að öðlast titla. Á vegum Fide er
til sérstakur sjóður sem verja á
til aðstoðar við lönd, sem eru
skammt á veg komin, og ég hef
hugsað málið þannig að þessi
sjóður yrði notaður til að kosta
slíkar ferðir þekktra skákmeist-
ara. Með slíkum skipulögðum
Friðrik ólafsson
ferðum yrði í raun hægt að slá
margar flugur í einu höggi, því
að þessir skákmeistarar yrðu um
leið tæki til að útbreiða skáklist-
ina og afla henni vinsælda. Við
þekkjum sjálfir af reynslunni
hér heima, hvernig koma
þekktra skákmeistara hefur
smitað út frá sér og þeir eflt
skákáhugann ekki bara með
þátttöku í skákmótum, heldur
einnig með fjölteflum, fyrirlestr-
um og stuttum námskeiðum.
Loks er svo þess að geta
varðandi mótin, að það er ekki
nóg að hafa bara keppendurna,
því að einnig þarf dómara með
réttindi til að halda alþjóðleg
skákmót. Til þess að leysa þann
vanda hef ég lagt til að Fide
gangist fyrir sérstökum nám-
skeiðum þannig að menn í
þessum löndum fái réttindi til að
hafa slíka mótsstjórn með hönd-
um.
— Nú má segja sem svo að
þessar hugmyndir þínar snerti
einkum þá, sem skemmra eru á
veg komnir í skákinni. Hins
vegar ræddir þú einnig fyrir
kjörið um hag atvinnuskák-
mannanna og að Fide gæti
orðið þeim að liði.
„Það er rétt, að margir at-
vinnuskákmenn hafa gagnrýnt
Fide fyrir afskiptaleysi af þeirra
högum, og ég hef lýst yfir að
Fide ætli að láta sig hag þeirra
meira varða.
Það er ýmislegt sem Fide
getur gert til að bæta hag beztu
skákmannanna eins og til dæmis
að setja ákveðnari reglur um
ýmislegt, sem víkur að móts-
haldi.
Ég hef mikinn áhuga á að
koma á betri samvinnu milli
Fide og atvinnuskákmanna held-
ur en verið hefur. í því sambandi
hef ég mikinn hug á að hvetja
atvinnuskákmenn til að taka
virkari þátt í starfsemi Fide, til
dæmis þeim þáttum, þar sem
reynsla þeirra og þekking hljóta
að vega þungt á metaskálunum,
eins og fyrirkomulagi heims-
meistarakeppninnar.
Ákjósanlegt væri að atvinnu-
skákmenn gætu sett á laggirnar
einhvers konar samtök, sem
yrðu málsvari þeirra og í nánum
tengslum við Fide.“ — f j.